ლელიანის ზრდასრულთა განათლების ცენტრი / Leliani Adult Education Center

  • Home
  • Georgia
  • Leliani
  • ლელიანის ზრდასრულთა განათლების ცენტრი / Leliani Adult Education Center

ლელიანის ზრდასრულთა განათლების ცენტრი / Leliani Adult Education Center სწავლა მთელი სიცოცხლის მანძილზე!

ლელიანის ზრდასრულთა განათლების ცენტრი მოსახლეობის პიროვნული და პროფესიული უნარების განვითარების ხელშეწყობის მიზნით ეწევა ზრდასრულთა და მოზარდთა არაფორმალურ განათლებას.

დასახული მიზნის მისაღწევად ცენტრი ორგანიზებას უწევს სხვადასხვა სახის საგანმანათლებლო კურსებს, მრავალფეროვან აქტივობებს, შემეცნებით, კულტურულ და სპორტულ პროგრამებს.

სამოქალაქო ჩართულობის გასაზრდელად ახორციელებს სამიზნე ჯგუფების ინტერესთა დაცვის კამპანიებს, ზრუნავს მათი ეკონომიკური მდგრადობის და ცხოვრების ხარისხის გაზრდაზე.

2013 წლის 27 მარტიდან ლელიანის ზრდასრულთა განათლების ცენტრმა ფუნქციონირება დაიწყო ლაგოდეხის მუნიციპალიტეტის სოფელ ლელიანში DVV international -ის ფინანსური მხარდაჭერით და სათემო ფონდი ,,ლელის“ ორგანიზებით.

ცენტრის ოფიციალურად დაფუძნების თარიღი: 2015 წლის 3 დეკემებრი



➖➖➖➖➖➖➖➖➖➖➖➖

კურსები პროფესიული განვითარებისთვის

💻ციფრული კურსები (ონლაინ):💻
🔸გრაფიკული დიზაინი
🔸ვორდპრეს დეველოპმენტი
🔸გრაფიკული დიზაინერის პორტფოლიოს მომზადება
🔸კონტენტ მენეჯმენტი
🔸სოც.მედია
🔸ციფრული პროექტების მართვა
🔸პრეზენტაციის მომზადება
🔸ფოტოგრაფია (თეორიული ნაწილი)

🏫ცენტრის სივრცეში:🏫
🔸მსუბუქი სამკერვალო ნაწარმის კურსი (გაიცემა განათლების სამინისტროს სერთიფიკატი)
🔸ბუღალტერიის კურსი
🔸მართვის მოწმობის კურსი
🔸კულინარიის კურსი
🔸ხალხური სიმღერის კურსი
🔸ოფის-მენეჯერის კურსი
🔸მენეჯმენტი და მართვა
🔸ხელსაქმის კურსი
🔸ფოტოგრაფია (პრაქტიკული ნაწილი)


კურსები და ტრენინგები პიროვნული განვითარებისთვის:
🔸ინგლისური ენის კურსი
🔸კომპიუტერის კურსი
🔸ლიდერობა და გუნდური მუშაობა
🔸კონსულტაციები:
🔸ონლაინ კონსულტაცია ფსიქოლოგთან

📱 დამღლელი დღის შემდეგ ტელეფონს ხშირად იმისთვის "ვსქროლავთ", რომ დავისვენოთ...😰 მაგრამ 10-წუთიანი უწყინარი სქროლვის შემდ...
05/08/2026

📱 დამღლელი დღის შემდეგ ტელეფონს ხშირად იმისთვის "ვსქროლავთ", რომ დავისვენოთ...

😰 მაგრამ 10-წუთიანი უწყინარი სქროლვის შემდეგ უცებ აღმოვაჩენთ, რომ ხალხი ერთმანეთს კომენტარებში უმოწყალოდ ლანძღავს, ახალი ამბები ნეგატივითაა სავსე და დასვენების ნაცვლად შფოთვა და დაძაბულობა მოაქვს... ვუყურებთ ამ ყველაფერს და გვიჩნდება განცდა, რომ სამყარო საბოლოოდ გაგიჟდა!

🧠 დაღლილ თვალებსა და გაფანტულ ყურადღებას ვინ ჩივის - ამ მოვლენას, რომელსაც დღეს "ტვინის ლპობას“ (Brainrot) ვუწოდებთ, გაცილებით ღრმა შედეგები აქვს. ის პირდაპირ ანგრევს ჩვენს საზოგადოებას და გვაშორებს ერთმანეთს.

💡 როგორ აკეთებს ამას ალგორითმი?

🫧 სოციალური მედიის პლატფორმების მთავარი მიზანი ჩვენი დროის მითვისებაა. ალგორითმები გვიჩვენებენ მხოლოდ იმას, რაც ჩვენს არსებულ აზრებსა და ბრაზს ადასტურებს. შედეგად, ვხვდებით ჩაკეტილ "ბუშტში", სადაც განსხვავებული აზრი მტრულად და მიუღებლად გვეჩვენება.

⚡ კვლევებით დასტურდება, რომ ყალბი ამბავი (Fake News) მაღალი ემოციურობის გამო 6-ჯერ უფრო სწრაფად ვრცელდება, ვიდრე სიმართლე. მეტიც, ყალბმა ინფორმაციამ შეიძლება ჩვენი მეხსიერებაც კი შეცვალოს - დაგვაჯეროს მოვლენები, რომლებიც არასდროს მომხდარა!

🤖ხელოვნური ინტელექტიც ხშირად ისე გვპასუხობს, რომ ჩვენივე მიკერძოებული შეხედულებები გაამყაროს.

YouTube-ის ალგორითმების ვრცელმა კვლევამ აჩვენა, რომ სისტემას მომხმარებლები ეტაპობრივად ზომიერი კონტენტიდან უფრო და უფრო რადიკალური და ექსტრემისტული ვიდეოებისკენ გადაჰყავს.

⚠️ შედეგი? პოლარიზებული და სტრესული გარემო.
როცა ინტერნეტში გავრცელებული ინფორმაციის 75%-ს წუთზე ნაკლებ დროში ვეცნობით, სიღრმესა და კრიტიკულ უნარებს ვკარგავთ. ვხდებით შფოთიანები, აგრესიულები და აღარ შეგვიძლია საერთო ენის გამონახვა მათთან, ვინც ოდნავ განსხვავებულად ფიქრობს.

🌱 როგორ დავიბრუნოთ კონტროლი?

⏳ შევამციროთ ეკრანთან გატარებული უაზრო დრო, მივცეთ ტვინს ნამდვილი დასვენების საშუალება.

🔍 ყოველთვის გადავამოწმოთ წყარო, სანამ პოსტს დავიჯერებთ ან გავაზიარებთ.

🤝 გვახსოვდეს, ეკრანს მიღმა რეალური ადამიანები არიან, რომლებთანაც დიალოგი ყოველთვის შესაძლებელია!

💬 გაგვიზიარე შენი გამოცდილება კომენტარებში - რამდენად ხშირად გრძნობ, რომ სოციალური მედია განწყობას გიფუჭებს და გძაბავს? 👇

📍საინფორმაციო კამპანიის ფარგლებში გამოყენებული გრაფიკული პოსტერები შექმნილია Canva-ს სასწავლო კურსის მონაწილეების მიერ.

📍სათემო ინიციატივა განხორციელდა გერმანიის საგარეო საქმეთა სამინისტროს მიერ დაფინანსებული პროექტის ფარგლებში - "დემოკრატიის ხმები: მედია წიგნიერებისა და სამოქალაქო შესაძლებლობების გაძლიერება საქართველოს რეგიონებში", რომელსაც ახორციელებს DVV International საქართველო.
#ტვინისლპობა

💅კიდევ 16 ქალმა შეისწავლა ფრჩხილის მოვლა! ✅ ორთვიანი სასწავლო კურსის დასრულების შემდეგ ლაგოდეხის სხვადასხვა სოფელში მაცხ...
04/08/2026

💅კიდევ 16 ქალმა შეისწავლა ფრჩხილის მოვლა!

✅ ორთვიანი სასწავლო კურსის დასრულების შემდეგ ლაგოდეხის სხვადასხვა სოფელში მაცხოვრებელ ქალებს შესაძლებლობა გაუჩნდათ, ჩამოყალიბდნენ პროფესიონალებად და დაიწყონ ეკონომიკური საქმიანობა.

📩 შემოდგომის სეზონზე კიდევ ერთ ჯგუფს გავხსნით და დაინტერესებულმა პირებმა შეგიძლიათ, მოგვეწეროთ პირად შეტყობინებაში.

✨ გოგოებო, თქვენ კი წარმატებას გისურვებთ!

💜 ლაგოდეხის სოფლებში მაცხოვრებელი ქალები იურისტსა და ფსიქოლოგს შევახვედრეთ. შეხვედრაზე განვიხილეთ თემა: “ფემიციდი და ქალ...
31/07/2026

💜 ლაგოდეხის სოფლებში მაცხოვრებელი ქალები იურისტსა და ფსიქოლოგს შევახვედრეთ.

შეხვედრაზე განვიხილეთ თემა: “ფემიციდი და ქალთა მიმართ ძალადობის დაძლევის გზები“. მონაწილეებმა არა მხოლოდ მშრალი კანონები და მუხლები მოისმინეს, არამედ საკუთარი უფლებებისა და შესაძლებლობების შესახებ შეიტყვეს:

🔹 იურისტთან ერთად დეტალურად განიხილეს, თუ რა არის შემაკავებელი და დამცავი ორდერები, როგორ მუშაობს ელექტრონული სამაჯური მოძალადის მიმართ და რა სამართლებრივი ბერკეტები არსებობს საკუთარი თავისა და შვილების დასაცავად.

🔹 ფსიქოლოგმა ყურადღება გაამახვილა იმ ფარულ, ტრავმულ ნიშნებზე, რომლებსაც ფსიქოლოგიური ძალადობა ტოვებს და იმაზე, თუ რამდენად მნიშვნელოვანია პირველადი მხარდაჭერა და სწორი კომუნიკაცია.

🔹 ცალკე თემა დაეთმო სტამბოლის კონვენციასა და ქალთა ეკონომიკურ გაძლიერებას, რადგან ფინანსური დამოუკიდებლობა ხშირად სწორედ ის პირველი ნაბიჯია, რომელსაც ქალი უსაფრთხო ცხოვრებისკენ გადადგამს.

ქალებმა ერთმანეთს გაუზიარეს თავიანთი გამოცდილება, დასვეს გულწრფელი შეკითხვები და მიიღეს მთავარი გზავნილი: “შენ მარტო არ ხარ და შენს უფლებებს კანონი იცავს!“

🌱 ღონისძიება ჩატარდა გაეროს განვითარების პროგრამისა (United Nations Development Programme - UNDP) და გერმანიის მთავრობის მხარდაჭერით, პროექტის “კანონის უზენაესობისა და მართლმსაჯულებაზე ხელმისაწვდომობის გაუმჯობესება ყველასთვის“ ფარგლებში, საქართველოს ადვოკატთა ასოციაციასთან ერთად.

Eliso Rukhadze

📱 როდის შეამჩნიეთ ბოლოს, რომ ტელეფონში წაკითხული სტატიიდან ერთი საათის შემდეგ აღარაფერი გახსოვდათ? ან, როცა რაიმე მარტივ...
26/07/2026

📱 როდის შეამჩნიეთ ბოლოს, რომ ტელეფონში წაკითხული სტატიიდან ერთი საათის შემდეგ აღარაფერი გახსოვდათ?

ან, როცა რაიმე მარტივ კითხვაზე პასუხი გჭირდებათ, რას აკეთებთ პირველს? სავარაუდოდ, თითი ავტომატურად მიდის საძიებო სისტემისკენ ან ხელოვნურ ინტელექტთან ჩატისკენ.

ჩვენს გონებას ერთი საინტერესო თვისება აქვს: ის კუნთივითაა. თუ არ ვავარჯიშებთ, ძალას კარგავს. დღეს კი ტექნოლოგიები ჩვენს მაგივრად აზროვნებენ.. ამ პროცესს მეცნიერები “კოგნიტურ განტვირთვას“ (Cognitive Offloading) უწოდებენ.

შედეგი?

❗️შესანიშნავად გვახსოვს სად ვიპოვეთ ინფორმაცია, მაგრამ აღარ გვახსოვს თვითონ ინფორმაციის შინაარსი.

❗️სოციალურ ქსელებში ასობით სხვადასხვა თემას ვავლებთ თვალს 1 წუთზე ნაკლებ დროში. დროთა განმავლობაში გონებას უჭირს სიღრმისეული, რთული ტექსტების გააზრება და ყურადღების ერთ თემაზე დიდხანს შეჩერება.

🧠 ერთ-ერთ ექპერიმენტში სამი ჯგუფი მონაწილეობდა: პირველი ესეებს ხელოვნური ინტელექტის დახმარებით წერდა, მეორე - საძიებო სისტემით, მესამე კი, მხოლოდ საკუთარი გონებით.

4 თვის შემდეგ, ჯგუფმა, რომელიც AI-ს ეყრდნობოდა, ბევრად უფრო ერთფეროვანი, ნაკლებად ორიგინალური და დაბალი ხარისხის ნამუშევრები შექმნა. როდესაც მათ სრულიად დამოუკიდებლად დაწერა სთხოვეს, აღმოჩნდა, რომ დამოუკიდებელი, კრიტიკული მსჯელობის უნარი საგრძნობლად ჰქონდათ დაქვეითებული.

როგორც მედიის თეორეტიკოსი მარშალ მაკლუენი ამბობდა, “მედია თავადაა გზავნილი“. ციფრული ინსტრუმენტები გვაჩვევს პასიურ მოხმარებას, ვიღებთ უამრავ გაფანტულ ინფორმაციას, მაგრამ მისგან სულ უფრო ცოტა ღირებულ ცოდნას ვინახავთ.

💡 კრიტიკული აზროვნება და უწყვეტი სწავლა საუკეთესო ვარჯიშია გონებისთვის!

მზა პასუხების მიღების ნაცვლად, სჯობს, დავსვათ კითხვები, ვიმსჯელოთ და წავიკითხოთ სიღრმისეულად.

📱საინფორმაციო კამპანიის ფარგლებში გამოყენებული გრაფიკული პოსტერები შექმნილია Canva-ს სასწავლო კურსის მონაწილეების მიერ.

📍სათემო ინიციატივა განხორციელდა გერმანიის საგარეო საქმეთა სამინისტროს მიერ დაფინანსებული პროექტის ფარგლებში - "დემოკრატიის ხმები: მედია წიგნიერებისა და სამოქალაქო შესაძლებლობების გაძლიერება საქართველოს რეგიონებში", რომელსაც ახორციელებს DVV International საქართველო.

#ტვინისლპობა

📲 უსასრულო სქროლვას შეუძლია, გამოიწვიოს “ციფრული ნევროზი”!🛋️ წარმოიდგინეთ ჩვეულებრივი საღამო: დაღლილი ბრუნდებით სახლში, ...
24/07/2026

📲 უსასრულო სქროლვას შეუძლია, გამოიწვიოს “ციფრული ნევროზი”!

🛋️ წარმოიდგინეთ ჩვეულებრივი საღამო: დაღლილი ბრუნდებით სახლში, ჯდებით სავარძელში და გადაწყვიტეთ, რომ მხოლოდ 5 წუთით შეგემოწმებინათ სოციალური ქსელი.

📲 თითი ავტომატურად ასრიალებს ეკრანს - მოკლე ვიდეოები, ფერადი სურათები, ცნობილი ადამიანების იდეალური ფოტოები...

⏳ გადის 10 წუთი, ნახევარი საათი, ერთი საათი...

🪫 ხელში გიჭირავთ ტელეფონი, მაგრამ გრძნობთ, რომ ენერგიისგან დაიცალეთ. დასვენების ნაცვლად მოვიდა უმიზეზო შფოთვა, დაღლილობა და სევდა. ნაცნობი შეგრძნებაა?

🫠 დღეს ამ მოვლენას “Brainrot-ს“ (ტვინის ციფრულ გადაღლას) უწოდებენ - მდგომარეობას, როდესაც უსასრულო და ხშირად უშინაარსო კონტენტი ჩვენს ფსიქიკასა და თვითშეფასებას ნელ-ნელა ანგრევს.

🧠 კვლევები საგანგაშო რეალობაზე მეტყველებენ:

📉 მოზარდებში, რომლებიც დღეში 3 საათზე მეტ დროს ატარებენ სოციალურ ქსელებში, შფოთვისა და დეპრესიის განვითარების რისკი 2-ჯერ უფრო იზრდება;

👑 ცნობილი ადამიანების ფოტოებზე “ლაიქების“ რაოდენობაც კი პირდაპირ მოქმედებს ქალების თვითშეფასებაზე - ინსტაგრამის გაპრიალებული კონტენტი აქვეითებს საკუთარი გარეგნობით და, ზოგადად, ცხოვრებით კმაყოფილებას.

⚠️ სქროლვა განსაკუთრებით აზარალებს მოზარდ გოგონებს:

🇬🇧 გაერთიანებულ სამეფოში ჩატარებულმა კვლევამ (Parentkind, 2024) აჩვენა, რომ 16-18 წლის მოზარდების 1/5-ს სოციალური ქსელების გამო უჩნდება შეგრძნება, რომ “ცხოვრება არ ღირს“.

🇺🇸 აშშ-ში 2008-2015 წლებში მოზარდების სუიციდის მაჩვენებელი 100%-ით გაიზარდა. მკვლევარები ამბობენ, რომ ერთ-ერთ მიზეზად შეგვიძლია განვიხილოთ iPhone-ის მასობრივი გავრცელება 2011 წლისთვის (გამოვიდა 2007 წელს).

📍 კოგნიტური გადატვირთვა, უარყოფითი ახალი ამბები და ძალადობრივი კონტენტი ჩვენგან ყოველდღიურად იტაცებს სიმშვიდეს, ზრდის იმპულსურობას და გვაშორებს რეალურ ადამიანურ ურთიერთობებს.

🌱 კარგი ამბავი ის არის, რომ გამოსავალი არსებობს და ის გაცილებით მარტივია, ვიდრე გვგონია!

🔋 1600-ზე მეტ ზრდასრულ ადამიანზე ჩატარებულმა ექსპერიმენტმა აჩვენა, რომ ფეისბუქისგან სულ რაღაც 1-თვიანმა პაუზამ (Digital Detox) საგრძნობლად გაზარდა ემოციური კეთილდღეობა, შეამცირა მარტოობის განცდა და ადამიანებს გაცილებით ბედნიერად აგრძნობინა თავი.
როგორ დავიბრუნოთ სიმშვიდე?

🚫 📵 დააწესეთ ტელეფონისგან თავისუფალი საათები, განსაკუთრებით ძილის წინ და დილით გაღვიძებისას.

🫂 ☕ ჩაანაცვლეთ სქროლვა ცოცხალი ურთიერთობებით - გაატარეთ დრო ოჯახთან, მეგობრებთან ერთად ან დაკავდით საყვარელი ჰობით.

📚 🎨 ისწავლეთ რამე ახალი, რადგან როცა გონება სასარგებლო ცოდნის ათვისებით არის დაკავებული, ციფრული ხმაური თავისთავად უკან იხევს.

✨ 🌿 შეახსენეთ საკუთარ თავს: ნამდვილი ცხოვრება ეკრანს მიღმაა!

💭 რამდენ დროს ატარებთ დღეში სოციალურ ქსელებში და გრძნობთ თუ არა ციფრულ დაღლილობას? გაგვიზიარეთ თქვენი აზრი კომენტარებში.

საინფორმაციო კამპანიის ფარგლებში გამოყენებული გრაფიკული პოსტერები შექმნილია Canva-ს სასწავლო კურსის მონაწილეების მიერ.

📍სათემო ინიციატივა განხორციელდა გერმანიის საგარეო საქმეთა სამინისტროს მიერ დაფინანსებული პროექტის ფარგლებში - "დემოკრატიის ხმები: მედია წიგნიერებისა და სამოქალაქო შესაძლებლობების გაძლიერება საქართველოს რეგიონებში", რომელსაც ახორციელებს DVV International საქართველო.

#ტვინისლპობა

🇺🇸 გავაცილეთ ჩვენი ამერიკელი მოხალისე Alex Kurki, რომელიც2️⃣0️⃣2️⃣4️⃣-2️⃣0️⃣2️⃣6️⃣წლებში მოხალისეობრივ საქმიანობას ეწეოდ...
19/07/2026

🇺🇸 გავაცილეთ ჩვენი ამერიკელი მოხალისე Alex Kurki, რომელიც2️⃣0️⃣2️⃣4️⃣-2️⃣0️⃣2️⃣6️⃣წლებში მოხალისეობრივ საქმიანობას ეწეოდა “ლელიანის ზრდასრულთა განათლების ცენტრში” და წარუშლელი კვალი დატოვა როგორც ორგანიზაციის, ისე თემის განვითარების მიმართულებით.

🤝 ალექს, შენს მიერ გაწეული დაუღალავი შრომა და პასუხისმგებლიანი დამოკიდებულება ორგანიზაციის მიზნების მისაღწევად ფასდაუდებელია. შენი მხარდაჭერა დაგვემთხვა NGO სექტორისა და, ზოგადად, ქვეყნისთვის ყველაზე რთულ პერიოდში - მაშინ, როდესაც ადამიანური და ფინანსური რესურსები თითქმის გაქრა, ორგანიზაციები მთელი ქვეყნის მასშტაბით ერთმანეთის მიყოლებით იხურებოდა და ბევრმა მათგანმა შეწყვიტა ფუნქციონირება.

🖇️ ამ გამოწვევების ფონზე, შენი ძალისხმევა და მოხალისეობრივი მხარდაჭერა იყო უაღრესად დროული და მამოტივირებელი ცენტრის თანამშრომლებისა და ადგილობრივი მოსახლეობისთვის. შენი პროფესიონალიზმი სამაგალითოა ყველასთვის, ხოლო შენ მიერ გაზიარებულ ცოდნასა და შექმნილ რესურსებს ორგანიზაცია გამოიყენებს გრძელვადიანად!

✔️ ალექსმა ახალგაზრდული პროგრამისთვის სხვადასხვა თემაზე საგანმანათლებლო ტრენინგ-მოდულები შეიმუშავა და ისინი ორგანიზაციას ინტელექტუალურ რესურსად დაუტოვა. ახალ მოხალისესთან ერთად ჩვენ აუცილებლად გავაგრძელებთ ამ მოდულების გამოყენებას. ეს სასწავლო პროგრამები მოიცავს ისეთ აქტუალურ თემებს, როგორიცაა:

🔹”ტვინის ლპობა“ (Brain Rot) და ციფრული ჰიგიენა;
🔹ლიდერობა და გუნდური მუშაობა;
🔹ფოტოგრაფია თემის საჭიროებების კვლევასა და ადვოკატირებაში;
🔹პროფორიენტაცია და კარიერის დაგეგმვა;
🔹ხელოვნური ინტელექტის რისკები ახალგაზრდებისთვის;
🔹კრიტიკული აზროვნება და პერსონალური უნარების განვითარება;
🔹აქტიური მოსმენა და პოზიტიური კომუნიკაცია და სხვა.

🎙️ გარდა ამისა, ალექსი ტექნიკურ მხარდაჭერას გვიწევდა სათემო რადიოს ფარგლებში პოდკასტების ჩაწერისას და შექმნა ინგლისური ენის კლუბი.

🇬🇪 დონორების ქვეყნიდან გასვლისა და ორგანიზაციული საქმიანობის შეფერხების დროს, ის ჩვენს უპირობო საყრდენად და იმედად იქცა!

დიდი მადლობა, ალექს, ყველაფრისთვის! წარმატებებს გისურვებთ მომავალ საქმიანობაში!

📱ტელეფონი მხოლოდ დროის შესამოწმებლად ავიღეთ ხელში და... უცებ 40 წუთი სადღაც გაქრა. ნაცნობი სცენარია, არა?ჩვენი ყურადღება...
16/07/2026

📱ტელეფონი მხოლოდ დროის შესამოწმებლად ავიღეთ ხელში და... უცებ 40 წუთი სადღაც გაქრა. ნაცნობი სცენარია, არა?

ჩვენი ყურადღება დღეს ყველაზე ძვირფასი ვალუტაა, რომელსაც სოციალური ქსელები და აპლიკაციები დაუნდობლად გვპარავენ. მაგრამ რეალურ ცხოვრებაში იმდენი საინტერესო რამ ხდება! - ახალი უნარების ათვისება, მეგობრებთან ცოცხალი საუბრები, ბუნებაში სეირნობა თუ უბრალოდ მშვიდად ყოფნა.

📌 გიზიარებთ 6 მარტივ, მაგრამ რეალურად მუშა ხრიკს ციფრული ჰიგიენის დასაცავად:

1️⃣ ებრძოლე ტელეფონს... ტელეფონითვე:

🛡️გამოიყენე სპეციალური აპლიკაციები, რომლებიც დროებით დაგბლოკავს ყველაზე მიმზიდველ პლატფორმებზე, რათა საქმეზე კონცენტრირება შეძლო. სცადე: Opal, Forest, StayFree ან StayFocused.

2️⃣ გამორთე ზედმეტი შეტყობინებები (Notifications):

🔇 სოციალურ ქსელებს არ სჭირდებათ ყოველ წამს შეგახსენონ, რომ ვიღაცამ ახალი პოსტი გამოაქვეყნა. შეცვალე პარამეტრები და დატოვე მხოლოდ სასიცოცხლოდ მნიშვნელოვანი შეტყობინებები (ზარები ოჯახისგან, სამუშაო ჯგუფები, ბანკი). იპოვე სიმშვიდე ამ ციფრულ ხმაურში.

3️⃣ გადაიყვანე ეკრანი შავ-თეთრ რეჟიმში:

🖤 სმარტფონების ფერები სპეციალურად არის შერჩეული იმისათვის, რომ ჩვენი ტვინისთვის ნამდვილი “სატყუარა” გახდეს. როცა ეკრანი უფერული და მოსაწყენი ხდება, მისი ხელში აღების სურვილიც მყისიერად მცირდება. მოძებნე ეს ფუნქცია შენი ტელეფონის Accessibility პარამეტრებში, მართლა საოცარი ეფექტი აქვს!

4️⃣ დააწესე პირადი ციფრული საზღვრები:

⏳რთულია, მაგრამ აუცილებელი. შემოიღე მარტივი წესი: ძილის წინ 1-2 საათით ადრე არანაირი ეკრანი, რათა ტვინმა მშვიდად დასვენება შეძლოს და ძილი მოგიწესრიგდეს. სამუშაო ან სასწავლო საათებში კი აქტიურად გამოიყენე “Do Not Disturb” რეჟიმი.

5️⃣ ფიზიკური დისტანცია საუკეთესო წამალია:

🏃‍♂️ როცა მუშაობ, სწავლობ ან დასაძინებლად ემზადები, დატოვე ტელეფონი სხვა ოთახში. თუ ის ხელმისაწვდომ მანძილზეა, ქვეცნობიერად მაინც მისკენ გაგირბის ხელი. გადი გარეთ, ისეირნე მეგობრებთან ერთად ან დაკავდი საყვარელი ჰობით ისე, რომ ეკრანი ახლოსაც არ გქონდეს.

6️⃣ გაუმხილე შენი გეგმები სხვებს:

🗣️ ფსიქოლოგიაში ამას “წინასწარი ვალდებულება“ (Pre-commitment) ჰქვია. როცა ოჯახის წევრებს ან მეგობრებს უზიარებ, რომ ეკრანთან დროს ამცირებ, ქვეცნობიერად პასუხისმგებლობის გრძნობა გერთვება. სოციალური მხარდაჭერა ყოველთვის ბევრად უფრო ძლიერია, ვიდრე მარტოხელა ნებისყოფა!

✨ გახსოვდეს: ციფრული დეტოქსი არ ნიშნავს ტექნოლოგიების უარყოფას. ეს არის გზა, დაიბრუნო საკუთარი დრო და ყურადღება იმისთვის, რაც რეალურად მნიშვნელოვანია.

რომელი მეთოდის გამოცდას აპირებ დღესვე? გაგვიზიარე კომენტარებში! 👇

საინფორმაციო კამპანიის ფარგლებში გამოყენებული გრაფიკული პოსტერები შექმნილია Canva-ს სასწავლო კურსის მონაწილეების მიერ.

📍სათემო ინიციატივა განხორციელდა გერმანიის საგარეო საქმეთა სამინისტროს მიერ დაფინანსებული პროექტის ფარგლებში - "დემოკრატიის ხმები: მედია წიგნიერებისა და სამოქალაქო შესაძლებლობების გაძლიერება საქართველოს რეგიონებში", რომელსაც ახორციელებს DVV International საქართველო.

#ტვინისლპობა

🕊️ ხანდახან ყველაზე დიდი სიმამაცე იმის აღიარებაა, რომ მხარდაჭერა გვჭირდება. ჩვენს გარშემო უამრავი ქალია, ვინც ვერ საუბრო...
14/07/2026

🕊️ ხანდახან ყველაზე დიდი სიმამაცე იმის აღიარებაა, რომ მხარდაჭერა გვჭირდება.

ჩვენს გარშემო უამრავი ქალია, ვინც ვერ საუბრობს საკუთარ პრობლემებზე, არადა ზოგჯერ უბრალოდ სწორი ინფორმაცია, კვალიფიციური იურისტის ერთი რჩევა ან პროფესიონალის თბილი და მცოდნე სიტყვა გვაძლევს ძალას, რომ უკეთესობისკენ შევცვალოთ ჩვენი ცხოვრება.

ზუსტად ამიტომ, გვინდა შევქმნათ უსაფრთხო და მყუდრო სივრცე, სადაც არ არსებობს უხერხული კითხვები და სადაც თითოეული ქალის ხმა დაცულია.

📅 29 ივლისი, 12:00 - 17:00 სთ

📍 ლელიანის ზრდასრულთა განათლების ცენტრი

✨ რას გთავაზობთ ამ შეხვედრაზე?

ქალთა მიმართ ძალადობის პრევენციის კომიტეტის ფარგლებში, ვიკრიბებით საინფორმაციო შეხვედრაზე: “ქალთა მიმართ ძალადობა და პრევენციის გზები“.

ჩვენთან ერთად იქნება იურისტი და ექსპერტი ელისო რუხაძე. ყვარლის, გურჯაანისა და ლაგოდეხის მოსახლეობას გეძლევათ შესაძლებლობა, სრულიად უფასოდ და ანონიმურად მიიღოთ:

⚖️ იურიდიული კონსულტაცია ნებისმიერ სამართლებრივ საკითხზე.

🧠 ფსიქოლოგიური მხარდაჭერა - სივრცე, სადაც მოგისმენენ და გაგიგებენ.

(შეხვედრა ასევე მნიშვნელოვანი პლატფორმაა ადგილობრივი ადვოკატებისთვის პროფესიული გამოცდილების გასაზიარებლად).

👉 დასწრება და კონსულტაციები სრულიად უფასოა, თუმცა ადგილები შეზღუდულია, ამიტომ გაიარე მარტივი რეგისტრაცია აქ: https://l1nk.dev/rul62nb

გაუზიარე ეს პოსტი მას, ვისაც დღეს ყველაზე მეტად სჭირდება იმის შეხსენება, რომ მარტო არ არის. 💜

📱 “კიდევ 5 წუთიც და დავიძინებ...” - ნაცნობი ფრაზაა, არა?ალბათ ყველას გვქონია მომენტი, როცა საწოლში დაწოლილმა, უბრალოდ, ტ...
08/07/2026

📱 “კიდევ 5 წუთიც და დავიძინებ...” - ნაცნობი ფრაზაა, არა?

ალბათ ყველას გვქონია მომენტი, როცა საწოლში დაწოლილმა, უბრალოდ, ტელეფონი ავიღეთ, თვალის დახამხამებაში კი ორი საათი გავიდა. გარეთ უკვე თენდება, ჩვენ კი მაინც TikTok-ის ან Facebook Reels-ის უსასრულო სქროლვით ვართ დაკავებულები.

🧠 მეცნიერებმა შეისწავლეს 800 ადამიანი და აღმოაჩინეს საგანგაშო რამ: სმარტფონის აქტიური მოხმარებიდან სულ რაღაც 3 თვეში ერთ საქმეზე ფოკუსირების უნარი მკვეთრად გვიმცირდება.

იცით, რატომ გვემართება ეს?

👀 როცა ეკრანზე მოკლე ვიდეოებს სწრაფად ვცვლით, ან ფილმის ყურებისას პარალელურად ტელეფონში ვიხედებით, ჩვენი ტვინი ყოველ ახალ ციმციმზე იღებს დოფამინს - სიამოვნების ჰორმონს. კვლევებით დასტურდება, რომ ონლაინ კონტენტის 75%-ს ერთ წუთზე ნაკლებს ვუყურებთ. სოციალური პლატფორმები ზუსტად ამ ბიოლოგიურ სისუსტეს იყენებენ, რათა ეკრანს მიგვაჯაჭვონ.

📖 ჩვენი გონება ეჩვევა ზედაპირულობას. ამიტომაც გვიჭირს მერე წიგნის წაკითხვა, რთული საქმის ბოლომდე მიყვანა ან თუნდაც იმის გახსენება, გუშინ რა ვისწავლეთ.

როგორც ჩვენს ბანერზე წერია: “ეკრანი იპარავს დროს შეუმჩნევლად”.

🌿 მოდი, შევცვალოთ თამაშის წესები. ამ პოსტის წაკითხვისთანავე, უბრალოდ გადადე ტელეფონი, გადი გარეთ, ღრმად ჩაისუნთქე და და დაუბრუნდი რეალურ სამყაროს!

ვალი ადევნე ჩვენს გვერდს, საინფორმაციო კამპანიის ფარგლებში კიდევ ბევრ საინტერესო და სასარგებლო ინფორმაციას გაგიზიარებთ!

კამპანიის ფარგლებში გამოყენებული გრაფიკული პოსტერები შექმნილია Canva-ს სასწავლო კურსის მონაწილეების მიერ.

📍სათემო ინიციატივა განხორციელდა გერმანიის საგარეო საქმეთა სამინისტროს მიერ დაფინანსებული პროექტის ფარგლებში - "დემოკრატიის ხმები: მედია წიგნიერებისა და სამოქალაქო შესაძლებლობების გაძლიერება საქართველოს რეგიონებში", რომელსაც ახორციელებს DVV International საქართველო.

#ტვინისლპობა

📸 წარმოიდგინე სურათი: კაფეში ზის ოჯახი, პატარა ჭამს და პარალელურად ტელეფონში მულტფილმს უყურებს, იქვე მშობელიც ეკრანს დას...
23/06/2026

📸 წარმოიდგინე სურათი: კაფეში ზის ოჯახი, პატარა ჭამს და პარალელურად ტელეფონში მულტფილმს უყურებს, იქვე მშობელიც ეკრანს დასჩერებია. ნაცნობი კადრია, ხომ?!

⚠️ მშობელს ჰგონია, რომ ამ დროს ბავშვი უბრალოდ ერთობა ან მშვიდდება, თუმცა რეალობა საგანგაშოა! იტალიაში ჩატარებულმა კვლევამ აჩვენა, რომ 3-5 წლის ბავშვების 80%-მა უკვე იცის სმარტფონის გამოყენება, რაც კატასტროფულად ამცირებს მათ ყურადღების კონცენტრაციას, იწვევს აგრესიას, დეპრესიასა და ხშირად ჭარბ წონას.

🗣️ როცა მშობლები ჩვილ ბავშვებთან სმარტფონით ხელში სხედან, მათ შორის კომუნიკაციის ხარისხი იმდენად ეცემა, რომ ეს მომავალში პატარების მეტყველებისა და ემოციების განვითარებას აფერხებს.

📉 “საპიენის ლაბორატორიების” მასშტაბურმა გლობალურმა კვლევამ ფრიად საყურადღებო კანონზომიერება გამოავლინა: რაც უფრო ადრეულ ასაკში იღებს ბავშვი პირველ სმარტფონს, მით უფრო სავალალოა შედეგი ზრდასრულობაში. მაგალითად, იმ გოგონების 74%-ს, რომლებმაც ტელეფონის მოხმარება 6 წლის ასაკში დაიწყეს, დიდობაში ფსიქიკური პრობლემები და სუიციდური აზრები ტანჯავდათ. მაშინ, როცა 18 წლის შემდეგ სმარტფონის მქონეებში ეს მაჩვენებელი თითქმის განახევრებული იყო.

🚫 სწორედ ამიტომ, ჯანმრთელობის მსოფლიო ორგანიზაცია (WHO) მკაცრად გვირჩევს: არანაირი ეკრანი ჭამის დროს, ძილის წინ ან ბავშვის დასამშვიდებლად! თუ გსურს, რომ შენი შვილი ემოციურად მყარი და თავდაჯერებული გაიზარდოს, დაიმახსოვრე ცნობილი ფსიქიატრის, სერჟ ტისერონის “3-6-9-12 ოქროს წესი”:

✅ 3 წლამდე: საერთოდ არანაირი ეკრანი.
✅ 6 წლამდე: არანაირი პირადი სმარტფონი ან სათამაშო კონსოლი.
✅ 9 წლამდე: ინტერნეტის გარეშე (ხოლო შემდეგ - მხოლოდ მშობლის მეთვალყურეობით).
✅ 12 წლამდე: არანაირი სოციალური ქსელი.

💡 უმჯობესია, ბავშვებს ჩვენი დრო და ცოცხალი კომუნიკაცია ვაჩუქოთ, ეს საუკეთესო ინვესტიციაა მათ მომავალში და ფსიქიკურ ჯანმრთელობაში!

თვალი ადევნე ჩვენს გვერდს, საინფორმაციო კამპანიის ფარგლებში კიდევ ბევრ საინტერესო და სასარგებლო ინფორმაციას გაგიზიარებთ!

კამპანიის ფარგლებში გამოყენებული გრაფიკული პოსტერები შექმნილია Canva-ს სასწავლო კურსის მონაწილეების მიერ.

📍სათემო ინიციატივა განხორციელდა გერმანიის საგარეო საქმეთა სამინისტროს მიერ დაფინანსებული პროექტის ფარგლებში - "დემოკრატიის ხმები: მედია წიგნიერებისა და სამოქალაქო შესაძლებლობების გაძლიერება საქართველოს რეგიონებში", რომელსაც ახორციელებს DVV International საქართველო.

კომენტარებში დაგვიწერე, როგორ ფიქრობ, რამდენად რეალისტურია ამ წესების დაცვა თანამედროვე ციფრულ ეპოქაში?

Address

Leliani
2707

Opening Hours

Tuesday 11:00 - 17:00
Wednesday 11:00 - 17:00
Thursday 11:00 - 17:00
Friday 11:00 - 17:00
Saturday 11:00 - 17:00

Telephone

+995598584871

Website

Alerts

Be the first to know and let us send you an email when ლელიანის ზრდასრულთა განათლების ცენტრი / Leliani Adult Education Center posts news and promotions. Your email address will not be used for any other purpose, and you can unsubscribe at any time.

Contact The School

Send a message to ლელიანის ზრდასრულთა განათლების ცენტრი / Leliani Adult Education Center:

Shortcuts

Share

Category