Gardabani Təhsil və İnteqrasiya Mərkəzi

20/08/2026

Qardabani Təhsil və İnteqrasiya Mərkəzinin iki gənci Azərbaycan Respublikasının Diasporla İş üzrə Dövlət Komitəsinin dəstəyi və “Parlaq Gələcək” Kitab Evinin təşkilatçılığı ilə keçirilən “Gürcüstanlı gənclərin yeni tanışlıqları və xoş xatirələri” adlı Yay Düşərgəsində iştirak ediblər.

Qurcaani rayonunun Qaçreti qəsəbəsində təşkil olunan düşərgə azərbaycanlı və gürcü gəncləri bir araya gətirərək onların yeni dostluqlar qurmasına, milli-mədəni dəyərlərlə daha yaxından tanış olmasına, bilik və bacarıqlarını inkişaf etdirməsinə şərait yaradıb.

Üç gün davam edən düşərgə ərzində iştirakçılar komanda oyunlarında, yaradıcılıq emalatxanalarında, sosial fəaliyyətlərdə və mədəniyyət axşamlarında fəal iştirak ediblər. Azərbaycan və Gürcüstanın milli rəqsləri, folklor nümunələri və mədəni irsi gənclər arasında böyük maraqla qarşılanıb.

Qürur hissi ilə qeyd edirik ki, Qardabani Təhsil və İnteqrasiya Mərkəzinin iki gənci də bu düşərgənin iştirakçıları sırasında yer alaraq ölkələrimiz arasında dostluq və əməkdaşlıq münasibətlərinin möhkəmlənməsinə öz töhfələrini veriblər.

Gənclərimizi təbrik edir, onlara gələcək fəaliyyətlərində yeni uğurlar arzulayırıq!

15/08/2026

Qardabani Təhsil və İnteqrasiya Mərkəzi
YENİ KURSLARA START VERİR! 🎉
Övladlarınızın gələcəyi üçün keyfiyyətli və əlçatan təhsil axtarırsınızsa, doğru ünvandasınız!
📌 Kurslarımız:
🇦🇿 Azərbaycan dili – 30 lari
🇬🇪 Gürcü dili – 5-6 nəfərlik qrup 60 lari, böyük qrupla-30 lari
🇬🇧 İngilis dili - 65 lari 5-6 nəfərlik qrup
➗ Riyaziyyat və məntiq – 70 lari
✏️ İbtidai sinif hazırlığı Az sektoru – 90 lari 5-6 nəfərlik qrup, həftədə 5 dəfə
✏️ İbtidai sinif hazırlığı gürcü sektoru – 90 lari 5-6 nəfərlik qrup, həftədə 5 dəfə
🧸 Məktəbəqədər hazırlıq Az sektoru – 50 lari
🧸 Məktəbəqədər hazırlıq gürcü sektoru – 50 lari
Mərkəzmizdə bunlar sizi gözləyir:
👩‍🏫 Peşəkar müəllim heyəti
📖 Keyfiyyətli və sistemli tədris
🌱 İnkişaf yönümlü mühit

ℹ️Qeydiyyat üçün linkə daxil olun

https://docs.google.com/forms/d/10BCQfdZQMxd1_sG7_0T44tBkT1vy05xjU5pmg-5d_3I/edit

ℹ️ Əlavə məlumat üçün bizmlə əlaqə saxlayın- 568113086
📍 Qardabani Təhsil və Inteqrasiya Mərkəzi, Qardabani Ş. Vağzal k. 21/A

01/08/2026

🎓 Abituriyentlərimizin uğuru!

Qürurla bildiririk ki, Nəzərli İctimai Məktəbinin məzunları 2026-cı il Vahid Milli İmtahanında uğurlu nəticələr göstərərək ali təhsil müəssisələrinə qəbul olunublar.

Qəbul olunan məzunların əksəriyyəti eyni zamanda Qardabani Təhsil və İnteqrasiya Mərkəzinin şagirdləri olmuş, mərkəzdə təşkil olunan əlavə hazırlıq proqramlarından yararlanmışlar.

Bu uğur şagirdlərimizin zəhmətinin, müəllimlərimizin əməyi və valideynlərimizin dəstəyinin nəticəsidir.

Bütün məzunlarımızı ürəkdən təbrik edir, onlara tələbəlik həyatında yeni nailiyyətlər arzulayırıq! 🌟📚🎓

01/08/2026

📚🇦🇿 Qardabani Təhsil və İnteqrasiya Mərkəzində 1 Avqust – Azərbaycan Əlifbası və Azərbaycan Dili Günü qeyd olundu.

Tədbirdə Azərbaycan dili və ədəbiyyatı müəllimi Sevda Şahverdiyevanın rəhbərliyi ilə şagirdlərimiz maraqlı təqdimatlar və şeirlərlə çıxış etdilər. Mərkəzin fəal şağirdi, Lalə Zeynalova Azərbaycan dili və əlifbasının tarixi mövzusunda təqdimat edərək iştirakçılara dilimizin keçdiyi inkişaf yolu haqqında ətraflı məlumat verdi.

Bu cür tədbirlər gənc nəslin ana dilinə sevgi və hörmət ruhunda formalaşmasına, milli dəyərlərimizin qorunub yaşadılmasına xidmət edir.

🇦🇿 Ana dilimizi qoruyaq, yaşadaq və gələcək nəsillərə sevdirək!

30/06/2026

🟣 Qardabani Təhsil və İnteqrasiya Mərkəzində bullinqə qarşı maarifləndirici tədbir keçirilib

26–27 iyun tarixlərində Qardabani Təhsil və İnteqrasiya Mərkəzində gənclərin təşəbbüsü ilə “Bullinqə qarşı mübarizə” mövzusunda iki günlük təlim proqramı təşkil olunub.

Tədbirin ilk günündə mərkəzin fəal gəncləri tərəfindən digər iştirakçılar üçün təqdimatlar keçirilib, bullinqin səbəbləri, nəticələri və onunla mübarizə yolları haqqında məlumat verilib. Eyni zamanda, mövzu ilə bağlı poster müsabiqəsi elan olunub.

Proqramın ikinci günündə iştirakçılar tərəfindən hazırlanmış posterlərin təqdimatı və sərgisi təşkil edilib. Təqdim olunan işlər yaradıcı yanaşma, mövzuya uyğunluq və maarifləndirici məzmun baxımından qiymətləndirilib. Səsvermənin nəticələrinə əsasən üçüncü yer müəyyənləşdirilib, birinci və ikinci yerlərin sahibləri isə komissiyanın qərarı ilə seçilib.

Qardabani Təhsil və İnteqrasiya Mərkəzinin direktoru Çiçək Hüseynova gənclərin təşəbbüskarlığını və sosial məsuliyyətini yüksək qiymətləndirərək onların bu kimi fəaliyyətlərinin əhəmiyyətini vurğulayıb. O, mərkəzdə gənclərin inkişafına yönəlmiş layihələrin bundan sonra da dəstəklənəcəyini bildirib.

Tədbirin əsas məqsədi gənclər arasında bullinq probleminə diqqət çəkmək, qarşılıqlı hörmət və sağlam ünsiyyət mədəniyyətini təşviq etmək olub.

16/06/2026

Qardabanidə “Azərbaycanda Təhsil İmkanları” mövzusunda infosessiya keçirilib

İyunun 13-də Qardabani Təhsil və İnteqrasiya Mərkəzində “Azərbaycanda Təhsil İmkanları” mövzusunda infosessiya təşkil olunub.

Tədbirin əsas məqsədi Gürcüstanda yaşayan azərbaycanlı gəncləri Azərbaycan Respublikasında mövcud olan ali təhsil imkanları, qəbul qaydaları və təqaüd proqramları barədə məlumatlandırmaq, onların gələcək təhsil seçimlərinə dəstək olmaq olub.

Tədbirdə Azərbaycan Respublikasının Elm və Ali Təhsil Agentliyinin nümayəndəsi Həcər Kələbiyeva və “ ” layihəsinin məsul əməkdaşı Şəbnəm Səfərova iştirak edərək təqdimatla çıxış ediblər. Təqdimat zamanı iştirakçılara Azərbaycanda ali təhsil müəssisələri, qəbul prosesi, təqaüd proqramları, beynəlxalq əməkdaşlıq imkanları və tələbələr üçün yaradılmış şərait barədə ətraflı məlumat verilib.

İnteraktiv formada keçirilən görüş zamanı şagirdlər, abituriyentlər və müəllimlər onları maraqlandıran sualları ünvanlayaraq geniş müzakirələr aparıblar. Eyni zamanda, Azərbaycan və Gürcüstanın təhsil sistemləri ilə bağlı fikir mübadiləsi həyata keçirilib.

Tədbirin sonunda iştirakçılara məlumatlandırıcı broşurlar təqdim olunub və xatirə şəkli çəkdirilib.

Qardabani Təhsil və İnteqrasiya Mərkəzi olaraq, gənclərin təhsil imkanlarının genişləndirilməsi istiqamətində belə maarifləndirici tədbirlərin davam etdirilməsi nəzərdə tutulur.

15/06/2026

07/06/2026

Qardabani Təhsil və İnteqrasiya Mərkəzi olaraq, Gürcüstanda yaşayan Azərbaycan Respublikası vətəndaşları üçün 5–7 iyun 2026-cı il tarixlərində təşkil olunan Səyyar ASAN xidmət təşəbbüsünü yüksək qiymətləndirir və bu mühüm layihəyə görə Azərbaycan Respublikasının Prezidenti cənab İlham Əliyevə dərin minnətdarlığımızı bildiririk.

Xaricdə yaşayan soydaşlarımızın dövlət xidmətlərinə daha rahat çıxışının təmin edilməsi, şəxsiyyət vəsiqələrinin verilməsi və dəyişdirilməsi, sürücülük vəsiqələrinin dəyişdirilməsi, məhkumluq barədə arayışların təqdim olunması kimi vacib xidmətlərin vətəndaşlara yaşadıqları ölkədə göstərilməsi dövlətimizin vətəndaşlarına göstərdiyi diqqət və qayğının bariz nümunəsidir.

Bu təşəbbüsün həyata keçirilməsində əməyi olan Azərbaycan Respublikasının Diasporla İş üzrə Dövlət Komitəsinin sədri Fuad Muradova, Azərbaycan Respublikasının Gürcüstandakı fövqəladə və səlahiyyətli səfiri Faiq Quliyevə, Azərbaycan Respublikasının Xarici İşlər Nazirliyinə, ASAN xidmət kollektivinə və prosesdə iştirak edən bütün əməkdaşlara təşəkkürümüzü ifadə edirik.

Gürcüstanda yaşayan soydaşlarımız adından göstərilən diqqətə və yaradılan imkanlara görə minnətdarlığımızı bildirir, bu kimi faydalı layihələrin gələcəkdə də davam etdiriləcəyinə inanırıq.
🤝 Azərbaycan–Gürcüstan dostluğu daim möhkəm olsun!

07/06/2026

🎉 UĞUR YOLUNDA İLHAMVERİCİ GÖRÜŞ 🎉

Qardabani Təhsil və İnteqrasiya Mərkəzində beynəlxalq FLEX (Future Leaders Exchange) proqramının qalibi, mərkəzimizin fəal şagirdi və Qardabani Gənclər Klubunun üzvü Səmərqənd Pərviz qızı Həşimova ilə görüş keçirildi.

Görüş zamanı Səmərqənd FLEX proqramına müraciət prosesi, seçim mərhələləri, əldə etdiyi təcrübələr və qarşıda onu gözləyən imkanlar haqqında şagirdlərlə ətraflı söhbət etdi. O, öz uğur hekayəsini paylaşaraq gəncləri beynəlxalq proqramlarda iştirak etməyə, xarici dil biliklərini inkişaf etdirməyə və daim öz üzərlərində çalışmağa təşviq etdi.

Şagirdlər görüş zamanı onları maraqlandıran sualları ünvanlamaq imkanı əldə etdilər və Səmərqəndin dəyərli tövsiyələrindən faydalandılar.

Bu görüş gənclərimiz üçün həm motivasiya, həm də gələcək uğurlara doğru atılan addımlar baxımından olduqca faydalı və yaddaqalan oldu.

Qardabani Təhsil və İnteqrasiya Mərkəzi olaraq Səmərqənd Həşimovanı bir daha təbrik edir, ona ABŞ-da təhsil həyatında və gələcək fəaliyyətində yeni nailiyyətlər arzulayırıq! 🇺🇸📚✨

04/06/2026

📢 Abituriyentlərin nəzərinə!

Qardabani Təhsil və İnteqrasiya Mərkəzi tərəfindən Vahid Milli İmtahana hazırlıq səviyyəsinin qiymətləndirilməsi məqsədilə sınaq imtahanı təşkil olunur.

📝 İmtahan haqqında məlumat:

✅ İmtahan verbal və riyazi olmaqla 2 hissədən ibarətdir.
✅ Hər hissədə 40 sual təqdim olunacaq (ümumilikdə 80 sual).
✅ Hər düzgün cavab 1 balla qiymətləndiriləcək.
✅ İmtahanın ümumi müddəti 3 saatdır.
✅ İmtahan real imtahan formatına uyğun şəkildə keçiriləcək.
✅ 9, 10, 11 və 12-ci sinif şagirdləri, eləcə də məktəbi bitirmiş şəxslər iştirak edə bilərlər.

💰 İmtahandav iştirak haqqı: 10 lari

📅 Tarix: 18 iyun
🕙 Saat: 10:00

⏰ Qeydiyyatdan keçən iştirakçıların imtahan başlamazdan 30 dəqiqə əvvəl qeydiyyat masasında olmaları xahiş olunur.

⚠️ Diqqət!
İmtahana gecikən iştirakçılar imtahan zalına buraxılmayacaqlar.

📍 Ünvan: Qardabani şəhəri, Vazğal küçəsi 21/A
📞 Əlaqə nömrəsi: 568 113 086

🔗 Qeydiyyatdan keçmək üçün təqdim olunan linkə daxil olun. https://docs.google.com/forms/d/e/1FAIpQLSfYR3JvqI8ITMv5-4bLyI_duTM2Yj1x0GJzvdSwJ0MavKkaMw/viewform?usp=header

Uğurlar arzulayırıq!
Qardabani Təhsil və İnteqrasiya Mərkəz