ნიგვზიანის საჯარო სკოლა

15/09/2026

15/09/2026

📚 ახალი სასწავლო წელი ნიგვზიანის საჯარო სკოლაში

📚 წარმატებულ და ნაყოფიერ სასწავლო წელს ვუსურვებთ ჩვენი ქვეყნის ყველა მოსწავლესა თუ პედაგოგს , განსაკუთრებით კი ნიგვზიანის საჯარო სკოლის აღსაზრდელებს, ჩვენს პირველკლასელებს.
გვჯერა, კიდევ ერთი საინტერესო, შემეცნებითი და წარმატებული სასწავლო წელი ექნება თითოეულ თქვენგანს!

📍 სწავლის დაწყება ნიგვზიანის საჯარო სკოლის მოსწავლეებსა და პირველკლასელებს ლანჩხუთის მუნიციპალიტეტის საკრებულოს თავმჯდომარემ და სოფელ ნიგვზიანის მაჟორიტარმა დეპუტატმა, ბატონმა ბესიკ ტაბიძემ მიულოცა.

📍 პირველკლასელებს სახელმწიფოსგან კომპიუტერები გადაეცათ, ხოლო გასული სასწავლო წლის წარჩინებული მოსწავლეები სერტიფიკატებით დაჯილდოვდნენ.

25/08/2026

📜 2026 წლის ერთიანი ეროვნული გამოცდების საბოლოო შედეგები ცნობილია

📍 გულითადად ვულოცავთ ყველა ახალგაზრდას სტუდენტობას, განსაკუთრებული სიხარულით კი ნიგვზიანის საჯარო სკოლის კურსდამთავრებულებს:

1. რუსიძე ნიკოლოზ — საქართველოს ტექნიკური უნივერსიტეტი, მართვის სისტემები, ავტომატიზაცია და ტესტ-ინჟინერინგი;

2. დოლიძე ნიკოლოზ — საქართველოს ტექნიკური უნივერსიტეტი, საინფორმაციო ტექნოლოგიები;

3. ჩხარტიშვილი ლიზი — ბათუმის შოთა რუსთაველის სახელმწიფო უნივერსიტეტი, ჟურნალისტიკა;

4. აბაშიძე გიორგი — გრიგოლ რობაქიძის სახელობის უნივერსიტეტი, სამართალი;

5. ძირკვაძე დავით — გრიგოლ რობაქიძის სახელობის უნივერსიტეტი, საჯარო მმართველობა და პოლიტიკა;

6. სურმანიძე დიმიტრი — ბათუმის ნავიგაციის უნივერსიტეტი, საზღვაო ნავიგაცია;

7. ღორჯომელაძე ანანო — ევროპის უნივერსიტეტი, ვეტერინარია;

8. ჟვანია გიორგი — საქართველოს საერთაშორისო უნივერსიტეტი, სამართალი;

9. გოგიჩაიშვილი ლუკა — ბათუმის უმაღლესი საზღვაო საინჟინრო სასწავლებელი ანრი, საგემბანე განყოფილების ექსპლუატაცია;

10. ხელაძე ლაშა — ბათუმის უმაღლესი საზღვაო საინჟინრო სასწავლებელი ანრი, საგემბანე განყოფილების ექსპლუატაცია.

გვჯერა, რომ სტუდენტობის წლები კიდევ არაერთი გამარჯვების, წარმატებისა და ბედნიერების მომტანი იქნება თქვენთვის!
❤️

06/08/2026

📖 ერთიანი ეროვნული გამოცდების შედეგები

⭕ ნიგვზიანის საჯარო სკოლის კურსდამთავრებულმა, ნიკოლოზ რუსიძემ, ერთიან ეროვნულ გამოცდებზე ინგლისურ ენაში მაქსიმალური 70 ქულიდან 65 ქულა მიიღო.

⭕ გვიხარია თითოეული ჩვენი მოსწავლის დადებითი ნაბიჯები და გვჯერა, რომ ნიკოლოზი მომავალშიც არაერთ მნიშვნელოვან წარმატებას მიაღწევს.

⭕ კიდევ ერთხელ, გულითადად ვულოცავთ ნიკოლოზს ამ სასიხარულო შედეგს!

Amiran Doborjginidze
Fiqria Tughushi

02/08/2026

📚 ერთიანი ეროვნული გამოცდების შედეგები, ნიგვზიანის საჯარო სკოლა

⭕ სსიპ ნიგვზიანის საჯარო სკოლისთვის მიმდინარე წელი განსაკუთრებული სიამაყისა და წარმატების მომტანი აღმოჩნდა.

📍წელს სკოლას 12 კურსდამთავრებული ჰყავს, რომელთა უმრავლესობამ მონაწილეობა მიიღო ერთიანი ეროვნული გამოცდების პროცესში. განსაკუთრებით სასიხარულოა, რომ 8 მათგანმა წარმატებით გადალახა გამოცდების ბარიერი და მოიპოვა საუნივერსიტეტო განათლების მიღების უფლება. ეს შედეგი მათი შრომის, მიზანდასახულობისა და პასუხისმგებლობის ნათელი დასტურია.

📍ამავდროულად, გვინდა აღვნიშნოთ, რომ დანარჩენმა კურსდამთავრებულებმა არჩევანი პროფესიული განათლების მიღებაზე შეაჩერეს. თანამედროვე სამყაროში პროფესიული განათლება არანაკლებ მნიშვნელოვანი და პერსპექტიული გზაა, რომელიც ახალგაზრდებს აძლევს შესაძლებლობას, მოკლე დროში დაეუფლონ მოთხოვნად პროფესიას, დასაქმდნენ, განივითარონ პრაქტიკული უნარები და საკუთარი წვლილი შეიტანონ ქვეყნის განვითარებაში. თითოეული ახალგაზრდის არჩევანი, რომელიც მის ინტერესებს, შესაძლებლობებსა და მომავალ მიზნებს შეესაბამება, პატივსაცემი და დასაფასებელია.

📍ვულოცავთ ჩვენს ყველა კურსდამთავრებულს და გვჯერა, თითოეული მათგანი შეძლებს საკუთარი შესაძლებლობების სრულად გამოვლენას, წარმატებული კარიერის შექმნას.

📍მადლობას ვუხდით ჩვენს პედაგოგებსა და მშობლებს, რომლებმაც ამ მნიშვნელოვანი გზის განმავლობაში ახალგაზრდებს ცოდნით, ზრუნვითა და მხარდაჭერით შეუწყვეს ხელი.

📍ნიგვზიანის საჯარო სკოლა ამაყობს თითოეული კურსდამთავრებულით და გულითადად უსურვებს მათ წარმატებას, პროფესიულ წინსვლას, ბედნიერ მომავალსა და უამრავ ახალ მიღწევას!
❤️
Amiran Doborjginidze
Fiqria Tughushi

11/06/2026

📜 სიბრძნის წიგნი – „ვეფხისტყაოსანი“

⭕ ნიგვზიანის საჯარო სკოლის მე-10 კლასის მოსწავლეებმა ძველი ქართული ლიტერატურის შესწავლა ლიტერატურული ღონისძიებით შეაჯამეს, რომელიც ქართული მწერლობის უკვდავ ძეგლს, „ვეფხისტყაოსანს“ მიეძღვნა.

⭕ მოსწავლეებმა დამსწრე საზოგადოებას წარუდგინეს პოემის გამორჩეული ეპიზოდები, აფორიზმები და ტექსტის მხატვრული ანალიზი. ამ ყველაფრით ნათლად წარმოჩნდა რუსთველისეული მსოფლმხედველობა, ადამიანური ღირსების, მეგობრობის, სიყვარულისა და ერთგულების მარადიული იდეალები.

⭕ ღონისძიებას განსაკუთრებულ ხიბლსა და შთამბეჭდაობას სძენდა ქართული ცეკვები: „ჯეირანი“, „დაისი“ და სხვა.
ქართული სიტყვისა და ეროვნული ცეკვის ჰარმონიულმა შერწყმამ , უდავოდ , მოხიბლა მაყურებელი.

⭕ „ვეფხისტყაოსანი“ მხოლოდ წარსულიდან მიღებული ფასდაუდებელი მემკვიდრეობა არ არის; იგი ცოცხალი წიგნია, რომელიც თაობებს ჰუმანიზმის, ზნეობრივი სიმტკიცისა და მაღალი ადამიანური ღირებულებებისკენ მიუძღვება.

⭕ მადლობას ვუხდით მე-10 კლასის მოსწავლეებს მონდომების, შემოქმედებითი მიდგომისა და ღირსეული წარმოდგენისთვის. მათ კიდევ ერთხელ დაგვანახეს, რომ ქართული ლიტერატურისადმი სიყვარული, ეროვნული კულტურის პატივისცემა და რუსთველისეული იდეალები მათი თაობისათვის კვლავაც აქტუალურია.

📍 მასწავლებელი:
მიხეილ სურგულაძე

08/06/2026

📜 IX კლასის სასკოლო ღონისძიება - ,,არის ასეთი ქვეყანა...“

⭕ ნიგვზიანის საჯარო სკოლის IX კლასის მოსწავლეებმა მაყურებელს, მართლაც, შთამბეჭდავი ღონისძიება აჩუქეს – „არის ასეთი ქვეყანა...“

⭕მათ საქართველოს კუთხეებში საინტერესო გეოგრაფიული და ლიტერატურული მოგზაურობა შემოგვთავაზეს.
მოსწავლეებმა სიყვარულითა და სიამაყით წარმოაჩინეს ჩვენი ქვეყნის ბუნებრივი სილამაზე, ისტორია, კულტურა, ტრადიციები, მდიდარი ლიტერატურულ - არქიტექტურული მემკვიდრეობა.

⭕ თითოეული კუთხე
შთამბეჭდავად გააცოცხლეს სცენაზე, რამაც მაყურებელს კიდევ ერთხელ შეახსენა, თუ რამდენად მრავალფეროვანი, გამორჩეული და უნიკალურია ჩვენი ქვეყანა.

⭕ ღონისძიება გამოირჩეოდა მოსწავლეთა მაღალი ჩართულობით, შემოქმედებითობითა და პასუხისმგებლობით.
ლექსებით, სიმღერებით, ქორეოგრაფიული ნომრებითა და საინტერესო ისტორიებით, ჩვენმა გოგო-ბიჭებმა , უდავოდ, განსაკუთრებული ემოცია შექმნეს და დარბაზში შეკრებილი საზოგადოების დიდი მოწონებაც დაიმსახურეს.

⭕ მადლობა მეცხრეკლასელებს, მათი კლასის ხელმძღვანელსა და გეოგრაფიის მასწავლებელს , მადლენა ჩხარტიშვილს, გაწეული შრომის, საინტერესო სანახაობისა და იმ დაუვიწყარი წუთებისათვის, რომლებიც საქართველოს სიყვარულით, სიამაყითა და პატრიოტული სულისკვეთებით იყო სავსე.
აღსანიშნავია, რომ ღონისძიების მსვლელობას განსაკუთრებული ეფექტურობა,
სწორედ მის მიერ წაკითხულმა ლექსმა შესძინა.

არის ასეთი ქვეყანა, -
მას საქართველო ჰქვია! 🇬🇪❤️

📍 მასწავლებელი:
მადლენა ჩხარტიშვილი

30/05/2026

🇬🇪🇬🇪

29/05/2026

📜 ნიგვზიანის საჯარო სკოლის მე-5 კლასის მიერ წარმოდგენილი სასკოლო ღონისძიება, „ჩემო კარგო ქვეყანავ!“ 🇬🇪

⭕ პატრიოტული სულისკვეთებით, პასუხისმგებლობით, დიდი სიყვარულითა და ბავშვური გულწრფელობით წარდგნენ მაყურებელთა წინაშე მე-5 კლასელები. მათ საქართველოს დამოუკიდებლობის დღეს შთამბეჭდავი და ემოციებით სავსე ღონისძიება მიუძღვნეს.

⭕ მათ მიერ წარმოთქმულ თითოეულ სიტყვაში იგრძნობოდა საქართველოს სიყვარული, ისტორიის პატივისცემა და მისგან გამოწვეული ტკივილი, წინაპართა დაფასება, რაც მთავარია, მომავლის იმედი!
მოსწავლეებმა განსაკუთრებული სისათუთით გაიხსენეს საქართველოს მოუშუშებელი ტკივილი, აფხაზეთი და სამაჩაბლო.
ტაო-კლარჯეთი, როგორც ქართული სულიერებისა და კულტურის ერთ-ერთ უმნიშვნელოვანესი კერა.
ღონისძიების ერთ-ერთ ყველაზე ამაღელვებელ ნაწილად იქცა სრულიად საქართველოს კათოლიკოს-პატრიარქ ილია II-ის გახსენება.
მადლობას ვუხდით ჩვენს მოსწავლეებს სამშობლოს სიყვარულის ამგვარად გამოხატვისათვის , გვჯერა, ამ ქვეყნის ღირსეული მოქალეებიც იქნებით და ყოველთვის იამაყებთ, თუ ,,ვისი გორისა ხართ!“

📍 მასწავლებელი:
მიხეილ სურგულაძე