ხონის №1 საჯარო სკოლა

ხონის მუნიციპალიტეტის მერმა ლადო ჯურხაძემ, საკრებულოს თავმჯდომარემ აკაკი გოფოძემ მოადგილეებთან ერთად, ხონის მოსე ხონელის სახელობის N1 საჯარო სკოლის 10 ა კლასის მოსწავლეებს უმასპინძლა.

შეხვედრა გაიმართა პროექტის სამოქალაქო განათლების სწავლების ფარგლებში, რომელსაც პედაგოგი ბაჩანა ბასილაია ხელმძღვანელობს. პროექტი ვანდალიზმის პრობლემატიკას ეხება და მიზნად ისახავს ახალგაზრდებში სამოქალაქო პასუხისმგებლობისა და საზოგადოებრივი ცნობიერების ამაღლებას.

პროექტის ფარგლებში მოსწავლეებმა მუნიციპალიტეტის ტერიტორიაზე არსებული ვანდალიზმის ფაქტები შეისწავლეს, მოამზადეს შესაბამისი ფოტომასალა, შექმნეს საინფორმაციო ბროშურები და დაამუშავეს თემატური ვიდეორგოლი.
შეხვედრისას მოსწავლეებმა საკუთარი მოსაზრებები და ინიციატივები წარუდგინეს ადგილობრივი ხელისუფლების წარმომადგენლებს. და თანამდებობის პირებისგან მოისმინეს ინფორმაცია მუნიციპალიტეტის მიერ დაგეგმილი ღონისძიებებისა და იმ პრაქტიკული ნაბიჯების შესახებ, რომლებიც ვანდალიზმის პრევენციასა და მსგავსი ფაქტების შემცირებას შეუწყობს ხელს.

მოსე ხონელის სახელობის ქალაქ ხონის #1საჯარო სკოლის მე-12ა კლასი გეპატიჟებათ ,,ბოლო ზარის" ღონისძიებაზე