სკოლის მისია
სკოლის მისიაა მოსწავლეებში ისეთი კომპეტენციების განვითარება, რომლებიც ხელს შეუწყობს წიგნიერი, კრიტიკულად მოაზროვნე, შემოქმედებითი და მიზანდასახული, ინფორმირებული და პასუხისმგებლობის გრძნობის, პატრიოტული და კულტურული ღირებულებების მქონე პიროვნების ჩამოყალიბებას, რომელიც ორიენტირებული იქნება უწყვეტ განვითარებაზე და გახდება საზოგადოების აქტიური წევრი, რომელიც ეფექტურად მიიღებს მონაწილეობას როგორც ქვეყნის, ისე გლობალურ პროცესებში.
სკოლის ხედვა
სკოლის ხედვაა - სკოლა გახდეს ერთ-ერთი წამყვანი საგანმანათლებლო დაწესებულება რეგიონსა და ქვეყანაში, რომელიც ქმნის ინოვაციურ, მრავალფეროვან , ძალადობისა და დისკრიმინაციის ნებისმიერი ფორმისაგან თავისუფალ, წამახალისებელ და მხარდაჭერილ გარემოს. სკოლის მიზანია თანამედროვე ინფრასტრუქტურის, ინოვაციური ტექნოლოგიების განვითარების და სკოლის კომპიუტერიზაციით, გამართული საგანმანათლებლო პროცესების გამოყენებით, მშობელთა აქტიური ჩართულობით სასწავლო-აღმზრდელობით პროცესში შექმნას ისეთი გარემო, სადაც თითოეული მოსწავლე სრულად ავითარებს თავის პოტენციალს.
სკოლის ღირებულებები:
• პატივისცემა და თანასწორობა -სკოლაში უზრუნველყოფილია თითოეული ადამიანის ღირსების პატივისცემა და უფლებების დაცვა და ეს ყოველდღიურ საქმიანობაში აისახება თითოეული ადამიანის შეხედულებების და საჭიროებების გათვალისწინებით . სკოლის გარემოში ყველა მოსწავლე, პედაგოგი და თანამშრომელი ფასდება თანასწორად, მიუხედავად მათი სოციალური, ეთნიკური თუ კულტურული განსხვავებებისა.
• გამჭვირვალობა - სკოლის საქმიანობა, ხედვები და ღირებულებები საჯაროდაა ხელმისაწვდომი და წინასწარ ცნობილია ყველა დაინტერესებული პირისათვის, უზრუნველყოფილია სკოლის საქმიანობის შესახებ ინფორმაციის საჯაროობა.
• მიუკერძოებლობა - სკოლის მიერ მიღებული გადაწყვეტილებები შეესაბამება მოქმედ კანონმდებლობასა და ითვალისწინებს დაინტერესებულ მხარეთა საუკეთესო ინტერესებს. სკოლაში ყურადღება ექცევა ეთიკის ნორმებისა და პროფესიული სტანდარტების შესრულებას.
• პასუხისმგებლობა - სასკოლო საზოგადოება პასუხისმგებელია არა მხოლოდ პირად წარმატებაზე, არამედ სკოლის განვითარებისა და საერთო მიზნების შესრულებაზე.
• თანამშრომლობა და გუნდური მუშაობა - სკოლის თითოეული წევრი ხელს უწყობს ერთმანეთის იდეების განვითარებას, ცოდნის გაზიარებას და შემოქმედების მხარდაჭერას. თანამშრომლობა ასევე უზრუნველყოფს ჯანსაღ, პროდუქტიულ და პოზიტიურ ურთიერთობებს მასწავლებლებს, მოსწავლეებსა და მშობლებთან. სკოლა მზად არის დაინტერესებულ მხარეებთან თანამშრომლობისთვის.
• ობიექტურობა - ჩვენი სკოლის მუშაობა და შეფასება ეფუძნება ობიექტურობას, რაც ნიშნავს იმას, რომ ყველა გადაწყვეტილება, შეფასება და მიდგომა მხოლოდ ფაქტებსა და რეალურ შედეგებზეა დაფუძნებული. მოსწავლეების შეფასება ეფუძნება ეროვნულ სასწავლო გეგმას და ფაქტობრივ გარემოებებს.
• განვითარება და ინოვაციურობა - ჩვენ ვცდილობთ მუდმივად გავითვალისწინოთ და განვავითაროთ სასწავლო პროცესები, ვეძებთ ახალ ინოვაციურ მეთოდებს და ხელს ვუწყობთ მოსწავლეებს, მასწავლებლებსა და სკოლის სხვა თანამშრომლებს აქტიურად მონაწილეობდნენ განვითარებაში.
• ინკლუზიურობა და მრავალფეროვნება - ჩვენ ვცდილობთ შევქმნათ გარემო, სადაც თითოეული მოსწავლე ღირებული და მნიშვნელოვანია. სკოლის თითოეული წევრი უნდა იყოს ჩართული გადაწყვეტილების მიღების პროცესში და უნდა ჰქონდეს თანაბარი შესაძლებლობა მიაღწიოს წარმატებას.
• გაზიარებული ლიდერობა - ჩვენი სკოლის მიდგომა ლიდერობის მიმართ ეფუძნება იდეას, რომ ლიდერობა არ არის მხოლოდ ერთეულების პრივილეგია, არამედ ერთობლივი ძალისხმევის ამოსავალი წერტილია. სკოლის ყველა წევრი, დაწყებული ადმინისტრაციიდან და მასწავლებლებიდან, დამთავრებული მოსწავლეებით, უნდა იყოს ლიდერი საკუთარი საქმიანობის სფეროში და ხელი შეუწყოს საერთო მიზნების მიღწევას.
