ოზურგეთის წმიდა გაბრიელ ეპისკოპოსის სახელობის მართლმადიდებლური სკოლა

🌟 სიახლე და დიდი გამარჯვება! პროექტი „მღვიძარე იყვენით, მტკიცედ სდეგით სარწმუნოებასა ზედა“ წარმატებით განხორციელდა!
სიამაყითა და დიდი სიხარულით გვინდა გაგიზიაროთ ოზურგეთის წმ. გაბრიელ ეპისკოპოსის სახელობის მართლმადიდებლური სკოლის კიდევ ერთი დიდი წარმატება. ჩვენმა სკოლამ საპატრიარქოს ახალგაზრდული მოძრაობა „დავითიანნის“ მიერ გამოცხადებულ კონკურსში 5000-ლარიანი გრანტი მოიპოვა!

✨ მოხარულები ვართ აღვნიშნოთ, რომ ამ უმნიშვნელოვანეს პროექტს იდეიდან განხორციელებამდე, კოორდინირებას უწევდა ჩვენი სკოლის გალობისა და ხალხური სიმღერის გუნდის ხელმძღვანელი მარიამ დუმბაძე. პროექტის პროფესიულ და მაღალ დონეზე დაგეგმვაში დიდი წვლილი მიუძღვის პროექტის კონსულტანტს — ზაირა ბერიძეს.

ამასთანავე, პროექტის წარმატებით განხორციელებაში უდიდესი შრომა ჩადეს ჩვენმა ერთგულმა პედაგოგებმა — თეა ასიეშვილმა და ხათუნა სალუქვაძემ, ასევე სკოლის მოსწავლეებმა, რომელთა ჩართულობამაც ეს პროცესი განსაკუთრებული გახადა.

📌 პროექტის მთავარი მიზანი მომავალ თაობაში ქრისტიანული ცხოვრების წესისა და ღირებულებების გავრცელების ხელშეწყობა იყო. ჩვენი მიზანია, აღვზარდოთ ახალი თაობა ღვთის, სამშობლოსა და მოყვასის სიყვარულით, რომელიც ქრისტიანული ფასეულობების გათვალისწინებით იაზროვნებს, შეძლებს თანამედროვე გამოწვევებთან გამკლავებას, საკუთარი და სხვისი უფლებების დაცვას და მუდმივ სწრაფვას განვითარებისკენ.

🔄 რა გაკეთდა პროექტის ფარგლებში?

პარტნიორობისა და მეგობრობის ფარგლებში, შეხვედრები გაიმართა ორ სამიზნე სკოლასთან — ქ. ოზურგეთის #3 საჯარო სკოლასა და სოფელ ოზურგეთის საჯარო სკოლის მოსწავლეებთან.

ამ პერიოდის განმავლობაში:

ჩატარდა საინტერესო შეხვედრები და დისკუსიები სხვადასხვა აქტუალურ თემაზე;

მოეწყო პროექტის ფარგლებში სპეციალურად შექმნილი შემეცნებითი ანიმაციების ჩვენება;

🌐 შეიქმნა პროექტის ოფიციალური საიტი, რომლის დათვალიერებაც შეგიძლიათ ბმულზე: https://orthodox.school.ge/

ჩატარდა ვიქტორინა სპეციალურად მომზადებული ქვიზების გამოყენებით, სადაც გამოვლინდა 3 გამარჯვებული მოსწავლე, რომელთაც საჩუქრად გადაეცათ ბიბლია, ხოლო დანარჩენ მონაწილეებს — ქართველი მწერლების ნაწარმოებები.

⛪ საჩუქარი მონაწილეებს — მოლოცვითი ტურები:
პროექტის დასასრულს, მონაწილე ბავშვებისთვის მოეწყო 2 დაუვიწყარი შემეცნებით-მოლოცვითი ტური საქართველოს წმინდა ადგილებში — მცხეთასა და იმერეთში.

💐 უღრმესი მადლობა პროექტის ავტორებს, კოორდინატორს, კონსულტანტს, მასწავლებლებსა და მოსწავლეებს, რომელთა ენთუზიაზმითა და თავდადებითაც ეს იდეა რეალობად იქცა. მადლობას ვუხდით მოძრაობა „დავითიანს“ ნდობისა და მხარდაჭერისთვის. გვჯერა, რომ ეს პროექტი თითოეული მონაწილის გულში დატოვებს იმ სულიერ და კულტურულ ანარეკლს, რომელზეც ჩვენი მომავალი უნდა აშენდეს!

საფეხბურთო ჩემპიონატის ამსახველი ფოტომასალა

ოზურგეთის წმიდა გაბრიელ ეპისკოპოსის სახელობის მართლმადიდებლური სკოლის ნორჩ ფეხბურთელთა გუნდი (მწვრთნელი: სპორტის მასწავლებელი კახაბერ ტუღუში) მუნიციპალიტეტის სკოლების შეჯიბრებაში მონაწილეობდა. ყველა ეტაპი გაიარა და ბოლოს, ფინალში, მეორე საჯარო სკოლას შეხვდა. დაძაბული ორთაბრძოლა 0:2 ით დასრულდა. ჩვენი სკოლის გუნდმა ვერცხლის თასი აიღო.

ოზურგეთის სკოლათა შორის ჩემპიონატი ფეხბურთში. ფინალი. Enjoy the videos and music you love, upload original content, and share it all with friends, family, and the world on YouTube.

მიმდინარე სასწავლო წლის განმავლობაში ოზურგეთის წმიდა გაბრიელ ეპისკოპოსის სახელობის მართლმადიდებლური სკოლის მშობელთა სათათბირო ორგანომ, ,,მშობელთა დარბაზმა“ რამდენიმე საინტერესო აქტივობა განახორციელა. სათათბირო ჩართული იყო გაბრიელ ეპისკოპოსის მასშტაბურ ღონისძიებაში (ნოემბერი), სკოლას ეხმარებოდა სხვადასხვა მნიშვნელოვანი, მათ შორის სტუმართა მიღება-დახვედრის, საკითხების მოგვარებაში, მონაწილეობდა საპატრიარქოს სხვადასხვა სკოლის მიერ ორგანიზებულ ფესტივალებში მოსწავლეების ტრანსპორტირების პრობლემის მოგვარებაში; პერიოდულად თანამშრომლობდა საქველმოქმედო ორგანიზაცია ,,გურიასთან"_ მაგალითად საშემოდგომო ღონისძიებაში მონაწილეობა; წარმატებით იყენებდა შიდასაკლასო წამომადგენლობით ადამიანურ რესურსს, მაგ, თითოეული წარმომადგენელი_ შვილის კლასში გეგმავდა ღონისძიებებს, გასვლით , არაფორმალურ შეხვედრებს, მაგ. ფილმის ნახვა, მუზეუმში ვიზიტი, სტადიონზე თამაში და სხვ. სათათბირომ მოამზადა ერთგვარი დღიური მე-8 კლასში განხორციელებული აქტივობებისა. (მშობელი: ლ. ლომაძე) 1. განსხვავებულის მიმღებლობა.
განსხვავებულის მიმღებლობა, ტოლერანტობა მნიშვნელოვანი ცნებებია ჰარმონიული სამოქალაქო საზოგადოების განვითარების თვალსაზრისით. სწორედ ამ მიზნით მოეწყო ფილმის ,,კლასის წინ'' ჩვენება Vlll კლასის მოსწავლეებთან ერთად. შეხვედრა ,,ასოციაცია გურიაში" გაიმართა, ორგანიზაციაში, რომელიც მრავალი წელია აწვდის სხვადასხვა სოციალურ სერვისს შეზღუდული შესაძლებლობის მქონე ბავშვებს. ფილმის სიუჟეტი მოგვითხრობს ბიჭის შესახებ, რომელიც პატარაობიდანვე ტერეტის სინდრომით იტანჯება. ის ებრძვის ამ მძიმე დაავადებას და ყველაფერს აკეთებს იმისთვის, რომ მიაღწიოს თავის მიზანს, გახდეს პედაგოგი. მისი მცდელობა უშედეგოდ არ ჩაივლის... მოსწავლეებმა იმსჯელეს საერთო ადამიანური ღირებულებებისა და განსხვავებულობის მიმღებლობის შესახებ. აღნიშნეს, რომ ადამიანის ღირებულება არ განისაზღვრება ფიზიკური მდგომარეობით და რომ მიზნისკენ სწრაფვაში დაბრკოლებებმა ხელი არ უნდა შეგიშალოს.

2. ფილმის ჩვენება
ნოდარ დუმბაძის გენიალური ნაწარმოების, ,,ჰელადოსის" შესწავლისას გადავწყვიტეთ Vlll კლასისთვის მოგვეწყო ფილმის ჩვენება, რადგან: ვიზუალური აღქმა აძლიერებს სწავლებას – ფილმი ეხმარება მოსწავლეებს უკეთ წარმოიდგინონ ეპოქა: ტანსაცმელი, არქიტექტურა, ქალაქი, ყოველდღიური ცხოვრება. ისტორია „ცოცხლდება“ – წიგნში წაკითხული ფაქტები ფილმში ემოციებითა და მოქმედებით ჩანს, რაც თემას უფრო საინტერესოს ხდის. მოტივაციის ზრდა – ფილმის ნახვა ზრდის ინტერესს საგნის მიმართ. კრიტიკული აზროვნების განვითარება – მოსწავლეებს შეუძლიათ შეადარონ ფილმი ლიტერატურულ ნაწარმოებს: რა იყო ნაწარმოებში და რა – მხატვრული დამატება. დამახსოვრების გაუმჯობესება – ვიზუალური და ემოციური გამოცდილება ინფორმაციას უფრო მყარად ამახსოვრებს. ფილმის შემდეგ წარიმართა საინტერესო დისკუსია, განხილვა, აზრების გაზიარება და კითხვებზე პასუხი.
3) აქტივობა „რა მოგწონს ჩემში“ . აღნიშნული აქტივობა მოზარდებს ეხმარება ერთმანეთში აღმოაჩინონ და დააფასონ საუკეთესო თვისებები. ამ აქტივობის დროს მონაწილეები ყურადღებას ამახვილებენ ერთმანეთის დადებით მხარეებზე, რაც აძლიერებს თვითშეფასებას, ავითარებს ემპათიას და ხელს უწყობს ნდობაზე დაფუძნებული ურთიერთობების ჩამოყალიბებას. მოზარდები სწავლობენ კომპლიმენტის სწორად თქმას, ერთმანეთის მოსმენას და განსხვავებულობის პატივისცემას. შედეგად, ჯგუფში იქმნება უფრო მეგობრული და მხარდამჭერი გარემო, სადაც თითოეული მონაწილე თავს დაფასებულად და მიღებულად გრძნობს.

ა(ა) იპ საქართველოს საპატრიარქოს ოზურგეთის წმიდა გაბრიელ ეპისკოპოსის სახელობის მართლმადიდებლური სკოლის მე-9 კლასის მოსწავლეებმა სტუმრად მოიწვიეს 2008 წლის აგვისტოს ომის მონაწილე იოსებ დანელია. იოსები ომში გამოჩენილი მამაცობისთვის ქაქუცა ჩოლოყაშვილის მედლით არის დაჯილდოებული. მისი სამივე შვილი ამ სკოლის მოსწავლეა. უფროსი , თამარი, კი მე-9 კლასის მოსწავლეა.
შეხვედრა საინტერესოდ წარიმართა, იოსებმა უპასუხა მოსწავლეების შეკითხვებს, გაიხსენა ისტორიები, ადამიანები, რომლებთან ერთადაც იბრძოდა,თუმცა მისთვის, როგორც აღნიშნა ,მძიმე იყო იმ დღეების გახსენება.

ვიზიტი სოციალურ საწარმოში
სამოქალაქო განათლების ფარგლებში მე-11 კლასის მოსწავლეებმა განახორციელეს პროექტი: “ბიზნესი უკეთესი მომავლისთვის”.
პროექტის მიზანი: მოსწავლეებმა გააცნობიერონ სოციალური მეწარმეობის არსი, როგორც ეკონომიკური გაძლიერებისა და სოციალური პასუხისმგებლობის ბალანსი.
პროექტის ფარგლებში მოსწავლეები ეწვივნენ საწარმოს “ვატულოს პროფილაქტიკა”, რომლის მენეჯერი ჩვენი სკოლის კურსდამთავრებული სერგი კალანდაძეა. ამ საწარმოში დასაქმებულია 10 პირი, საწარმო მონაწილეობს სხვადასხვა სოციალურ პროექტში.
მოსწავლეები გაეცნენ საწარმოს არსს, მონაწილეობა მიიღეს მათთვის გამართულ ვორქშოპში.

წიგნის საერთაშორისო დღის მარათონი ბიბლიოთეკარის, მაია ჟღენტის ინიციატივით დაიწყო და მესამეკლასელებისთვის (მასწავლებელი ი. ქილიფთარი) სათანადო ლიტერატურის შერჩევით გაგრძელდა.

ოზურგეთის წმინდა გაბრიელ ეპისკოპოსის სახელობის მართლმადიდებლური სკოლის ბიბლიოთეკა ის სივრცეა, რომელშიც ყოველდღიურად იმართება სხვადასხვა შემეცნებითი ღონისძიება: ფილმის ჩვენება, საკლუბო შეხვედრები, მოსწავლეთა იდეების განხილვა თუ მცირე კონფერენციები... ბიბლიოთეკარი მაია ჟღენტი ხშირად ამ შეხვედრების ინიციატორიცაა, განსაკუთრებით მაშინ, როცა ღონისძიების პრიირიტეტი წიგნიერებაა. ამჯერად მარათონი წიგნის საერთაშორის დღით დაიწყო და რამდენიმე კვირა მოიცვა. მოუთმენლად ელოდნენ მეოთხეკლასელები ამ დღეს (ბიბლიოთეკარი მ. ჟღენტი, კლასის დამრიგებელი: მ. ჩოლაბარგია, ქართული ენისა და ლიტერატურის მასწავლებელი: ხ. გულბიანი). სახალისო იყო ჩუქების პროცესი, სასურველი წიგნების მიღება კი_ სასიამოვნო!!.