ქალაქ ფოთის მუნიციპალიტეტმა წელს პირველად ახალი პროექტი ,,საზაფხულო საყმაწვილო კინოსკოლა“ განახორციელა.
პროექტში ქალაქის საჯარო სკოლების 30 მოსწავლე (11- დან 17 -წლამდე) ჩაერთო.
ახალგაზრდები ორი კვირის განმავლობაში ესწრებოდნენ ლექციებს კინოს ისტორიაზე, კინო-საოპერატორო ხელოვნებაზე, რეჟისურაზე, სცენარის წერასა და განვითარებაზე, მოკლემეტრაჟიანი (5-10 წუთიანი), სამოყვარულო ფილმის გადაღებაზე.
საყმაწვილო საზაფხულო კინოსკოლის ფარგლებში გადაღებული იქნა 3 დოკუმენტური ფილმი, რომელიც საერთაშორისო კონკურსებში მიიღებს მონაწილეობას. ოქტომბრის თვეში, თბილისში ჩატარდება საერთაშორისო ფესტივალი სადაც სხვა ფილმებთან ერთად ფოთის კინოსკოლის მოსწავლეთა შემოქმედებითი ჯგუფის მიერ გადაღებული ფილმების ჩვენება გაიმართება.
პროექტში მონაწილეები სიგელებით დააჯილდოვა ქალაქ ფოთის მერმა ბექა ვაჭარაძემ, საკრებულოს თავმჯდომარემ ალექსანდრე ტყებუჩავამ და ასოციაცია ,,სინერამა''-ს ერთ-ერთმა დამფუძნებელმა ზვიად დოლიძემ.
კინოსკოლის ფარგლებში თეორიული და პრაქტიკული მეცადინეობები ჩაუტარეს კვალიფიციურმა და გამოცდილმა პედაგოგებმა:
გიორგი ფხაკაძე – საქართველოს შოთა რუსთაველის თეატრისა და კინოს სახელმწიფო უნივერსიტეტის პედაგოგი 2011 წლიდან დღემდე;
ზვიად დოლიძე- საქართველოს შოთა რუსთაველის თეატრისა და კინოს სახელმწიფო უნივერსიტეტის პედაგოგი (პროფესორი) 1992 წლიდან დღემდე;
გიორგი ხარებავა-საქართველოს შოთა რუსთაველის თეატრისა და კინოს სახელმწიფო უნივერსიტეტის პედაგოგი 2003 წლიდან დღემდე;
ქეთევან ჯანელიძე-საქართველოს შოთა რუსთაველის თეატრისა და კინოს სახელმწიფო უნივერსიტეტის პედაგოგი -1997 -2012 წწ;
ზურაბ ორთავიძე- საქართველოს შოთა რუსთაველის თეატრისა და კინოს სახელმწიფო უნივერსიტეტის პედაგოგი 1998 წლიდან დღემდე;
გიგა ჯაფარიძე-საქართველოს შოთა რუსთაველის თეატრისა და კინოს სახელმწიფო უნივერსიტეტის პედაგოგი 2010 წლიდან დღემდე.
პროექტი განახორციელა ქალაქ ფოთის მუნიციპალიტეტის მერიის კულტურისა და სპორტის სამსახურის, სპორტისა და ახალგაზრდულ საქმეთა განყოფილების მიერ მოწვეული, ტენდერში გამარჯვებული კომპანია ასოციაცია ,,სინერამა''-ს მეშვეობით.
ქალაქ ფოთის მუნიციპალიტეტმა პროექტი დააფინანსა 24 000 ათასი ლარით.
