02/04/2018
💫🎆🎇კომპანია Profit T-IME ბუღალტრებსა და აღრიცხვის სფეროში მომუშავე ყველა ფინანსისტს გილოცავთ 2017 წლის ფინანსური ანგარიშგების წარდგენის პერიოდის დასრულებას.📆
იმედს გამოვთქვამთ, რომ ღირსეულად და ხარისხიანად მოვახერხეთ განვლილი პერიოდის საფუძვლიანი დამუშავება, დეკლარირება და წარდგენა. ამასთან გისურვებთ 2018 წლის საანგარიშგებო პერიოდში მეტ წარმატებებს, გაზრდილ შრომის ნაყოფიერებასა და შემოსავლებს.🔥🛫
ჩვენი ურთიერთობის საწყის ეტაპზე გვინდა შევეხოთ უმნიშვნელოვანეს საკითხს, რომელიც საინტერესო იქნება მოქმედი და დამწყები ბუღალტრების, ბიზნესმენებისა და ამ პროფესიის დაუფლების მსურველი ადამიანებისათვის.
ჩვენს სეგმენტში (ცალკეულ შემთხვევებში არა მხოლოდ ჩვენს სეგმენტში) დასაქმებულ ადამიანთა შორის გავრცელებულია ხასიათის 9 ნიშან-თვისება, რომლებიც ხელს გვიშლის:
✅ა) პროფესიული წარმატების მიღწევაში;
✅ბ) თავდაჯერებულობისა და სულიერი სიმშვიდის მოპოვებაში,
✅გ) დასვენებასა და თავისუფალი დროის გამონახვაში.
პოსტის ბოლოს კი თქვენ გელოდებათ საინტერესო ინფორმაცია ამ ხელშემშლელი პრობლემების გადაჭრის გზებისა და ჩვენს მიერ დაანონსებული სხვა სიახლეების შესახებ.
ხელშემშლელი თვისებები და გარემოებები:
☑️1. პერპექციონიზმი - საქმეების სახვალიოდ გადადების ჩვევა, რომლის მძიმე შედეგები განსაკუთრებით თებერვალ-მარტის თვეში იგრძნობა ხოლმე.
☑️2. სამუშაო ადგილის მოუწესრიგებლობა - საკმაოდ გავრცელებული შემთხვევაა ჩვენს პროფესიაში: არეულ-დარეული სამუშაო მაგიდა, კარადები და მიმობნეული დოკუმენტები ასახავენ ფაქტს არა მხოლოდ ვიზუალურად, არამედ იწვევენ არეულობასა და ქაოსს ჩვენში შინაგანად, შესაბამისად ასეთ პირობებში შეუძლებელია თანმიმდევრულად, მიზანმიმართულად და ნაყოფიერად მუშაობა.
☑️3. პრიორიტეტების არასწორი დალაგება - ხშირად ჩვენს სფეროში დასაქმებულ ადამიანებს გვჩვევია ყველაზე ადვილი საქმის გაკეთება პირველ რიგში, მაშინ როცა მეტად მნიშვნელოვანი, საჩქარო, რთული და საკვანძო ამოცანები უკან გვრჩება, აღნიშნულის უარყოფითი შედეგები კი შემდგომში დამთრგუნველად მოქმედებს ჩვენს შრომის ნაყოფიერებაზე.
☑️4. სწავლისა და განვითარების უარყოფა - ეს სამწუხარო რეალობაა არა მხოლოდ ჩვენს პროფესიაში... ხშირად ადამიანები თვლიან, რომ მუშაობის დაწყების შემდეგ აღარ სჭირდებათ სწავლა-განვითარება და მხოლოდ პრაქტიკა შეასწავლით საქმეს. ასეთი ადამიანები ან პირდაპირ ეწინააღმდეგებიან ნებისმიერ კურსებს, ტრენინგებს, ტესტირებებსა და კვალიფიკაციის ასამაღლებელ სხვა საშუალებებს ან მსგავსი ღონისძიებების ორგანიზატორი ხელმძღვანელების მიმართ უჩნდებათ შინაგანი აგრესია და პროტესტის გრძნობა, რაც პირდაპირპროპორციულად აისახება მათ მოტივაციასა და ეფექტურობაზე.
☑️5. კითხვების დასმის კომპლექსი - ძალიან ხშირად ეს თვისება აქვთ სტაჟიან ბუღალტრებს, რათა არ "გამომჟღავნდეს" მათი მხრიდან რაიმეს უცოდინრობა და არ შეექმნას საფრთხე მათ რეპუტაციას, თუმცა ხასიათის ეს თვისება ხშირად დამწყებ ბუღალტრებშიც იჩენს თავს ხოლმე. ამ თვისების შედეგი კი შესაძლოა დამღუპველი აღმოჩნდეს არა მხოლოდ ჩვენთვის, არამედ პირველ რიგში დამქირავებელი ბიზნესებისათვის.
☑️6. სიმყუდროვის არარსებობა სამუშაო ადგილზე - როგორც ვიცით ადამიანთა განსხვავებული კატეგორიები არსებობს, ზოგს უყვარს განმარტოებით მუშაობა, ზოგიც ხალმხრავალ და ხმაურიან გარემოში ისე გრძნობს თავს, როგორც თევზი წყალში, თუმცა იმედია ყველა დაგვეთანხმებით, რომ ჩვენს პროფესიაში სიმყუდროვე და მშვიდი გარემო გადამწყვეტ როლს თამაშობს ნაყოფიერ მუშაობასა და ეფექტურობის მხრივ.
☑️7. დაბალი თვითშეფასება და შედეგად ცუდი სამუშაო პირობები - გაუმართავი ტექნიკა და ინფრასტრუქტურა - რაოდენ ბანალურადაც არ უნდა ჟღერდეს, ამ საკითხს უმნიშვნელოვანესი როლი ენიჭება შრომის ნაყოფიერებასა და შედეგიანობაში. გაუმართავი სავარძელი, ცუდი განათება, დაზიანებული კლავიატურა, მაუსი, მონიტორი ან ავტონომიური კვების ბლოკი, კონდიცირებისა და გათბობის საშუალებების არ ქონა 50%-ზე მეტად ამცირებს, ხშირად კი სრულად კლავს შრომის ნაყოფიერებასა და შესრულებული სამუშაოს ხარისხს. ასე რომ ნუ მოგერიდებათ, დააფასეთ საკუთარი თავი და სამუშაო და მტკიცედ მოითხოვეთ თქვენი ხელმძღვანელებისაგან შესაბამისი პირობების შექმნა.
☑️8. გაფანტულობა, ერთდროულად რამოდენიმე საქმის კეთება - ბუღალტერია რთული პროფესიაა, რომელსაც ერთი ძალიან საინტერესო თვისება გამოარჩევს - ის მოითხოვს კონკრეტულ საკითხებსა და დეტალებში ჩაღრმავებას, აზროვნებასა და ყურადღების მაქსიმალურ მობილიზებას, რადგან ამ სფეროში ბევრი ოპერაცია ერთმანეთთან ჯაჭვურადაა გადაბმული, ეს კი საჭიროებს ამ "ჯაჭვის" დასაწყისიდან მის ბოლომდე შეუჩერებლად, თანმიმდევრულად გადასვლას და გონებაში ამ ოპერაციათა სრული კრებულის უწყვეტ კადრებად წარმოდგენას. ზოგჯერ შესაძლებელია ამ ოპერაციათა ჯაჭვის ერთი ბოლოდან მეორეში გადასვლას 1-2 საათი და მეტიც კი სჭირდებოდეს. ამ პროცესში თუნდაც ერთმა "უწყინარმა" სატელეფონო ზარმა ან რაიმე სხვა საქმეზე გადართვამ, შეიძლება ხშირად იმაზე უკანაც კი დაგვხიოს, საიდანაც დავიწყეთ ამ "ჯაჭვზე" მიყოლა, ხოლო ამ პროცესის შეწყვეტამ და საქმის სამომავლოდ გადატანამ შესაძლებელია რამოდენიმე საათით ან დღითაც კი დაგვაბრუნოს უკან.
☑️9. თვითმენეჯმენტის არარსებობა ან ნაკლებობა - სამწუხაროდ ბევრი ჩვენთაგანი არასწორად და არაეფექტურად ანაწილებს დროს, რის გამოც ვერ ვახერხებთ ძილის, კვების, დასვენებისა და ფიზიკური აქტივობის რეჟიმების დაცვას. ეს ყველაფერი კი საკმაოდ ცუდად აისახება ჩვენს ჯანმრთელობაზე. აქტიური და სწორი ცხოვრების წესი საწინდარია მაღალი შრომისუნარიანობისა და ეფექტურობის. შეიძლება თამამად ითქვას: დიდი წარმატებების მიღწევის შანსი, არა მხოლოდ ბუღალტრულ საქმიანობაში, არამედ ნებისმიერ სფეროში ამ საკითხის მოგვარების გარეშე, ფაქტიურად ნულის ტოლია.
👌აქვე უნდა გაგიმხილოთ, რომ მიუხედავად საკმაოდ ვრცელი მიმოხილვისა ეს ყველაფერი არ არის...
✍️ჩვენ კვლავ ვაგრძელებთ ამ თემებზე მუშაობას და თქვენი დაინტერესების შემთხვევაში მოგაწვდით სხვა ხელისშემშლელი ფაქტორებისა და ხასიათის თვისებების შესახებ ინფორმაციას, ასევე რა თქმა უნდა გაჩვენებთ ამ პრობლემების მოგვარების გზებსა და გამოსავლის სხვადასხვა შესაძლებლობებს.
📚📚📚 ეს ინფორმაცია სასარგებლო იქნება არა მხოლოდ მოქმედი ან დამწყები ბუღალტრებისათვის, ასევე ყველა იმ ადამიანისათვის ვისაც ამ პროფესიის დაუფლება აქვს გადაწყვეტილი. მოდით ერთხმად ვაღიაროთ, რომ პროფესიის დაუფლებასა და კომპეტენტურობასთან ერთად არანაკლებ მნიშვნელოვანია ჩვენი ხასიათის ის თვისებები, რაც განაპირობებს ჩვენს მაღალეფექტურობასა და შედეგიანობას. რა თქმა უნდა, ჩვენ უდიდეს მნიშვნელობას ვანიჭებთ ამ საკითხს, რაზედაც ბუღალტერიის შემსწავლელი კურსების პროცესში ერთად მოგვიწევს მუშაობა.
📜📝თუ მოგეწონათ პოსტი და გსურთ მიიღოთ მეტი ინფორმაცია შემაფერხებელი გარემოებების, ხასიათის თვისებების და გამოსავლის გზების შესახებ, დაწერეთ კომენტარებში - "საინტერესოა".
https://bit.ly/2GuCEwr
https://bit.ly/2q3gueJ
bit.ly
23/01/2025
29/11/2019
12/09/2019
28/09/2018
20/03/2018
05/03/2018