ჩოხატაურის N1 საჯარო სკოლის მოსწავლეთა თვითმმართველობა

თუ გიყვარს აზრების გაცვლა, კამათი და კრიტიკულად მსჯელობა, მაშინ გიწვევთ ჩვენი სკოლის დებატების კლუბში.
აქ ისწავლით:
✅პოლიტიკურ და სხვადასხვა ტიპის ფორმალურ დებატებს
✅მოხსენების მომზადებას
✅სიტყვით გამოსვლას
✅კრიტიკულად აზროვნებას
✅განსხვავებული აზრის მოსმენას-მიღებას.
✅საკუთარი პოზიციის დაცვასა და არგუმენტირებას.

ჩავატარებთ შიდა და საჯარო დებატებს.
შეხვედრები მოგამზადებთ დებატების ეროვნული ტურნირისთვის, რომლის შესარჩევი ეტაპი ჩოხატაურში სავარაუდოდ ზაფხულში ჩატარდება. მიღებული გამოცდილება, რა თქმა უნდა გაგიადვილებთ ტურნირზე ასპარეზს.
შეხვედრები ჩატარდება ყოველ კვირა დღეს სკოლის ადმინისტრაციის შენობაში.

გპირდებით საინტერესო შეხვედრებს. 🌟

სსიპ ნიკო მარის სახელობის დაბა
ჩოხატაურის N1 საჯარო სკოლის მოსწავლეთა თვითმმართველობა.

31 ოქტომბერი დაზოგვის მსოფლიო დღეა, რომელიც მსოფლიოს მრავალ ქვეყანაში აღინიშნება. მოცემულ თარიღს საქართველოც უერთდება და მას სხვადასხვა საგანმანათლებლო და საინფორმაციო აქტივობით აღნიშნავს. სსიპ ნიკო მარის სახელობის დაბა ჩოხატაურის N1 საჯარო სკოლის სამოქალაქო განათლების კლუბის ინიციატივით მონაწილეობა მივიღეთ პროექტში - "მოიწვიე ფინედუ კლასში". შესაბამისად, ჩვენი სკოლის მე-9, მე-10 კლასის მოსწავლეებისთვის საინტერესო შეხვედრის ჩასატარებლად სკოლაში გვესტუმრა საქართველოს ეროვნული ბანკის ფინანსური განათლების პლატფორმა „ფინედუს“ და საქართველოს ბანკის წარმომადგენლები. პრეზენტაციის სახით განიხილეს ფინანსური განათლების სხვადასხვა საკითხი, მათ შორის: ფულის ისტორია და ფულის ფუნქციები, პირადი ფინანსების მართვა და ფულის დაზოგვა, ფინანსური უსაფრთხოება, ფინანსური ტერმინები.
შეხვედრის მეორე ეტაპი კი სხვადასხვა აქტივობებით და თამაშზე დაფუძნებული სწავლების ფორმატით წარიმართა. მოსწავლეებმა ითამაშეს სპეციალური სამაგიდე თამაში სახელწოდებით „ფინანსური ასოციაციობანა“, რომელიც შემუშავდა საქართველოს ეროვნული ბანკის ინციატივით, ფინანსური ტერმინების სახალისოდ და საინტერესოდ შესასწავლად.

დიდ მადლობას ვუხდით „ფინედუს“ და საქართველოს ბანკს ძალიან საინტერესო შეხვედრისა და საჩუქრებისთვის.
#ფინედუ #დაზოგვისდღე #ფინანსური #წიგნიერება
სსიპ - ნიკო მარის სახელობის დაბა ჩოხატაურის N1 საჯარო სკოლა

ევროკავშირის მიერ მხარდაჭერილი კამპანიის ფარგლებში „Front News საქართველო“ გრაფიკული დიზაინით და ხელოვნებით დაინტერესებული ახალგაზრდებისთვის განხორციელდა კონკურსი:

„ჩემი თვალით დანახული ენერგოეფექტურობა“.

🏆 აღნიშნულ კონკურსში ორიგინალური ნახატით "ეკო ჰარმონია" გაიმარჯვა ჩოხატაურის N1 საჯარო სკოლის IXბ კლასის მოსწავლე- ანასტასია კალანდაძემ. 💚🌎🎨 დაიმსახურა ფულადი პრიზი და ენერგოეფექტურობის ელჩის სტატუსი.
ვულოცავთ გამარჯვებას ჩვენს ნიჭიერ ტასოს და სამომავლოდ ვუსურვებთ წარმატებებს!

რედაქტორი: ანასტასია მდინარაძე, მე-8ბ კლასი

ადამიანები ჯანსაღ ცხოვრებას სხვადასხვაგვარ, სუბიექტურ ახსნა-განმარტებას მოუძებნიან ხოლმე, ხშირად მხოლოდ სპორტულად აქტიურ ცხოვრებას ან სწორ კვებას უკავშირებენ. როგორი განმარტებაც უნდა ახლდეს აღნიშნულ ტერმინს, ყველა ერთხმად ვთანხმდებით, რომ ადამიანისთვის ძალზედ მნიშვნელოვანია მსგავსი ცნობიერებით ცხოვრება. რადგან ჯანსაღი ცხოვრების წესი ფსიქოლოგიური, ფიზიკური და სოციალური კეთილდღეობის ერთობლიობას გულისხმობს. ჯანსაღად ცხოვრება ახალგაზრდებისთვის ძალიან მნიშვნელოვანია, რადგან ჯანსაღი ახალგაზრდობა ჩვენი საზოგადოების ჯანსაღი მომავალია. ჯანსაღი ცხოვრების წესი მნიშვნელოვანია ჯანმრთელობის პრობლემების ასარიდებლად, ცხოვრებისეული სტრესის დაძლევისა და ცხოვრების ხარისხის გასაუმჯობესებლად. ჩვენს საზოგადოებაში, მრავალი მცდელობის, სწავლის თუ გამოცდილების გაზიარების მიუხედავად, არ არის სათანადოდ დამკვიდრებული ჯანსაღი ცხოვრება, მეტიც, ხშირად რომანტიზებული და წახალისებულია მავნე ჩვევები, დაუბალანსებელი რეჟიმი და სწრაფი კვება.
სწორედ ამიტომ კლუბმა "მოქალაქეობანამ" ორგანიზაცია "ქალები ქალებისთვის" მხარდაჭერით განახორციელა პროექტი "GEN Z-საღი თაობა". მრავალფეროვანი აქტივობების განხორციელებით შევეცადეთ საზოგადოებისათვის გვეჩვენებინა, რომ ცხოვრების ჯანსაღი წესი არის, უპირველეს ყოვლისა, ცხოვრების აქტიური, კულტურული წესი, რომელიც უშუალო კავშირშია ადამიანის ჯანმრთელობასთან, კეთილდღეობასა და ბედნიერებასთან. ეს არის უბრალოდ ცხოვრების პოზიცია!
კვირეულის ფარგლებში გაიმართა:
შემეცნებით-გასართობი თანატოლგანამათლებეთა ლექციები, მოსულ სტუმრებს გავუმასპინძლდი ჩვენ მიერ მომზადებული ჯანსაღი ლანჩით.
საინფორმაციო კამპანია- მოხალისეებმა დაამზადეს მაისურები და წარმართეს ჯანსაღი ცხოვრების წესის პოპულარიზებისკენ მიმართული კამპანია.
24 მაისს გაიმართა ველომარათონი, მოსწავლეებმა ვითანამშრომლეთ შესაბამის უწყებასთან და მათი მხარდაჭერით შევძელით იდეის უსაფრთხოდ განხორციელება.
საინფორმაციო კამპანიის ფარგლებში მოვაწყვეთ ფლეშმობი და ველომარათონის მონაწილეებს გავუმასპინძლდით აქტივობით -"ვიტამინები თამბაქოს ნაცვლად".
შემდეგ დღეებში გაიმართა სპორტული შეჯიბრებები ფეხბურთსა და ფრენბურთში. გამარჯვებულმა გუნდებმა სიმბოლურად ბურთები მიიღეს საჩუქრად.
განვახორციელეთ რაოდენობრივი კვლევა, რომლის ანგარიშსაც კლუბის საქმიანობის შემაჯამებელ ღონისძიებაზე შემოგთავაზებთ.
დიდი მადლობა ყველას, ვინც ჩაერთო ჩვენს აქტივობებში, იმედია სასარგებლო, საინტერესო და სასიამოვნო იყო.