Black Sea Wildlife Centre • შავი ზღვის ველური ბუნების ცენტრი

  • Home
  • Georgia
  • Poti
  • Black Sea Wildlife Centre • შავი ზღვის ველური ბუნების ცენტრი

Black Sea Wildlife Centre • შავი ზღვის ველური ბუნების ცენტრი შავი ზღვის ფრინველთა დაკვირვების ცენტრი იკვლევს ფრინველებს და ზრუნავს მათზე. შემოგვიერდით შავი ზღვისპირეთის დასაცავად!

Black Sea Bird Observatory Centre studies, protects and rehabilitates birds on Georgia's Black Sea coast. Black Sea Bird Observatory & Rehab Center monitors bird migration, studies avian populations, and rehabilitates injured birds along Georgia’s Black Sea coast. We aim to protect birdlife through research, conservation, and community engagement. 🌿 Join us in safeguarding Kolkheti’s skies!

💍 პატარა რგოლი - დიდი ინფორმაციაწელს, სანაპიროზე მონიტორინგისას მკვდარი თევზიყლაპია ვიპოვეთ. ფრინველის დათვალიერებისას კ...
30/09/2026

💍 პატარა რგოლი - დიდი ინფორმაცია

წელს, სანაპიროზე მონიტორინგისას მკვდარი თევზიყლაპია ვიპოვეთ. ფრინველის დათვალიერებისას კი ფეხზე რგოლი შევნიშნეთ.

ასეთი რგოლი უბრალოდ ნომერი არ არის, მისი საშუალებით შესაძლებელია გავიგოთ, სად, როდის, რა მდგომარეობაში და ასაკში დაირგოლა ფრინველი 🌍

👉 ამიტომ, თუ ბუნებაში მკვდარ ფრინველს იპოვით, უსაფრთხო დისტანციიდან კარგად დააკვირდით ფეხებს, შესაძლოა რგოლი ჰქონდეს. თუ ნომრის წაკითხვა ან ფოტოს გადაღება შეხების გარეშე შეგიძლიათ, ინფორმაცია აუცილებლად მოგვაწოდეთ.

⚠️ უსაფრთხოება უპირველესია: მკვდარ ფრინველს შიშველი ხელით ნუ შეეხებით. განსაკუთრებით თუ რამდენიმე მკვდარ ან ავადმყოფ ფრინველს აღმოაჩენთ, შეინარჩუნეთ დისტანცია და მოარიდეთ ბავშვები და შინაური ცხოველები.

ერთი პატარა აღმოჩენაც კი შეიძლება მნიშვნელოვანი ინფორმაცია გახდეს ფრინველების მიგრაციისა და სიცოცხლის ისტორიის შესასწავლად. 💚

გააზიარეთ პოსტი რათა სხვებმაც გაიგონ რგოლების მნიშვნელობა და გამოიწერეთ ჩვენი გვერდი, ამით ძალიან გვეხმარებით. 🌊🐦

🐟🌊 უჩვეულო ზუთხი შავი ზღვიდან სამეცნიერო თევზჭერის ფარგლებში წელს ეს საინტერესო ინდივიდი დავიჭირეთ. ვიზუალურად ის საკმაო...
29/09/2026

🐟🌊 უჩვეულო ზუთხი შავი ზღვიდან

სამეცნიერო თევზჭერის ფარგლებში წელს ეს საინტერესო ინდივიდი დავიჭირეთ. ვიზუალურად ის საკმაოდ განსხვავდება სხვა ზუთხებისგან, რომლებსაც კვლევისას ვხვდებით, ამიტომ ერთ-ერთი ვარაუდია, რომ შესაძლოა ჰიბრიდული ინდივიდი იყოს.

🔬 ზუსტი პასუხის გაცემა მხოლოდ გარეგნული ნიშნებით შეუძლებელია, აღებული გენეტიკური ნიმუშის ლაბორატორიული კვლევა დაგვეხმარება გავარკვიოთ, რომელ სახეობას მიეკუთვნება და ნამდვილად გვაქვს თუ არა საქმე ჰიბრიდიზაციასთან.

თქვენი აზრით, რომელი სახეობის ზუთხია ფოტოზე? 👀 დაწერეთ თქვენი ვარაუდი კომენტარებში.

💙 თუ ჩვენი საქმიანობა თქვენთვის საინტერესოა, გააზიარეთ პოსტი და მოიწონეთ ჩვენი გვერდი. ამით გვეხმარებით, რომ უფრო მეტ ადამიანს გავაცნოთ შავი ზღვის უნიკალური ველური ბუნება და მისი დაცვის მნიშვნელობა.

28/09/2026

🦅 ტრადიციული ბაზიერობის როლი ფრინველთა შესწავლაში.

ვიდეოში გამოცდილი ბაზიერი მოკლედ საუბრობს, თუ რატომ ვრგოლავთ ფრინველებს და რას გვასწავლის ეს პროცესი.

ამჯერად კი ჩვენი დარგოლილი ჩია არწივის ბუნებაში დაბრუნების მომენტსაც გიზიარებთ. 💚

🦅 შეხვედრა, რომელიც ორივეს დიდხანს ემახსოვრებათ!დღეს ჩვენი გუნდის მიერ ჩატარებული ფრინველთა დარგოლვის დროს ჩია არწივი (B...
27/09/2026

🦅 შეხვედრა, რომელიც ორივეს დიდხანს ემახსოვრებათ!

დღეს ჩვენი გუნდის მიერ ჩატარებული ფრინველთა დარგოლვის დროს ჩია არწივი (Booted Eagle, Hieraaetus pennatus) დავრგოლეთ.

პროცესს ადგილობრივი მცხოვრებიც შეესწრო და შესაძლებლობა მიეცა, ჩვენი გუნდის ზედამხედველობით, ეს საოცარი ფრინველი ახლოდან ენახა და ხელშიც დაეჭირა. 💚

დარგოლვა საშუალებას გვაძლევს უკეთ შევისწავლოთ ფრინველების მიგრაცია, გადაადგილება და სიცოცხლის ისტორია. თუმცა ჩვენთვის არანაკლებ მნიშვნელოვანია ასეთი შეხვედრები, როდესაც ადგილობრივი ადამიანები თავად ეცნობიან იმ ველურ ბუნებას, რომელიც მათ ირგვლივაა წარმოდგენილი.

🦅 დარგოლვისა და საჭირო მონაცემების შეგროვების შემდეგ ჩია არწივი კვლავ თავისუფლებას-ველურ ბუნებას დაუბრუნდა.

💚 გააზიარეთ პოსტი და გამოიწერეთ ჩვენი გვერდი,საქართველოს ბუნებიდან წინ კიდევ ბევრი საინტერესო ისტორია გველოდება.

📚🦉 სასწავლო წელი დაიწყო!დღეს ათასობით მოსწავლე დაუბრუნდა სკოლას, ახალი ცოდნის, აღმოჩენებისა და თავგადასავლების მოლოდინით...
15/09/2026

📚🦉 სასწავლო წელი დაიწყო!

დღეს ათასობით მოსწავლე დაუბრუნდა სკოლას, ახალი ცოდნის, აღმოჩენებისა და თავგადასავლების მოლოდინით. 💚 ყველა მოსწავლესა და მასწავლებელს წარმატებულ და საინტერესო სასწავლო წელს გისურვებთ! 📚🌱

ჩვენ კი გვინდა, ახალ სასწავლო წელს ერთი სურვილიც გავაყოლოთ: ბავშვებმა რაც შეიძლება მეტი ისწავლონ იმ ბუნების შესახებ, რომელიც მათ გარშემო არსებობს.

ბუნება ერთ-ერთი ყველაზე საინტერესო საკლასო ოთახია სადაც ყველას შეგვიძლია ფრინველების ამოცნობა, მათი ქცევის დაკვირვება, ტყის, მდინარისა თუ ზღვის ეკოსისტემების გაცნობა. 🌿

🐣 ფოტოზე კი ჩვენი პატარა „მოსწავლე“, ბეღელის ბუ - იგივე ბუხრინწაა.

გამოიწერეთ ჩვენი გვერდი, წინ ბევრი საინტერესო ამბავი და აღმოჩენა გველოდებათ. 🐾

🦅 აბა, ვინ არიან ჩვენი დღევანდელი კადრის გმირები? 👀შეგიძლიათ ორივე სახეობის ამოცნობა? თქვენი აზრით, რა სარგებლობა მოაქვთ...
07/09/2026

🦅 აბა, ვინ არიან ჩვენი დღევანდელი კადრის გმირები? 👀

შეგიძლიათ ორივე სახეობის ამოცნობა? თქვენი აზრით, რა სარგებლობა მოაქვთ მათ ბუნებისთვის? 🤔

დაწერეთ თქვენი ვარაუდები კომენტარებში 👇

💚 გამოიწერეთ გვერდი რათა ერთად გავიცნოთ ჩვენი ველური ბუნება!

🌿 თეთრწარბა ოვსადი მიგრაციის გზაზე!მაღალ ღეროზე შემომჯდარი ეს პატარა ფრინველი თეთრწარბა ოვსადია (Saxicola rubetra). მისი...
03/09/2026

🌿 თეთრწარბა ოვსადი მიგრაციის გზაზე!

მაღალ ღეროზე შემომჯდარი ეს პატარა ფრინველი თეთრწარბა ოვსადია (Saxicola rubetra). მისი ამოცნობა თვალის ზემოთ გამავალი მკვეთრი, ღია ფერის „წარბით“ შეიძლება.

თეთრწარბა ოვსადი შორ მანძილზე მიგრანტია, გამრავლების სეზონს ევროპასა და აზიაში ატარებს, გამოსაზამთრებლად კი აფრიკაში, საჰარის სამხრეთით მიფრინავს. მიგრაციის დროს მას ღია მდელოებზე, მინდვრებსა და სანაპიროსპირა ბალახეულ ადგილებში ვხვდებით.

ხშირად მცენარის კენწეროზე ჯდება, იქიდან აკვირდება გარემოს და მწერებზე ნადირობს.

📸 თქვენ შეგიმჩნევიათ ეს პატარა მოგზაური საქართველოში?

💚 გთხოვთ გააზიარეთ პოსტი და გამოიწერეთ ჩვენი გვერდი რათა უკეთ გავიცნოთ ჩვენი გასაოცარი ბუნება!

🐾 ტურა - მავნებელი თუ ეკოსისტემის მნიშვნელოვანი ნაწილი?ტურა (Canis aureus) ხშირად „მავნებელ ცხოველად“ აღიქმება. ბევრგან ...
31/08/2026

🐾 ტურა - მავნებელი თუ ეკოსისტემის მნიშვნელოვანი ნაწილი?

ტურა (Canis aureus) ხშირად „მავნებელ ცხოველად“ აღიქმება. ბევრგან მას დევნიან და კლავენ, რადგან ის შინაურ/გარეულ ფრინველებსა და ცხოველებს საფრთხეს უქმნის.

რა თქმა უნდა, ჩვენც ვამჩნევთ, რომ ჩვენს ზღვისპირეთშიც ტურების რაოდენობა საკმაოდ მაღალია და ადამიანთან კონფლიქტიც რეალური პრობლემაა. თუმცა მხოლოდ იმიტომ, რომ ისინი ბევრნი არიან, არ უნდა დავივიწყოთ მათი ეკოლოგიური მნიშვნელობა.

ჩვენი მაგალითით, ტურა ჩვენი სანაპირო ზოლის ერთგვარი უხილავი სანიტარია, ღამით პოულობს და ჭამს სანაპიროზე გამორიყულ თევზებს, ფრინველებსა და სხვა ცხოველთა ლეშს. ხშირად დილამდე ასუფთავებს იმას, რასაც ჩვენ ვერც კი ვამჩნევთ. ის ასევე იკვებება მღრღნელებით, მწერებითა და სხვა ხელმისაწვდომი საკვებით და ბუნებრივ წონასწორობაში თავის როლს ასრულებს.

ტურების ჭარბი რაოდენობა შეიძლება სხვა პრობლემებზეც მიგვანიშნებდეს, მაგალითად, ღია ნაგავსაყრელებზე, საკვების ნარჩენების მარტივად ხელმისაწვდომობასა და ეკოსისტემაში მიმდინარე ცვლილებებზე. ამიტომ საკითხს მხოლოდ მათი დახოცვისა და ბუნებიდან ამოღების კუთხით არ უნდა შევხედოთ.

გვაინტერესებს თქვენი აზრი და გამოცდილება:

🔸 როგორ უნდა ვმართოთ მათი გაზრდილი რაოდენობა ისე, რომ არც ადამიანმა იზარალოს და არც ბუნებამ?

გაგვიზიარეთ თქვენი მოსაზრება კომენტარებში!

ისლანდიური მექვიშია (Red Knot, Calidris canutus) - ჩვენი კიდევ ერთი საინტერესო სტუმარი 🌊ეს ფრინველი არქტიკის ტუნდრაში ბ...
30/08/2026

ისლანდიური მექვიშია (Red Knot, Calidris canutus) - ჩვენი კიდევ ერთი საინტერესო სტუმარი 🌊

ეს ფრინველი არქტიკის ტუნდრაში ბუდობს, ზამთრის გასატარებლად კი ათასობით კილომეტრს დაფრინავს. ასეთი ხანგრძლივი მოგზაურობისას ჩვენი სანაპიროები მისთვის უმნიშვნელოვანესი „გასაჩერებელი სადგურებია“, აქ ის ისვენებს და დაკარგულ ენერგიას საკვებით ივსებს.

საინტერესო ფაქტი: მიგრაციის დაწყებამდე მისი კუჭი, ნაწლავები და ღვიძლი ზომაში მცირდება, რადგან ხანგრძლივი ფრენისას საჭმლის მომნელებელი სისტემა ნაკლებად სჭირდება. ამავე დროს კი იზრდება გული და საფრენი კუნთები. ეს პატარა ფრინველი ყოველ დიდ მოგზაურობამდე სხეულს „ფრენის რეჟიმზე“ გადართავს! ✈️🐦

📍 დააკვირდით თქვენს შემოგარენს, მიგრაცია უკვე აქტიურად მიმდინარეობს და შესაძლოა, გზად კიდევ არაერთი გამორჩეული მოგზაური შეგხვდეთ!

📸 თუ მსგავსი ფრინველი შეგინიშნავთ, გაგვიზიარეთ ფოტო კომენტარებში და გამოიწერეთ ჩვენი გვერდი რათა ერთად გავიცნოთ ჩვენი ველური ბუნება! 💚

კოკორინა ბეღურები უკვე მრავლად არიან ჩვენს სანაპიროზე!ეს პატარა ფრინველი კოკორინა ბეღურაა (Calidris minuta), ინგლისურად ...
29/08/2026

კოკორინა ბეღურები უკვე მრავლად არიან ჩვენს სანაპიროზე!

ეს პატარა ფრინველი კოკორინა ბეღურაა (Calidris minuta), ინგლისურად - Little Stint. სახელის მიუხედავად, ის ბეღურა კი არა, სანაპიროსა და ჭარბტენიანი ტერიტორიების პატარა ფრინველია.

მიგრაციის დროს კოკორინა ბეღურები სველ ქვიშასა და ლაფში სწრაფად გადაადგილდებიან და მცირე უხერხემლოებით იკვებებიან. ახლა ისინი საქართველოს შავი ზღვის სანაპიროზე ისვენებენ და გრძელი მოგზაურობის გასაგრძელებლად საჭირო ენერგიას იმარაგებენ.

📍 თქვენ შეგინიშნავთ სანაპიროზე ასეთი პატარა ფრინველები? გაგვიზიარეთ ფოტოები კომენტარებში!

გამოიწერეთ ჩვენი გვერდი - შემოდგომის მიგრაციის პერიოდში კიდევ ბევრ საინტერესო სტუმარს გაგაცნობთ! 🐦🌊

Address

Poti
4400

Website

Alerts

Be the first to know and let us send you an email when Black Sea Wildlife Centre • შავი ზღვის ველური ბუნების ცენტრი posts news and promotions. Your email address will not be used for any other purpose, and you can unsubscribe at any time.

Shortcuts

Share

Category