სსიპ დაბა ლენტეხის N2 საჯარო სკოლა

16 და 17 მაისს სსიპ დაბა ლენტეხის N2 საჯარო სკოლის XII კლასის მოსწავლეებმა საგანმანათლებლო-შემეცნებითი ექსკურსია მოაწყვეს XI-X კლასთან ერთად , რომლის მიზანი იყო ისტორიული და კულტურული ღირსშესანიშნაობების მონახულება, ცოდნის გაღრმავება და მოსწავლეთა შორის მეგობრული ურთიერთობების განმტკიცება.
ექსკურსიის ფარგლებში მოსწავლეებმა დაათვალიერეს საინტერესო ადგილები სამცხე ჯავახეთის მხარეში ( ბორჯომი , ახალციხე ,ასპინძა, ხერთვისი, ვარძია ) ახალი შთაბეჭდილებები და სასიამოვნოდ გატარებული დრო სამუდამოდ აღებეჭდებათ ცნობიერებაში.
XII კლასის მოსწავლეები ამ ღონისძიებით გავაცილეთ სკოლიდან და ვუსურვეთ მშვიდობიან, ერთიან და ბედნიერ საქართველოში ცხოვრება.
ახალ ასპარეზზე სკოლა მუდამ მხარს დაუჭერს და უგულშემატკივრებს მათ.
მადლობას ვუხდით ყველა მონაწილეს, ორგანიზატორებსა და მშობლებს ამ ლამაზი და დაუვიწყარი დღისათვის.

ბულინგთან ბრძოლის დღე აღნიშნეს სამოქალაქო კლუბის ინიციატივით სსიპ დაბა ლენტეხის N2 საჯარო სკოლაში.
შეხვედრის მიზანი იყო ბულინგის პრევენცია და სკოლაში უსაფრთხო და მეგობრული გარემოს შექმნის ხელშეწყობა.
მოსწავლეებმა უყურეს ფილმს - ,,საოცრება".
ფილმის დასრულების შემდეგ გაიმართა დისკუსია. მოსწავლეებმა ისაუბრეს მეგობრობის, ურთიერთპატივისცემისა და თანადგომის მნიშვნელობაზე. ყურადღება გაამახვილეს ბულინგის უარყოფით შედეგებზე.
❗️არა ბულინგს — კი მეგობრობასა და პატივისცემას!

სსიპ დაბა ლენტეხის N2 საჯარო სკოლაში დაწყებითი კლასების მოსწავლეებმა უყურეს უკვდავ და კლასიკად ქცეულ მულტიპლიკაციურ ფილმს „ჩხიკვთა ქორწილი“.
ღონისძიების მიზანი იყო მედიაწიგნიერების ხელშეწყობა - რეალობისა და ფანტაზიის ეპიზოდების ამოცნობა, დაკვირვების უნარის, ყურადღების კონცენტრაციისა და კრიტიკული აზროვნების განვითარება.
მოსწავლეები აქტიურად ჩაერთნენ პროცესში და დიდი ინტერესი გამოიჩინეს აღნიშნული აქტივობის მიმართ.

სსიპ დაბა ლენტეხის N 2 საჯარო სკოლაში „ფინედუს“ წარმომადგენელი გვესტუმრა, გაიმართა მოსწავლეებთან შეხვედრა და ხაზი გაესვა ფინანსური განათლების მნიშვნელობას.
შეხვედრის მიზანი: ფინანსების მართვა- ხარჯები და დანაზოგი...
გარდა თეორიული ინფორმაციისა, მოსწავლეებმა მონაწილეობა მიიღეს საინტერესო აქტივობებსა და პრაქტიკულ დავალებებში, რაც დაეხმარათ მიღებული ცოდნის უკეთ გააზრებასა და ტრანსფერის უნარის გაუმჯობასებაში
შეხვედრა იყო ძალიან სასარგებლო და შინაარსიანი რადგან ბავშვებმა ფინანსურ საკითხებზე ცოდნა რეალური მაგალითებით განამტკიცეს.

მადლობას ვუხდით „ფინედუს“ გუნდს შემეცნებითი შეხვედრისთვის!
#საზოგადოებრივიკათედრა

სსიპ დაბა ლენტეხის N2 საჯარო სკოლაში ჩატარდა ღია გაკვეთილი მათემატიკაში თემაზე - ამოცანების ამოხსნა და მათემატიკური გამოთვლების ტექნიკა
მიზანი - ლოგიკური და შემოქმედებითი აზროვნების განვითარება.
მოსწავლეებმა გამოიჩინეს დიდი ინტერესი და ხალისით ჩაერთნენ საგაკვეთილო პროცესში გამოავლინეს ლოგიკური აზროვნება და შემოქმედებითი უნარები
მადლობა ჩვენს ნაირა (ტვილდიანს) მასწავლებელს საინტერესო და მრავალფეროვანი გაკვეთილის ჩატარებისათვის. ხოლო მოსწავლეებს აქტიურობისა და ჩართულობისათვის.

სკოლაში მოსწავლეებმა წარადგინეს პროექტი, ,,ადრეული ქორწინება",რომლის მიზანი იყო საზოგადოების ინფორმირება ამ პრობლემის შედეგებზე და პრევენციის ხელის შეწყობა .
მათ მოამზადეს კედლის გაზეთი და პრეზენტაცია, სადაც აღნიშნეს, რომ ადრეული ქორწინება ზღუდავს ბავშვის განათლებას, განვითარებას და არღვევს მათ უფლებებს.
პროექტმა კიდევ ერთხელ დაგვანახა, რამდენად მნიშვნელოვანია ბავშვთა დაცვა და ცნობიერების ამაღლება აღნიშნულ საკითხთან დაკავშირებით.
#საზოგადოებრივიკათედრა