ილია ჭავჭავაძის სახელობის ქ. ფოთის N5 საჯარო სკოლა/Poti Public school N5

23/09/2026

🚀🚀ახალი შესაძლებლობა ჩვენი მოსწავლეებისთვის!
ოქტომბრიდან სსიპ ილია ჭავჭავაძის სახელობის ქალაქ ფოთის N5 საჯარო სკოლაში იხსნება რობოტიკის კლუბი!
💫❤️თუ გიყვარს ტექნოლოგიები, კონსტრუქტორები, საინტერესო გამოწვევები და ახალი იდეების შექმნა, მაშინ რობოტიკის კლუბი შენთვისაა!
კლუბში IV–VI კლასის მოსწავლეები გაეცნობიან:
🔷️რობოტიკისა და ტექნოლოგიების სამყაროს;
🔷️ განივითარებენ ლოგიკურ და შემოქმედებით აზროვნებას;
🔷️ ისწავლიან პრობლემების გადაჭრას პრაქტიკული დავალებებით;
🔷️ააწყობენ და დაპროგრამებენ რობოტებს;
🔷️იმუშავებენ გუნდურად და შექმნიან საკუთარ პროექტებს;
🔷️ მონაწილეობას მიიღებენ სახალისო მისიებსა და ტექნოლოგიურ გამოწვევებში.
💫აქ სწავლა პრაქტიკით, თამაშითა და აღმოჩენებით ხდება!
📆დაწყება: ოქტომბრიდან
👩‍💻 სამიზნე ჯგუფი: IV–VI კლასის მოსწავლეები
🧭შეხვედრები: კვირაში 1 დღე
კლუბს უხელმძღვანელებს: მათემატიკის მასწავლებელი - ლელა წულაია
„აქციე იდეა რეალობად, შეძელი შეუძლებელი!“

22/09/2026

არიან ადამიანები, რომლებიც წლების შემდეგაც არ წყვეტენ კავშირს სკოლასთან და ზრუნავენ მომავალი თაობების ცოდნის გაღრმავებასა და თვალსაწიერის გაფართობაზე.
სწორედ ამის გამოხატულებაა, რომ სკოლის ბიბლიოთეკას საჩუქრად გადაეცა უმნიშვნელოვანესი გამოცემები: ცნობილი ეკონომისტისა და მკვლევრის ომარ შურღაიას მონოგრაფია, რომელშიც წარმოდგენილია სხვადასხვა დროს ეკონომიკის, სოციოლოგიის, დემოგრაფიის, სამართლისა და სხვა საკითხებზე გამოქვეყნებული სტატიები.
ასევე, დინო ბუცატის მოთხრობები, რომელიც იტალიური ენიდან თარგმნა ომარ შურღაიას შვილმა გაგა შურღაიამ- ნეაპოლის უნივერსიტეტის პროფესორმა, ცნობილმა ფილოლოგმა და ვატიკანის სამოციქულო ბიბლიოთეკის მეცნიერ- კონსულტანტმა.
ჩვენთვის განსაკუთრებულად ფასეულია ეს საჩუქარი, რადგან ბატონი ომარ შურღაია მეხუთე სკოლის კურსდამთავრებულია.
სასკოლო საზოგადოების სახელით, უღრმეს მადლობას ვუხდით ბატონ გაგა შურღაიას წიგნების საჩუქრად გადმოცემისათვის და ვუსურვებთ დიდ წარმატებებს სამეცნიერო საქმიანობაში.

21/09/2026

2026-2027 სასწავლო წელი!
წარმატებებს გისურვებთ!

15/09/2026

2026-2027 სასწავლო წელი
საზეიმო დილა სიტყვით გახსნა და სასკოლო საზოგადოებას მიესალმა საბაზო საფეხურის თვითმმართველობის თავმჯდომარე ლიზი დოხნაძე, ხოლო მუსიკალური ნომრებით წარდგნენ: გვანცა შოთნიაშვილი და გიგი შავაძე.
სკოლის დირექტორმა ქ-მა ნონა ჟვანიამ დაასახელა გასული სასწავლო წლის წარჩინებული მოსწავლეები, რომელთაც გადაეცათ სიგელები.
ღონისძიებას ესწრებოდა ქალაქ ფოთის მერიის მუნიციპალიტეტის ადმინისტრაციის სამსახურის უფროსი ქ-ნი გვანცა გვაძაბია.
წარმატებულ და ბედნიერ სასწავლო წელს გისურვებთ!

15/09/2026

ნაყოფიერ და წარმატებულ სასწავლო წელს გისურვებთ!

14/09/2026

2026-2027-ბედნიერი და წარმატებული სასწავლო წელი ყოფილიყოს!
მოვინდომოთ და ვიმუშაოთ ერთად! ჩვენი მთავარი გზავნილი და სურვილია, რომ ეს ახალი სასწავლო წელი იყოს თითოეული თქვენგანისთვის წარმატებული, ნაყოფიერი და სიახლეებით სავსე.
წარმატება არ მოდის თავისით — ის შრომის, ერთმანეთის პატივისცემისა და მიზანსწრაფულობის შედეგია. გვჯერა, რომ ყველა მოსწავლე შეძლებს თავისი შესაძლებლობების მაქსიმუმის გამოვლენას.
კიდევ ერთხელ გილოცავთ ახალი სასწავლო წლის დაწყებას! გისურვებთ ჯანმრთელობას, ენერგიას, მიზნების მიღწევას და ბევრ სასიამოვნო წუთს სკოლის კედლებში!

02/09/2026

პროექტი "ქართულ-ებრაული ურთიერთობების ქრონიკა"

პროექტის ფარგლებში კიდევ ერთი საინტერესო შეხვედრა შედგა.
2 სექტემბერს ჩვენს სკოლაში სტუმრად იმყოფებოდნენ საპატიო სტუმრები: ქალბატონი ლია მეგრელიშვილი- ექიმი, საზოგადო მოღვაწე, ბიზნესვუმენი, ისრაელში ფოთის წარმომადგენელი ქართულ- ებრაულ ურთიერთობებში, ფოთის საპატიო მოქალაქე, ფაზისის აკადემიის საპატიო წევრი;
ქალბატონი ირინე ბიბილეიშვილი- ქართულ- ებრაული სამეცნიერო- კვლევითი და კულტურული ცენტრის- " ფესვები"- დამფუძნებელი და დირექტორი;
ქალბატონი ლია მეგრელიშვილი- ფილოლოგი, ებრაისტი, თარჯიმანი, თბილისის ებრაული სახლის " ხესედ ელიაუს" საბავშვო პროგრამების ხელმძღვანელი.
მოსწავლეებმა სტუმრებს წარუდგინეს პრეზენტაციები განხორციელებული აქტივობების შესახებ, გაუზიარეს გულწრფელი ემოციები, რაც ახლდა
მთელი წლის მანძილზე მიმდინარე მუშაობას.
სკოლის დირექტორმა ქ- მა ნონა ჟვანიამ ისაუბრა პროექტის იდეის, შედეგებისა და მდგრადობის შესახებ.
შეხვედრას ესწრებოდნენ: ქალაქ ფოთის მუნიციპალიტეტის მერიის ადმინისტრაციული სამსახურის უფროსი ქ-ნი გვანცა გვაძაბია;
ასევე, პროექტში ჩართული პედაგოგები და მოსწავლეები.
სასკოლო საზოგადოების სახელით, მადლობას ვუხდით მოწვეულ სტუმრებს საინტერესო შეხვედრისა და პოზიტიური შეფასებებისათვის.

25/08/2026

„ახალგაზრდული ღონისძიებების ხელშეწყობის პროგრამის" ფარგლებში, საქართველოს საჯარო სკოლების მოსწავლეებისთვის ქ.გორში განხორციელდა "რობოტექნიკის საზაფხულო სკოლა", 18 აგვისტოდან 24 აგვისტოს ჩათვლით.
საზაფხულო სკოლაში მონაწილეობდა ჩვენი სკოლის IX კლასის მოსწავლე დემეტრე ჭანტურია.
საზაფხულო სკოლაში მონაწილეებმა მოისმინეს საინტერესო ლექციები თანამედროვე ტექნოლოგიური მიღწევებისა და მასთან დაკავშირებული მეცნიერული კვლევების შესახებ; ასევე, ჩატარდა შემეცნებით - გასართობი ღონისძიებები და ექსკურსიები.
საზაფხულო სკოლის პროგრამამ ხელი შეუწყო მოსწავლეებში მეცნიერების, ტექნოლოგიის, ინჟინერიის, მათემატიკის, რობოტექნიკისა და თანამედროვე ტექნოლოგიური მიღწევების პოპულარიზაციას, კვლევითი უნარებისა და შემოქმედებითი აზროვნების განვითარებას.

25/08/2026

ძვირფასო კურსდამთავრებულებო!
გულწრფელად გილოცავთ ეროვნულ გამოცდებზე მიღწეულ წარმატებას!
ჩვენი სკოლისთვის დიდი სიამაყეა იმის დანახვა, თუ როგორ გადადგით კიდევ ერთი საპასუხისმგებლო და მნიშვნელოვანი ნაბიჯი თქვენი მომავლისკენ. ეს შედეგი თქვენი, თქვენი პედაგოგებისა და მშობლების ერთობლივი შრომის ნაყოფია.
წინ დიდი და საინტერესო სტუდენტური ცხოვრება გელოდებათ. გისურვებთ, რომ სტუდენტობის წლები ყოფილიყოს საინტერესო აღმოჩენებით, დიდი მიზნებითა და ახალი მწვერვალების დაპყრობით სავსე. ირწმუნეთ საკუთარი შესაძლებლობების – თქვენ წინაშე ყველა კარი ღიაა!
იამაყეთ საკუთარი მიღწევებით, გჯეროდეთ საკუთარი თავის და არასდროს შეჩერდეთ!

21/08/2026

პირველკლასელთა მშობლების საყურადღებოდ! ❤️
ჩვენი სკოლის პირველკლასელთა სასკოლო ფორმების რეალიზაცია განხორციელდება სსიპ ნიკო ნიკოლაძის სახელობის ქალაქ ფოთის N2 საჯარო სკოლაში, სპორტულ დარბაზში(იმერეთის ქუჩის მხრიდან).
📅 6 და 7 სექტემბერს
⏰ 11:00-დან 14:00 საათამდე;
✅ გთხოვთ, თან იქონიოთ ბავშვის პირადობის დამადასტურებელი დოკუმენტი.
✅ სოციალურად დაუცველი სტატუსის მქონე მოსწავლეთა მონაცემები გადამოწმდება ადგილზე , შესაბამისად, დამატებითი დოკუმენტაციის წარდგენა საჭირო არ იქნება.
💳 ფორმის შეძენისას გადახდა განხორციელდება მხოლოდ უნაღდო ანგარიშსწორებით — შესაძლებელია საბანკო ბარათით გადახდა (თიბისი, საქართველოს ბანკი);
📌 სასკოლო ფორმების შეძენა შესაძლებელი იქნება 1-დან 14 სექტემბრის ჩათვლით, თუმცა ჩვენი სკოლისათვის გამოყოფილია 6-7 სექტემბერი. გთხოვთ, შევეცადოთ კონკრეტულად ამ დღეს მივაკითხოთ სარეალიზაციო ლოკაციას.
წარმატებულ სასწავლო წელს გისურვებთ!

Send a message to learn more