ხაშურის საგანმანათლებლო რესურსცენტრი/Khashuri Educational Resource Center

2026–2027 სასწავლო წლისთვის საჯარო სკოლების დაწყებითი საფეხურის მოსწავლეებისთვის სასკოლო ფორმებს განათლების, მეცნიერებისა და ახალგაზრდობის სამინისტროს შპს „საგანმანათლებლო რესურსები“ კომპანია შპს „გლორი ტექსტილი ინდასთრისგან“ შეიძენს.

კომპანიასთან გაფორმებული ხელშეკრულება 1 801 000 ერთეული სასკოლო ფორმის შეკერვას ითვალისწინებს.

კომპანია „გლორი ტექსტილი ინდასთრის“ სამკერვალო ჩინეთის სახალხო რესპუბლიკაშია განთავსებული. სკოლებისთვის ფორმების მიწოდების პროცესი სამ ეტაპად განხორციელდება და ყველა ეტაპი კანონმდებლობის მოთხოვნების სრული დაცვითა და გამჭვირვალობის პრინციპების შესაბამისად წარიმართება.

2026-2027 სასწავლო წლიდან დაწყებითი საფეხურის მოსწავლეებისთვის სასკოლო ფორმის ტარება სავალდებულო ხდება, რაც ხელს შეუწყობს სკოლებში უფრო თანასწორი, ჯანსაღი და ორგანიზებული სასწავლო გარემოს შექმნას, ასევე, მოსწავლეებს შორის სოციალური განსხვავებების შემცირებას.

ახალი სასწავლო წლისთვის სასკოლო ფორმების დროულად უზრუნველყოფის მიზნით, საქართველოს მთავრობის განკარგულებით, შპს „საგანმანათლებლო რესურსებს“ სასკოლო ფორმების გამარტივებული წესით შესყიდვის უფლებამოსილება მიენიჭა.

📌ხაშურის საგანმანათლებლო რესურსცენტრში ინკლუზიურ განათლებაში ჩართულ სპეციალისტებთან – სპეციალურ მასწავლებლებთან სამუშაო ჯგუფის ფორმატის შეხვედრა გაიმართა.

📌შეხვედრის ფარგლებში მონაწილეებმა განიხილეს ინკლუზიური განათლების მიმართულებით არსებული გამოწვევები, სკოლებში მიმდინარე პრაქტიკა და სპეციალური საგანმანათლებლო საჭიროების მქონე მოსწავლეთა მხარდაჭერის პროცესში გამოვლენილი საჭიროებები. განსაკუთრებული ყურადღება დაეთმო სპეციალური მასწავლებლების პროფესიული საქმიანობის ხელშეწყობას, გამოცდილების გაზიარებასა და ეფექტიანი თანამშრომლობის მექანიზმების განვითარებას.

📌დისკუსიის შედეგად დაიგეგმა სამომავლო თანამშრომლობის მიმართულებები, რომლებიც მიზნად ისახავს ინკლუზიური განათლების ხარისხის გაუმჯობესებას, სპეციალისტების პროფესიულ მხარდაჭერასა და თითოეული მოსწავლისთვის თანაბარი საგანმანათლებლო შესაძლებლობების უზრუნველყოფას.

📌ხაშურის საგანმანათლებლო რესურსცენტრი მადლობას უხდის სპეციალურ მასწავლებლებს აქტიური ჩართულობისა და განათლების სისტემის განვითარებაში შეტანილი მნიშვნელოვანი წვლილისთვის.

✅სსიპ მიხეილ მურვანიშვილის სახელობის ხაშურის მუნიციპალიტეტის დაბა სურამის N1 საჯარო სკოლამ წარმატებით დაასრულა ავტორიზაციის პროცესი და 2026 წლის 19 ივნისის გადაწყვეტილებით, ავტორიზაცია 9 წლის ვადით მოიპოვა.

✅ეს მნიშვნელოვანი მიღწევა სკოლის განვითარების, ხარისხზე ორიენტირებული მართვისა და სასკოლო საზოგადოების ერთობლივი ძალისხმევის ნათელი დადასტურებაა. მიღებული შედეგი ეფუძნება ადმინისტრაციის, პედაგოგების, მოსწავლეების, მშობლებისა და თანამშრომლების პასუხისმგებლიან, თანმიმდევრულ და მიზანმიმართულ საქმიანობას.

✅ავტორიზაციის წარმატებით გავლა კიდევ ერთხელ ადასტურებს, რომ სკოლაში შექმნილია ხარისხიანი, უსაფრთხო და მოსწავლეზე ორიენტირებული საგანმანათლებლო გარემო, სადაც პროფესიონალიზმი, თანამშრომლობა და უწყვეტი განვითარება უმნიშვნელოვანეს ღირებულებებს წარმოადგენს.

✅ვულოცავთ სკოლის დირექტორს, პედაგოგიურ კოლექტივს, ადმინისტრაციას, მოსწავლეებს, მშობლებსა და თითოეულ თანამშრომელს ამ ღირსშესანიშნავ წარმატებას. ვუსურვებთ სკოლას კიდევ უფრო მეტ წინსვლას, ინოვაციურ პროექტებს, ახალ შესაძლებლობებსა და მრავალ მნიშვნელოვან მიღწევას მომავალში.

📌„ჩემი პირველი კომპიუტერი“ პროგრამის ფარგლებში, ხაშურის საგანმანათლებლო რესურსცენტრმა მიიღო 566 ერთეული Asus BR1104CTA-ის მოდელის კომპიუტერი, რომლებიც პირვეკლასელთა საყოველთაო რეგისტრაციის დასრულებისთანავე მუნიციპალიტეტის სკოლებს გადაეცემა და მომავალი პირველკლასელების საკუთრება გახდება.

📌პროგრამის მთავარი მიზანია, მოსწავლეებს სწავლის დაწყებისთანავე ჰქონდეთ თანამედროვე ტექნოლოგიებზე ხელმისაწვდომობა, რაც მნიშვნელოვნად შეუწყობს ხელს მათ საგანმანათლებლო განვითარებასა და ციფრული უნარების ჩამოყალიბებას.

✅კომპიუტერები ბავშვებს დაეხმარება:

* სასწავლო რესურსებისა და ელექტრონული მასალების გამოყენებაში;
* ინფორმაციის მოძიებისა და დამუშავების უნარების განვითარებაში;
* შემოქმედებითი და კვლევითი საქმიანობის განხორციელებაში;
* ციფრული ტექნოლოგიების უსაფრთხო და ეფექტიანი გამოყენების სწავლაში;
* თანამედროვე სასწავლო პროცესში აქტიურ ჩართულობასა და დამოუკიდებელი სწავლის უნარების განვითარებაში.

📌„ჩემი პირველი კომპიუტერი“ სახელმწიფოს ერთ-ერთი მნიშვნელოვანი საგანმანათლებლო ინიციატივაა, რომელიც მიზნად ისახავს მოსწავლეებისთვის თანაბარი შესაძლებლობების შექმნას და ხარისხიან განათლებაზე ხელმისაწვდომობის გაზრდას.

✅ხაშურის საგანმანათლებლო რესურსცენტრი მადლობას უხდის ხაშურის N1, ხაშურის N3, ხაშურის N7 საჯარო სკოლებს კომპიუტერების ორგანიზებულად მიღებაში მხარდაჭერისათვის.

📌დღეს, სასტუმრო „ჰოლიდეი ინში“, ინფრასტრუქტურის სამინისტროს ორგანიზებით, განათლების, მეცნიერებისა და ახალგაზრდობის, ასევე რეგიონული განვითარების მინისტრების მონაწილეობით, გაიმართა შეხვედრა იმ სკოლების დირექტორებთან და მშობლებთან, რომელთა საგანმანათლებლო ინფრასტრუქტურულ პროექტებთან დაკავშირებით მიმდინარეობს შესაბამისი პროცედურები.

📌შეხვედრას ესწრებოდა ხაშურის საგანმანათლებლო რესურსცენტრის უფროსი ზვიად გოგუაძე, ხაშურის N3 და N4, სურამის N4, ვაყისა და ნაბახტევის საჯარო სკოლების დირექტორებთან და აღნიშნული სკოლების მოსწავლეთა მშობლებთან ერთად.

📌შეხვედრის ფარგლებში მონაწილეებმა მიიღეს დეტალური ინფორმაცია თითოეული პროექტის მიმდინარე სტატუსის, დაგეგმილი ღონისძიებებისა და განხორციელების ვადების შესახებ. კითხვა-პასუხის ფორმატში გამართულ შეხვედრაზე სამინისტროს წარმომადგენლებმა სკოლების ინფრასტრუქტურული პროექტების მიმდინარეობასა და სამომავლო გეგმებზე ამომწურავი განმარტებები გააკეთეს.

📌ქალაქ ხაშურის N7 საჯარო სკოლაში მიმდინარეობს ინტეგრირებული პროფესიული საგანმანათლებლო პროგრამის – „კომპიუტერული ქსელი და სისტემები“ განხორციელება, რომელიც მოსწავლეებს ზოგადი განათლების მიღებასთან ერთად თანამედროვე და მოთხოვნადი პროფესიის დაუფლების შესაძლებლობას აძლევს.

📌სასწავლო პროცესს ადგილზე გაეცნო რესურსცენტრის უფროსი ზვიად გოგუაძე, რომელმაც პროგრამის მონაწილეებთან და პედაგოგებთან შეხვედრისას პროფესიული განათლების მნიშვნელობაზე ისაუბრა. მისი განცხადებით, პროფესიული განათლება ახალგაზრდებისთვის რეალური კარიერული შესაძლებლობების შექმნისა და შრომის ბაზარზე კონკურენტუნარიანობის გაზრდის ერთ-ერთი მნიშვნელოვანი წინაპირობაა.

📌ზვიად გოგუაძემ განსაკუთრებული ყურადღება გაამახვილა ინტეგრირებული პროფესიული პროგრამების როლზე, რომლებიც მოსწავლეებს საშუალებას აძლევს, სკოლის დასრულებისთანავე ფლობდნენ როგორც ზოგად განათლებას, ასევე კონკრეტულ პროფესიულ კვალიფიკაციას.

📌პროგრამა „კომპიუტერული ქსელი და სისტემები“ ორიენტირებულია ინფორმაციული ტექნოლოგიების სფეროში პრაქტიკული ცოდნისა და უნარების განვითარებაზე. სწავლების პროცესში სტუდენტები ეუფლებიან კომპიუტერული ქსელების მოწყობას, ადმინისტრირებასა და ტექნიკურ მხარდაჭერას, რაც მათ შემდგომ დასაქმებასა და პროფესიულ განვითარებას უწყობს ხელს.

📌ხაშურის N7 საჯარო სკოლაში პროფესიული განათლების ხელმისაწვდომობა მნიშვნელოვანი ნაბიჯია მუნიციპალიტეტში და მეტიც- რეგიონში ახალგაზრდების პროფესიული უნარების გაძლიერებისა და თანამედროვე ტექნოლოგიურ სფეროებში მათი ჩართულობის გაზრდის მიმართულებით.

✅2026 წლის 17 ივნისს, მე-12 კლასში შემავალი საგნის/საგნების (ქართული ენა და ლიტერატურა, მათემატიკა, ისტორია, ინგლისური ენა, მოქალაქეობა) ზოგადსაგანმანათლებლო სასწავლო პროგრამის/პროგრამების ექსტერნატის ფორმით დაძლევის გამოცდები იწყება!
✅გამოცდები ჩატარდება ცენტრალიზებულად, ელექტრონული ფორმით, ხაშურის საგანმანათლებლო რესურსცენტრში რეგისტრირებული ექსტერნებისთვის ერთ სესიად!
საგამოცდო ცენტრი: სსიპ ქალაქ ხაშურის N7 საჯარო სკოლა
გამოცდების განრიგი
✅ქართული ენა და ლიტერატურა -17 ივნისი
✅მათემატიკა-18 ივნისი
✅ისტორია-19 ივნისი
✅მოქალაქეობა-22 ივნისი
✅ინგლისური ენა-23 ივნისი

📌სსიპ მალხაზ ხარაზიშვილის სახელობის ხაშურის მუნიციპალიტეტის სოფელ ბროლოსნის საჯარო სკოლის მოსწავლემ, გიორგი გოგალაძემ, საქართველოს განათლების, მეცნიერებისა და ახალგაზრდობის სამინისტროს მიერ ორგანიზებულ სასკოლო კონკურსში „როცა აფხაზეთში დავბრუნდები“ მესამე ადგილი მოიპოვა.

📌კონკურსის გამარჯვებულები საქართველოს განათლების, მეცნიერებისა და ახალგაზრდობის მინისტრმა გივი მიქანაძემ დააჯილდოვა. კონკურსის მიზანი იყო ახალგაზრდებში აფხაზეთის ისტორიის, კულტურისა და მომავლის შესახებ ცნობიერების ამაღლება, მშვიდობიანი თანაცხოვრების იდეის გაძლიერება და შემოქმედებითი უნარების განვითარება.

📌კონკურსში 400-მდე საჯარო და კერძო სკოლის 2500-ზე მეტმა მოსწავლემ მიიღო მონაწილეობა და 1270 ნაშრომი წარადგინა.

📌ხაშურის საგანმანათლებლო რესურსცენტრი ულოცავს გიორგის ამ მნიშვნელოვან წარმატებას და უსურვებს მომავალშიც არაერთ გამარჯვებასა და წარმატებულ საქმიანობას.

📣 გამოვლინდა კომიქსების კონკურსის გამარჯვებული

📌ბავშვთა დაცვის საერთაშორისო დღესთან დაკავშირებით ქალაქ ხაშურის საგანმანათლებლო რესურსცენტრის მიერ გამოცხადებული კომიქსების კონკურსი თემაზე „ბავშვთა უფლებები და უსაფრთხო გარემო“ დასრულდა.

📌კონკურსის მიზანი იყო მოსწავლეებში ბავშვთა უფლებების, უსაფრთხო გარემოს, თანასწორობისა და მხარდაჭერის მნიშვნელობის შესახებ ცნობიერების ამაღლება, ასევე მათი შემოქმედებითი უნარებისა და კრიტიკული აზროვნების განვითარების ხელშეწყობა.

📌საკონკურსო ნამუშევრები შეფასდა დადგენილი კრიტერიუმების მიხედვით: თემის შესაბამისობა, შემოქმედებითობა, იდეის ორიგინალურობა, ვიზუალური შესრულება და გზავნილის ეფექტურობა.

✅კონკურსის გამარჯვებული გახდა სსიპ ილია ჭავჭავაძის სახელობის ქალაქ ხაშურის №3 საჯარო სკოლის X კლასის მოსწავლე კესო ლომიძე.

📌გამარჯვებულს შეხვდა ხაშურის საგანმანათლებლო რესურსცენტრის უფროსი, ზვიად გოგუაძე, რომელმაც მას პირადად მიულოცა წარმატება, გაესაუბრა კონკურსში მონაწილეობის გამოცდილებისა და შემოქმედებითი საქმიანობის შესახებ და სერტიფიკატითა და სიმბოლური საჩუქრით დააჯილდოვა.

📌ხაშურის საგანმანათლებლო რესურსცენტრი მადლობას უხდის კონკურსში ჩართულ ყველა მოსწავლესა და სკოლას აქტიური მონაწილეობისათვის და აღვნიშნავთ, რომ მსგავსი ინიციატივები მნიშვნელოვან როლს ასრულებს ბავშვთა უფლებების დაცვის კულტურის გაძლიერებაში, უსაფრთხო გარემოს იდეის პოპულარიზაციასა და ახალგაზრდების შემოქმედებითი პოტენციალის წარმოჩენაში.

📌საქართველოს განათლების, მეცნიერებისა და ახალგაზრდობის სამინისტროს პროექტის „საჯარო დიალოგი ინკლუზიურ განათლებაზე“ შემაჯამებელი ღონისძიება გაიმართა
📌ღონისძიებაზე ინკლუზიური განათლების მიმართულებით განხორციელებული და დაგეგმილი ინიციატივები განიხილეს.
📌ღონისძიებაზე წარმოდგენილი იყო პროექტის ფარგლებში გამოვლენილი ძირითადი მიგნებები და რეკომენდაციები, რომლებიც ინკლუზიური განათლების პოლიტიკისა და სერვისების შემდგომ განვითარებას დაედება საფუძვლად.
📌შეხვედრას კოლეგებთან ერთად ესწრებოდა ხაშურის საგანმანათლებლო რესურსცენტრის უფროსიც.