ATSU ისტორია-არქეოლოგიის დეპარტამენტი

✨აკაკი წერეთლის სახელმწიფო უნივერსიტეტი - 93✨

🎓 13 თებერვალს აკაკი წერეთლის სახელმწიფო უნივერსიტეტის 93 წლის იუბილე აღინიშნება. ამ თარიღთან დაკავშირებით გაიმართება სხვადასხვა ღონისძიება:
🔹 13 თებერვალი, 12:00 - აკაკი წერეთლის სახელმწიფო უნივერსიტეტში აკაკი წერეთლის ძეგლის შემკობა;
🔹 13 თებერვალი, 12:15 - აკაკი წერეთლის სახელმწიფო უნივერსიტეტის დამფუძნებელ მეცნიერთა ხეივანში პროფესორ შალვა ნუცუბიძის ბიუსტის გახსნა;
🔹 13 თებერვალი, 12:30 - საჯარო ლექცია თემაზე „აკაკი წერეთლის სახელმწიფო უნივერსიტეტი - ისტორია და თანამედროვეობა“ (პროფ. იმერი ბასილაძე)
(📍სამკითხველო დარბაზი, პირველი კორპუსი, მეორე სართული).

📣აკაკი წერეთლის სახელმწიფო უნივერსიტეტის ჰუმანიტარულ მეცნიერებათა ფაკულტეტის ისტორია-არქეოლოგიის დეპარტამენტის საქართველოს ისტორიისა და არქეოლოგიის სადოქტორო პროგრამებმა სრული, 7-წლიანი აკრედიტაცია მოიპოვეს.
ეს მნიშვნელოვანი მიღწევა ადასტურებს პროგრამათა მაღალ აკადემიურ დონეს, პროფესიონალიზმსა და სამეცნიერო პოტენციალს.✨️

სასიხარულო ინფორმაცია!

აკაკი წერეთლის სახელმწიფო უნივერსიტეტის ჰუმანიტარულ მეცნიერებათა ფაკულტეტის ისტორია-არქეოლოგიის დეპარტამენტის საქართველოს ისტორიისა და არქეოლოგიის სადოქტორო პროგრამებმა სრული 7 წლიანი აკრედიტაცია მიიღეს.

განსაკუთრებული მადლობა ამ შედეგისათვის გაწეული საქმიანობისთვის: აწსუ რექტორს - პროფესორ შალვა კირთაძეს, პროფესორ სერგო ვარდოსანიძეს, ასოც. პროფესორ ინგა აბრამიძეს, პროფესორ სულხან კუპრაშვილს, პროფესორ მერაბ ჭუმბურიძესა და აღნიშნული სადოქტორო პროგრამების შედგენაში მონაწილე თითოეულ პროფესორს.

აკაკი წერეთლის სახელმწიფო უნივერსიტეტი ღრმა მწუხარებას გამოთქვამს საპატიო უნივერსიტეტელის, „ღირსების ორდენის“ კავალერის, „ძველი თაობის“ განსაკუთრებული წარმომადგენლის ნათელა დემეტრაძე-ჯაოშვილის გარდაცვალების გამო.
ქალბატონი ნათელა თითქმის შვიდი ათეული წლის განმავლობაში ერთგულად ემსახურა საუნივერსიტეტო საქმეს, ხანგრძლივი დროის მანძილზე ხელმძღვანელობდა ჯერ პედაგოგიური ინსტიტუტის, შემდგომ უნივერსიტეტის კადრების განყოფილებას.
ნაყოფიერი და გამორჩეული საქმიანობისათვის ის არაერთგზის დაჯილდოვდა სამთავრობო და საუნივერსიტეტო საპატიო სიგელითა, თუ მედლით. ქალბატონი ნათელა თავისი პროფესიონალიზმითა და გამორჩეული ადამიანური თვისებებით თანამშრომლებისაგან დიდ პატივისცემასა და სიყვარულს იმსახურებდა.
ის იყო ღირსეული ორგანიზატორი, თანამშრომელი და საუკეთესო ოჯახის დიასახლისი.
ვუსამძიმრებთ მის ოჯახს, კოლეგებსა და ახლობლებს.

📣დღეს აკადემიკოს მზექალა შანიძეს 100 წელი შეუსრულდა. ქალბატონმა მზექალამ – აკაკი შანიძის ღირსეულმა მემკვიდრემ და მამის მეცნიერული ტრადიციების ერთგულმა გამგრძელებელმა – დიდი ამაგი დასდო ქართველოლოგიის განვითარებას, განსაკუთრებული წვლილი შეიტანა ძველი და ახალი ქართული ენისა და ლიტერატურის, ქართული სალიტერატურო ენის ნორმირების საკითხების, საქართველოს ისტორიის, ქართული კულტურული მემკვიდრეობის, უძველესი წერილობითი ძეგლების, ხელნაწერების კვლევასა და სპეციალისტთა თაობების აღზრდაში.
✨აკაკი წერეთლის სახელმწიფო უნივერსიტეტი ულოცავს ღვაწლმოსილ მეცნიერს ასწლოვან იუბილეს და უსურვებს ჯანმრთელობას, მხნეობას, დღეგრძელობასა და ჩვეულ ნაყოფიერ მოღვაწეობას ჩვენი ქვეყნის, ქართული მეცნიერების სასიკეთოდ!

დაბადებიდან 70 წლის იუბილეს ვულოცავთ აკაკი წერეთლის სახელმწიფო უნივერსიტეტის ჰუმანიტარულ მეცნიერებათა ფაკულტეტის ისტორია-არქეოლოგიის დეპარტამენტის განსაკუთრებული რანგით მოწვეულ სპეციალისტს, თბილისის სასულიერო აკადემიისა და სემინარიის საქართველოს ისტორიის კათედრის გამგეს, 2010-2021 წლებში საქართველოს საპატრიარქოს წმიდა ანდრია პირველწოდებულის სახელობის ქართული უნივერსიტეტის რექტორს, ღვაწლმოსილ მეცნიერსა და საზოგადო მოღვაწეს, საქართველოს ეკლესიის ისტორიის გამორჩეულ მკვლევარს, საქართველოს ეკლესიის უმაღლესი ჯილდოს - წმიდა გიორგის ოქროს ორდენის კავალერს, ახალგაზრდა თაობების ამაგდარ თანამდგომს, ისტორიის მეცნიერებათა დოქტორს, თეოლოგიის დოქტორს, პროფესორ სერგო ვარდოსანიძეს.

დიდი პატივისცემით გულითადად ვუსურვებთ მრავალჟამიერ სიცოცხლესა და კვლავ წარმატებებს თავის მოღვაწეობაში, ჩვენი სამშობლოს, საქართველოს ეკლესიის, ქართული საისტორიო მეცნიერებისა და მომავალი თაობების საკეთილდღეოდ.

"პირველი მსოფლიო საეკლესიო კრება" - საჯარო ლექცია აწსუ-ში 📌 გამოგვყევით Youtube-ზე http://bit.ly/M3GAtv 👈

საჯარო ლექცია თემაზე: „პირველი მსოფლიო საეკლესიო კრების სააისტორიო ქრონიკები და სამართლებრ 2025 წლის 25 ნოემბერს, აკაკი წერეთლის სახელმწიფო უნივერსიტეტში, სტუდენტთა მხარდაჭერისა და განვითარების სამსახურის ...

ისტორიის დოქტორი, ასოც. პროფესორი რუსუდან მიქაუტაძე - 70

აკაკი წერეთლის სახელმწიფო უნივერსიტეტის ჰუმანიტარულ მეცნიერებათა ფაკულტეტის ისტორია-არქეოლოგიის დეპარტამენტი დიდი პატივითა და სიხარულით ულოცავს დეპარტამენტის ასოცირებულ პროფესორ რუსუდან მიქაუტაძეს დაბადებიდან 70 წლის იუბილეს.

ქალბატონი რუსუდანი ათეულობით წელია ნაყოფიერად იკვლევს ქუთაისისა და იმერეთის მხარის კულტურას და ამ დარგის ერთი-ერთი თვალსაჩინო წარმომადგენელია. ის 1972-1977 წლებში სწავლობდა ქუთაისის ალექსანდრე წულუკიძის სახელობის პედაგოგიურ ინსტიტუტში ისტორია-უცხო ენის სპეციალობაზე. აქვე იწყება მისი სამეცნიერო და პედაგოგიური მოღვაწეობა 1980 წლიდან. 1986 წელს ქალბატონი რუსუდანმა ჩააბარა ივ. ჯავახიშვილის სახელობის სახელმწიფო უნივერსიტეტის ასპირანტურაში, ხოლო 2001 წელს წარმატებით დაიცვა სადისერტაციო ნაშრომი თემაზე: „ქუთაისის კულტურულ-საგანმანათლებლო დაწესებულებების საქმიანობა მე-20 ს-ის პირველ ოცწლეულში“.

ქალბატონი რუსუდანი 1990-2002 წლებში მუშაობს აკაკი წერეთლის სახელმწიფო უნივერსიტეტის არქეოლოგიისა და კულტურის ისტორიის კათედრაზე მასწავლებლის, ხოლო 2002 წლიდან დღემდე ისტორია-რქეოლოგიის დეპარტამენტის ასოცირებული პროფესორის თანამდებობაზე. 2013-2017 წლებში მისი ხელმძღვანელობით აწსუ ჰუმანიტარულ მეცნიერებათა ფაკულტეტზე ხორციელდებოდა „კულტუროლოგიის“ დამატებითი საბაკალავრო პროგრამა.

ქალბატონი რუსუდან მიქაუტაძე 2009 წელს არჩეული იქნა კავკასიის ხალხთა მეცნიერებათა აკადემიის აკადემიკოსად. მას გამოქვეყნებული აქვს რამდენიმე ათეული სამეცნიერო ნაშრომი, მათ შორის უცხოეთსა და საქართველოში რეფერირებულ სამეცნიერო გამოცემებში. არის ოთხი სახელმძღვანელოს ავტორი, რომელთა შორის გამოირჩევა 2019 წელს გამოცემული მონოგრაფია „ნარკვევები ქუთაისის კულტურის ისტორიიდან“. ის აქტიურად მონაწილეობს ეროვნულ, თუ საერთაშორისო კონფერენციებში და საგრანტო პროექტებში. 2008 წლიდან გახლავთ ქუთაისის სახელმწიფო ისტორიული მუზეუმის სამეცნიერო საბჭოს წევრი.

ისტორიის დოქტორი, ასოცირებული პროფესორი რუსუდან მიქაუტაძე ღირსეულად განასახიერებს უნივერსიტეტის იმ ღირებულებებს, რომლებიც ემსახურება ეროვნულ და საერთო ადამიანურ იდეალებს.

ისტორია-არქეოლოგიის დეპარტამენტი უსურვებს ქალბატონ რუსუდანს ჯანმრთელობას, სულიერ სიმშვიდეს, შემოქმედებით ღვაწლს და იმ დიდ სიხარულს, რასაც აღზრდილი თაობების წარმატება ჰქვია.

მრავალი ნაყოფიერი წელი, ქალბატონო რუსუდან!

Invalid Dynamic Link If you are the developer of this app, ensure that your Dynamic Links domain is correctly configured and that the path component of this URL is valid.