ნიგვზიანის საჯარო სკოლა

📜 ნიგვზიანის საჯარო სკოლის მე-5 კლასის მიერ წარმოდგენილი სასკოლო ღონისძიება, „ჩემო კარგო ქვეყანავ!“ 🇬🇪

⭕ პატრიოტული სულისკვეთებით, პასუხისმგებლობით, დიდი სიყვარულითა და ბავშვური გულწრფელობით წარდგნენ მაყურებელთა წინაშე მე-5 კლასელები. მათ საქართველოს დამოუკიდებლობის დღეს შთამბეჭდავი და ემოციებით სავსე ღონისძიება მიუძღვნეს.

⭕ მათ მიერ წარმოთქმულ თითოეულ სიტყვაში იგრძნობოდა საქართველოს სიყვარული, ისტორიის პატივისცემა და მისგან გამოწვეული ტკივილი, წინაპართა დაფასება, რაც მთავარია, მომავლის იმედი!
მოსწავლეებმა განსაკუთრებული სისათუთით გაიხსენეს საქართველოს მოუშუშებელი ტკივილი, აფხაზეთი და სამაჩაბლო.
ტაო-კლარჯეთი, როგორც ქართული სულიერებისა და კულტურის ერთ-ერთ უმნიშვნელოვანესი კერა.
ღონისძიების ერთ-ერთ ყველაზე ამაღელვებელ ნაწილად იქცა სრულიად საქართველოს კათოლიკოს-პატრიარქ ილია II-ის გახსენება.
მადლობას ვუხდით ჩვენს მოსწავლეებს სამშობლოს სიყვარულის ამგვარად გამოხატვისათვის , გვჯერა, ამ ქვეყნის ღირსეული მოქალეებიც იქნებით და ყოველთვის იამაყებთ, თუ ,,ვისი გორისა ხართ!“

📍 მასწავლებელი:
მიხეილ სურგულაძე

🇬🇪🇬🇪🇬🇪🇬🇪

წარჩინებული მოსწავლის ყოლა ნებისმიერი სკოლისათვის უდიდესი სიხარული და სიამაყეა, თუმცა ამ განცდას კიდევ უფრო მეტად ამძაფრებს მათი წარმატება უკვე სტუდენტობის პერიოდში და ცხოვრების შემდგომ ეტაპებზე.
თითოეული მიღწევა, თითოეული წინგადადგმული ნაბიჯი, ჩვენთვის იმის დასტურია, რომ სკოლის პერიოდში გაწეული შრომა და მონდომება კეთილ ნაყოფს ნამდვილად იძლევა.
სწორედ ამიტომ, განსაკუთრებული სიხარულითა და სიამაყით გვინდა აღვნიშნოთ, ჩვენი სკოლის კურსდამთავრებულის, ანა სალუქვაძის წარმატება.
უნივერსიტეტში სწავლის პირველივე სემესტრში მიღებული სტიპენდია — ეს მიღწევა არა მხოლოდ ანას დაუღალავი შრომის, პასუხისმგებლობისა და მიზანდასახულობის შედეგია, არამედ იმ ღირებულებებისა და ცოდნის გაგრძელებაც, რომელიც ნიგვზიანის საჯარო სკოლის კედლებიდან დაიწყო.
ანა ყოველთვის გამოირჩეოდა პასუხისმგებლობის მაღალი გრძნობითა და განვითარების მუდმივი სურვილით.
მისი ეს წარმატება კიდევ ერთხელ გვარწმუნებს, რომ მონდომება, შრომა და მიზნის ერთგულება აუცილებლად ფასდება.
გვჯერა, ეს მხოლოდ დასაწყისია იმ დიდი წარმატებებისა, რომლებიც ანას მომავალში ელის.
ვულოცავთ მას ამ მნიშვნელოვან მიღწევას და ვუსურვებთ კიდევ უფრო დიდ წინსვლასა და წარმატებებს როგორც სწავლაში, ისე ცხოვრების გზაზე.
ანა სალუქვაძე

📜 ,,საქართველოს თავისუფლების თამაშების“ გახსნა, დღეს შეჯიბრი გარბენში ჩატარდა

⭕ ბიჭებს შორის პირველი ადგილი მოიპოვეს ნიგვზიანის საჯარო სკოლის მოსწავლეებმა: გიგი გოგიჩაიშვილმა და ნოდიკო ბერიძემ, რომლებმაც გამარჯვება ღირსეული ასპარეზობითა და მაღალი სპორტული მომზადებით დაიმსახურეს.

⭕ გოგონებს შორის კი ბარბარე ანთაძემ და ელენე ღორჯომელაძემ საპატიო მეორე ადგილი დაიკავეს და კიდევ ერთხელ წარმოაჩინეს თავიანთი მონდომება და შესაძლებლობები.

⭕ გამარჯვებულები ლანჩხუთის მუნიციპალიტეტის მერმა, ბატონმა ალექსანდრე სარიშვილმა და საგანმანათლებლო რესურსცენტრის ხელმძღვანელმა, ქალბატონმა ნინო ჩიტაძემ დააჯილდოვეს საპატიო მედლებითა და თასებით.

⭕,,საქართველოს თავისუფლების თამაშები“ ლანჩხუთში მერიის განათლების, კულტურის, ტურიზმის, ძეგლთა დაცვის, სპორტისა და ახალგაზრდულ საქმეთა სამსახურის ორგანიზებით იმართება.

📍მასწავლებლები:
რომან აფხაზავა
ამირან აფხაზავა

🔔🎉❤️

მწუხარებასა და გულისტკივილს გამოვხატავთ ნიგვზიანის საჯარო სკოლის ღვაწლმოსილი პედაგოგის, ფიქრო ჩხარტიშვილის, გარდაცვალების გამო.

ქალბატონი ფიქრო მრავალი წლის განმავლობაში თავდადებით ემსახურებოდა განათლების სფეროსა და მშობლიურ სკოლას.
მისი ცხოვრება მთლიანად უკავშირდებოდა ახალგაზრდა თაობის აღზრდას;
იგი იყო გამორჩეული პედაგოგი, რომლისთვისაც მასწავლებლობა მხოლოდ პროფესია არასოდეს ყოფილა — ეს იყო მისი ცხოვრების მთავარი ნიშა, ყოველდღიური ზრუნვა და უდიდესი პასუხისმგებლობა.

წლების განმავლობაში ფიქრო მასწავლებელმა არაერთ მოსწავლეს გაუკვალა გზა ცოდნისაკენ.
მის მიერ აღზრდილი თაობები დღეს სხვადასხვა სფეროში ღირსეულად აგრძელებენ საქმიანობას და განსაკუთრებული მადლიერებით იხსენებენ მასწავლებელს, რომელმაც მათ არა მხოლოდ საგანი ასწავლა, არამედ შრომის სიყვარული, დისციპლინა და ადამიანების პატივისცემაც ჩაუნერგა.

აღსანიშნავია, რომ მისი პედაგოგიური მოღვაწეობა გამოირჩეოდა პროფესიონალიზმითა და კეთილსინდისიერებით.
კოლეგებისთვის იგი იყო ღირსეული თანამოაზრე, კეთილშობილი ადამიანი და ერთგული მეგობარი.

მისმა სახელმა დიდი ხანია, რაც ღირსეული ადგილი დაიკავა ნიგვზიანის საჯარო სკოლის ისტორიაში, როგორც პედაგოგისა, რომელმაც საკუთარი ცხოვრება განათლების სამსახურს მიუძღვნა.
ის მუდამ დარჩება კოლეგებისა და ყველა იმ ადამიანის გულში, რომელთაც მისი სიკეთე, სიბრძნე და პედაგოგიური ღვაწლი ახსოვს.

ნიგვზიანის საჯარო სკოლა ღრმა მწუხარებას გამოთქვამს და გულწრფელად თანაუგრძნობს განსვენებულის ოჯახსა და ახლობლებს.

ნათელი და მარადიული ხსოვნა ქალბატონი ფიქრო ჩხარტიშვილის სულს!

📜 სპექტაკლი ,, ბოშების“ წარმატებული პრემიერა

⭕ ნიგვზიანის საჯარო სკოლასთან არსებული ინტეგრირებული თეატრალური დასის მიერ შესრულებულმა სპექტაკლმა — ,,ბოშები“ — წარმატებითა და ხანგრძლივი აპლოდისმენტებით ჩაიარა.

⭕ დარბაზი სავსე იყო მაყურებლით, რომელიც სპექტაკლის დასრულების შემდეგ კიდევ დიდხანს არ წყვეტდა ტაშსა და ოვაციების გამოხატვას.

⭕ მოსწავლეებმა საოცარი ემოციურობითა და სიღრმით გააცოცხლეს პერსონაჟები, მათმა თამაშმა კი ნათლად წარმოაჩინა გაწეული შრომა, მონდომება და მაღალი შემოქმედებითი პოტენციალი.
თითოეული სცენა გამორჩეული იყო გულწრფელობითა და პროფესიონალიზმისკენ სწრაფვით.

⭕ განსაკუთრებით აღსანიშნავია რეჟისორის უბადლო ნიჭიერება და ოსტატობა, რომელმაც შეძლო ტექსტის თანამედროვე და შთამბეჭდავი ინტერპრეტაცია.
მისმა ხედვამ და მუშაობის სტილმა მნიშვნელოვანი როლი ითამაშა სპექტაკლის წარმატებაში.

⭕ ეს პრემიერა კიდევ ერთხელ ადასტურებს, რომ ნიგვზიანის საჯარო სკოლაში იზრდება ნიჭიერი, შემოქმედებითი და შრომისმოყვარე თაობა, რომელსაც დიდი წარმატება ელოდება.

📜 დედამიწის დღისადმი მიძღვნილი აქტივობები ნიგვზიანის საჯარო სკოლაში

გიზიარებთ დედამიწის დღისადმი მიძღვნილი ნაშრომების ფოტორეპორტაჟს.