ქალაქ ჭიათურის N1 საჯარო სკოლა

24/07/2026

https://www.youtube.com/watch?v=HeXin_xIaN4

Enjoy the videos and music you love, upload original content, and share it all with friends, family, and the world on YouTube.

11/06/2026

📣🐦15 მაისს, კულტურის ცენტრის საკონცერტო დარბაზში ჭიათურის N1 საჯარო სკოლის IV ა კლასის (პედაგოგი ნანა მეგრელიშვილი) გამოსაშვები საღამო გაიმართა. თეატრალიზებული წარმოდგენა, ზღაპარი ,, ბულბულის იუბილე''.
🩷მასწავლებელმა მართლაც რომ საოცარი დღე აჩუქა პირველ რიგში ამ ბავშვებს, მათ მშობლებლებს და ჩვენ მაყურებელს.
💛ჭკვიანურად გადაწყვეტილი სცენარი, ენერგიული, ქართული მუსიკა, ლამაზი ტყის დეკორაცია და მთავარი: საოცარი შემსრულებლები.
ეს იყო ნიჭის ზეიმი!
💙თითოეულ მოსწავლეს გასაოცარი სიზუსტით ჰქონდა მორგებული როლი, რომელსაც ისე ასრულებდნენ, როგორც უკვე ზრდასრული სცენის ოსტატები.
❤️მაყურებლით სავსე დარბაზმა, მათმა გულწრფელმა ემოციამ განსაკუთრებულად იმოქმედა პატარა მსახიობებზე და მეტი თავდაჯერება შემატა თითოეულ მათგანს.
💚ვულოცავთ პატარებს ამ წარმატებას, ვუსურვებთ მრავლად ყოფილიყოს მათ ცხოვრებაში ასეთი ფერადი დღეები.
💜მადლობა კლასის დამრიგებელს და ყველა იმ ადამიანს, ვინც წვლილი შეიტანა ამ დღესასწაულის მოწყობაში.

‼️სრული ღონისძიების სანახავად გადადით ბმულზე 👇
https://www.youtube.com/watch?v=BIWBwIRdPdE

10/06/2026

🧪🌡️🥈სსიპ ქალაქ ჭიათურის N1 საჯარო სკოლის მე-10 გ კლასის მოსწავლემ დავით სოფრომაძემ მონაწილეობა მიიღო საქართველოს რესპუბლიკურ ოლიმპიადაში ,,ზურგჩანთა", საგან ქიმიაში, გახდა ვერცხლის მედლის პრიზიორი და მიწვეულია საზაფხულო ბანაკში ,,ბაზალეთი-2026".
✅ვულოცავთ ამ წარმატებას დავითს და მის ქიმიის მასწავლებელს ბატონ ნუგზარ მიროტაძეს.
კიდევ ბევრ წარმატებას ვუსურვებთ მომავალშიც.

09/06/2026

🌠📣სსიპ ქალაქ ჭიათურის N1 საჯარო სკოლის IVგ კლასმა (დამრიგებელი: მაკა ტალახაძე) კულტურის ცენტრის საკონცერტო დარბაზში გამართა გამოსაშვები ღონისძიება ,, მომავალი ჩვენია”. ეს დღე სავსე იყო სიხარულით, სიყვარულით, ლამაზი ფერებით და დაუვიწყარი მომენტებით.
🩷ღონისძიების დასაწყისში IVგ კლასის მოსწავლეებმა დიდი სიყვარულითა და ხალისით წარუდგინეს მაყურებელს საკუთარი კლასი. მათ შთამბეჭდავად წარმოაჩინეს თავიანთი მეგობრობა, ერთიანობა და ის ლამაზი ოთხი წელი რომელიც ერთად გაატარეს.
🩵ღონისძიების მეორე ნაწილში კი წარმოგვიდგინეს ანტუან დე სენტ-ეგზიუპერის ,,პატარა უფლისწულის” მიხედვით დადგმული სპექტაკლი, სადაც მოსწავლეებმა დიდი მონდომებით და გულწრფელი ემოციებით გააცოცხლეს ნაწარმოების მთავარი ღირებულებები - სიყვარული, მეგობრობა, პასუხისმგებლობა და სიკეთე. თითოეული მოსწავლის მონდომებამ, ნიჭმა და შრომამ განსაკუთრებულად ლამაზი და დასამახსოვრებელი გახადა საღამო.
💛ვულოცავთ ჩვენს პატარებს დაწყებითი საფეხურის წარმატებით დასრულებას. ვუსურვებთ, რომ მომავალი გზა იყოს ნათელი, სავსე ახალი აღმოჩენებით, წარმატებებითა და ბედნიერი დღეებით.
💚მადლობას ვუხდით კლასის დამრიგებელს, მშობლებს და ყველას, ვინც ამ დაუვიწყარი დღის შექმნაში მიიღო მონაწილეობა.

27/05/2026

#26მაისი
#საქართველოსდამოუკიდებლობისდღე🇬🇪

🇬🇪🇬🇪„წარსულის ხსოვნა და მომავლის შენება“
2026 წლის 26 მაისს, ქალაქ ჭიათურის N1 საჯარო სკოლაში საქართველოს დამოუკიდებლობის დღისადმი მიძღვნილი ემოციური და შთამბეჭდავი ღონისძიება გაიმართა.
მე-7 გ კლასის მოსწავლეებმა, კლასის დამრიგებელ მარიამ კავთელაძის თაოსნობითა და უშუალო ორგანიზებით, დამსწრე საზოგადოებას ნამდვილი დღესასწაული აჩუქეს. ღონიძიება დატვირთული იყო პატრიოტული სულისკვეთებით, მუსიკალური ნომრებითა და საინტერესო პრეზენტაციით, რომელმაც კიდევ ერთხელ შეგვახსენა ჩვენი ქვეყნის თავისუფლების ფასი.
ღონისძიების მთავარ შემოქმედებით კულმინაციად იქცა მოსწავლეების მიერ გაცოცხლებული სცენები მხატვრული ფილმიდან „ექვთიმე ღვთისკაცი“. ბავშვებმა საოცარი არტისტულობითა და პასუხისმგებლობით გადმოსცეს ეროვნული გმირის, ექვთიმე თაყაიშვილის ღვაწლი და თავდადება, რამაც მაყურებელში დიდი აღფრთოვანება და ემოცია გამოიწვია! 🇬🇪

22/05/2026

⚽️კიდევ ერთი გამარჯვებით გაგვახარეს ჩვენმა სპორტსმენებმა და სიხარულით გვინდა გამცნოთ მორიგი სპორტული მიღწევების შესახებ.
🏆🥇საქართველოს ბავშვთა და სასკოლო სპორტული ეროვნული ფედერაციის მიერ ქ.ჭიათურაში ჩატარდა ,,თავისუფალი თამაშები 2026" მინი ფეხბურთში სკოლებს შორის (2012-2014 წლებში დაბადებულ ვაჟებში). სადაც სსიპ ქალაქ ჭიათურის N1 საჯარო სკოლის გუნდი გახდა გამარჯვებული და მოიპოვა თასი.
📣ვულოცავთ ჩვენს გუნდს, სპორტის მასწავლებლებს და მთელ სასკოლო საზოგადოებას.
უამრავი გამარჯვება თქვენ!

22/05/2026

⚽️🥈მოგეხსენებათ სსიპ ქალაქ ჭიათურის N1 საჯარო სკოლის გუნდი ,,სასკოლო სპორტული ოლიმპიადის" იმერეთის ჩემპიონები არიან მინი ფეხბურთში.
როგორც იმერეთის ჩემპიონმა გუნდმა მონაწილეობა მიიღო ქ.ფოთში გამართულ დასავლეთ საქართველოს ჩემპიონატში. სადაც მე-2 ადგილი დაიკავეს, გახდნენ ვიცე ჩემპიონები და მონაწილეობას მიიღებენ ბათუმის ოლიმპიურ ფესტივალზე, რომელიც გაიმართება 2-5 ივნისს.
📣წარმატებებს ვუსურვებთ ჩვენი სკოლის გუნდს.

20/05/2026

🔔დღეს ჩვენს სკოლაში განსაკუთრებული და ემოციური დღეა, მე-12 კლასელებისთვის ბოლო ზარი დაირეკა.
დასრულდა ცხოვრების ერთ-ერთი ყველაზე ლამაზი და დაუვიწყარი ეტაპი, რომელიც სავსე იყო ცოდნით, მეგობრობით, სიხარულითა და უამრავი მოგონებებით.
📣ჩვენს ძვირფას მოსწავლეებს ვუსურვებთ წარმატებას ცხოვრების ახალ გზაზე, საკუთარი მიზნების მიღწევას, ბედნიერ მომავალსა და ღირსეულ ნაბიჯებს.
გვჯერა, რომ თითოეული თქვენთაგანი შეძლებს საკუთარი ადგილის დამკვიდრებას და მუდამ იამაყებს თავისი სკოლით, ისევე როგორც ჩვენ ვიამაყებთ თქვენით.
📢წარმატებები თქვენ, ჩვენო საამაყო თაობავ!

#ბოლოზარი