წმიდა იოანე ღვთისმეტყველის სახელობის ბათუმის სასულიერო სემინარია

🎄გილოცავთ დამდეგ შობა-ახალ წელს🎄

წმიდა იოანე ოქროპირი - სიტყვა ახალ წელთან

ამონარიდი:⬇️
როდესაც წლის ბოლოს მიაწევ, მადლობა შესწირე უფალს, რომ მიგაწია წელიწადების ამგვარ წრებრუნვას, გულისშემუსვრილებით, გამოთვალე წლები შენი სიცოცხლისა, საკუთარ თავს უთხარი: დღეები მიფრინავენ, წლები ილევა... რა სიკეთე გვაქვს გაკეთებული?.. ესრეთ სიბრძნისმეტყველებდე თვეთა დასაწყისში, ამას მოიგონებდე წელიწადთა წრებრუნვაში.
დღეებს ყურადღებას აქცევდე, ქრისტიანულ სიბრძნეს არ შეეფერება, წარმართული ცდომილებისათვის არის დამახასიათებელი.
მართლაც, ქრისტიანისათვის გასაკვირველი და მიუტევებელია, განსაკუთრებულ კეთილდღეობას ელოდოს მთელი წლისაგან იმისდა მიხედვით, თუ როგორ შეხვდება ახალ წელს, ავიწყდება რა, რომ ჭეშმარიტი ბედნიერება და კეთილდღეობა დროთა ბრუნვაზე კი არაა დამოკიდებული, არამედ ღვთის ნებაზე და ჩვენი საქმიანობის ხასიათზე; მიუტევებელია ახალ წელს ხმაურიანი ღრეობით შევხვდეთ საღამოდან გვიან ღამემდე, რაც პირწმინდად წარმართული ჩვეულებაა და სამარცხვინოა ღვთისმოსავი ქრისტიანისთვის... ამგვარი რამ არა მარტო ღვთისმოსაობის არქონაზე მიუთითებს, არამედ ქრისტიანობასა და ეკლესიასაც ეწინააღმდეგება.

✨️წმინდა იოანე ღვთისმეტყველის ხსენების დღესთან დაკავშირებით ღვთისმშობლის შობის საკათედრო ტაძარში აღევლინა საღმრთო ლიტურგია..

✨️გილოცავთ წმ.იოანე ღვთისმეტყველის ხსენების დღეს.

🕊წმინდა იოანე ღვთისმეტყველის ხსენების დღესთან დაკავშირებით ღვთისმშობლის შობის საკათედრო ტაძარში აღევლინება საღმრთო ლიტურგია, რომელსაც დაესწრებიან ბათუმის წმინდა იოანე ღვთისმეტყველის სახელობის სასულიერო სემინარიის ლექტორები და სტუდენტები. გაიმართება ტრაციული ტრაპეზი სემინარიელებისთვის

ყურადღება ❗❗❗❗️🔊 🔊 🔊 🔊 🔊

🔴 აბიტურიენტებმა, რომლებმაც ქართული ენასა და ლიტერატურის გამოცდაში გადალახეს მინიმალური კომპეტენცის ზღვარი და სურთ სწავლა განაგრძონ ბათუმის სასულიერო სემინარიაში, 2025 წლის 20 აგვისტოდან 2025 წლის 31 აგვისტომდე სემინარიის რექტორატში უნდა წარმოადგინონ:👇 👇 👇 👇
✔️განცხადება რექტორის სახელზე (ივსება რექტორატში);
✔️ სულიერი მოძღვრის რეკომენდაცია (ბათუმისა და ლაზეთის ეპარქიის გარეთ მცხოვრებმა აბიტურიენტებმა უნდა წარმოადგინონ ამასთანავე ეპარქიის მმართველი ეპისკოპოსის რეკომენდაციაც);
✔️ სრული ზოგადი განათლების დამადასტურებელი დოკუმენტის ქსეროასლი;
✔️ სამხედრო აღრიცხვაზე ყოფნის დამადასტურებელი ცნობა;
✔️ პირადობის მოწმობის ქსეროასლი;
✔️ 4 ც. ფოტოსურათი ზომით 3X4;
✔️ ავტობიოგრაფია;
🔴 შიდა გამოცდები ჩატარდება შემდეგ საგნებში:
✅ კატეხიზმო (ზეპირი);
✅ საქართველოს ისტორია (ზეპირი);
✅ უცხო ენა (ზეპირი არჩევით);
დამატებითი ინფორმაციისათვის მოგვმართეთ:
მის. ბათუმი, დ. თავდადებულის #49,საკონტაქტო ტელ: 22 03 09; 598201600; 557711107
ან იხილეთ სასწავლებლის ვებ.გვერდი batumiseminari.ge

✨️გილოცავთ, სიყვარულის მოციქულის, წმ.იოანე ღვთისმეტყველის ხსენების დღეს!

✨️"ღმერთი სიყუარულია" - წერს სახარებაში იოანე მახარებელი. მაშ, ყური ვუგდოთ ღვთის რჩეულს - შევიყვაროთ ერთმანეთი, რათა მივუახლოვდეთ უფლის არსს, შევიგრძნოთ ჭეშმარიტი სიხარული და მარადისობის დღესასწაული - დღესასწაული სიყვარულისა!
წმინდა იოანე მახარებელი გეწეოდეთ, უფლისმიერ სიყვარულს დაევანოს ჩვენს გულებში! ამინ!

წმ. იოანე ღვთისმეტყველის ბათუმის სასულიერო სემინარიაში თეოლოგიის ფაკულტეტზე ცხადდება აბიტურიენთა მიღება 2025-2026 სასწავლო წლისათვის.
სწავლა უფასოა.

ბათუმის სასულიერო სემინარიას გავლილი აქვს ავტორიზაცია.
სასწავლებელში მიიღებიან მხოლოდ ვაჟები.
ბათუმის სასულიერო სემინარიის საბაკალავრო პროგრამის შიდა გამოცდებზე დაიშვებიან აბიტურიენტები, რომლებმაც ერთიან ეროვნულ გამოცდებზე გადალახეს მინიმალური ზღვარი ქართულ ენასა და ლიტერატურაში.

სასწავლებელი სტუდენტებს უზრუნველყოფს საცხოვრებლით წინასწარი შეთანხმებისა და გასაუბრების საფუძველზე.

საკონტაქტო ნომერი: 557 71 11 07
558 95 28 45

▪️ სოციალურ ქსელ „X“-ზე ვრცელდება საქართველოს პრეზიდენტ სალომე ზურაბიშვილის სამწუხარო და შემაშფოთებელი განცხადება, რომ „უნივერსიტეტების შემდეგ სკოლების ჯერია, გამოხატონ სოლიდარობა აქციების მიმართ“.

▪️ ამ დღეების განმავლობაში ვხედავთ, თუ როგორ ვითარდება მოვლენები საპროტესტო აქციებზე; ხშირად მდგომარეობა ისე იძაბება, რომ შეკრება სხვადასხვა საგნის უმისამართო სროლასა და ხელჩართულ დაპირისპირებაში გადაიზრდება ხოლმე.

▪️ ასეთ პირობებში სკოლის მოსწავლეთა და, საერთოდ, არასრულწლოვანთა ჩართვის წაქეზებისკენ მოწოდებული ყოველგვარი განცხადება, მით უმეტეს, ქვეყნის პრეზიდენტის მიერ გამოთქმული, რომელიც, წესით, თავად უნდა ცდილობდეს ხალხში არსებული პოლარიზაციისა და სიძულვილის განეიტრალებას, რათა მიმდინარე მოვლენებისგან მომავალი თაობის ფსიქიკასა და ფიზიკურ ჯანმრთელობას რაიმე ზიანი არ მიადგეს, არის უაღრესად შემაშფოთებელი.

▪️ ამას ემატება ისიც, რომ ვრცელდება კადრები, თუ როგორ ცდილობენ უცხო ადამიანები სკოლის ადმინისტრაციის წინააღმდეგ წასვლას და შედიან სკოლებში, არღვევენ სასწავლო პროცესს და მოსწავლეებს მიმართავენ მოწოდებებით, რაც იწვევს სამართლიან აღშფოთებას, ყოვლად დაუშვებელია და სასწრაფოდ უნდა შეწყდეს.

▪️ ინტერნეტში ვრცელდება აგრეთვე ცრუ ინფორმაცია, თითქოს საპატრიარქოს წმინდა ილია მართლის სახელობის სკოლაში სწავლა შეწყვეტილია, რასაც თავად აღნიშნული სასწავლო დაწესებულების დირექციაც უარყოფს სოციალურ ქსელ Facebook-ში გამოქვეყნებულ განცხადებაში: „სკოლაში სასწავლო პროცესი მიმდინარეობს ჩვეულებრივად".

▪️ ,,მიმდინარე პროცესებში არასრულწლოვანთა ჩართვა პოლიტიკური აქტორების ან არასრულწლოვანთა მშობლების მხრიდან დანაშაულად მიმაჩნია. ვგმობთ იმ ძალადობას, რომელიც ბოლო დღეებში ხდება.გთხოვთ მოსწავლეებს, თანამშრომლებს და მშობლებს, პოლიტიკურ დაპირისპირებას სკოლაში ნუ გადმოიტანთ", - აღნიშნავს საპატრიარქოს წმინდა ილია მართლის სახელობის თბილისის სკოლის დირექტორი მამუკა თედიაშვილი.

▪️ ასევე პასუხისმგებლობას მოკლებულია სამართალდამცავების დისკრედიტაციისა და პოლარიზაციის გამომწვევი დაუსაბუთებელი განცხადება იმის შესახებ, რომ სამართალდამცავები ნარკოტიკული ნივთიერების ზემოქმედების ქვეშ არიან. საპატრიარქოს საზოგადოებასთან ურთიერთობის სამსახურის წარმომადგენელი სასულიერო პირები ქაშუეთის ტაძარში და მიმდებარე ტერიტორიაზე ყოველ ღამე მორიგეობენ და მსგავსი ფაქტები არასდროს დაუფიქსირებიათ.

▪️ დასასრულ, კიდევ ერთხელ მოვუწოდებთ საქართველოს პრეზიდენტს და სხვა პირებს, რომ ამ დაძაბულ დღეებში მეტი პასუხისმგებლობით მოეკიდონ თითოეულ სიტყვას, რამაც შეიძლება ყველასთვის სავალალო შედეგი გამოიღოს.