Cymraeg Abertawe

cip o’r campws

🎉 Dathlu llwyddiannau myfyrwyr Abertawe yn Eisteddfod y Garreg Las 🎉

Llongyfarchiadau enfawr i Emily Evans ar ennill Gwobr Merêd y Coleg Cymraeg Cenedlaethol. Mae'r wobr hon yn cydnabod cyfraniad eithriadol myfyriwr at fywyd a diwylliant Cymraeg ei brifysgol a'r gymuned ehangach.

Dros y blynyddoedd, mae Emily wedi rhoi o'i hamser, ei hegni a'i brwdfrydedd yn hael i gefnogi eraill a chyfrannu at amrywiaeth o fentrau cymunedol. Trwy ei gwaith fel llysgennad i'r Coleg Cymraeg Cenedlaethol, ei chyfraniad at addysgu a mentora myfyrwyr, ei gwaith yng Nghanolfan Gymraeg Tŷ'r Gwrhyd ac gydag Eisteddfod Cwm Tawe, yn ogystal â'i rôl allweddol yn sefydlu a datblygu Aelwyd yr Elyrch, mae wedi gwneud cyfraniad arbennig at gryfhau'r Gymraeg fel iaith fyw o fewn y Brifysgol ac yn y gymuned ehangach.

Mae Emily wedi helpu i greu cymuned Gymraeg gynhwysol, groesawgar a llewyrchus i fyfyrwyr ac eraill fel ei gilydd. 💛

Llongyfarchiadau mawr iawn i ti, Emily! 🌟

Gwych gweld ein tiwtor Emily Evans yn ennill Gwobr Merêd y Coleg Cymraeg/Dy Ddyfodol Di ar faes yr Eisteddfod heddiw 🌟

🌟 Heddiw, yn Nerbyniad y Coleg Cymraeg Cenedlaethol ar faes Eisteddfod y Garreg Las,
Cyflwynwyd tlws Gwobr Mered 2026 i Emily Evans Prifysgol Abertawe Cymraeg Abertawe, sy'n cydnabod cyfraniad eithriadol myfyriwr i fywyd a diwylliant Cymraeg.

Mae Emily yn enghraifft wych o'r gwahaniaeth y gall un unigolyn ei wneud. Dros y blynyddoedd, mae Emily wedi rhoi o'i hamser, ei hegni a'i brwdfrydedd yn hael i gefnogi eraill a mentrau cymunedol amrywiol. Trwy ei gwaith fel llysgennad i'r Coleg Cymraeg Cenedlaethol, ei chyfraniad at addysgu a mentora myfyrwyr, ei gwaith yng Nghanolfan Gymraeg Tŷ'r Gwrhyd a thros Eisteddfod Cwm Tawe, a'i rôl allweddol yn sefydlu a datblygu Aelwyd yr Elyrch, mae wedi cyfrannu'n sylweddol at gryfhau'r Gymraeg fel iaith fyw o fewn y Brifysgol ac yn yr ardal ehangach gan helpu i greu cymuned Gymraeg gynhwysol, groesawgar a llewyrchus.

Llongyfarchiadau mawr iawn i ti, Emily🌟

Am hanner dydd fory bydd Dr Miriam Elin Jones, Cymraeg Abertawe yn cadeirio trafodaeth rhwng Dr Grug Muse, Jon Gower a Dr Kathryn Jones am stori llenyddiaeth taith a'r Gymraeg, yn y Babell Lên.