29/07/2026
ნიკოლოზის გზა წარმატებისკენ 📚⚽
Niko Bolkvadze
ჩემი პირველი აბიტურიენტი, რომელიც ნდობით გადმომაბარეს ჩემმა ოსტატებმა - ქალბატონმა Qetevan-მა და ქალბატონმა Maia-მ. მათი ნდობა ჩემთვის დიდი პასუხისმგებლობა იყო, ხოლო ნიკოლოზის დღევანდელი წარმატება ამ ნდობის საუკეთესო შედეგი.
ნიკოლოზმა ქართული ენისა და ლიტერატურის გამოცდა წარმატებით ჩააბარა. ეს წარმატება ჩემი პროფესიული გზის ერთ-ერთი ყველაზე მნიშვნელოვანი ეტაპია, ამიტომ ნიკოლოზი ჩემთვის ყოველთვის განსაკუთრებული მოსწავლე იქნება.
ეს შედეგი კიდევ ერთხელ ადასტურებს, რომ მიზანდასახულობა, შრომა და პასუხისმგებლობა ყოველთვის ფასდება.
სასწავლო პროცესი მარტივი არ ყოფილა. ნიკოლოზი პროფესიონალური ფეხბურთის მიმართულებით აქტიურად ვითარდებოდა, დატვირთული სავარჯიშო რეჟიმის ფონზე მეცადინეობას ყოველთვის ვერ ახერხებდა. მიუხედავად ამისა, საკუთარი მიზნისადმი ერთგულებამ, დისციპლინამ და მონდომებამ სასურველი შედეგი მოგვიტანა.
განსაკუთრებით მიხარია, რომ შესაძლებლობა მქონდა, მისი საგანმანათლებლო გზის ნაწილი ვყოფილიყავი. თითოეული მასწავლებლისთვის მსგავსი წარმატება უდიდესი მოტივაციის და სიამაყის საფუძველია.
ნიკოლოზ, გულითადად გილოცავ ამ მნიშვნელოვან წარმატებას!
ძალიან ვამაყობ შენით და ბედნიერი ვარ მიღწეული შედეგით. გისურვებ, რომ იმავე მონდომებითა და შემართებით მიაღწიო ყველა დასახულ მიზანს როგორც სწავლაში, ისე საფეხბურთო კარიერაში.
დარწმუნებული ვარ, ეს მხოლოდ დიდი გამარჯვებების დასაწყისია. წარმატებებს გისურვებ! 🤍
