ქობულეთის საბავშვო ბაღების გაერთიანება

ქობულეთის საბავშვო ბაღებში საქართველოს დამოუკიდებლობის დღისადმი მიძღვნილი მრავალფეროვანი აქტივობები გაიმართა.

🇬🇪 26 მაისს, ქობულეთის მუნიციპალიტეტში, დამოუკიდებლობის დღისადმი მიძღვნილი საზეიმო ღონისძიებები გაიმართება

ღონისძიების პროგრამა:

🔹 12:00 - ქვეყნის ტერიტორიული მთლიანობის, თავისუფლებისა და დამოუკიდებლობისთვის დაღუპულ და უგზოუკვლოდ დაკარგულ მეომართა მემორიალის ყვავილებით შემკობა.

🔹13:00 - 26 მაისთან დაკავშირებული გამოფენა ქობულეთის მუზეუმში.

🔹12:00 - 17:00 - ქობულეთის ცენტრალური პარკი - საბავშვო აქტივობები, ნახატების, ხელნაკეთი ნივთების გამოფენა.
კალიგრაფიის კონკურსი.

🇬🇪 17:10 საქართველოს სახელმწიფო ჰიმნი.

🔹 17:15 საათი საქართველოს დამოუკიდებლობის დღისადმი მიძღვნილი საზეიმო კონცერტი.

📍 ქობულეთის ცენტრალური პარკი, ამფითეატრი.

🇬🇪 ერთად ვიზეიმოთ საქართველოს დამოუკიდებლობის დღე

#26მაისი #ესდღეჩვენია

სოფელ ქაქუთის საბავშვო ბაღის აღსაზრდელები ეროვნული სამოსის დღესთან დაკავშირებით გასვლითი ვიზიტით კულტურის სახლში იმყოფებოდნენ.

პატარებმა დაათვალიერეს ქართული ეროვნული სამოსი, გაეცნენ მის მრავალფეროვნებას, ისტორიასა და თითოეული კუთხისთვის დამახასიათებელ თავისებურებებს.

სოფელ დაგვას საბავშო ბაღში შემეცნებით-გასართობი აქტივობა გაიმართა.

სოფელ ქობულეთის საბავშვო ბაღში, გჯუფ "ცისარტყელაში" გაიმართა აქტივობა — "პროფესიები"

"ჩემი საყვარელი ზღაპრის გმირი" - სოფელ ქაქუთის საბავშვო ბაღის აღსაზრდელებმა შემოქმედებითი აქტივობის ფარგლებში საყვარელი ზღაპრის გმირები გააცოცხლეს.

სოფელ ლეღვას საბავშვო ბაღში თემაზე — „ჰიგიენა“, საგანმანათლებლო აქტივობა გაიმართა.

აღსაზრდელებმა ჩაატარეს პრაქტიკული სამუშაოები: დაასუფთავეს სკამები, მაგიდები და სათამაშოები.

აღნიშნული აქტივობა მიზნად ისახავდა ბავშვებში ჰიგიენური ჩვევების ჩამოყალიბებას, სისუფთავის მნიშვნელობის გააზრებასა და გარემოზე ზრუნვის პასუხისმგებლობის განვითარებას.

საბავშვო ბაღში ბავშვთა სრულყოფილი განვითარების ხელშეწყობის მიზნით, კურიკულუმი განახლდა.

ახალი პროგრამა ორიენტირებულია თითოეული ბავშვის ინდივიდუალურ შესაძლებლობებსა და საჭიროებებზე და მიზნად ისახავს მათი კოგნიტური, სოციალური, ემოციური და ფიზიკური განვითარების ხელშეწყობას.

აქტივობები დაგეგმილია ისე, რომ ბავშვებმა სწავლა მიიღონ თამაშის, შემოქმედებითი და პრაქტიკული პროცესების საშუალებით, რაც მათთვის სასწავლო გარემოს მეტად საინტერესო და სახალისოს ხდის.

🔹 ახალი კურიკულუმი ხელს უწყობს: • კრიტიკული და ლოგიკური აზროვნების განვითარებას
• კომუნიკაციისა და გუნდური მუშაობის უნარების გაძლიერებას
• შემოქმედებითი და დამოუკიდებელი აზროვნების წახალისებას
• ემოციური ინტელექტის განვითარებას
• გარემოსა და სამყაროს უკეთ გაცნობას.

მნიშვნელოვანია, თითოეულმა ბავშვმა თავი იგრძნოს უსაფრთხოდ, ბედნიერად და მოტივირებულად — რადგან სწორედ ასეთ გარემოში ხდება მათი ჰარმონიული ზრდა და განვითარება.

სოფელ ქაქუთის საბავშვო ბაღის აღსაზრდელებმა განახორციელეს შემოქმედებითი აქტივობა — "ფერმა ჩვენს ბაღში"

სოფელ ლეღვას და სოფელ ქობულეთის საბავშვო ბაღების აღსაზრდელებმა კულინარიულ აქტივობაში მიიღეს მონაწილეობა.

პატარებმა საკუთარი ხელით მოამზადეს ცომი და გამოაცხვეს ორცხობილები .

მსგავსი სახის აქტივობები მნიშვნელოვან როლს ასრულებს ბავშვთა განვითარებაში. პროცესი ავითარებს წვრილ მოტორიკას და სენსორულ უნარებს.