01/02/2025
ლიტერატურული კლუბი „აველუმი“ – განათლების ძალა და ჩვენი ახალი თემები
მოგესალმებით, ძვირფასო მეგობრებო!
ლიტერატურული კლუბი „აველუმი“ განაგრძობს ცოდნისა და განათლების გაღრმავებას, რათა ჩვენი მოსწავლეები არამხოლოდ წიგნიერი ადამიანები, არამედ ფართო თვალსაწიერის მქონე პიროვნებები გახდნენ. განათლება ჩვენი მთავარი მიზანია, და ამ გზაზე ერთად ვსწავლობთ, ვცდილობთ გავიგოთ მეტი და გავაცნობიეროთ ჩვენი ისტორიული და კულტურული მემკვიდრეობა.
ბოლო პერიოდში ჩვენ ერთად გავეცანით ნოდარ დუმბაძის რამდენიმე დაუვიწყარ მოთხრობას, რომლებმაც ჩვენში სიკეთისა და ადამიანურობის ღრმა განცდა გააღვიძეს. ასევე, შევისწავლეთ მსოფლიოს ცნობილი მუზეუმები, მათი განძი და კულტურული მნიშვნელობა. არ დაგვვიწყებია ძველი საქართველოს ისტორიული ქრონიკებიც, რომლებმაც თვალწინ გადაგვიშალეს ჩვენი წარსული, ჩვენი წინაპრების გზა და ეროვნული თვითმყოფადობა.
ახლა კი ვცდილობთ უფრო ღრმად ჩავწვდეთ ისტორიის საინტერესო და მნიშვნელოვან პერიოდებს. ჩვენი ამჟამინდელი კვლევის საგანია:
ქრისტიანობის შემოსვლა საქართველოში პირველ საუკუნეში – როგორ დაიწყო ეს ისტორიული პროცესი და რა გავლენა იქონია ქვეყანაზე.
პირველი საუკუნის ქართლის მეფე – ვინ მართავდა ჩვენს ქვეყანას ამ პერიოდში და რა იყო მისი მმართველობის თავისებურება.
მსოფლიო იმპერიები და საქართველო პირველ საუკუნეში – რომელი იმპერიები განსაზღვრავდნენ მსოფლიო პოლიტიკას და როგორ იყო საქართველო მათთან დაკავშირებული.
ჩვენი კლუბის ერთგული მიზანია, რომ ეს ცოდნა მხოლოდ ჩვენთვის არ შევინახოთ, არამედ გავუზიაროთ სხვებსაც. ამიტომ ვგეგმავთ ამ ისტორიული მასალის ინგლისურ ენაზე მოსწავლეების მიერ წარდგენას. გვჯერა, რომ ეს იქნება მნიშვნელოვანი ნაბიჯი, როგორც ცოდნის გაღრმავებისთვის, ასევე საერთაშორისო სივრცეში ჩვენი ისტორიისა და კულტურის გაცნობისთვის.
მადლობა ყველას მხარდაჭერისთვის!
ლიტერატურული კლუბი „აველუმი“
