აკაკი წერეთლის სახელმწიფო უნივერსიტეტი.საზღვაო სატრანსპორტო ფაკულტეტი

🔴 გაცნობებთ, რომ აკაკი წერეთლის სახელმწიფო უნივერსიტეტი 2026 წლის მიღებას განახორციელებს ერთიანი ეროვნული გამოცდების საფუძველზე.
🔴 აბიტურიენტებს შესაძლებლობა აქვთ, საბაკალავრო პროგრამებთან ერთად, პრიორიტეტების მიხედვით აირჩიონ პროფესიული საგანმანათლებლო პროგრამები ან დარეგისტრირდნენ მხოლოდ პროფესიულ საგანმანათლებლო პროგრამებზე.
🔴 მათ, ვისაც მხოლოდ პროფესიულ საგანმანათლებლო პროგრამაზე ჩაბარება სურთ, რეგისტრაცია უნდა გაიარონ პროგრამის შესაბამის ერთ საგანში.
🔴 უნივერსიტეტი 2026 წლის მიღების ფარგლებში გთავაზობთ 12 პროფესიულ საგანმანათლებლო პროგრამას, რომლებზეც ჩარიცხვის წინაპირობას წარმოადგენს მითითებული საგნებიდან ერთ-ერთის ჩაბარება:
1️⃣აღმზრდელი - მათემატიკა / ისტორია;
2️⃣საბიბლიოთეკო საქმე - მათემატიკა / ისტორია;
3️⃣ბუღალტრული აღრიცხვა - მათემატიკა;
4️⃣ადმინისტრაციული სერვისები - მათემატიკა / ისტორია / სამოქალაქო განათლება;
5️⃣ტვირთების ექსპედირება - მათემატიკა / ფიზიკა / გეოგრაფია;
6️⃣ღონისძიების ორგანიზება - მათემატიკა / ისტორია;
7️⃣მოდის ტექნოლოგია და დიზაინი - მათემატიკა / ისტორია / სახვითი და გამოყენებითი ხელოვნება;
8️⃣ტყავის ნაკეთობათა წარმოება - მათემატიკა / ისტორია / ქიმია / ფიზიკა;
9️⃣საავტომობილო გზების მშენებლობა - მათემატიკა / ფიზიკა;
🔟ბაღის დიზაინი - მათემატიკა / ისტორია / ბიოლოგია;
1️⃣1️⃣სარესტორნო მომსახურება - მათემატიკა / ისტორია / გეოგრაფია;
1️⃣2️⃣საბაჟო საქმე - მათემატიკა / ისტორია / სამოქალაქო განათლება.
🌐 რეგისტრაციისთვის ეწვიეთ ბმულს: https://online.naec.ge/defonline/
🌐 ცნობარის სანახავად ეწვიეთ ბმულს: https://bit.ly/4dtUDFP
🌐 ვიდეოინსტრუქციის სანახავად ეწვიეთ ბმულს:
https://www.facebook.com/share/v/1DFADXhrgv/

ერთიანი ეროვნული გამოცდები 2026!

🔷შეფასებისა და გამოცდების ეროვნული ცენტრი 2026 წლის ერთიანი ეროვნული და საერთო სამაგისტრო გამოცდებისთვის რეგისტრაციას 6 აპრილს, 10:00 საათზე დაიწყებს. აბიტურიენტებს და მაგისტრანტობის კანდიდატებს რეგისტრაციის გავლა ელექტრონულად, ცენტრის ვებგვერდზე - online.naec.ge 11 მაისის, 18:00 საათამდე შეეძლებათ.

🔹აუცილებელია, აპლიკანტებმა 6 აპრილის, 10:00 საათიდან 6 მაისის, 18:00 საათამდე უზრუნველყონ ჩასაბარებელი საგნების (არანაკლებ ერთი საგნის) საფასურის გადახდა, რათა მათ რეგისტრაციის დასრულება შეძლონ 11 მაისის, 18:00 საათამდე. აღნიშნულ პერიოდში მათ სხვა საგნების საფასურის გადახდა, საგამოცდო ქალაქისა და საგანმანათლებლო პროგრამების არჩევა/ცვლილება შეეძლებათ.

🔹უმაღლესი განათლების რეფორმის ფარგლებში, სახელმწიფო უნივერსიტეტებში საბაკალავრო და სამაგისტრო საფეხურებზე, ასევე, სახელმწიფო პროფესიული საგანმანათლებლო დაწესებულებების საგანმანათლებლო პროგრამებზე სწავლა სრულად დაფინანსდება სახელმწიფოს მიერ.

🔹აბიტურიენტებს შესაძლებლობა აქვთ, აირჩიონ მათთვის სასურველი რაოდენობის საგანმანათლებლო პროგრამები, როგორც უმაღლესი, ასევე პროფესიული და განსაზღვრონ მათი პრიორიტეტულობა. საგანმანათლებლო პროგრამების დამატება, წაშლა ან/და გადანაცვლება აპელაციის შედეგების გამოქვეყნებიდან მომდევნო დღის 18:00 საათამდე იქნება შესაძლებელი.

🔹შეფასებისა და გამოცდების ეროვნული ცენტრი „ცნობარს აბიტურიენტებისთვის“ რეგისტრაციის დაწყებამდე გამოაქვეყნებს. აღნიშნული დოკუმენტი მოიცავს ინფორმაციას ერთიან ეროვნულ გამოცდებთან დაკავშირებით, მათ შორის, საგანმანათლებლო პროგრამების ჩამონათვალს, გამოცდებზე რეგისტრაციის ინსტრუქციას, საგამოცდო პროცედურებს, პროცესის ეტაპებს და წესებს.

🔹შეფასებისა და გამოცდების ეროვნული ცენტრი მოუწოდებს აბიტურიენტებს, გაეცნონ რეგისტრაციის ვადებს, პროცედურებს და პროცესის ყველა ეტაპი განსაზღვრულ ვადებში გაიარონ.

🔹დეტალური ინფორმაცია რეგისტრაციის პროცესთან დაკავშირებული სხვა საკითხების შესახებ შეფასებისა და გამოცდების ეროვნული ცენტრის ოფიციალურ ვებგვერდსა და სოციალურ ქსელში გამოქვეყნდება.

ნიკო ნიკოლაძის სახელობის სტიპენდიაზე განაცხადების მიღება დაიწყო!

განაცხადები მიიღება და სტიპენდია გაიცემა 2 მიმართულებით:

ფოთელი სტუდენტებისთვის, რომლებიც სწავლობენ საქართველოს ტერიტორიაზე არსებული, ავტორიზებული უმაღლესი საგანმანათლებლო დაწესებულებების პირველი და მეორე საფეხურის პროგრამებზე და რეგისტრირებულნი არიან ქალაქ ფოთში ბოლოო 6 თვის განმავლობაში. პროგრამის ფარგლებში სტიპენდიატი გახდება 30 წარჩინებული სტუდენტი.

​სტიპენდია გაიცემა ქალაქ ფოთის მუნიციპალიტეტის ტერიტორიაზე არსებულ​ი, ავტორიზებულ​ი
უმაღლეს​ი საგანმანათლებლო დაწესებულებების პირველი საფეხურის პროგრამების 5 სტუდენტისათვის, რომლებიც რეგისტრირებულნი არიან ქალაქ ფოთში ბოლო 6 თვის განმავლობაში.

თუ ხარ სტუდენტი და გაქვს 2025-2026 სასწავლო წლის პირველი სემესტრის წარმატებული შედეგები​ - ჩაერთე კონკურსში და მოიპოვე დაფინანსება!

ნიკო ნიკოლაძის სახელობის სტიპენდიის მიზანია სწავლაზე ორიენტირებული, მოტივირებული და წარმატებული ფოთელი სტუდენტების ფინანსური წახალისება.

კონკურსში მონაწილეობისთვის 6 მარტიდან - 7 აპრილის ჩათვლით გამოგზავნეთ განაცხადი მითითებულ ელ.ფოსტაზე: [email protected] ან დოკუმენტაცია წარმოადგინეთ მატერიალური სახით ქალაქ ფოთის მუნიციპალიტეტის მერიაში (მისამართი: აღმაშენებლის ქუჩა N12)

დეტალური ინფორმაცია კონკურსის წესებისა და პირობების შესახებ იხილეთ ბმულზე: https://tinyurl.com/hy3rjbkt