20/07/2026
ჩვენს კლუბში მოზარდები არა მხოლოდ მშობლიურ ენასა და ლიტერატურას, არამედ ინგლისურ ენასაც გააზრებულად და საფუძვლიანად სწავლობენ.
თუმცა ეს ყველაფერი არ არის — აქ მიღებული ცოდნით ისინი ცხოვრებაში რეალიზების, გამოწვევებთან გამკლავების და ბედნიერების საკუთარ ფორმულას აღმოაჩენენ.
ეს პოდკასტიც ჩვენი გზის, ჩვენი სწავლა-სწავლების, ერთ-ერთი ნაწილია.
ამ ეპიზოდში წამყვანი მარი და მისი სტუმრები, ელენე და ანეტი, მსჯელობენ იმ მენტალურ, ფსიქოლოგიურ და პრაქტიკულ გამოწვევებზე, რომელთა წინაშეც თითოეული ადამიანი დგება.
მოზარდები საუბრობენ შემდეგ საკითხებზე:
🔵 სირთულეების, გადაწვისა და მარცხის როლი პიროვნულ ზრდაში — რატომ არის შეცდომები მიზანთან დაახლოების საუკეთესო საშუალება?
🔵 მენტალიტეტი vs. დისციპლინა: რატომ არის ყოველდღიური მცირე ჩვევები და შინაგანი სიმტკიცე ბევრად უფრო მნიშვნელოვანი, ვიდრე მოტივაცია?
🔵 როგორ აყალიბებს ჩვენი ადრეული გამოცდილება და სოციალური წრე იმ ამბიციებსა და მოლოდინებს, რომლებიც საკუთარი თავის მიმართ გვაქვს?
🔵 რა იმალება მიღწევების მიღმა და როგორ შევინარჩუნოთ მენტალური ბალანსი და შინაგანი სიმშვიდე წარმატების დროს?
