Vienna Hacademy Children Development Training Centre

Directions Website

Vienna Hacademy Children Development Training Centre Vienna Hacademy Children Development Training Centre

我們的使命是令小孩子能夠快樂地學習，將他們天賦的潛能發輝出來。

.【開心分享】～ “So cute” “Oh yeah”呢個3歲半嘅小男孩，家長話佢喺屋企一直都唔肯講嘢，所以好多嘢都唔知佢識唔識。點知第一次同我見面，佢就係咁講(佢又中又英，我有時都聽唔清楚🤭)。完咗之後，家長都好驚訝原來小朋友識咁多嘢。...
13/10/2026

.
【開心分享】～ “So cute” “Oh yeah”

呢個3歲半嘅小男孩，家長話佢喺屋企一直都唔肯講嘢，所以好多嘢都唔知佢識唔識。點知第一次同我見面，佢就係咁講(佢又中又英，我有時都聽唔清楚🤭)。完咗之後，家長都好驚訝原來小朋友識咁多嘢。👏🏻😲

而家佢咬字發音都進步咗好多，肯一齊唱歌，亦開始學大人嘅語氣。今日同佢上堂，佢講完隻動物名稱之後就話 “so cute”！無端端又會講”Oh yeah”！真係笑死我！🤣

多謝家長嘅支持！🥰❤️
#英國家長

.【ABA音樂活動 6/10】故事音樂創作創作對小朋友發展係好重要！🎭 點樣可以鼓勵小朋友發揮創意同想像力，同時又唔會太過局限佢哋嘅答案？關鍵係「適當引導 + 自由空間」。用音樂同故事做橋樑，就可以好自然咁引導小朋友，一步一步建立創意思維。...
05/10/2026

.
【ABA音樂活動 6/10】故事音樂創作

創作對小朋友發展係好重要！🎭
點樣可以鼓勵小朋友發揮創意同想像力，同時又唔會太過局限佢哋嘅答案？
關鍵係「適當引導 + 自由空間」。

用音樂同故事做橋樑，就可以好自然咁引導小朋友，一步一步建立創意思維。😊

1️⃣ 教學目標：
- 創意思維（令小朋友敢於提出自己嘅想法）
- 序列記憶（記得故事前後順序）
- 共同注意力（一齊專注同一個故事）
- 語言表達、輪流、情緒表達

2️⃣ 教具：
- 故事背景音樂（可選平靜、冒險、歡樂等不同風格）📖
- 簡單樂器（沙鎚、鈴鼓、木匙、鼓）
- 用動作代替樂器（拍手、踏腳、轉圈、做動物姿勢）

3️⃣ 玩法：
- 家長先講故事開頭，例如：「有一日，森林入面有一隻小兔仔，突然聽到一陣奇怪嘅聲音……」
- 問小朋友：「之後發生咩事呢？你可以用樂器或者動作話我知。」
- 小朋友用聲音或動作加上下一部分，例如搖沙鎚代表跑步，大力打鼓代表見到獅子
- 家長再接住佢嘅創作，繼續講下一段，然後再交畀小朋友
- 一齊完成整個故事，最後可以重播錄音聽返
- ⁠如果小朋友一開始唔識講，可以先示範一次（例如家長用樂器示範「小兔仔好驚，所以跑得好快」），之後再邀請佢試。

4️⃣ 提示：
- 示範 + 引導 → 語言提示（「你覺得之後會發生咩事？」）→ 自由創作
- ⁠每完成一個情節就即刻大讚：「哇！呢個主意好得意喎！」

完成整個故事後，將錄音播放俾佢聽，俾佢感受到自己嘅創作好特別。🤓

呢個活動唔單止好玩，更可以培養小朋友敢於表達、記住順序，同埋一齊合作嘅能力。最重要係，答案係冇對錯，只要佢敢試，就已經係成功！🤩🤩

#特殊教育
#曼城

.祝大家中秋節開開心心，團團圓圓！🌕🥰🏮🥮 #中秋 #曼城
25/09/2026

.
祝大家中秋節開開心心，團團圓圓！
🌕🥰🏮🥮
#中秋 #曼城

.【ABA音樂活動 5/10】 情緒音樂辨識認識情緒、表達情緒同埋處理情緒，呢三樣對小朋友都好重要。😊😠😢🙂我認識好多小朋友都唔太鍾意討論唔開心嘅感覺，有啲甚至會覺得唔開心係錯事。🙅🏻‍♀️🙅🏻要幫助小朋友認識同管理情緒唔係咁容易，家長可以...
21/09/2026

.
【ABA音樂活動 5/10】 情緒音樂辨識

認識情緒、表達情緒同埋處理情緒，呢三樣對小朋友都好重要。😊😠😢🙂

我認識好多小朋友都唔太鍾意討論唔開心嘅感覺，有啲甚至會覺得唔開心係錯事。🙅🏻‍♀️🙅🏻

要幫助小朋友認識同管理情緒唔係咁容易，家長可以試下利用音樂去輔助。🎶🎶

1️⃣ 教學目標：
- 情緒認知、自我調節、表達能力

2️⃣ 教具：
- 幾首不同情緒音樂（開心、平靜、傷心、憤怒）
- 表情卡

3️⃣ 玩法：
- 播一段音樂
- 問「感覺點呀？」引導小朋友用表情卡選擇
- 家長可以分享自己嘅感覺，等小朋友有參考
- 引導用動作或樂器表達感覺

4️⃣ 提示：
- 示範表情 + 動作 → 語言提示 → 獨立選擇同表達
- 因為聽音樂係比較主觀，所以除非小朋友完全唔明白，否則都無話絕對啱定錯

#特殊教育
#曼城

.【ABA音樂活動 4/10】一字一拍（Syllable Clapping）好多時我哋聽歌都係跟住拍子拍，大家有無試過一字一拍呢？🤭 呢個活動可以訓練小朋友對「字」同「音節」的敏感度。👍🏻👍🏻大家可以先由最短的歌曲開始，再慢慢加長。雖然好簡...
07/09/2026

.

【ABA音樂活動 4/10】一字一拍（Syllable Clapping）

好多時我哋聽歌都係跟住拍子拍，大家有無試過一字一拍呢？🤭
呢個活動可以訓練小朋友對「字」同「音節」的敏感度。👍🏻👍🏻
大家可以先由最短的歌曲開始，再慢慢加長。
雖然好簡單，但係又好有效！🤝🏻🧠

1️⃣ 教學目標：

- 一字一音 / 一音節一音的概念
- 聽覺分辨與節奏感
- 語言意識（phonological awareness）
- 專注力與手眼協調

2️⃣ 教具：

- 小朋友熟悉的中文或英文兒歌
- 音樂播放器（可選）
- 簡單視覺提示卡（寫上歌詞）

3️⃣ 玩法：

- 一齊唱一首熟悉兒歌
- 一邊唱，每一個字都拍一下手（唔係跟拍子，係一字一拍）
- 例如”ABC”唱到「L-M-N-O-P」時，要連續拍5下手（L、M、N、O、P 各拍一下）
- 例如”123”唱到「1234567」就要拍7下手（1、2、3、4、5、6、7 各拍一下）
- 做到就即刻讚「拍啱晒！」
- 熟練之後可以加快速度，或者轉用其他歌曲練習

4️⃣ 提示：

- 可以先用慢速唱，方便小朋友跟上
- 手把手 + 示範 → 語言 + 手勢 → 獨立 - 如果小朋友仲未識數，可以專心練「每一個字就拍一下」，暫時唔使計數字

#特殊教育
#曼城

28/08/2026

.
【兒歌推介】雷聲響

呢首歌係作俾一個好怕行雷閃電嘅小朋友，其實唔淨只佢一個，我相信都好多小朋友都驚。⚡😰🫣⚡

希望大家聽完之後，下次行雷閃電嘅時候可以跟住呼吸同數1234😮‍💨，之後就唔會再怕行雷閃電。⛈️🥰

https://youtu.be/mW6MzQSFuPI?si=1fDxU7Ii6PM6bZ6m
#兒歌推介 #兒歌 #廣東話
#曼城

.【開心分享】- 自己瞓有位媽媽同我講，好想佢6歲嘅囡囡學識自己瞓。之前試過叫小朋友試下，但最後都係喊到拆天😭。咁啱暑假屋企翻新，小朋友終於有自己間房。媽媽特意買咗囡囡好鍾意嘅KPop Demon Hunters被袋同枕頭袋，囡囡睇到即刻好...
21/08/2026

.
【開心分享】- 自己瞓

有位媽媽同我講，好想佢6歲嘅囡囡學識自己瞓。之前試過叫小朋友試下，但最後都係喊到拆天😭。

咁啱暑假屋企翻新，小朋友終於有自己間房。媽媽特意買咗囡囡好鍾意嘅KPop Demon Hunters被袋同枕頭袋，囡囡睇到即刻好想要，亦都表示好喜歡自己間房。❤️

有一日上堂，我就同小朋友講：「幼稚園畢業典禮嗰晚，你哋就會搬返屋企住啦。如果你可以連續自己瞓5晚，就可以擁有嗰套被袋同枕頭袋，當係一份畢業禮物🎁！」

小朋友一口就應承，仲大大聲話：「我一定做到💪！」

媽媽話，第一晚雖然攪咗半個鐘先肯瞓，但因為當日好攰，最後真係自己瞓到天光。🌙💤

到第3晚，媽媽問囡囡可唔可以一齊瞓，囡囡居然答：
「唔可以㗎！因為Vienna話會從頭計過㗎！」😳🤭

（真心覺得感動，其實我又點會咁心硬呢，我都好想佢成功嘅🫰🏻。）

最後小朋友真係做到！拎到禮物嗰陣興奮到不得了，令大家都覺得佢真係長大咗 👧 。
之後佢都係自己瞓 🛏️ 。

唔好睇少小朋友嘅能力，亦都唔好睇少「獎勵」嘅力量。唔一定要係物質，但佢確實可以俾到動力，幫助大人細路改變行為。
#教學點滴
#自己瞓

.【ABA音樂活動 3/10】呼吸音樂放鬆遊戲唔係大人先要學放鬆，其實小朋友都一樣要學。佢哋面對學業、生活上同社會環境嘅變化，情緒難免會受到影響。 😄😡😭🙂依家嘅小朋友好多時較少機會同同輩相處， 好多都係掌上明珠，當面對社交互動或者群體生活...
07/08/2026

.
【ABA音樂活動 3/10】呼吸音樂放鬆遊戲

唔係大人先要學放鬆，其實小朋友都一樣要學。
佢哋面對學業、生活上同社會環境嘅變化，情緒難免會受到影響。 😄😡😭🙂

依家嘅小朋友好多時較少機會同同輩相處， 好多都係掌上明珠，當面對社交互動或者群體生活時，往往需要更多指導去處理挫折同嬲怒。😅

好多家長都會話小朋友發脾氣，一播音樂就會平靜落嚟。其實大家仲可以試下教佢哋唔單止「聽」，仲可以配合呼吸控制嚟放鬆。🌬️

1️⃣ 教學目標：
- 情緒調節、呼吸控制、專注力、自我安撫

2️⃣ 教具：
- 平靜音樂（或海浪聲、輕音樂）
- 紙巾、羽毛或氣球

3️⃣ 玩法：
- 播平靜音樂，一齊深呼吸（吸氣4秒、呼氣4秒）
- 用紙巾、羽毛或手感覺氣流
- 家長可以控制呼吸練習嘅長度
- 音樂停就回復原本呼吸節奏

4️⃣ 提示
- 身體示範 + 觸覺輔助 → 語言提示 → 音樂一響就獨立呼吸
- 完成一首歌可以播小朋友喜愛嘅歌，或者同小朋友攬攬

#特殊教育
#曼城

.【ABA音樂活動 2/10】- 樂器模仿遊戲模仿係學習嘅基本元素，但有需要嘅時候都要抽出嚟同小朋友做練習。🤝🏻有部份SEN嘅小朋友會將位置倒轉咗，例如家長向前搖，佢哋會向後搖，呢個時候可以執手協助，俾佢哋知道點樣先係相同。😉1️⃣ 教學目...
23/07/2026

.
【ABA音樂活動 2/10】- 樂器模仿遊戲

模仿係學習嘅基本元素，但有需要嘅時候都要抽出嚟同小朋友做練習。🤝🏻
有部份SEN嘅小朋友會將位置倒轉咗，例如家長向前搖，佢哋會向後搖，呢個時候可以執手協助，俾佢哋知道點樣先係相同。😉

1️⃣ 教學目標：
- 動作模仿、眼手協調、輪流、社交能力、專注力 、記憶力

2️⃣ 教具：
- 簡單樂器 (沙鎚、鈴鼓、搖鼓)
- 鏡子 (optional)

3️⃣ 玩法：
1. 先俾小朋友一個指令：「跟我做！」
2. 然後拍一個簡單嘅節奏（例如：拍2下、搖3下）
3. 如果小朋友做到，即刻大讚「叻喎！拍啱晒喎！」
4. 做幾次試下俾小朋友做帶領，家長模仿 (家長可以扮拍錯睇下小朋友知唔知)🤭
5. 做到之後可以加深個節奏（例如：拍2下快 + 2下慢），或者加埋上下左右

4️⃣ 提示
- 由多到少，慢慢減退
- 執手協助→ 語言 + 示範 → 只用語言 → 獨立
- 要記得俾緊邊個層次嘅提示，就算係執手協助嘅階段，仲之小朋友願意做，都要俾讚賞㗎

望住塊鏡一齊玩都得，因為小朋友可以睇到自己係唔係同你一樣！🫰🏻

#特殊教育
#曼城

.【ABA音樂活動 1/10】- 音樂停頓遊戲（Freeze Dance）呢個活動看似好簡單，但對幼兒或SEN小朋友嚟講，”START & STOP” 係會難少少㗎😉1️⃣ 教學目標：- 聽從指令、自我控制、維持專注力2️⃣ 教具：- 小朋...
15/07/2026

.
【ABA音樂活動 1/10】- 音樂停頓遊戲（Freeze Dance）

呢個活動看似好簡單，但對幼兒或SEN小朋友嚟講，”START & STOP” 係會難少少㗎😉

1️⃣ 教學目標：
- 聽從指令、自我控制、維持專注力

2️⃣ 教具：
- 小朋友鍾意嘅兒歌
- 音樂播放器
- 可選：貼紙 / 小玩具做獎勵

3️⃣ 玩法：
- 有音樂就一齊跳舞、拍手、搖身
- 突然停音樂 + 講「Stop！」或手勢
- 小朋友要即刻全身停低，同埋望住你
- 如果小朋友做到，即刻大讚「Well done！音樂停有停喎！好啦，我哋繼續，聽住啦！」
- 等待時間可以由5秒開始，或更短，令小朋友成功，之後慢慢加長
- 然後繼續播音樂
- 完咗首歌，記得俾獎勵 (貼紙 / 小玩具)

4️⃣ 提示
- 由多到少，慢慢減退
- 執手協助→ 全身體示範→ 語言 + 手勢 → 只用語言 → 獨立完成
- 要記得俾緊邊個層次嘅提示，就算係執手協助嘅階段，仲之小朋友願意做，都要俾讚賞㗎

#特殊教育
#曼城

Address

Manor Avenue
Sale
M33

Website

Alerts

Be the first to know and let us send you an email when Vienna Hacademy Children Development Training Centre posts news and promotions. Your email address will not be used for any other purpose, and you can unsubscribe at any time.

Shortcuts

Share

Category