სსიპ ზემო თხილნარის საჯარო სკოლა

🎓🌸 გილოცავთ პირველი კლასის წარმატებით დასრულებას! 🌸🎓

დღეს განსაკუთრებული დღეა — თქვენ წარმატებით გადადგით პირველი მნიშვნელოვანი ნაბიჯი ცოდნის სამყაროში. ერთი წლის განმავლობაში ისწავლეთ კითხვა, წერა, თვლა, შეიძინეთ ახალი მეგობრები და უამრავი სასიამოვნო მოგონება დააგროვეთ.

ძვირფასო ბავშვებო, თქვენი მონდომება, შრომა და ცნობისმოყვარეობა ჩვენი სიამაყეა. წინ კიდევ ბევრი საინტერესო აღმოჩენა, ახალი ცოდნა და წარმატება გელით.

მადლობა მშობლებს მხარდაჭერისთვის, ხოლო მასწავლებლებს — სიყვარულისა და თავდადებისთვის, რომლითაც მთელი წლის განმავლობაში ბავშვებს გვერდით ედგნენ.

გისურვებთ მხიარულ, ბედნიერ და დაუვიწყარ ზაფხულს! შეხვედრამდე ახალ სასწავლო წელს, ახალი წარმატებებითა და ღიმილით!

❤️📚 ბედნიერი არდადეგები, პირველკლასელებო! 📚❤️

ზემო თხილნარის საჯარო სკოლის დირექცია და პედაგოგიური კოლექტივი გილოცავთ დამოუკიდებლობის დღეს.

მუდამ გვეცხოვროს ერთიან, გაბრწყინებულ, დამოუკიდებელ საქართველოში❤️

"დიპლომატიური ფორუმი".
Il მსოფლიო ომი.
ბავშვებმა უნდა იცოდნენ რომ ისტორია არ არის მხოლოდ ძლიერ მეფეთა თავგადასავალი...
ისტორია არის ტრაგიკული და დამანგრეველი ომების ისტორია.

ბათუმის შ.რუსთაველის სახელობის სახელმწიფო უნივერსიტეტის ჰუმანიტარულ მეცნიერებათა ფაკულტეტმა 2 მაისს მოსწავლეთა IX სამეცნიერო კონფერენციას უმასპინძლა „ახლო აღმოსავლეთი და საქართველო“.
სსიპ ზემო თხილნარის საჯარო სკოლის მოსწავლეებმა მეგი მამულაძემ და ელენე მიქელაძემ წარადგინეს თემა "უფლის კალთიდან გადმოვარდნილი მარცვალი."
ვუსურვებთ მათ უამრავ წარმატებას!

IX კლასის მოსწავლეებმა პროექტის — „პროექტი ჩემს გაკვეთილზე“ ფარგლებში საინტერესო და შემეცნებითი აქტივობა განახორციელეს 🌿

ისინი გავიდნენ მდინარის პირას, სადაც გამოიკვლიეს იქ გავრცელებული მცენარეები, დააკვირდნენ მათ თავისებურებებს და შეისწავლეს მათი სამკურნალო თვისებები. მოსწავლეებმა თავად მოიძიეს ინფორმაცია, შეადარეს მონაცემები და დაადგინეს, როგორ იყენებდა და იყენებს ადამიანი ბუნების ამ რესურსებს ჯანმრთელობის შესანარჩუნებლად.

კვლევის შედეგები მათ შემოქმედებითად წარმოადგინეს — მოამზადეს პრეზენტაციები და შექმნეს კედლის გაზეთი, სადაც საინტერესოდ და გასაგებად გადმოსცეს მიღებული ცოდნა 🌱

აქტივობამ ხელი შეუწყო როგორც საგნობრივი ცოდნის გაღრმავებას, ისე კვლევითი, ანალიტიკური და გუნდური მუშაობის უნარების განვითარებას.

🌿 ბუნებასთან პირდაპირი შეხება და პრაქტიკული სწავლება საუკეთესო გზაა, რომ მოსწავლეებმა უკეთ გაიგონ მისი მნიშვნელობა და ისწავლონ მისი დაცვა.
ხელ.: ნათია კეკენაძე

Natia Kekenadze

ბათუმის შ.რუსთაველის სახელობის სახელმწიფო უნივერსიტეტის ჰუმანიტარულ მეცნიერებათა ფაკულტეტმა (აღმოსავლეთმცოდნეობის დეპარტამენტმა) 2 მაისს მოსწავლეთა IX სამეცნიერო კონფერენციას უმასპინძლა, „ახლო აღმოსავლეთი და საქართველო“.
სსიპ ზემო თხილნარის საჯარო სკოლის მოსწავლემ ლინდა შარაძემ მონაწილეობა მიიღი კონფერენციაში და საინტერესოდ წარადგინა თემა: „ძველი აღმოსავლეთი და საქართველო.“
დიდი მადლობა პროექტის ავტორს, აღმოსავლეთმცოდნეობის დეპარტამენტის ხელმძღვანელს, პროფესორ ემზარ მაკარაძეს.

სსიპ ზემო თხილნარის საჯარო სკოლის VII კლასში ჩატარდა ინტერაქტიული გაკვეთილი „ხელოვნური ინტელექტი მონსტრი თუ სიკეთე.“
ბავშვებმა გამოთქვეს ვარაუდები: გვაჯობებს თუ არა ხელოვნური ინტელექტი, დაიწყებს თუ არა ჩვენს მართვას, რამდენად შეუძლია ადამიანის გონებას კომპიუტერული სუპერ-ინტელექტის მართვა, რა დადებითი და უარყოფითი მხარეები აქვს მას, გვჭირდება თუ არა ის სკოლაში, არის თუ არა ხელოვნური ინტელექტი გლობალური საფრთხე, ჩაანაცვლებს თუ არა ხელოვნური ინტელექტი ადამიანს, _რეჟისორს? მხატვარს? მასწავლებელს? არქიტექტორს? ქორეოგრაფს? მომღერალს?
ბავშვებმა გააკეთეს სახალისო აქტივობები, ამოიცნეს ადამიანის ხელით შექმნილი და AI-ს მიერ გენერირებული სხვადასხვა სურათები... და ბოლოს, მოისმინეს კენი ვესტის ხმაზე ამღერებული ხელოვნურინ ინტელექტის მიერ შესრულებული და ჰიტად ქცეული სიმღერა.
კითხვები ბევრია... პასუხები კი ბუნდოვანი.... არავინ იცის კიდევ რა სიურპრიზს უმზადებს თანამედროვე მსოფლიოს ტექნოლოგიური პროგრესი.
მაგრამ ყველა ერთსულოვნად ვთანხმდებით რომ, სასურველია ხელოვნურმა ინტელექტმა ადამიანი არ ჩაანაცვლოს. ის საჭიროა ზომიერად.
გაკვეთილზე მოვიწვიეთ ინფორმაციული და საკომუნიკაციო ტექნოლოგიების სპეციალისტი ნანა ფუტკარაძე, რომელმაც გასცა პასუხი იმ ურთულეს კითხვებს რომლებიც ბავშვებისათვის მიუწვდომელი აღმოჩნდა.
თამარ დუმბაძე