ჩაქვის სასულიერო გიმნაზია

ნათლისღებას გილოცავთ!
ნათლისღება ერთ-ერთი უმთავრესი ქრისტიანული დღესასწაულია.
ამ დღეს სახარების თანახმად, იოანე ნათლისმცემელმა მდინარე იორდანეში მონათლა იესო ქრისტე.
ფარავდეს სრულიად საქრისტიანოს ნათლისღების მადლი.

გილოცავთ შობას! 🎄✨
გისურვებთ მშვიდობას, ჯანმრთელობას, სიხარულსა და სიყვარულით სავსე დღეებს.
შობა იყოს თქვენს ოჯახში ნათელი იმედის, კეთილი სურვილებისა და ბედნიერების მომტანი.
ღმერთმა დაგლოცოთ და დაგიფაროთ! 🙏

დღეს სრუ­ლი­ად სა­ქარ­თვე­ლოს კა­თო­ლი­კოს-პატ­რი­არ­ქის, უწ­მინ­დე­სი­სა და უნე­ტა­რე­სის, ილია მე­ო­რის და­ბა­დე­ბის დღეა!
ჯანმრთელობას, დღეგრძელობას, მისი სამწყსოს კეთილდღეობას, სულიერ წინსვლას და ერთიან, ძლიერ, მშვიდობიან საქართველოს ვუსურვებთ!

ანგელოზის დღეს - წინასწარმეტყველ დანიელის ხსენებას ვულოცავთ გიმნაზიის დირექტორს დეკანოზ დანიელს.
ეწეოდეს და ფარავდეს წმინდა წინასწარმეტყველი დანიელი მრავალჟამიერ!

გიმნაზიის მოსწავლეთა თვითმმართველობის წევრებმა მიმდინარე წლის 10 დეკემბერს ჩაატარეს ვებინარი თემაზე--„დისკრიმინაცია სკოლაში, ბულინგი, კიბერბულინგი“.
პროექტზე იმუშავა უშუალოდ თვითმმართველობის თითოეულმა წევრმა.
პრეზენტაცია მთლიანად მორგებული იყო მეხუთე--მერვე კლასის ჩათვლით ბავშვებისთვის.
ვინაიდან,ამ ბავშვების ასაკიდან იწყება ზემოთ ჩამოთვლილი პრობლემები. ვებინარზე გვესწრებოდა ასევე გიმნაზიის დირექტორი-დეკანოზი დანიელ სოლომონიძე და სკოლის პედაგოგები.

მეექვსეკლასელებთან „ჩვენი საქართველოს“ და კომპიუტერული ტექნოლოგიის გაკვეთილზე გრძელვადიანი პროექტის ფარგლებში ჩატარდა მრავალფეროვანი, შემოქმედებითობითა და აქტიური ჩართულობით გაჯერებული სასწავლო პროცესი.

პედაგოგებმა - Natia Falavandishvili-მა და მაკა კალანდაძე -მ პირველივე ეტაპზე მოსწავლეებს უჩვენეს თემატური ფილმი, სადაც წარმოდგენილი იყო ციხე–ქალაქებისა და ტაძრების ისტორიული დანიშნულება როგორც ძველ ეპოქაში, ისე თანამედროვე საქართველოში. მოსწავლეებმა გაიაზრეს, თუ რა როლი ჰქონდათ ამ სტრუქტურებს ქვეყნის თავდაცვასა და სულიერ ცხოვრებაში.
შესასწავლი თემებიდან განსაკუთრებული ყურადღება დაეთმო:
• დავით გარეჯის სამონასტრო კომპლექსს,
• შიო მღვიმის მონასტერს,
• ალავერდის ტაძარს.

მოსწავლეები დაიყვნენ სამ ჯგუფად, თითოეულმა გუნდმა შეისწავლა ერთი ობიექტი, მოამზადეს ინფორმაცია, ვიზუალური მასალა და გაკვეთილის ბოლოს შექმნეს კრეატიული პლაკატები, რომლებიც პრეზენტაციების სახით წარმოადგინეს.
შემდგომ ჩატარდა მინი მასტერკლასი მეთუნეობასა და თიხის ძერწვაში — ბავშვებმა საკუთარი ხელებით დაამზადეს სხვადასხვა ტიპის ჭურჭელი და უკეთ გაიცნეს საქართველოს უძველესი ხელობა.

ჩაქვის გიმნაზიის დირექტორის დეკანოზი დანიელ სოლომონიძის "ბლიც - ინტერვიუ"

„მოტივაცია სასწავლო პროგრესის წინაპირობაა“- ჩაქვის წმ. კეთილმორწმუნე მეფე დავითის სახელობი „სკოლა წარმოადგენს ბავშვის პიროვნების განვითარების ერთ-ერთ მამოძრავებელ ძალას“

წარმატებული თანამშრომლობისა და სკოლის პოზიტიური საგანმანათლებლო საქმიანობის წარმოჩენის აღსანიშნავად, Etaloni.ge-ს გუნდი
მადლობას გიხდით ჩართულობისა და თანამოაზრეობისათვის.
იმედი გვაქვს, 2026 წელსაც უწყვეტად გაგრძელდება საგანმანათლებლო აქტივობების საქვეყნო წარმოჩენის საქმეში თქვენი და თქვენი სკოლის აქტიური ჩართულობა.
დეკანოზი დანიელი

✨გილოცავთ გიორგობას!✨
23 ნოემბერს, მართლმადიდებლური ეკლესია წმინდა დიდმოწამე გიორგის ხსენების დღეს აღნიშნავს. გიორგობა წელიწადში ორჯერ აღინიშნება, 6 მაისს ეკლესია წმინდანის აღსრულების დღეს აღნიშნავს, 23 ნოემბერს კი– ბორბალზე წამების დღეს. დღევანდელ დღეს, გიორგობა მხოლოდ საქართველოში აღინიშნება.

იაკობ გოგებაშვილის კვირეულის ფარგლებში
IV კლასს ვესტუმეთ, სადაც მოსწავლეებმა ჯგუფურად იმუშავეს და შექმნეს საინფორმაციო პროექტები, ბუკლეტები და ილუსტრირებული წიგნები.
პროექტორის საშუალებით ვუყურეთ იაკობ გოგებაშვილის შესახებ შემეცნებით მასალას, რაც ბავშვებისთვის განსაკუთრებით საინტერესო და ამაღელვებელი იყო.
მოსწავლეებმა პრეზენტაციებით გაგვიზიარეს ინფორმაცია იაკობ გოგებაშვილის ცხოვრებისა და მოღვაწეობის შესახებ.
გაკვეთილი შთაბეჭდილებებითა და ემოციებით სავსე გამოვიდა.