23/09/2026
🎓 22 სექტემბერს სსიპ ილია წინამძღვრიშვილის სახელობის კოლეჯში ღია კარის დღე გაიმართა. ღონისძიების მთავარი მიზანი პროფესიული განათლების შესაძლებლობების, კოლეჯის სასწავლო გარემოსა და პროფესიული პროგრამების გაცნობა იყო. ✨
🛠️ წინამძღვრიანთკარის ფილიალში კოლეჯმა 300-მდე სტუმარს უმასპინძლა.
სტუმრებმა დაათვალიერეს კოლეჯის ინფრასტრუქტურა, აუდიტორიები და სასწავლო სივრცეები, გაეცნენ პროფესიულ პროგრამებსა და პრაქტიკული სწავლების კომპონენტებს. პედაგოგებმა და სტუდენტებმა სპეციალურად მომზადებულ სტენდებზე საკუთარი ნამუშევრები და პრაქტიკული საქმიანობის შედეგები წარმოადგინეს. 👩🏫👨🎓
🎤 ღონისძიების ფარგლებში სტუმრებს სიტყვით მიმართა კოლეჯის დირექტორმა. ასევე, პროფესიული განათლების მნიშვნელობასა და მის შესაძლებლობებზე ახალგაზრდებს საქართველოს განათლების, მეცნიერებისა და ახალგაზრდობის სამინისტროს წარმომადგენელი ესაუბრა.
🌍 სტუმრებს საკუთარი საერთაშორისო გამოცდილება გაუზიარეს უცხოეთში პროფესიული გამოცდილების მისაღებად წასულმა კოლეჯის პედაგოგებმა. ღონისძიებაზე ასევე სიტყვით გამოვიდნენ კოლეჯის პარტნიორი ორგანიზაციების წარმომადგენლები და დამსაქმებლები, რომლებმაც პროფესიული განათლებისა და პრაქტიკული უნარების მნიშვნელობაზე ისაუბრეს. 💼🤝
📢 სტუმრებს მიმართა მცხეთა-მთიანეთში დასაქმების ხელშეწყობის სახელმწიფო სააგენტოს წარმომადგენელმაც, რომელმაც მონაწილეებს დასაქმებისა და კარიერული განვითარების შესაძლებლობები გააცნო.
📍 ღია კარის დღე კოლეჯის სამივე ლოკაციაზე პარალელურად მიმდინარეობდა.
🤝 თიანეთის ფილიალში კოლეჯმა 65-მდე სტუმარს უმასპინძლა. ღონისძიებას ესწრებოდნენ მცხეთის საგანმანათლებლო რესურსცენტრისა და თიანეთის მუნიციპალიტეტის მერია/City Hall of Tianeti Municipality-ის
კულტურის სამსახურის წარმომადგენლები, ასევე მოსწავლეები და პედაგოგები. 👩🎓📚
🏔️ სტეფანწმინდის ფილიალში სტუმრებს შორის იყვნენ მუნიციპალიტეტის შესაბამისი სამსახურების, საზოგადოებასთან ურთიერთობის სამსახურის, საჯარო სკოლების დირექციისა და პედაგოგების წარმომადგენლები, მოსწავლეები, პარტნიორი ორგანიზაციები და პროფესიული განათლებით დაინტერესებული აპლიკანტები.
📖 ფილიალების ადმინისტრაციებმა სტუმრებს გააცნეს ილია წინამძღვრიშვილის სახელობის კოლეჯის ისტორია, პროფესიული პროგრამები, დასაქმების შესაძლებლობები და საშემოდგომო მიღების რეგისტრაციის პროცედურები. დაინტერესებულ აპლიკანტებს შესაძლებლობა ჰქონდათ, ადგილზე მიეღოთ კონსულტაცია და დარეგისტრირებულიყვნენ მათთვის სასურველ პროგრამაზე. 📝🎓
✨ ღია კარის დღე კოლეჯის სამივე ლოკაციაზე დაგეგმილი დღის წესრიგის შესაბამისად, საინტერესო და ინფორმაციულ გარემოში წარიმართა.
💚 მადლობას ვუხდით თითოეულ სტუმარს, მოსწავლეს, პედაგოგს, პარტნიორ ორგანიზაციასა და დამსაქმებელს ღონისძიებაში მონაწილეობისა და მხარდაჭერისთვის! 🎓🤝
