სსიპ ანდრია რაზმაძის სახელობის ქუთაისის N41 ფიზიკა-მათემატიკის საჯარო სკოლა

🏆🔬 ფიზიკა-მათემატიკურ სკოლებს შორის გამარჯვება ანდრია რაზმაძის სახელობის ქუთაისის №41 ფიზიკა-მათემატიკის საჯარო სკოლის გუნდმა მოიპოვა! 🔬🏆

📅 7 ივნისს გაიმართა საქართველოს ბანკისა და კომაროვის სკოლის ერთობლივი პროექტის – STEM ოლიმპიადის ფინალური ეტაპი, სადაც ქვეყნის მასშტაბით შერჩეულმა საუკეთესო გუნდებმა ჟიურის წინაშე საკუთარი ინოვაციური პროექტები წარადგინეს.

🥇 ფიზიკა-მათემატიკური სკოლების ლიგაში გამარჯვება მოიპოვა ანდრია რაზმაძის სახელობის ქუთაისის №41 ფიზიკა-მათემატიკის საჯარო სკოლის გუნდმა, რომელმაც წარმატებით წარმოადგინა პროექტი და დაიმსახურა ჟიურის უმაღლესი შეფასება.

👨‍🎓👩‍🎓 გამარჯვებული გუნდის შემადგენლობა:
🔹 მათე ახალაძე
🔹 ანიტა იობიძე
🔹 აკაკი წიტაიშვილი
🔹 ტატო კოჩაძე
🔹 გიორგი ფხალაძე
👨‍🏫 გუნდის მენტორები: დავით ყაველაშვილი და გიორგი გაგუა

🏅 გამარჯვებულ გუნდს საქართველოს ბანკმა გადასცა 3000 ლარის ოდენობის ფულადი ჯილდო.

👏 დაჯილდოების ცერემონიას ესწრებოდა სკოლის დირექტორი გენადი მარგველაშვილი, რომელმაც გამარჯვებულ მოსწავლეებს პირადად მიულოცა ეს მნიშვნელოვანი წარმატება, მადლობა გადაუხადა გაწეული შრომისთვის და მომავალ საქმიანობაში კიდევ უფრო დიდი წარმატებები უსურვა.

💙 ანდრია რაზმაძის სახელობის ქუთაისის №41 ფიზიკა-მათემატიკის საჯარო სკოლა გულითადად ულოცავს ჩვენს მოსწავლეებსა და მათ მენტორებს ამ მნიშვნელოვან გამარჯვებას!
ვუსურვებთ მათ კიდევ უფრო დიდ წარმატებებს, საინტერესო აღმოჩენებს, ახალ პროექტებსა და ღირსეულ გამარჯვებებს როგორც ეროვნულ, ისე საერთაშორისო ასპარეზზე. 🌟

📊 STEM ოლიმპიადაში წელს ძირითად ლიგაში 160 სკოლის 800-ზე მეტმა მოსწავლემ მიიღო მონაწილეობა. მრავალეტაპიანი კონკურსის შედეგად ფინალში გასული 10 საუკეთესო გუნდიდან გამარჯვება მხოლოდ სამმა გუნდმა მოიპოვა.

♟️🏆 სასკოლო ოლიმპიადაში - „ნონა გაფრინდაშვილის თასი“, სადაც მონაწილეობას 2000-ზე მეტი მოსწავლე და 500-ზე მეტი გუნდი იღებდა, გამარჯვება მოიპოვა და უპირობო ლიდერი გახდა ანდრია რაზმაძის სახელობის ქალაქ ქუთაისის №41 ფიზიკა-მათემატიკის საჯარო სკოლის მოსწავლეებისგან დაკომპლექტებული გუნდი.

👏კონკურენტულ გარემოში ჩვენმა მოსწავლეებმა მაღალი ცოდნა, სტრატეგიული აზროვნებისა და გუნდური მუშაობის უნარი გამოავლინეს და დამსახურებული პირველი ადგილი დაიკავეს🥇.

🏆ჩვენი გამარჯვებული გუნდის წევრები არიან:
♟️ ილია ზივზივაძე
♟️ მარიამ მიქაძე
♟️ იოანე საღინაძე
♟️ ლევან კენჭაძე
👩‍🏫 გუნდის კაპიტანი — თეა კურდღელია.

🏅 გამარჯვებულებს დიპლომები, მედლები და თასი გადასცა საქართველოს განათლების, მეცნიერებისა და ახალგაზრდობის მინისტრის მოადგილე ქალბატონმა თამარ მახარაშვილმა.

👏 დაჯილდოების ცერემონიას ესწრებოდა სკოლის დირექტორი გენადი მარგველაშვილი, რომელმაც გამარჯვებულ მოსწავლეებსა და გუნდის კაპიტანს ეს მნიშვნელოვანი წარმატება მიულოცა.

🎉 სკოლის სახელით ვულოცავთ ჩვენს ჩემპიონებს ამ დიდ და დამსახურებულ წარმატებას! ვუსურვებთ მათ კიდევ მრავალ გამარჯვებას, ახალ მწვერვალებს, საინტერესო გამოწვევებსა და წარმატებულ მომავალს როგორც ჭადრაკში, ისე ცხოვრების ყველა სფეროში. ♟️🏆

📅 4 ივნისს, ანდრია რაზმაძის სახელობის ქუთაისის N41 ფიზიკა-მათემატიკის საჯარო სკოლის X-დ კლასის მოსწავლეები შსს მომსახურების სააგენტოს ესტუმრნენ. 👮‍♂️🚔

🔹 სასწავლო-შემეცნებითი ვიზიტის ფარგლებში მოსწავლეები გაეცნენ სააგენტოს საქმიანობას, დაათვალიერეს სამუშაო სივრცეები და მიიღეს ინფორმაცია იმ სერვისების შესახებ, რომლებსაც სააგენტო ყოველდღიურად ათასობით მოქალაქეს სთავაზობს.

🔹 მოსწავლეებმა ინტერესით მოისმინეს სააგენტოს წარმომადგენლების პრეზენტაცია, დასვეს მათთვის საინტერესო კითხვები და მიიღეს ამომწურავი პასუხები.

🔹 ვიზიტის ერთ-ერთი ყველაზე საინტერესო ნაწილი იყო პრაქტიკული აქტივობები, რომლებშიც მოსწავლეები აქტიურად ჩაერთნენ. განსაკუთრებული ემოციები გამოიწვია სკოლის სახელზე დამზადებულმა სანომრე ნიშანმა და სააგენტოს მიერ გადაცემულმა სამახსოვრო საჩუქრებმა. 🎁✨

🔹 მსგავსი შეხვედრები მოსწავლეებს პროფესიული ორიენტაციის, სამოქალაქო ცნობიერებისა და პასუხისმგებლობის განვითარების შესაძლებლობას აძლევს.

🙏 მადლობას ვუხდით შსს მომსახურების სააგენტოს ხელმძღვანელობასა და თანამშრომლებს გულთბილი მიღებისთვის, საინტერესო შეხვედრისა და ნაყოფიერი თანამშრომლობისთვის.

👩‍🏫 X-დ კლასის დამრიგებელი: ნანა ლილუაშვილი

🌟 „მზე ყველა ადამიანშია, ოღონდ აცალეთ, რომ ანათოს.“ 🌟

რთულია მოსწავლეთა მრავალმხრივი ნიჭის აღმოჩენა, რომ არა არაფორმალური განათლება. სწორედ ნიჭის გამოვლენისა და ზეიმის დღედ აქციეს IV-ზ კლასის მოსწავლეებმა ლადო მესხიშვილის სახელობის დრამატული თეატრის მცირე სცენაზე წარმოდგენილი სპექტაკლი — „დააბრუნეთ სიყვარული დედამიწაზე“.

🎭 პატარებმა საოცარი ოსტატობით გაითავისეს თავიანთი როლები და პერსონაჟთა ხასიათები. მათ ემოციურად და დამაჯერებლად მიიტანეს სათქმელი მაყურებლამდე, რამაც არაერთი გულწრფელი ემოცია გამოიწვია დარბაზში.

💖 განსაკუთრებით ამაღელვებელი იყო მასწავლებლის მიერ მოსწავლეებისთვის მიძღვნილი ლექსი, რომელმაც ღონისძიებას განსაკუთრებული სითბო და სიყვარული შემატა.

📚 მოსწავლეებმა მაყურებელი ამოგზაურეს ნოდარ დუმბაძის საოცარ სამყაროში და კიდევ ერთხელ დაგვანახეს, თუ რამდენად დიდი ძალა აქვს სიყვარულს, მეგობრობასა და სიკეთეს.

✨ ეს დღე კიდევ ერთ ლამაზ და დაუვიწყარ მოგონებად ჩაიწერება „ლელას გენიოსების“ მიერ შექმნილ ოთხწლიან ისტორიაში — ისტორიაში, რომელიც სავსეა წარმატებით, სიყვარულით, მეგობრობითა და ბავშვური სითბოთი.

👏🌹 ვულოცავთ IV-ზ კლასის მოსწავლეებს, მათ მშობლებსა და კლასის ხელმძღვანელს კიდევ ერთ წარმატებულ დღეს! 🌹👏

📚 წარმოგიდგენთ VII, VIII, X და XI კლასის სადირექციო წერაზე გამოყენებულ საკითხებს მათემატიკაში.

🔗https://drive.google.com/drive/folders/1AhoqYxAE2TzeyygixdaG4bIbz7ZZDCFo?usp=sharing

🎯 გისურვებთ წარმატებებს!

⚛️ დასრულდა მე-2 სადირექციო წერა ფიზიკაში.

📚 წარმოგიდგენთ VII, VIII, X და XI კლასის სადირექციო წერაზე გამოყენებულ საკითხებსა და მათ ამოხსნებს.

📎 მასალის სანახავად ეწვიეთ ბმულს:

https://drive.google.com/drive/folders/11wmHP6HOk8uwUAT6Q_nuhFTP1gwy4a8X?usp=drive_link

🎯 გისურვებთ წარმატებებს!

♟️🏆 ანდრია რაზმაძის სახელობის ქალაქ ქუთაისის №41 ფიზიკა-მათემატიკის საჯარო სკოლაში მრავალი წელია წარმატებით ფუნქციონირებს ჭადრაკის საწრეო მეცადინეობები, რომლებიც მოსწავლეებში ავითარებს ლოგიკურ აზროვნებას, ყურადღებასა და სტრატეგიული გადაწყვეტილებების მიღების უნარს.

📅 25-26 მაისს გაიმართა სასწავლო წლის შემაჯამებელი საჭადრაკო ტურნირი I-IV კლასის მოსწავლეებს შორის, რომელშიც მონაწილეებმა ღირსეული თამაში და მაღალი ოსტატობა წარმოაჩინეს.

I კლასი
🥇 ანდრია ნიქაბაძე 🏆♟️
🥈 ილია სულაქველიძე
🥉 დანიელი გუბელაძე

II კლასი
🥇 ლევან კენჭაძე 🏆♟️
🥈 დემეტრე მაკარიძე
🥉 სანდრო სირბილაძე

III კლასი
🥇 ლუკა მაჩიტაძე 🏆♟️
🥈 იოანე ჯიქია
🥉 სანდრო სახამბერიძე

IV კლასი
🥇 ანდრია გოდუაძე 🏆♟️
🥈 მათე მახარაძე
🥉 ანდრია თოფურია

👏 ვულოცავთ გამარჯვებულებსა და ტურნირის ყველა მონაწილეს მიღწეულ შედეგებს. ვუსურვებთ მათ მომავალშიც წარმატებებს, მრავალ საინტერესო პარტიასა და ახალ გამარჯვებებს!

♟️ ტურნირის ხელმძღვანელები:
🔹 სულხან სირბილაძე
🔹 დავით გვენეტაძე

🏆📚 ანტალიაში დასრულდა მათემატიკის საერთაშორისო ოლიმპიადის – FEMO ფინალური ტური უმცროსკლასელი მოსწავლეებისთვის (I-VI კლასები), რომელიც 29 მაისიდან 1 ივნისის ჩათვლით გაიმართა.

⚡️ფინალურ ტურში მონაწილეობდნენ დეკემბერსა და მარტში ჩატარებული რეგიონული ეტაპების შედეგების საფუძველზე შერჩეული მოსწავლეები.

👏ოლიმპიადამ 10 ქვეყნის 500-ზე მეტ ნიჭიერ ახალგაზრდა მათემატიკოსს უმასპინძლა.

🇬🇪 საქართველოს ნაკრებმა საერთაშორისო ასპარეზზე ღირსეულად იასპარეზა და 2 ვერცხლისა და 8 ბრინჯაოს მედალი მოიპოვა.

განსაკუთრებული სიამაყით აღვნიშნავთ, რომ 8 მედალოსანთა შორის 6 ანდრია რაზმაძის სახელობის ქალაქ ქუთაისის №41 ფიზიკა-მათემატიკის საჯარო სკოლის მოსწავლეა, ესენი არიან:

🥈 ვერცხლის მედალი
🔹 ანდრია ობოლაძე (IV კლასი)

🥉 ბრინჯაოს მედლები
🔹 თომა ქაშიბაძე (VI კლასი)
🔹 დათა დათეშიძე (II კლასი)
🔹 დანიელ ბენდელიანი (III კლასი)
🔹 დაჩი ლელაძე (III კლასი)
🔹 იოანე ბოდოკია (III კლასი)

აღსანიშნავია, რომ აღნიშნულ მოსწავლეთა უმრავლესობა სკოლის "საკვირაო სკოლის" აღსაზრდელია, რაც მრავალწლიანი, თანმიმდევრული და შედეგზე ორიენტირებული საწრეო მუშაობის მნიშვნელოვანი შედეგია და მასში განსაკუთრებული წვლილი მიუძღვით საკვირაო სკოლის პედაგოგებს:
👨‍🏫 გენადი მარგველაშვილსა და მამუკა ხაზარაძეს.

🎉 ვულოცავთ ჩვენს მოსწავლეებს, მათ მშობლებსა და პედაგოგებს ამ მნიშვნელოვან წარმატებას!
ვუსურვებთ მათ ახალი ცოდნის შეძენას, პროფესიულ წინსვლასა და კიდევ მრავალ გამარჯვებას ეროვნულ თუ საერთაშორისო ასპარეზზე!

🌞 სსიპ ანდრია რაზმაძის სახელობის ქ. ქუთაისის N41 ფიზიკა-მათემატიკურ საჯარო სკოლაში (ჯავახიშვილის ქ. N21) 15 ივნისიდან 31 ივლისის ჩათვლით ფუნქციონირებას იწყებს საზაფხულო სკოლა I-V კლასის მოსწავლეთათვის რობოტიკისა და წიგნიერების მიმართულებით, ხოლო მათემატიკის მიმართულებით სწავლა დაიწყება 29 ივნისს და დასრულდება 8 აგვისტოს (სულ 18 გაკვეთილი).

📚 მოსწავლეებს შესაძლებლობა ექნებათ ჩაერთონ სამ საინტერესო მიმართულებაში:
🔢 მათემატიკა
I-III კლასები – ია ვერულაშვილი
IV-დან V კლასში გადამსვლელთათვის მეცადინეობებს ჩაატარებს – მამუკა ხაზარაძე
V-დან VI კლასში გადამსვლელთათვის კი - გენადი მარგველაშვილი

🏆8 აგვისტოს გაიმართება მათემატიკის ოლიმპიადა IV-დან V კლასში და V-დან VI კლასში გადამსვლელთათვის. საუკეთესო მოსწავლეები დაჯილდოვდებიან პრიზებით, ხოლო წარმატებულ მონაწილეებს სხვა სკოლებიდან ექნებათ შესაძლებლობა ჩაირიცხონ ჩვენს სკოლაში.

🤖 რობოტექნიკა
მოსწავლეები შეისწავლიან კოდირებისა და პრაქტიკული ელექტრონიკის საფუძვლებს, ააწყობენ რობოტებს და მონაწილეობას მიიღებენ სახალისო შეჯიბრებებში.
მეცადინეობებს ჩაატარებენ: ინგა კახიანი და გიორგი ხალიჩავა.

📖 წიგნიერება
საზაფხულო სკოლა დაეხმარება მოსწავლეებს: • წაკითხულის გააზრებაში; • ლექსიკური მარაგის გამდიდრებაში; • აზრის სწორად და არგუმენტირებულად ჩამოყალიბებაში; • ახალი სასწავლო წლისთვის უკეთ მომზადებაში.

🗓️ მეცადინეობები ჩატარდება კვირაში 3-ჯერ, 10:00 საათიდან, თითოეული შეხვედრის ხანგრძლივობა — 1,5 საათი.

💰 ღირებულება:
• მათემატიკა – 200 ლარი (სრული კურსი - 18 გაკვ.)
• რობოტექნიკა – 200 ლარი (1 თვე)
• წიგნიერება – 100 ლარი (1 თვე)

✅ რეგისტრაცია შესაძლებელია ერთ, ორ ან სამივე მოდულზე.

🔗 სარეგისტრაციო ბმული:
https://forms.cloud.microsoft/e/ZsVaZQbY8T⁠
📞 დამატებითი ინფორმაციისთვის დაგვიკავშირდით.

577 975 789 (რობოტიკა/წიგნიერება)
591 918 796 (მათემატიკა)

🏆 ანდრია რაზმაძის სახელობის ქალაქ ქუთაისის N41 ფიზიკა-მათემატიკის საჯარო სკოლის X-გ კლასის მოსწავლე, ანდრია კოსტავა, წარმატებით მონაწილეობდა საერთაშორისო გუნდურ ოლიმპიადაში — International Informatics Olympiad in Teams 2026.

📜 ანდრიას გადაეცა სერტიფიკატი ოლიმპიადაში აქტიური მონაწილეობის, პროფესიონალიზმისა და მაღალი ჩართულობისთვის.

🇬🇪 იგი ასპარეზობდა გუნდის „Georgian Stars“-ის შემადგენლობაში, რომელიც საქართველოს სახელით მონაწილეობდა რუმინეთის ქალაქ პიატრა-ნეამტში გამართულ საერთაშორისო ოლიმპიადაზე.

👏 ვულოცავთ ანდრიას ამ მნიშვნელოვან წარმატებას და ვუსურვებთ კიდევ უფრო დიდ გამარჯვებებს ინფორმატიკისა და ტექნოლოგიების სფეროში! ✨

👩‍🏫დამრიგებელი - ნათია ყანჩაველი