საბავშვო ბაღი "ტაატი"

ბავშვის უფლებების დაცვა არ არის მხოლოდ კანონის მოთხოვნა — ეს არის პროფესიული, ეთიკური და ადამიანური პასუხისმგებლობა.

სკოლამდელი აღზრდა და განათლება განსაკუთრებული სფეროა, რომელიც მოითხოვს ღრმა ცოდნას, მუდმივ პროფესიულ განვითარებასა და მაღალი პასუხისმგებლობის განცდას. საბავშვო ბაღი არ არის ადგილი, სადაც მხოლოდ ორგანიზაციული ან მენეჯერული უნარები საკმარისია. ეს არის სივრცე, სადაც ყოველდღიურად ყალიბდება ბავშვის პიროვნება, თვითშეფასება, უსაფრთხოების განცდა და მომავლის საფუძვლები.

ამ სფეროში საქმიანობა გულისხმობს სკოლამდელი აღზრდისა და განათლების სტანდარტების ცოდნას, ბავშვთა ფსიქოლოგიის გააზრებას, თანამედროვე საგანმანათლებლო მიდგომების ფლობას და უწყვეტ პროფესიულ ზრდას.

ბოლო პერიოდში გახმაურებული ფაქტები კიდევ ერთხელ გვახსენებს, რომ თითოეულ ჩვენგანს — ბაღის დამფუძნებლებს, დირექტორებს, პედაგოგებსა და სფეროს წარმომადგენლებს — განსაკუთრებული პასუხისმგებლობა გვაკისრია. გვანდობენ ყველაზე ძვირფასს და ჩვენ ვალდებულნი ვართ შევქმნათ გარემო, სადაც მისი ღირსება, უსაფრთხოება და უფლებები უპირობოდ იქნება დაცული.

მოვუწოდებ კოლეგებს, ვიყოთ პრინციპულები, პროფესიონალები და პასუხისმგებლიანები. ჩვენი სფეროს ავტორიტეტი იწყება თითოეული ბავშვის მიმართ გამოხატული პატივისცემით და სრულდება იმ ნდობით, რომელსაც საზოგადოება გვიცხადებს.

დღე, რომელმაც სიყვარულით აგვავსო💜💜

დღეს ჩვენს ეზოში დედებმა ნამდვილი სასწაული მოაწყვეს. თავიანთი პროფესია, გამოცდილება და სითბო ბავშვებს გაუზიარეს, გვასწავლეს, გვეთამაშნენ, მოგვეფერნენ და უამრავი ღიმილი გვაჩუქეს.

ბავშვებისთვის ყველაზე დიდი სიხარული მშობლის გვერდით ყოფნაა, ჩვენთვის კი — მათი ასეთი ჩართულობა და მხარდაჭერა სითბოდ და სიყვარულად გვეღვრება გულში❤️❤️

გმადლობთ ამ ლამაზი დღისთვის, რომელიც კიდევ დიდხანს გაგვითბობს გულებს. გ ვ ი ყ ვ ა რ ხ ა რ თ!!! გვეიმედებით!!! 🥳🥳

გილოცავთ 26 მაისს — ჩვენი დამოუკიდებლობის, თავისუფლებისა და ეროვნული ღირსების დღეს! 🇬🇪

ეს დღე გვახსენებს, რამდენად ძვირფასია სამშობლო, მშვიდობა და თავისუფლება — ფასეულობები, რომლებიც თაობიდან თაობას უნდა გადავცეთ სიყვარულით, პასუხისმგებლობითა და ერთგულებით.

ჩვენი ვალია, აღვზარდოთ მომავალი თაობა, რომელიც პატივს სცემს საკუთარ ქვეყანას, დაიცავს მის თავისუფლებას და ღირსეულად ატარებს ქართველობის ძალასა და სულიერებას.

დამოუკიდებელი საქართველო იწყება იმ ბავშვებით, რომლებსაც დღეს სიყვარულით, ღირებულებებითა და სამშობლოსადმი ერთგულებით ვზრდით.

გილოცავთ საქართველოს დამოუკიდებლობის დღეს! 🇬🇪

ჩვენი თანამშრომლები აგრძელებენ კვალიფიკაციის ამაღლებას და განვითარებას სხვადასხვა მიმართულებით, რომლებიც დაკავშირებულია ბავშვების ჯანმრთელობასთან, ფიზიკურ განვითარებასთან და უსაფრთხოებასთან.

ამჯერად გავლილი იქნა 12-საათიანი ინტენსიური სემინარი სქოლიოზის თემაზე, სადაც დეტალურად განიხილებოდა ბავშვთა სწორად ჩამოყალიბებული პოზა, ხერხემლის დარღვევების გამომწვევი მიზეზები, პრევენციის მეთოდები, სწორი სუნთქვა, უსაფრთხო ვარჯიშები და ბავშვებთან მუშაობის თანამედროვე მიდგომები.

ბაღისთვის მსგავსი სწავლება ძალიან მნიშვნელოვანია, რადგან თანამშრომლების მუდმივი პროფესიული განვითარება საშუალებას გვაძლევს უფრო ყურადღებით და კვალიფიციურად მივუდგეთ ბავშვების ფიზიკურ განვითარებას, დროულად შევამჩნიოთ პოზისა და ხერხემლის თავისებურებები და სწორად შევარჩიოთ ვარჯიშები ბავშვის ასაკისა და ინდივიდუალური შესაძლებლობების გათვალისწინებით.

ჩვენ ვცდილობთ არ შევჩერდეთ მხოლოდ საბაზისო ცოდნაზე და მუდმივად ვეუფლებით ახალ მეთოდიკებს, რათა ჩვენი აქტივობები იყოს არა მხოლოდ საინტერესო, არამედ ბავშვების ჯანმრთელობისთვის მაქსიმალურად სასარგებლოც.

ოჯახის სიყვარული, ადამიანის პატივისცემა, სამშობლოს მიმართ პასუხისმგებლობა და სულიერი ღირებულებების გაცნობიერება — ეს ის საფუძვლებია, რომლებზეც ბავშვის პიროვნება მშვიდად და მყარად ყალიბდება.

ჩვენთვის მნიშვნელოვანია, ბავშვებმა ისწავლონ ერთმანეთის დაფასება, თანაგრძნობა, სიკეთე, საკუთარი ფესვების სიყვარული და განსხვავებული ადამიანების პატივისცემა.

სწორედ ასეთი ღირებულებებით აღზრდილი თაობა ქმნის უფრო ჰუმანურ, მზრუნველ და ძლიერ საზოგადოებას. 🤍

დღეს ჩვენი პატარა პრინცესა ანიტა 4 წლის გახდა 💜🎂
ფერადი ღიმილით, კეთილი თვალებით და ბავშვური სითბოთი მან კიდევ უფრო გაალამაზა ჩვენი საბავშვო ბაღი🌈✨

ვუსურვებთ ჯანმრთელ, ბედნიერ და სიყვარულით სავსე ბავშვობას, უსასრულო სიხარულსა და უამრავ ჯადოსნურ თავგადასავალს 💫
გაიზარდე ბედნიერი, ანიტა! 🎉👑