ბათუმის მე-18 საჯარო სკოლა • Batumi Public School 18

📖 პოეზიის საღამო სკოლაში
12 ივნისს,ბათუმის მე-18 სკოლის პოეზიის მოყვარულთა კლუბი შეხვდა პოეტ ნანა (ნანო) შაინიძეს. შეხვედრა თბილი და ემოციური გამოვიდა. საღამოს სტუმარი იყო აგრეთვე მწერალთა სახლის დირექტორი, ქალბატონი ლალი კონცელიძე, რომელმაც სკოლას საჩუქრად წიგნები მოუტანა.
მოსწავლეებმა წაიკითხეს პოეტის ლექსები, წარმოადგინეს მხატვრული კომპოზიციები და საკუთარი ემოციები გაუზიარეს დამსწრე საზოგადოებას.
ნორჩმა ჟურნალისტებმა ჩაწერეს ინტერვიუ პოეტთან.
საღამო სავსე იყო გულწრფელი სიტყვებით, შემოქმედებითი ენერგიითა და სიყვარულით.
პოეზიის საღამოს პარალელურად მე-7 გ კლასის მოსწავლემ, ანა კიზირიამ, წარმოადგინა საკუთარი ნახატები და ექსპრომტად შექმნა პოეტის პორტრეტი.
დასარულს პოეტმა წაიკითხა საკუთარი ლექსები და სკოლას უსახსოვრა ლექსების კრებული.
მსგავსი ღონისძიებები ხელს უწყობს მოსწავლეებში კითხვის კულტურის, შემოქმედებითი აზროვნებისა და ესთეტიკური გემოვნების განვითარებას.
მადლობა ქალბატონ ნანა შაინიძესა და მწერალთა სახლის დირექტორს ქალბატონ ლალი კონცელიძეს სტუმრობისთვის! მადლობა ყველა მონაწილესა და ორგანიზატორს ამ ლამაზი და შთამბეჭდავი საღამოსთვის! 🌹📚
#პოეზიისსაღამო #ნანოშაინიძე #სკოლისცხოვრება #ქართულიპოეზია #წიგნისსიყვარული #ბათუმის18საჯაროსკოლა ❤️

12 ივნისს ქალაქ ბათუმის მე-18 საჯარო სკოლის დაწყებითი კლასების კათედრაზე, ჩატარდა შიდასასკოლო კონფერენცია ,,წარმატებული პედაგოგიური პრაქტიკის გაზიარება".

#ჩემპიონიგილოცავთ🏆🏆🏆🏆
დავით დუმბაძის სახელობის გარდამავალ თასზე, სკოლა ევრო 2000 - ში გამართულ ჩემპიონატზე ფეხბურთში გაიმარჯვა მე-18 სკოლის VII გ კლასის გუნდმა:
1.გოგა გიორგაძე;
2.ნიკოლოზ ქავთარაძე;
3.თემო დევაძე;
4.გოგა მჟავანაძე;
5.დათა მჟავანაძე.
გამარჯვებულ მოსწავლეებს გადაეცათ ფულადი პრიზი.
ვულოცავთ VII გ კლასის გუნდს და ვუსურვებთ შემდეგ გამარჯვებებს.
🏆🏆🏆🏆🏆🏆

#კონკურსებიდავიქტორინები
ბათუმის მე-18 საჯარო სკოლის მეათე კლასებს შორის ჩატარდა შეჯიბრი ისტორიის საგანში. ვიქტორინისთვის განკუთვნილი თემატიკა მოსწავლეებისთვის წინასწარ იყო ცნობილი. შეჯიბრი კონკურენტულ გარემოში წარიმართა. გუნდები კარგად იყვნენ მომზადებულები. სიახლეს წარმოადგენდა ფორმსის პროგრამის გამოყენება, კომპიუტერებთან მუშაობა აზარტული აღმოჩნდა. საუკეთესო შედეგები აჩვენეს: მე-10 დ, და X ვ კლასებმა. ვულოცავთ წარმატებულ მონაწილეობას!!!

#აზიმუტითნაპოვნი
ბათუმის მე-18 საჯარო სკოლის გეოგრაფიისა და ისტორიის პედაგოგებმა: ლიანა დიასამიძემ, ცირა ტაკიძემ და გურანდა კუკულაძემ ჩაატარეს სასკოლო აქტივობა - ,,აზიმუტით ნაპოვნი საქართველოს დამოუკიდებლობის აქტი”. მე-9 გ და მე-9 ბ კლასების მოსწავლეებმა შეძლეს მიზნის მიღწევა და საძიებო რუკაზე მოცემული ყველა ობიექტის პოვნა. აქტივობა ერთდროულად საინტერესო და სახალისო აღმოჩნდა.

#კონკურსებიდავიქტორინები
2026 წლის 3 ივნისს ჩატარდა ვიქტორინა ბიოლოგიაში მე-10 კლასებს შორის. ვიქტორინისთვის განკუთვნილი თემატიკა მოსწავლეებისთვის წინასწარ იყო ცნობილი. შეჯიბრი კონკურენტულ გარემოში წარიმართა. გუნდები კარგად იყვნენ მომზადებულები. სიახლეს წარმოადგენდა ფორმსის პროგრამის გამოყენება, კომპიუტერებთან მუშაობა აზარტული აღმოჩნდა.
კონკურსში მაღალი შედეგი აჩვენეს Xბ და X ვ კლასის გუნდებმა.
ვულოცავთ გამარჯვებულ გუნდებს და ვუსურვებთ წარმატებებს!
👏🏻👏🏻👏🏻👏🏻👏🏻

აჭარის ავტონომიური რესპუბლიკის განათლების, კულტურისა და სპორტის სამინისტროს მიერ ინიცირებულ ესეების კონკურსში გამარჯვებულია X გ კლასის მოსწავლე მარიამ კუპრეიშვილი.
სსიპ ქალაქ ბათუმის N18 საჯარო სკოლა ულოცავს მარიამ კუპრეიშვილს მიღწეულ წარმატებას.