25/08/2026
📢📢📢სსიპ - შოთა რუსთაველის სახელობის ქალაქ ხაშურის №9 საჯარო სკოლაში ჩარიცხულ პირველკლასელ მოსწავლეთა მშობლების საყურადღებოდ!
✅ გაცნობებთ, რომ ჩვენი სკოლის პირველი კლასის მოსწავლეებისთვის სასკოლო ფორმების შეძენას შეძლებთ 2026 წლის 4 სექტემბერს, 12:00-დან 14:00 საათამდე, სსიპ ქალაქ ხაშურის №1 საჯარო სკოლაში. მისამართი: ქალაქი ხაშური, გ. ტაბიძის ქუჩა №22.
✅ საქართველოს მთავრობის 2026 წლის 3 აგვისტოს №364 დადგენილებით დამტკიცდა სასკოლო ფორმით მოსწავლეთა უსასყიდლოდ უზრუნველყოფის მიზნობრივი პროგრამა:
მოსწავლეებს, რომლებიც რეგისტრირებულნი არიან სოციალურად დაუცველი ოჯახების მონაცემთა ერთიან ბაზაში და მათი სარეიტინგო ქულა 65 001-ზე ნაკლებია;
✅ მინდობით აღზრდის სახელმწიფო პროგრამაში ჩართულ ბავშვებს;
✅ მცირე საოჯახო ტიპის სახლებში განთავსებულ მოსწავლეებს;
✅ მიუსაფარ ბავშვთა თავშესაფრების მომსახურებაში ჩართულ მოსწავლეებს;
✅ თბილისის ბავშვთა სახლში განთავსებულ მოსწავლეებს;
✅ უკრაინაში დაწყებული საომარი მოქმედებების შედეგად საქართველოს საჯარო სკოლებში ჩარიცხულ უკრაინელ მოსწავლეებს.
✅ მრავალშვილიანი მშობლის სტატუსი — ოთხი ან მეტი შვილის მშობელს, ხოლო ოჯახის სარეიტინგო ქულა 65 000-ზე მეტია და 120 001-ზე ნაკლებია.
✅ მოსწავლემ წლის განმავლობაში თუ მოიპოვა შესაბამისი ბენეფიციარის სტატუსი?
ასეთ შემთხვევაში მშობელმა წერილობით უნდა მიმართოს შპს „საგანმანათლებლო რესურსებს“. განაცხადი განიხილება 10 სამუშაო დღის ვადაში.
= = = = = = = = = = = = = = = = = = = = = = = = = = = = = =
სასკოლო ფორმის დადგენილი ფასებია:
✅ სასკოლო პიჯაკი — 45 ლარი;
✅ სასკოლო შარვალი — 25 ლარი;
✅ სასკოლო ქვედაკაბა — 25 ლარი.
✅ შესაძლებელია ფორმის ადგილზე მოზომება. მშობლებს შესაძლებლობა ექნებათ, ბავშვს ადგილზე მოარგონ ფორმა და შეარჩიონ მისთვის შესაბამისი და კომფორტული ზომა.
✅ ფორმის საფასურის გადახდა ხორციელდება ადგილზე, უნაღდო ფორმით, ტერმინალის საშუალებით, ასევე შესაბამის კოდზე თანხის გადარიცხვით. გადარიცხვის შემთხვევაში ქვითარი უნდა წარადგინოთ სარეალიზაციო პუნქტში. გადახდისას დანიშნულებაში აუცილებლად უნდა მიეთითოს მოსწავლის პირადი ნომერი, სახელი და გვარი.
✅ ზომის შეუსაბამობის ან ქარხნული წუნის შემთხვევაში ფორმის გადაცვლა ან დაბრუნება შესაძლებელია მიღებიდან ან შეძენიდან 14 კალენდარული დღის განმავლობაში. მნიშვნელოვანია, რომ ნივთს შენარჩუნებული ჰქონდეს სასაქონლო იერსახე და ეტიკეტი და არ ეტყობოდეს მოხმარების კვალი.
✅ დამატებითი კითხვებისა და საორგანიზაციო საკითხებზე კონსულტაციის მიღებისათვის შეგიძლიათ დაუკავშირდეთ სკოლის დირექტორს.
