ბათუმის ნიკოლოზ კანდელაკის სახელობის სამხატვრო სკოლა /სასწავლებელი/

აკითხებს.
კურსდამთავრებულები მიიიღებენ პირველი საფეხურის მოწმობას.
მეორე საფეხური:
მიიღებიან 15 წლის ასაკიდან არანაკლებ ცხრა კლასის განათლების მქონე მოქალაქეები, რომლებსაც ექნებათ წინასწარ არცეული სპეციალობა და შესაბამისი მონაცემები. ჩარიცხვა წარმოებს გასაუბრების წესით ან კონკურსის შემთხვევაში ხატვაში გამოცდის შედეგად. სწავლის ხანგრძლივობა 2 წელია და სწავლება უფასოა.
ხატვაში საგამოცდო მოცემულობაა მარტივი ნატურმორტი ¼ ფორმატზე. შეფასება ხდება 10 ქულიანი სისტემით
მეორე საფეხურის სპეციალობები:
• ქსოვილების მხატვრული გაფორმება და ქსოვა (გობელენი, ხალიჩა, თექა, ბატიკა);
• ავეჯის კონსტრუირება და დიზაინი;
• ხის მხატვრული დამუშავება და ხეზე კვეთა;
• ქვის მხატვრული დამუშავება და ქვაზე კვეთა;
საიუველირო(ფერადი ლითონები, ტიხრული მინანქარი).
სკოლაში სწავლისას მსმენელები გარდა სპეციალობებისა გაივლიან კომპიუტერისა და ინგლისური ენის კურსს, ისარგებლებენ თანამედროვე ხელსაწყო-დანადგარებით და კლას-კაბინეტებით. სპეციალობის შესაბამისად მიიღებენ, როგორც თეორიულ ცოდნას, ისე პრაქტიკულ უნარ-ჩვევებს, გამოცდილებას და მეორე საფეხურის დამთავრების დამადასტურებელ მოწმობას. დასაქმდებიან როგორც საჯარო, ისე კერძო სტრუქტურებსა და სახელოსნოებში. შეეძლებათ გახსნან საკუთარი სახელოსნოები და გახდნენ ინდმეწარმეები. ისინი მდიდარ ქართულ ტრადიციებზე დაყრდნობითშქმნიან მხატვრულ ნაწარმს, სუვენირებს, ავეჯს; დაამუშავებენ მხატვრულად ხეს, ქვას; ჩამოასხამენ ნაწარმს თაბაშირში და სხვა მასალებში.
სკოლა დაკომპლექტებულია მაღალ კვალიფიციური, გამოცდილი, დამსახურებული მხატვარ-პედაგოგებით.
სკოლას აქვს თანამედროვე კეთილ მოწყობილი შენობა, სადაც აგრეთვე ფუნქციონირებს საგამოფენო დარბაზი. დარბაზში იმართება როგორც მოსწავლეთა, ისე ცნობილ მხატვართა ნამუშევრების გამოფენები. იბეჭდება ბუკლეტები და კატალოგები.
საბუთები მიიღება
სკოლაში საბუთების მიღება გრძელდება 8 სექტემბრამდე. აბიტურიენტმა უნდა წარმოადგინოს შემდეგი საბუთები:
პირველი საფეხური
1. დაბადების მოწმობის ასლი;
2. 2 ცალი ფოტოსურათი;
3. ცნობა საჯარო სკოლაში სწავლის შესახებ;
4. მშობლის განცხადება და პირადობის მოწმობის ასლი.
მეორე საფეხური
1. განათლების ატესტატი ან დიპლომი;
2. პირადობის მოწმობის ასლი;
3. დაბადების მოწმობის ასლი;
4. 4 ცალი ფოტოსურათი;
5. განცხადება (ივსება ადგილზე.)
დაწვრილებითი ცნობებისთვის შეგიძლიათ მიმართოთ სკოლის დირექციას შემდეგ მისამართზე: ქ.ბათუმი, ფიროსმანის ქუჩა N16
ტელ: 24-51-64. 24-51-65. 593-35-81-99
1911 წელს პეტერბურგის სამხატვრო აკადემიის კურსდამთავრებულმა დიმიტრი პახომოვმა შემოიკრიბა ქალაქ ბათუმში მოღვაწე მხატვრები და სამხატვრო სტუდია დააარსა, რომელიც 1918 წელს კერძო სასწავლებლად ცამოყალიბდა, უფრო მოგვიანებით, 1936 წელს კი სახელმწიფო სასწავლებლად.
1942 წელს პედაგოგებისა და სტუდენტების მეორე მსოფლიო ომში გაწვევის გამო სასწავლებელმა შეწყვიტა ფუნქციონირება. მისი აღდგენა მხოლოდ 1970 წელს მოხერხდა და მიენიჭა ქართველი მხატვრის ნიკოლოზ კანდელაკის სახელი.
2010 წლიდან სასწავლებელი გამოყენებით ხელოვნების სამხატვრო სკოლად გადაკეთდა.
სასწავლებელმა თავისი არსებობის მანძილზე არზარდა 600-ზე მეტი ხატვა-ხაზვის მასწავლებელი და სხვა კვალიფიციური კადრი.
სასწავლებლის კურსდამთავრებულები დღეს წარმატებით მოღვაწეობენ, როგორც საქართველოში, ისე უცხოეთში. მრავალი დასაქმებულია აჭარის მაღალმთიანი რაიონების სკოლებში სახვითი ხელოვნების მასწავლებლად და უმაღლეს სასწავლებლებში პროფესორ-მასწავლებლების რანგში.
სასწავლებელი სახვითი და გამოყენებითი ხელოვნების განვითარებაში შეტანილი წვლილისათვის დაჯილდოვებულია საპატიო სიგელებითა და მედლებით.