14/04/2022
სსიპ ქ. გორის N7 საჯარო სკოლის სამოქალაქო განათლების კლუბ „ალტრუისტების“ და სკოლის მოსწავლეთა თვითმმართველობის ინიციატივით ქალბატონ მერი ბეჟუაშვილის ხელმძღვანელობით ჯანმრთელობის საერთაშორისო დღის აღსანიშნავად მოეწყო რეპროდუქციული ჯანმრთელობის კვირეული.
ღონისძიებაზე სტუმრად მოწვეული იქნა რეპროდუქციული ჯანმრთელობის ცენტრ „სოფიას“ წარმომადგენელი ქალბატონი ნატალია კერესელიძე და ფსიქოლოგიურ ცენტრ „თანადგომის“ ფსიქოლოგი მაია ჯიბუტი. რეპროდუქტოლოგმა განიხილა რეპროდუქციული ჯანმრთელობის საკითხები მიზეზ-შედეგობრივ ჭრილში. რეპროდუქციული ჯანმრთელობის საკითხები ფსიქოლოგიური თვალსაზრისით განიხილა ფსიქოლოგმა, რომელიც ონლაინ - ჩაერთო ღონისძიების მსვლელობაში.
განსაკუთრებული მოწონება დაიმსახურა ფორუმ-თეატრის სცენარმა. პირველი სცენარის მიხედვით არასრულწლოვანი გოგონას ისტორია დასრულდა ტრაგიკულად. თეატრის მეორე ნაწილის სცენარი კი მაყურებელმა შეცვალა დადებითად და გოგონას ისტორია დადებითად დაასრულა. ღონისძიების მომდევნო დღეებში მოსწავლეებმა სასკოლო თემში დაარიგეს ბუკლეტები, რომლიც საჩუქრად გადასცა ცენტრმა „სოფიამ“.
