02/06/2026
🎭🎻 დუშეთის მეორე საჯარო სკოლის კიდევ ერთი მნიშვნელოვანი წარმატება! 🏆
დუშეთის მუნიციპალიტეტის მერიის მხარდაჭერითა და ა(ა)იპ „დუშეთის მუნიციპალიტეტის კულტურულ-საგანმანათლებლო ცენტრის“ ორგანიზებით გაიმართა ტრადიციული კულტურულ-საგანმანათლებლო ფესტივალები – „ოქროს ნიღაბი“ და „ვიოლინოს გასაღები“, რომლებიც უკვე 15 წელია წარმატებით ტარდება და ახალგაზრდებს საკუთარი ნიჭისა და შემოქმედებითი შესაძლებლობების წარმოჩენის საშუალებას აძლევს.
🎭 თეატრალურ ფესტივალ „ოქროს ნიღაბზე“ ქ. დუშეთის მეორე საჯარო სკოლამ, პედაგოგ ლელა ლიქოკელის ხელმძღვანელობით, I ადგილი მოიპოვა.
🎻 მუსიკალურ ფესტივალ-კონკურს „ვიოლინოს გასაღებზე“ კი ქ. დუშეთის მეორე საჯარო სკოლის ანსამბლი, პედაგოგ გიული ტუშურის ხელმძღვანელობით , გრანპრის მფლობელი გახდა.
🌟 ამავე ფესტივალზე ჩვენი სკოლის მოსწავლე ლიკუნა ჩუგიანოვი ჟიურიმ „ჟიურის სიმპათიის“ სპეციალური ნომინაციით დააჯილდოვა, რაც მისი ნიჭის, შრომისა და სცენური მომხიბვლელობის აღიარებაა.
👏 ვულოცავთ ჩვენს მოსწავლეებსა და პედაგოგებს ამ დიდ წარმატებას! ეს გამარჯვებები მათი დაუღალავი შრომის, შემოქმედებითი მიდგომისა და პროფესიონალიზმის შედეგია.
❤️ მადლობას ვუხდით ფესტივალების ორგანიზატორებს, ჟიურის წევრებსა და ყველა იმ ადამიანს, ვინც ამ მნიშვნელოვანი ღონისძიებების განხორციელებაში მიიღო მონაწილეობა.
🌟 ვუსურვებთ დუშეთის მეორე საჯარო სკოლის მოსწავლეებსა და პედაგოგებს კიდევ მრავალ წარმატებას, ახალ მიღწევებსა და გამარჯვებებს!
გილოცავთ I ადგილსა და გრანპრის! 🏆🎭🎻
