ქუთაისის იაკობ გოგებაშვილის სახელობის N1 სკოლა

✨”ანტიკური ეპოქიდან მოაბიჯებს ქუთაისი!”✨-
ორენოვანი ღონისძიება ინგლისური ენის პედაგოგის ნათია ჩანქსელიანის ხელმძღვანელობით.✨

მე-5 კლასის მოსწავლეებმა გვამოგზაურეს ქუთაისის დიდებულ წარსულში და აწმყოს ღირსშესანიშნაობების საინტერესო ისტორიული ექსკურსიც შემოგვთავაზეს.✨

მე-8 კლასის მოსწავლეებმა კი ნამდვილი ქუთაისური ჰანგებითა და ცეკვით გაგვილამაზეს ღონისძიება.✨

მადლობა უსაყვარლეს და უნიჭიერს ბავშვებს კიდევ ერთი შთამბეჭდავი დღისათვის!✨

განსაკუთრებული მადლობა ნათია მასწავლებელს,რომელიც მუდამ გვანებივრებს ღონისძიებათა თემატიკის მრავალფეროვნებითა და აკადემიურობით.✨

დღე, რომელმაც თითოეული ჩვენგანის გული ააჩქარა! 🇬🇪

​ჩვენმა საოცარმა მეორეკლასელებმა,ინგლისური ენის პედაგოგის, თამუნა მღებრიშვილის ხელმძღვანელობით , ნამდვილი დღესასწაული აჩუქეს სკოლას. ინგლისურ-ქართული ღონისძიება თემაზე „ჩემი საქართველო“ არ იყო უბრალოდ გამოსვლა — ეს იყო სამშობლოს სიყვარულის, ქართული გენისა და ტრადიციების ნამდვილი ტრიუმფი, რომელიც პატარებმა საოცარი არტისტულობითა და მონდომებით გააცოცხლეს.🇬🇪

​ენით აღუწერელია ის სიამაყე, რასაც ვგრძნობდით, როდესაც ეს თვალებციმციმა ბავშვები, სრულიად თავისუფლად, ორ ენაზე საუბრობდნენ ჩვენი ქვეყნის დიდებულ წარსულსა და კულტურაზე. მათ შეძლეს, სცენიდან გადმოეცათ ისეთი ღრმა ემოცია, რამაც მთელი დარბაზი ერთიანი სუნთქვით ააჟღერა.🇬🇪

​უღრმესი მადლობა ჩვენს პატარა გმირებს ასეთი სულისშემძვრელი და დაუვიწყარი წუთებისთვის! თქვენ ხართ ჩვენი ქვეყნის იმედი და მომავალი.🇬🇪

ოთხი დაუვიწყარი წელი — სავსე აღმოჩენებით, პირველი წარმატებებით, სიხარულითა და იმ სირთულეებით, რომლებმაც ერთად შექმნეს ბავშვობის ის ლამაზი ნაბიჯები, რომლებსაც დღეს ასეთი სიყვარულით ვიხსენებთ...✨
ღონისძიება „პატარა ფესვებიდან — ძლიერ ფრთებამდე“ იქცა იმ დიდი შრომისა და ერთობის ნათელ გამოხატულებად, რომელმაც თითოეული მოსწავლის განვითარებაში წარუშლელი კვალი დატოვა. ამ წლების განმავლობაში პატარა, გაუბედავი ნაბიჯები თავდაჯერებულ სვლად გადაიქცა, პირველი ასოები — ცოდნის მყარ საფუძვლად, ხოლო ბავშვური ოცნებები — დიდ მიზნებად, რომლებიც უკვე მზად არის ახალი სიმაღლეების დასაპყრობად.✨
ამ გზაზე თითოეული ბავშვის მეგზური და საიმედო საყრდენი ჩვენი ძვირფასი მასწავლებლები იყვნენ. განსაკუთრებული მადლიერება ეკუთვნის კლასის ხელმძღვანელს, ქალბატონ თეა ხურციძეს — მისი სითბოსთვის, მოთმინებისთვის, პროფესიონალიზმისა და იმ უდიდესი სიყვარულისთვის, რომელიც მან თითოეულ მოსწავლეს გაუზიარა. თეა მასწავლებლის შრომა და ერთგულება იქცა იმ მყარ საძირკვლად, რომელზეც ბავშვებმა თავიანთი პირველი წარმატებები ააგეს. ამ წარმატებებსა და ემოციებს კი მუსიკალური ფერები ქალბატონმა მედეამ შესძინა. მადლობა მედეა მასწავლებელს იმ ჰანგებისთვის, რომლებმაც ეს დღე კიდევ უფრო ააჟღერა და გაალამაზა.
განსაკუთრებული მადლობა გვინდა გადავუხადოთ მშობლებს — მუდმივი თანადგომისთვისა და იმ უსაზღვრო სიყვარულისთვის, რომელმაც ჩვენი საერთო გზა უფრო ნათელი და მტკიცე გახადა.
დღეს ეს პატარა ფესვები უკვე ძლიერ ფრთებად გადაიქცა — ფრთებად, რომლებიც სითამამითა და იმედით გაფრინდებიან ახალი ცოდნისა და შესაძლებლობების სამყაროში. წინ დიდი გზა გადაეშალათ, მაგრამ მათ უკვე აქვთ ყველაზე მთავარი — რწმენა, ცოდნა და სიყვარული, რაც ამ გზაზე ყოველთვის მეგზურად დარჩებათ.✨
ეს დღე არ არის დასასრული, ეს ახალი დასაწყისია — დასაწყისი იმ დიდი ცხოვრებისა, რომელსაც ისინი ღირსეულად და თამამად გააგრძელებენ.✨

იაკობ გოგებაშვილის სახელობის #1 სკოლაში ნამდვილი სასწაულების დღე იყო! ჩვენმა პირველკლასელებმა პირველი სასწავლო წელი საოცარი, ფერადი და ემოციური ღონისძიებით შეაჯამეს, რომელსაც სიმბოლურად „33 მარგალიტი“ ერქვა. 💜

13 პატარა, კაშკაშა და ნიჭიერი ბავშვი, რომლებიც ამ ერთი წლის განმავლობაში, მასწავლებლების სიყვარულითა და მზრუნველობით, ნამდვილ მარგალიტებად ჩამოყალიბდნენ. დღეს მათ სცენიდან კიდევ ერთხელ გაგვაოცეს თავიანთი ნიჭით, ლექსებით, სიმღერებითა და ღიმილით.💜

სკოლის ადმინისტრაცია და პედაგოგიური გუნდი უდიდეს მადლობას უხდის მშობლებს ნდობისთვის.
ასევე, კლასის ხელმძღვანელს მაია კურტანიძესა და მუსიკის პედაგოგ მედეა ჭეიშვილს.💜

ჩვენს ძვირფას პატარებს კი ვულოცავთ ამ პირველ დიდ ნაბიჯს ცოდნის სამყაროში!
წინ კიდევ უამრავი აღმოჩენა გელოდებათ. ჩვენ ვამაყობთ თითოეული თქვენგანით! 💎💎📚📚📚

საქართველოს უწყვეტი დამოუკიდებლობა 3️⃣5️⃣ წლისაა!🇬🇪
ჩვენი სკოლის V და VI კლასის მოსწავლეებმა ქართული ენისა და ლიტერატურის პედაგოგის,ნათია ფაცურიას ხელმძღვანელობით საზეიმოდ აღნიშნეს ეს დღე!
დღე - ტრაგედიიდან თავისუფლებამდე!🇬🇪🙏

ღონისძიება - "საქართველო-დიდი სამოთხის კუთხე პატარა" მოიცავდა როგორც ისტორიულ ფაქტებს,ასევე პატრიოტულ პოეტურ ნიმუშებსა და ნაციონალურ ცეკვა-სიმღერათა ერთობლიობას.🇬🇪
პატარა პატრიოტებმა ხოტბა შეასხეს მშობლიურ მიწა-წყალსა და საამაყო მამულიშვილებს,რომელთა დამსახურებითაც 2️⃣6️⃣მაისი საზეიმო თარიღად ჩაიწერა საქართველოს ისტორიაში!🇬🇪
დიდება თავისუფალ,დამოუკიდებელ საქართველოს! მრავალჟამიერ!🇬🇪

მადლობა ნათია მასწავლებელს,რომელიც სამშობლოს სიყვარულს არა მხოლოდ სიტყვით,საქმით ასწავლის და უნერგავს მომავალ თაობას! გვჯერა, შრომა კეთილ ნაყოფს გამოიღებს და საქართველოს "ხვალე" უკეთესი იქნება!🇬🇪

2️⃣6️⃣მაისი ჩვენი დღეა!🇬🇪

🇬🇪26 მაისი, საქართველოს დამოუკიდებლობის დღე - ერთ-ერთი ყველაზე მნიშვნელოვანი დღე საქართველოს ისტორიაში.
🇬🇪ეს დღე მხოლოდ ისტორიული თარიღი არ არის - ეს არის დღე, რომელიც თითოეულ ქართველს გვახსენებს, რაოდენ ძვირფასია თავისუფლება, საკუთარი ქვეყნის სიყვარული და რაოდენ დიდი პასუხისმგებლობა გვაკისრია მის წინაშე.
🇬🇪დღეს მე-10 კლასის მოსწავლეებმა ქართული ენისა და ლიტერატურის პედაგოგ, მარიამ კინწურაშვილის ხელმძღვანელობით👩‍🏫, წარმოგვიდგინეს საქართველოს დამოუკიდებლობის დღისადმი მიძღვნილი ღონისძება - "26 მაისი-გზა მსხვერპლიდან დამოუკიდებლობამდე". მათ პატივი მიაგეს საქართველოს ისტორიას, მის გმირებს და კიდევ ერთხელ შეგვახსენეს, რომ ქვეყნის მომავალი სწორედ განათლებულ, თავისუფალ და სამშობლოს მოყვარულ ახალგაზრდებზე დგას.

ქართული მართლმადიდებელი ეკლესია 22 მაისს ნიკოლოზობას ზეიმობს. ამ დღეს ნიკოლოზ სასწაულთმოქმედის წმიდა ნაწილების მირონიდან ბარში გადასვენების დღეა.
განსაკუთრებული სიყვარულით გვინდა მივულოცოთ მეოხი წმინდანის ხსენების დღე, ჩვენი სასწავლებლის რექტორს, დეკანოზ ნიკოლოზ ნიკოლაიშვილს.
ჩვენო ერთგულო, საიმედო და ჭეშმარიტად ქრისტესმიერო მოძღვარო, მამა ნიკოლოზ, უფალმა დაგლოცოთ და წმინდა ნიკოლოზის მეოხება არ მოგაკლოთ მრავალჟამიერ!

TOEFL English Language Test📝
საყოველთაოდ აღიარებული ინგლისური ენის საერთაშორისო ტესტი📝
ჩვენი სკოლის კიდევ ერთი წარმატებული მოსწავლე-მე-6 კლასის მოსწავლე ბარბარე ფახურიძე✨
გილოცავთ ამ დიდ წარმატებას, რომელიც ინგლისური ენის პედაგოგის ქ-ნ მანანა ქავთარაძის თავდაუზოგავი შრომის შედეგია.✨
წინ კიდევ ბევრი გამარჯვებაა!✨

მოგესალმებით ჩემო ღირსეულო ახალგაზრდებო. მინდა ყოველი ჩემი სიტყვა ძალიან თბილად მოვიდეს თქვენამდე. მინდა გჯეროდეთ, რომ დამამთავრებელი კლასის თითოეული მოსწავლე ხართ ჩვენი სასწავლებლის ფასდაუდებელი შენაძენი და სიმდიდრე. მოსწავლის სასწავლებელში გატარებული წლები წარმოადგენს ჩვენს ეპოქალურ მატეანეს და თქვენი ცხოვრებისეული ისტორიის ერთ-ერთ სერიოზულ ფაზას. სწორედ ისტორიაა საშუალება, სწორი არჩევანის გაკეთებისა აწმყოში.
იწყებთ ცხოვრების ახალ, სრულიად განსხვავებულ ეტაპს, რომელმაც უნდა მოგცეთ საშუალება მაქსიმალურად გამოავლინოთ საკუთარი შესაძლებლობები.მჯერა, თითოეული თქვენგანი გაცნობიერებული და გააზრებული მომავლის შენებით გააძლიერებთ ქვეყნის განვითარებას.
მინდა გისურვოთ მომავალ თქვენს სარბიელზე ღირსეულ, ნათელ პიროვნულ ბილიკთა სიღრმე და სიუხვე. მუდამ გახსოვდეთ, რომ წარსულის გარეშე აწმყო წარუმატებელია და მომავალი კი ბურუსით არის მოცული.
ღვთის შემწეობით მუდამ შეგმატებოდეთ ის სიბრძნე, რომელიც სწორად აღგაქმევინებთ მარადიული ღირებულებების თანაფარდობას ამაო, წარმავალ, ღირებულებებზე. გისურვებთ, იყოთ მუდამ შემოქმედნი და არა მომხმარებელნი.
და ბოლოს, ხე ნაყოფით იცნობაო, ჩვენი სასწავლებლის მისიაც ხომ ისეთი სიცოცხლის ხის დარგვა, მოვლა და გაზრდაა, რომლის ნაყოფიც სამშობლოს იმედი და საყრდენია. მუდამ ვეცადოთ გავიზიაროთ ის ხედვა, რომლითაც ჩვენმა მიტროპოლიტმა, მეუფე იოანემ გვაკურთხა. დავინახოთ კეთილი ნაყოფი და იმ ხეს დავეყრდნოთ.
ჩვენი სასწავლებელი,თქვენთან ერთად იზიარებს სიხარულს!
ეკატერინე ბაბუნაშვილი