13/09/2026
📌 ვინ არის იგი — მართალი ქალი?
ცნობილი სწავლულისა და შეიხის, აბდულლაჰ ყუსაირის (ალლაჰმა შეიწყალოს იგი), ლექციას სახელწოდებით „ვინ არის იგი — მართალი ქალი?“ არის ერთი მომენტი. ამ ლექციაში შეიხმა უამბო უმამა ბინთ ალ-ჰარისის მიერ თავისი ქალიშვილისთვის მიცემული დარიგების ისტორია. ძალიან მომინდა, ეს ჩვენს დებსაც გავუზიარო, რათა მათაც ასწავლონ ეს თავიანთ ქალიშვილებს!
უმამა ბინთ ალ-ჰარისმა უთხრა თავის ქალიშვილს:
„ო, ჩემო ქალიშვილო! თუ დარიგება ადამიანის ზრდილობისა და კეთილშობილური წარმომავლობის გამო აღარ იქნებოდა საჭირო, მაშინ შენთვის ის არ იქნებოდა საჭირო. თუმცა იგი უყურადღებოსთვის შეხსენებაა, ხოლო გონიერი ადამიანისთვის — დამხმარე.
ო, ჩემო ქალიშვილო! ქალს რომ მამის სიმდიდრით შეეძლოს ქმრის გარეშე ცხოვრება, მიუხედავად იმისა, რომ თავად ძალიან საჭიროებს მას, შენ ყველაზე ნაკლებად იქნებოდი ქმრის საჭიროების მქონე ადამიანთა შორის. მაგრამ ქალები კაცებისთვის არიან შექმნილნი, ისევე როგორც კაცები — ქალებისთვის.
ო, ჩემო ქალიშვილო! ჭეშმარიტად, შენ დატოვე ის მიწა, საიდანაც გამოხვედი, და ის სახლი, რომელსაც შეჩვეული იყავი, იმ სახლის სანაცვლოდ, რომელსაც არ იცნობ. და იმ თანამგზავრის გულისთვის, რომელიც აქამდე არ გიყვარდა. ის კი, შენზე დაქორწინებით, შენს პატრონად (ქმრად) იქცა. ამიტომ, იყავი მისთვის მონა და ისიც შენთვის მონა გახდება.
მიიღე ჩემგან ათი თვისება და ისინი შენთვის დანაზოგი და შეხსენება იქნება.
პირველი და მეორე: თან ახლდი მას ზომიერებითა და უბრალოებით და იცხოვრე მასთან მისი მოსმენითა და მორჩილებით. რადგან უპრეტენზიობაში გულის სიმშვიდეა, ხოლო მოსმენასა და მორჩილებაში — უფლის კმაყოფილება.
მესამე და მეოთხე: იზრუნე იმ სურნელებზე, რომლებსაც ის შეიგრძნობს, და იმ ადგილებზე, რომლებსაც მისი მზერა შეიძლება მისწვდეს, რათა მისი მზერა შენში არასოდეს წააწყდეს რაიმე უსიამოვნოს და შენგან მხოლოდ სასიამოვნო სურნელს გრძნობდეს. ჭეშმარიტად, სურმა საუკეთესო სამკაულია არსებულ სამკაულთა შორის, ხოლო წყალი — ყველაზე სასიამოვნო სურნელოვანი საშუალება.
მეხუთე და მეექვსე: იზრუნე მისი კვების დროზე და მის სიმშვიდეზე ძილის დროს. რადგან შიმშილის სიმხურვალე ცეცხლია, ხოლო ძილის დარღვევა — გაბრაზების მიზეზი.
მეშვიდე და მერვე: იზრუნე მის ახლობლებზე და შვილებზე და დაიცავი მისი ქონება, რადგან ქონების დაცვა მოვალეობის სათანადოდ შესრულებაა, ხოლო ახლობლებსა და შვილებზე ზრუნვა — სახლის საუკეთესო მართვა.
მეცხრე და მეათე: ნუ გაავრცელებ მის საიდუმლოებებს და ნუ ეურჩები მის ბრძანებებს. რადგან თუ მის საიდუმლოს გაავრცელებ, მისგან ვერ დაიცავ თავს მისი მზაკვრობისგან, ხოლო თუ მის ბრძანებას არ დაემორჩილები, მასში გაბრაზებას გამოიწვევ.
გარდა ამისა, ჩემო ქალიშვილო, ფრთხილად იყავი: ნუ გაიხარებ მის წინაშე მაშინ, როდესაც ის მოწყენილია, და ნუ დამწუხრდები მაშინ, როდესაც ის გახარებულია. რადგან პირველი თვისება უყურადღებობას მიეკუთვნება, ხოლო მეორე — გაღიზიანებასა და შეწუხებას.
პატივი ეცი მას იმდენად ძლიერად, რამდენადაც შეგიძლია, და ისიც იმდენად ძლიერად დაგაფასებს, რამდენადაც შეუძლია. რაც უფრო მეტად მოერგები მას, მით უფრო რბილი იქნება იგი შენ მიმართ.
იცოდე, ჩემო ქალიშვილო, რომ მისგან ვერ მიიღებ იმას, რაც გიყვარს, სანამ მის კმაყოფილებას შენს კმაყოფილებაზე წინ არ დააყენებ და მის სურვილს — შენს სურვილზე, როგორც იმაში, რაც მოგწონს, ასევე იმაში, რაც არ მოგწონს.
დაე, ალლაჰმა ხელი შეგიწყოს და დაგიფაროს.“
წყარო: მუჰამმად ‘ალი ალ-ჰაშიმი, „მუსლიმი ქალის პიროვნება“, გვ. 165–166.
https://t.me/abilovramingeo
https://t.me/abilovramingeo
https://t.me/abilovramingeo
