ფოთის წმინდა ნიკოლოზის სახელობის ზოგადსაგანმანათლებლო სკოლა

შობამან შენმან ქრისტე ღმერთო, აღმოუბრწყინვა სოფელსა ნათელი მეცნიერებისა, რამეთუ, რომელნი ვარსკულავსა მსახურებენ, ვარსკულავისაგან ისწავეს თაყუანის- ცემაჲ შენი, მზეო სიმართლისაო, რომელი აღმობრწყინდი მაღლით აღმოსავალთად, უფალო დიდება შენდა!

#2026
#გილოცავთახალწელს
#საახალწლოკარნავალი

#5ოქტომბერი🙏❤️
#მასწავლებლისდღე🙏❤️
#მადლობამასწავლებელო🙏❤️

15 სექტემბერი-- ცოდნისა და გამოცდილების შეძენის დასაწყისია. დღე , რომელსაც თან სდევს მასწავლებლის უდიდესი ენერგიის მობილიზება, მოსწავლის განწყობა- მიიღოს განათლება, მშობლის მოლოდინი- რომ ახალმა სასწავლო წელმა უფრო მეტად მყარი საფუძველი შეუქმნას მომავალ თაობას.
სექტემბრის ამ ლამაზ დილას პატარების ჟრიამული ავსებდა ა(ა)იპ საქართველოს საპატრიარქოს ფოთის წმინდა ნიკოლოზის ზოგადსაგანმანათლებლო სკოლის ეზოს. ფოთისა და ხობის მიტროპოლიტმა, მაღალყოვლადუსამღვდელოესმა გრიგოლმა დალოცა მოსწავლეები.
მაღალი აკადემიური მოსწრების მქონე მოსწავლეებს სიგელები გადაეცათ .ასევე, სხვადასხვა კლასგარეშე აქტივობებში მონაწილე მოსწავლეები დაჯილდოვდნენ. მაგრამ ყველას ყურადღება პირველკლასელთა მიმართ იყო მიპყრობილი... სრულიად ბუნებრივია ის განცდა და აღელვება, მათთვის ცხოვრებაში მნიშვნელოვანი ეტაპი იწყება. პედაგოგებმა ელისო გვასალიამ და ნინო მეგრელიშვილმა საზეიმო განწყობა შეუქმნეს პატარებს, სხვადასხვა აქტივობებით გაულამაზეს დაუვიწყარი დღე.
სკოლის ვოკალურმა ანსამბლმა(ხელ-ლი მარინა ცხოიძე) მუსიკალური ნომრები წარმოადგინეს.
მოსწავლეებს, პედაგოგებსა და მშობლებს ვულოცავთ ახალი 2025-26 საწავლო წლის დაწყებას. ცოდნაზე დაფუძნებული საზოგადოება აშენებს წარმატებულ ქვეყანას. პედაგოგებო, გისურვებთ წინსვლასა და კეთილდღეობას თქვენს უკეთილშობილეს საქმეში.

შევხვდებით ძალიან მალე ❤️

სწავლის დაწყებამდე დარჩა 5️⃣ დღე

#ფოთისწმინდანიკოლოზისსკოლა #გახდიწმინდანიკოლოზისსკოლელი
#ახალისასწავლოწელი

ა(ა)იპ საქართველოს საპატრიაქოს ფოთის წმინდა ნიკოლოზის ზოგადსაგანმანათლებლო სკოლის კოლექტივი სიყვარულითა და პატივისცემით ულოცავს დაბადების დღეს ფოთისა და ხობის მიტროპოლიტს, მაღალყოვლადუსამღვდელოეს გრიგოლს. ვუსურვებთ დიდხანს სიცოცხლეს, ჯანმრთელობასა და მხნეობას თქვენი სულიერი შვილებისა და საქართველოს საკეთილდღეოდ.
ქვეყნის თავისუფლებისაკენ სვლის ურთულეს ეპოქაში
თქვენი განვლილი ცხოვრების გზა დიდი სულიერი შთაგონების წყაროა თქვენი სამწყსოსათვის. მიმტევებლობის, სიბრძნის, დიდსულოვნებისა და თავმდაბლობის მაგალითი ბრძანდებით .
თქვენი ლოცვა-კურთხევა არ მოჰკლებოდეს ჩვენს ეპარქიასა და სრულიად საქართველოს.
მრავალჟამიერ თქვენს მეუფებას!

#პირველიადგილი
#თეატრალურიფესტივალი
არჩილ ხორავას სახელობის სახელოვნებო სასწავლებელში გაიმართა იაკობ გოგებაშვილის 185-ე წლისთავისადმი მიძღვნილი კონკურსის ,,თეატრალური ფესტივალი მოსწავლეებისათვის" დასკვნითი ღონისძიება- დაჯილდოება.
ჟიურის გადაწყვეტილებით კონკურსის გამარჯვებული - I ადგილის მფლობელი გახდა ა(ა)იპ საქართველოს საპატრიარქოს ფოთის წმინდა ნიკოლოზის ზოგადსაგანმანათლებლო სკოლის თეატრალური დასი, ქალბატონ ია დავითიშვილისა და მაია ჩარაევას ხელმძღვანელობით.
კომპეტენტურმა ჟიურიმ გამოავლინა სხვადასხვა ნომინაციებში გამარჯვებულნი:
♻️ნომინაციაში ,,ფესტივალის აღმოჩენა" გახდა გიორგი მუსერიძე.
♻️ნომინაციაში ,,ინგილო ქალის როლის საუკეთესო შესრულებისათვის" დაჯილდოვდა სესილი კვირკველია.
♻️ნომინაციაში ,, საუკეთესო ინდივიდუალურობა" -- ტიტული ერგო ელენე კორკელიას.
♻️ნომინაციაში ,,საუკეთესო თეატრალური ქორეოგრაფია".

მადლობას ვუხდით კონკურსის ორგანიზატორებსა და მხარდამჭერებს ქალაქ ფოთის მერიის კულტურისა და სპორტის სამსახური და ქალაქ ფოთის მუნიციპალიტეტის მერიას .

მასწავლებლობა ჯადოსნური პროფესიაა, თითქოს მართლა ჯადოქარი ხარ, ამ პატარა ანთებულ თვალებს დღე რომ უნდა გაუფერადო, გაულამაზო და თან ასწავლო,. მუდმივად ფიქრობ, რა ცოდნა მიუტანო, რა გაატანო ბავშვებს, როგორ მიაწოდო, რომ მერე მთელი ცხოვრება ტკბილ მოგონებად წაჰყვეთ, გონებაში აღებეჭდო და როცა გაუჭირდებათ, ამ მოგონებების სიტკბომ გაუფერადოს მძიმე წუთები.
ყველაფერი 4 წლის წინ დაიწყო, – როგორი იქნება სკოლა, სკოლის პირველი მასწავლებელი და ახალი კლასელები. ამ განცდებით შეაბიჯეს ფეხი სკოლის კედლებში ელისო და მზია მასწავლებლის აღსაზრდელებმა,
ა(ა)იპ საქართველოს საპატრიარქოს ფოთის წმინდა ნიკოლოზის ზოგადსაგანმანთლებლო სკოლის IV(1) და IV(2) კლასის მოსწავლეებმა სიყვარულით, სითბოთი და მადლიერებით აღსავსე დღე გვაჩუქეს,
მადლობა ჩვენი სკოლის პედაგოგებს ელისო გვასალიასა და მზია კაკულიას დაუღალავი შრომისა და წარმატებული პედაგოგიური საქმიანობისათვის. ამის ნათელი დასტური იყო 13 ივნისი ულამაზესი დღე, რომელიც სკოლის ისტორიის ლამაზ ფოლიანტებად აიკინძება,

ჰუმანისტური პედაგოგიკის მეთოდები მოზარდს საშუალებას აძლევს, მაქსიმალურად გამოიყენოს შემოქმედებითი უნარები.
ა(ა)იპ საქართველოს საპატრიარქოს ფოთის წმინდა ნიკოლოზის ზოგადსაგანმანათლებლო სკოლის ქართული ენისა და ლიტერატურის პედაგოგმა ნანა ჟვანიამ, მე-8 კლასის მოსწავლეებს შემოქმედებითი ბიძგი მისცა და ჩაატარა თავისუფალი გაკვეთილი ,, ხელოვნება სულის ზეიმია’’ . აქტივობამ უდიდესი ზემოქმედება მოახდინა მოსწავლეთა სულიერ სამყაროზე, სათანადო მიმართულება მისცა მათ გრძნობებსა და განცდებს. წარმოადგინეს მუსიკალური და ქორეოგრაფიული ნომრები.
ისაუბრეს საკუთარ რეპროდუქციებსა და ხელოვნების რაობაზე.