გუბის საჯარო სკოლა

18/09/2026

🤖 ახალი შესაძლებლობა ჩვენი მოსწავლეებისთვის!

ტექნოლოგიებით, რობოტიკითა და პროგრამირებით დაინტერესებულ მოსწავლეებს სასიამოვნო სიახლე გვაქვს — ჩვენს სკოლაში რობოტიკის კლუბი იწყებს მუშაობას! 🚀

კლუბის შეხვედრებზე მოსწავლეები შეძლებენ არა მხოლოდ რობოტების აწყობას, არამედ საკუთარი იდეების პრაქტიკაში გამოცდას, პრობლემების სხვადასხვა გზით გადაჭრას და პროგრამირების პირველი ნაბიჯების გადადგმას.

🔹 ვისთვის? — III, IV, V და VI კლასების მოსწავლეებისთვის
🔹 რას ვისწავლით?
• LEGO რობოტების აწყობასა და მუშაობის პრინციპებს
• პროგრამირების საფუძვლებს
• ალგორითმულ და ლოგიკურ აზროვნებას
• სხვადასხვა ამოცანის შემოქმედებითად გადაჭრას

🔹 როგორი იქნება პროცესი?
თეორიის გარდა, მთავარი აქცენტი პრაქტიკულ მუშაობაზე, გუნდურ დავალებებსა და სახალისო გამოწვევებზე გაკეთდება.

✨ შესაძლოა, სწორედ აქ დაიწყოს შენი პირველი ნაბიჯები ტექნოლოგიების სამყაროში!

📢 კლუბში მონაწილეობა მოსწავლეებისთვის სრულიად უფასოა.

რეგისტრაციის დაწყეის თარიღს , შეხვედრების განრიგსა და დამატებითი ინფორმაციას მალევე გაცნობებთ …

შექმენი, გამოცადე, დააპროგრამე და აღმოაჩინე — რამდენი შესაძლებლობა იმალება ერთი პატარა რობოტის მიღმა! 🤖💡

@კოტე რამინაშვილი

25/08/2026

✨ ერთი მნიშვნელოვანი ეტაპი დასრულდა, წინ კი ახალი და საინტერესო გზა იწყება!

ეს დღე თითოეული აბიტურიენტისთვის დიდი მოლოდინის, ნერვიულობისა და საბოლოოდ — საკუთარი შრომის შედეგით გამოწვეული სიხარულის დღეა. 💕

ჩვენთვის კი განსაკუთრებული ბედნიერებაა, ვხედავდეთ ჩვენი კურსდამთავრებულების წარმატებას. 💙
წლების განმავლობაში გაწეული შრომა, თავდადება დღეს ერთ დიდ შედეგად იქცა.

გილოცავთ ამ მნიშვნელოვან გამარჯვებას! 🎓❤️ ეს ახალი ცხოვრების გზაზე გადადგმული პირველი დიდი ნაბიჯია.

გისურვებთ, თქვენი სტუდენტური წლები ყოფილიყოს ცოდნით, საინტერესო თავგადასავლებით, ახალი შესაძლებლობებითა და უამრავი წარმატებით სავსე. არასოდეს შეგეპაროთ ეჭვი საკუთარ შესაძლებლობებში და ყოველთვის იარეთ იმ მიზნებისკენ, რომლებზეც ოცნებობთ.

წარმატებული მომავალი გქონოდეთ, ჩვენო კურსდამთავრებულებო! 🎓✨

09/08/2026

08/08/2026

არის სახელები, რომლებსაც მხოლოდ ისტორიაში არ ვკითხულობთ — გულით ვატარებთ.
არიან ადამიანები, რომელთა სიცოცხლე თითქოს მოკლე აღმოჩნდა, მაგრამ მათი თავგანწირვა საუკუნეებს გაჰყვება.
ასეთია 2008 წლის აგვისტოს ომის გმირი — გოჩა დანელია.
აგვისტოს ომი საქართველოს უახლესი ისტორიის ერთ-ერთი ყველაზე მძიმე და მტკივნეული ფურცელია. იმ დღეებში ჩვენი ქვეყნის ცის ქვეშ არაერთმა გმირმა შეწყვიტა სიცოცხლე, მაგრამ მათ დაგვიტოვეს ყველაზე ძვირფასი — სამშობლოსადმი ერთგულებისა და თავდადების მაგალითი.
გოჩა დანელიას გმირობის ამბავი არის მეხსიერება, რომელიც მომავალ თაობებს უნდა გადავცეთ — რათა არასოდეს დავივიწყოთ ადამიანები, რომლებმაც სამშობლოსთვის ყველაზე ძვირფასი, საკუთარი სიცოცხლე გაიღეს.
ჩვენი სკოლა ქედს იხრის გოჩა დანელიას ხსოვნისა და სამშობლოსთვის თავდადებული ყველა გმირის წინაშე.
🇬🇪 დიდება საქართველოს ერთიანობისა და თავისუფლებისთვის დაღუპულ გმირებს!
„გმირები არ კვდებიან — ისინი ჩვენი ქვეყნის მეხსიერებაში აგრძელებენ სიცოცხლეს.“

🇬🇪 გოჩა დანელია - 2008 წლის აგვისტოს ომის გმირი, რომლის სახელიც ოქროს ასოებით ჩაეწერა ჩვენი ქვეყნის ისტორიაში.

ცხინვალის მისადგომებთან დაღუპული გოჩა დანელია ,სამშობლოსთვის თავდადების და გმირობის სიმბოლოა, რომლის მაგალითზეც თაობები გაიზრდებიან.

🇬🇪 გმირები არ კვდებიან — ისინი დროში ცოცხლობენ, ჩვენს მეხსიერებაში, ჩვენს ღირსებასა და ჩვენს მომავალში.

ღრმა პატივისცემა მის ოჯახს, თანამებრძოლებს და ყველა იმ ქართველს, ვინც სამშობლოს სიყვარულით იცავდა.🇬🇪🇬🇪

06/07/2026

დიდი სიახლე და ახალი შესაძლებლობები გუბის საჯარო სკოლაში! ✨🤖

🤖 მოხარულები ვართ გაგიზიაროთ უმნიშვნელოვანესი სიახლე: პროექტის „რობოტიკა სკოლებში“ წარმატებით დასრულების შემდეგ, ჩვენი სკოლაც იმ რჩეულ სკოლებს შორისაა, სადაც ახალი სასწავლო წლიდან რობოტიკის კლუბი ამოქმედდება და თანამედროვე რობოტექნიკით აღიჭურვება!

💡 ჩვენს მოსწავლეებს ექნებათ შესაძლებლობა, სრულიად უფასოდ შეისწავლონ რობოტიკა, იმუშაონ თანამედროვე ტექნიკასთან და პრაქტიკული აქტივობებით განივითარონ მომავლის უნარები.

თანამედროვე განათლება სწორედ ასეთ შესაძლებლობებზე დგას!

🚀 წინ ახალი გამოწვევები, საინტერესო გაკვეთილები და ბევრი წარმატებული მოსწავლეა! ვულოცავთ და წარმატებებს ვუსურვებთ ყველა პროექტში ჩართულ სკოლასა და კოლეგას!

#რობოტიკასკოლებში #გუბისსაჯაროსკოლა #ინოვაციაგანათლებაში #მომავლისთაობა

01/07/2026

🎉 ავტორიზაცია წარმატებით გავლილია 👏👏👏
სსიპ ვლადიმერ ჯანჯღავას სახელობის სოფელ გუბის საჯარო სკოლამ წარმატებით გაიარა ავტორიზაციის პროცესი და მომდევნო 9 წლის ვადით მოიპოვა ავტორიზებული საგანმანათლებლო დაწესებულების სტატუსი 🎉
ავტორიზაცია წარმოადგენს მნიშვნელოვანი ხარისხობრივი შეფასების შედეგს , რომელიც ადასტურებს სკოლის შესაბამისობას დადგენილ საგანმანათლებლო სტანდარტებთან და მის მზაობას, უზრუნველყოს ხარისხიანი და განვითარებაზე ორიენტირებული სასწავლო გარემო 📚✨
აღნიშნული წარმატება მასწავლებლების, მოსწავლეების, მშობლების, ადმინისტრაციის ერთობლივი ძალისხმევის და მიზანმიმართული მუშაობის შედეგი 👏
ვულოცავთ სასკოლო საზოგადოებას ამ მნიშვნელოვან მიღწევას და მადლობას ვუხდით ყველას, ვინც წვლილი შეიტანა ავტორიზაციის წარმატებით მოპოვებაში 🙌
განსაკუთრებული მადლობა ქალაქ ხონის საგანმანათლებლო რესურსცენტრს მხარდაჭერისთვის🫶 🌟

17/06/2026

📚ხონის მუნიციპალიტეტის სოფელ გუბის საჯარო სკოლაში წარმატებით განხორციელდა მნიშვნელოვანი გარემოსდაცვითი, კვლევითი და პრაქტიკაზე ორიენტირებული პროექტი სახელწოდებით „დედამიწა ჩვენი სახლია“. პროექტის ფარგლებში დაგეგმილი აქტივობების განხორციელება 2026 წლის 22 აპრილს, დედამიწის დღეს დაიწყო და 5 ივნისს, გარემოს დაცვის საერთაშორისო დღეს დასრულდა.🌍
პროექტის ფარგლებში, ჩვენი სკოლის IV, VI და IX კლასის მოსწავლეები ნამდვილ „ცვლილებების აგენტებად“ იქცნენ! გეოგრაფიისა და მოქალაქეობის მასწავლებლების, ანა სანოძისა და გურამ უგულავას ხელმძღვანელობით, მათ შეისწავლეს ნარჩენების მართვის გლობალური და ლოკალური გამოწვევები და აქტიურად ჩაერთნენ სკოლის გარემოს გაუმჯობესებაში.
რა აქტივობები განახორციელეს მოსწავლეებმა?
📍საინფორმაციო და კვლევითი ეტაპი: პროექტი მასწავლებლების მიერ მომზადებული საინტერესო პრეზენტაციით დაიწყო. ამის შემდეგ, მოსწავლეებმა უყურეს დოკუმენტურ ფილმს „პლასტმასის ოკეანე“, რამაც მათზე დიდი შთაბეჭდილება მოახდინა. მიღებული ცოდნა მათ „პრობლემის ხის“ პრინციპით გააანალიზეს — ფესვებზე გარემოს დაბინძურების გამომწვევი მიზეზები მონიშნეს, ხოლო ტოტებზე — სავალალო შედეგები.
📍დისკუსია და კოლაჟების შექმნა: გაიმართა აქტიური დისკუსია ადგილობრივ თემში არსებულ ეკოლოგიურ პრობლემებზე. მოსწავლეებმა ასევე დეტალურად შეისწავლეს სხვადასხვა ნივთის ბუნებაში დაშლის ვადები და შექმნეს თვალსაჩინო კოლაჟები, რომლებიც სკოლის ნარჩენების სეპარაციის კუთხეში განათავსეს.
📍პრაქტიკული ნაბიჯები და სამოქალაქო აქტივიზმი: მოსწავლეებმა თავად დაამზადეს საინფორმაციო ბუკლეტები ყოველდღიური ნარჩენების შემცირების პრაქტიკული რჩევებით და გაავრცელეს სასკოლო საზოგადოებაში. გარდა ამისა, მათ შექმნეს ორიგინალური გარემოსდაცვითი ნიშნები, რომლებიც სკოლის ეზოში განათავსეს, რათა ყველას შეახსენონ გარემოზე ზრუნვის აუცილებლობა.
ამ პროექტმა ჩვენს მოსწავლეებს განუვითარა კვლევითი და გუნდური მუშაობის უნარები, აუმაღლა გარემოსდაცვითი ცნობიერება და სამოქალაქო პასუხისმგებლობა და აჩვენა, რომ თითოეულ მათგანს შეუძლია პოზიტიური ცვლილებების მოტანა საკუთარ სკოლაში, ოჯახსა თუ სამეზობლოში.
დიდი მადლობა პროექტის თითოეულ მონაწილე მოსწავლეს ეკომეგობრული კულტურის დამკვიდრებისთვის!
#ეკომეგობრული

12/06/2026

✨🎓დღეს განსაკუთრებული და ემოციური დღე იყო ჩვენი მეოთხეკლასელებისთვის 👫 ოთხი წლის განმავლობაში დაგროვილი ცოდნა, მეგობრობა, და დაუვიწყარი მოგონებები კიდევ ერთ მნიშვნელოვან ეტაპად იქცა მათ ცხოვრებაში💕❤️
გულითად მადლობას ვუხდით კლასის დამრიგებელს, ირინა შველიძეს, რომელმაც სიყვარულით, მზრუნველობითა და პროფესიონალიზმით უხელმძღვანელა მოსწავლეებს ამ მნიშვნელოვანი წლების განმავლობაში.💕 მისი თავდადება და შრომა თითოეული ბავშვის წარმატებაში აისახა.
ასევე განსაკუთრებულ მადლობას ვუხდით მშობლებს მხარდაჭერისთვის, თანამშრომლობისთვის, ნდობისა და თანადგომისთვის. თქვენი ჩართულობა და ძალისხმევა მნიშვნელოვანი საყრდენი იყო ჩვენი ბავშვების განვითარებისა და წარმატებისთვის.🥰❤️
ვულოცავთ ჩვენს საყვარელ მოსწავლეებს და ვუსურვებთ კიდევ უფრო მეტ ცოდნას, წარმატებასა და ბედნიერ დღეებს მომავალში! 💙📚🌟
#მე4კლასი #მადლობამასწავლებელს #მადლობამშობლებს #წარმატებულიმომავალი 🎓🌷

06/06/2026

2026 წლის 25 მაისს ჩვენს სკოლაში ქართული ენისა და ლიტერატურის კათედრის ორგანიზებით დამოუკიდებლობის დღისადმი მიძღვნილი ღონისძიებების ფარგლებში ჩატარდა შიდა სასკოლო ესეების თემატური კონკურსი, რომელშიც მონაწილეობდნენ ჩვენი სკოლის საბაზო და საშუალო საფეხურების მოსწავლეები (VII-XII კლასები).
კონკურსანტებისათვის შეთავაზებული თეზისები ისეთ თემებსა და ღირებულებებს შეეხებოდა, როგორებიცაა: თავისუფლება, თანასწორობა და დამოუკიდებლობა, და ამდენად, კონკურსი ემსახურებოდა მოსწავლეებში ეროვნული ცნობიერებისა თუ პიროვნული განვითარების თვალსაზრისით უმნიშვნელოვანეს საკითხებზე დაფიქრებას; მათში პატრიოტული გრძნობების გაღვივებასა და თავისუფალი ქვეყნის შენების საქმეში საკუთარი როლისა და პასუხისმგებლობის გაცნობიერებას.
კონკურსანტთა ნაშრომები შეაფასა კომპეტენტურმა ჟიურიმ წინასწარ დადგენილი კრიტერიუმების მიხედვით (ჟიურის წევრები: ინგა ტალახაძე (გუბის საჯარო სკოლა), ციალა ბენდელიანი (ნახახულევის საჯარო სკოლა), სალომე უგულავა (ქუთაისის 24-ე საჯარო სკოლა)).
ჟიურიმ გამოავლინა გამარჯვებული მოსწავლეები:
I ადგილი - ნინო მოსეშვილი (IX კლასი);
II ადგილი - თამარ ნიჟარაძე (XI კლასი);
III ადგილი - ომიკო ჭიღვარია (XII კლასი).
მონაწილეობისათვის სიგელით დაჯილდოვდა ყოველი მონაწილე, ხოლო გამარჯვებული თხზულებების ავტორები დაჯილდოვდნენ სიგელებითა და საჩუქრებით.
ვულოცავთ ჩვენს მოსწავლეებს გამარჯვებას და ვუსურვებთ მომავალში კიდევ უფრო დიდ წარმატებებს!
კონკურსის ორგანიზატორები: ინგა ტალახაძე, დიანა მოსეშვილი

05/06/2026

ვულოცავთ ჩვენი სკოლის მოსწავლეებს ააიპ ხონის ახალგზარდა ტექნიკოსთა სახლში გამართულ ქართული ენისა და ლიტერატურის პირველ მუნიციპალურ ოლიმპიადაზე მიღწეულ წარმატებას!
განსაკუთრებული სიამაყით ვულოცავთ მე-6 კლასის მოსწავლე ბარბარე ტალახაძეს ოლიმპიადაზე I ადგილის დაიკავებას.
ასევე ვულოცავთ თამარ კეთილაძეს (III კლასი) და ვიკა ანდრიაძეს(VI კლასი), ღირსეულ, მეორე ადგილის მოპოვებას!
გისურვებთ კიდევ უფრო დიდ წარმატებებს, ახალი მწვერვალების დაპყრობასა და ცოდნის გზაზე წინსვლას!
მადლობა მოსწავლეებს და მათ პედაგოგებს გაწეული შრომისთვის 💕 Nino Kakabadze