卡文英國留學教育 KW Education UK

26/03/2023

【卡文訪校睇真d之（三）—— St Mary's Cambridge】

上兩次訪校就去左Senior School，今次我地就去參觀下私立學校嘅Prep同Pre-Prep School啦！

今次訪校嘅學校係St Mary's Cambridge，位處係Cambridge嘅市中心，同Senior School嘅唔同在於，Prep同Pre-Prep School嘅設計更加有family feelings更加會係著重令到小朋友可以好輕鬆好enjoy咁係學校讀書同生活，四個字嚟形容：親切舒服。😎🥳

幾surprised嘅係課室design盡量都唔會係排排座咁樣端端正正等住老師講課，而係盡量都會擺放得比較隨意，亦都會有好多小朋友玩嘅工具同埋d圖書放係側邊，盡量令到班學生可以好自由好輕鬆咁上堂，同老師discuss問題同埋令到佢地多d走動玩課堂活動。

至於室外場所，更加係特別有齊運動playground同埋forest areas，甚至有d課堂老師會帶住學生去forest areas觀賞唔同嘅植物品種😮，務求可以比學生真正體會到野外生態係點樣同埋enjoy野外環境（好多學校都無呢d）。

訪校果日啱啱好班學生係學校禮堂聚埋一齊做圖書分享會，係門外觀察左好耐，老師同學生之間氣氛好熱烈，學生好主動舉手上臺分享佢地讀過邊本書，甚至有段時間係老師同學生一齊根據圖書内容即場表演。成段訪校經歷亦都見到老師對學生都好關懷，帶住我睇嘅老師基本都識班學生亦都叫得出佢地個名，有d學生甚至主動過去抱住個老師傾計😄

總體嚟講呢一間size唔算特別大，但氣氛真係特別好，見到學生好中意班老師經常都要同老師一齊玩，亦都見到老師好耐心教班學生，我會如果唔介意佢無大山頭大操場嘅話，好值得考慮自己小朋友入去讀。🤗😄

—— 學校簡介：
1. 學生年齡：3-11 (Prep and Pre-Prep school） 11-18 (Senior School)
2. 學生性別：女
3. 宗教背景：羅馬天主教（學校不要求學生加入）
4. 有否寄宿：有（From Year 5)
5. 成立年份：1898年
6. 學校位置：Cambridge市中心
7. 招生比例：(Prep and Pre-Prep) 大部分均是本地學生，少數Year 5起是國際學生
（Senior School）50-60% 附屬小學直升，40-50% 外校生或是國際學生
8. 特別課程：如學生有意讀一門不在學校課程内的小語種學校願意考慮聘請專業語言老師教導學生
9. A-Level成績：Top 16%
10. 科目數目：GCSE 17門，A-Level 25門

--------------------------------------------------------------------------
【卡文英國留學教育】是英國領先的教育諮詢服務機構，受英國文化協會British Council認證，提供學術評估，揀校，訪校，準備筆試面試，提交申請，辦理入學手續等服務，幫助大家斬獲英國私立名校offer

Whatsapp: +44 7466 056902
Website: https://www.kwedu.co.uk/
Facebook: https://www.facebook.com/kwedu.uk
Email: [email protected]

文章未經允許，禁止轉載。如需轉載請聯繫我們，並寫明文章出處。

#英國教育 #英國留學 #英國低齡留學 #英國公立學校 #英國私立學校 #英國留學生活 #英國寄宿 #海外留學 #英國中小學 #申請英國學校 #申請英國中學 #申請英國小學 #英國大學 #英國學校開放日 #開放日 #學校開放日 #私立學校開放日 #英國學生

25/03/2023

孩子想申請優秀Private 和 Grammar School但成績需要提升？🥲
想要增強孩子英語口語能力和詞匯量？💪
想要充足準備好GCSE和A-Level公開考試？💯

卡文教育輔導課程可以幫到你！🥳😎

—— 導師們大部分都是畢業於劍橋或者牛津大學的本地英國人🇬🇧，擁有多年補習輔導經驗
—— 部分導師任教於私立或是Grammar School多年，學術經驗豐富
—— 部分導師是EAL/EFL，GCSE，A level公開考試考官
—— 導師們擁有PGCE，STEM，人文，語言，Economics和Business Studies等等的背景
—— 為不同年齡段的孩子提供專業的補習指導，包括7+、8+、11+、13+、GCSE和A-Level等等
—— 支援孩子完成整個入學或考試過程，包括模擬面試，模擬公開考試等等
—— 導師擅長教授英文閲讀，口語，寫作技巧和辯論技巧
—— 導師教授的範圍廣闊，包括其他小語種，Computer Science，音樂藝術，歷史，政治等等

部分課程内容：

（小學）
—— 3/4/5年級創意寫作
—— 3/4/5年級名著導讀
—— 3/4/5年級英語基礎（語法&詞彙）
—— 4/5/6年級英文詩歌鑒賞
—— 5至9年級英語辯論
—— 11+考試閱讀
—— 11+考試寫作
—— 圖形推理真題
—— 文字推理真題
—— 熱門時事雜誌導讀
—— 小學數學競賽

（中學）
—— 中學數學競賽
—— GCSE / A level課程
—— GL assessment
—— CEM assessment
—— ISEB Common Pre-Test
—— CAT4
—— UKiset

有興趣的家長快點跟我們聯繫詳情吧！🤗😎

--------------------------------------------------------------------------
【卡文英國留學教育】是英國領先的教育諮詢服務機構，受英國文化協會British Council認證，提供學術評估，揀校，訪校，準備筆試面試，提交申請，辦理入學手續等服務，幫助大家斬獲英國私立名校offer

Whatsapp: +44 7466 056902
Website: https://www.kwedu.co.uk/
Facebook: https://www.facebook.com/kwedu.uk
Email: [email protected]

文章未經允許，禁止轉載。如需轉載請聯繫我們，並寫明文章出處。

#英國教育 #英國留學 #英國低齡留學 #英國公立學校 #英國私立學校 #英國留學生活 #英國寄宿 #海外留學 #英國中小學 #申請英國學校 #申請英國中學 #申請英國小學 #英國大學 #英國輔導 #英國補習 #英國功課輔導 #補習 #輔導

17/03/2023

今日同個客一齊去睇St Albans High School for Girls，覺得好amazed🥳，帶住我地睇果個學生好有自信同埋好清楚自己未來條路點行（佢個哥哥就係St Albans School讀），校長係個美國人帶左好多new ideas比間學校，所以成個feeling好貼切時代唔會再覺得佢係“only for higher class families”，特別要提嘅係成間學校design特別好，大部分教學樓都係貫穿曬，因此可以一條路室内走曬唔使淋雨。課堂上面都見到d學生好積極問問題，亦都見到體育老師上堂好新潮直接同班學生跳韓舞😂😂

校長同帶住嘅學生亦有提到入學要求。首先係會有assessment做篩選，基本會要求你英文水平比較高，另外學校亦會要求學生抽出一日嘅時間join senior school嘅課堂，借此觀察學生係咪符合學校收生要求（少數私立中學會有呢種taster class）。之後面試部分校長有特別強調問題主要會圍繞學生個人生活同興趣愛好等等關於個人身心發展部分，唔會特別再問好多學術上問題，帶住我地嘅學生亦都話準備定小朋友d興趣愛好就ok。

美中不足係間學校比較細，設施無其他學校咁多，比較多活動都要坐車到外面場所做，但學術氣氛同同學之間嘅關係都比好多學校好，值得家長送自己個女去讀書。

—— 學校簡介：
1. 學生年齡：4-11 (Prep school） 11-18 (Senior School)
2. 學生性別：女
3. 宗教背景：聖公會/英格蘭教會（學校不會強制要求學生加入）
4. 有否寄宿：否
5. 成立年份：1889年
6. 學校位置：St Albans市中心
7. 招生比例：（Senior School）40-50% 附屬小學直升，50-60% 外校生或是國際學生
8. 特別課程：沒有，但學校會考慮國際學生插班讀Sixth Form（不過任何年級一般都長期full）
9. A-Level成績：Top 2%
10. 科目數目：GCSE 25門，A-Level 22門

15/03/2023

【訪校要睇d咩好？🧐】
【唔好淨係諗住睇設施就算啊！😲】

3月份嘅到嚟，除左意味住英國即將春回大地大家唔再需要挨凍之外，亦都係意味住學校Open Day季節終於都要到嚟啦！😎🥳

大部分學校都會係Open Day度極力推介自己學校嘅設施，學業水平，教學觀念，亦會揾班最優秀嘅學生（甚至直接係校長）帶住你行，有d甚至仲會提供埋豐富嘅brunch或者lunch比你enjoy，務求令你對間學校印象好impressed覺得間學校好掂檔就直接報名申請入學。🤗

不過話得係Open Day，學校梗係有備而來啦（廢話🤣），佢地一定只會show最好最top嘅野比你睇，但正常一間學校點有可能所有野都係完美嘎🥲，作爲家長自然梗係希望睇到學校真實發生緊咩事，咁係個咁limit時間入面參觀嘅時候，我地又可以點樣睇出學校真實嘅一面呢？借我地幫客戶睇過唔同style學校嘅經驗，同大家分享下睇校嘅時候有d咩方法可以令你“睇真d佢地”‘啦！

1. （如果可以）盡量揀Working Days訪校🏫

好多學校都會安排Open Days係星期六日舉辦，咁原因好易理解，禮拜六日基本唔會有學生上堂，所以所有tour嘅路綫，演講，接觸到嘅學生同老師甚至現場嘅野食安排，禮物等等都可以提前彩排好曬，家長會經過嘅區域都可以clear乾淨曬。目的只有一個，就係要令到你全場WOW WOW聲😮，亦都可以避免你係路上撞見random嘅學生問出學校真實嘅一面。

但如果你可以book到學校嘅working day private tour，就可以真實見到學生上緊堂嘅情況，學生同老師之間係咪關係良好互動好夠，亦都可以留意到一d小細節睇睇學生對學校係咪好滿意。

例如我地係working day嘅時候參觀左一間A level成績全國top11%嘅女校，校長係帶住我地參觀其中一間上緊堂嘅課室嘅時候，對住班女學生話佢都教佢地數學科，形容班學生好曳 （‘They are very naughty’）😑，當場有個女學生即刻黑曬面反駁話 ‘No！we are not！’，眼神入面都係不滿。雖然校長即刻就帶我地離開果個課室，然後explain話佢同學生之間係亦師亦友關係，會鼓勵小朋友直接表達自己嘅意見bla bla bla……但明顯呢個已經直接影響我地對呢間學校嘅師生關係以及師生邊界感嘅印象。

2. 參觀課室嘅時候有無直接入去打斷上堂節奏😒

有d學校為左promote自己學校上堂嘅時候老師嘅教學内容有幾professional學生有幾enjoy堂課，就會直接開門入去打斷人地上堂然後就係側邊同個家長講好多野話呢堂課係點點點老師會點點點做d乜。不過呢，呢個所謂宣揚嘅效果反而會適得其反啦，點解呢？試下將你自己套入去上緊堂嘅老師或者學生度啦！堂課上得好好地突然有個三唔識七嘅陌生人入嚟阻住你上堂，你會覺得點？梗係嬲爆啦！仲要幾條友企係門口傾一堆野令到堂課無得繼續，係咪會更加嬲？再試諗下你個小朋友正正就係其中一個學生，返嚟同你講話今日（可能唔止一日）有人入嚟阻住左上堂，作爲家長你係咪會好嬲話間學校做乜做呢d野影響小朋友上堂？

但相反，如果學校帶住你睇嘅時候見到課室有人上堂而只係從外面玻璃觀察佢地，又或者係等到課後再入去同個老師or學生傾計，反而呢d學校會值得考慮，因爲佢地會識得尊重老師同學生唔會為左promote 自己而打斷上堂節奏。

3. 留意學生宿舍🏠

如果諗住幫小朋友報Boarding，記得一定要睇間學校宿舍入面環境（尤其是Common Room），因爲一間宿舍嘅住宿環境係點就代表左間學校有幾重視學生。舉個例子，我地參觀其中一間頗爲有名嘅私立中學入面宿舍Common Room嘅時候，成間Common Room黑猛猛無開燈，等到宿舍負責人開燈之後，發現有對學生情侶係梳化上面錫嘴😮，負責人雖然當刻就喝止左果兩個學生嘅行爲，但就可以見到宿舍負責人有監管不力嘅問題出現。

4. 留意下帶住你睇嘅學生係咩水平同埋讀緊咩年級

上面都有講到，學校一般都會揀最優秀嘅學生帶住你行，咁呢d學生水平就大概代表左間學校係咩水平。有d學生係帶住我地嘅時候非常自信，對學校入面狀況瞭如指掌，亦都非常識得點樣answer我地好多questions，更有帶住我地嘅sixth form學生同我地講曬佢地未來係咩plan條路會點行（例如有個已經plan好A-Level考試之後去南美gap year教當地小朋友一年書增廣見聞再返嚟英國讀醫）😎💪，聽得出佢地身心非常成熟又有critical thinking。

但相反，有一間係亞洲家長之間幾出名嘅學校直接揾左個啱啱先入學半年嘅year 7學生帶住我地參觀，結果唔使講，學生對學校情況唔太熟悉，需要一邊行一邊對住手稿講，而且更離譜嘅係，我地問到個學生原來係上緊堂中間比人叫出去帶住我地行，而個係門口接待我地嘅admission team老師就比我地行經過見到係個辦公室玩電話，相信任何一個家長聽到呢個都一定會好嬲。😡

5. 觀察下帶住你睇嘅學生同周圍同學關係係咪融洽👩👨🧑👧

英國d學校基本都會有唔同種族嘅人係入面，作爲家長嘅你絕對唔會希望自己小朋友淨係識同自己種族（甚至同一出生城市）嘅學生玩，因此你可以觀察下個學生係一路帶住你嘅時候見到周邊嘅學生係咩反應。有d學生見到唔同種族嘅學生都會熱情打招呼，或者直接就好自然傾計，一睇就知道佢地已經係做左好朋友，咁間學校就真係好融洽而且所有種族公平對待。有d學生就明顯見到只識同自己種族學生打招呼，甚至間學校宿舍common area會貼住‘please speak English’嘅告示😑，咁就可以判斷出間學校嘅學生都係玩自己小圈子only。

6. 學校係咪對所有學生都一視同仁💪

有d學校標榜自己學術成績好勁A-Level成績係全國top 1%有幾多學生入左牛津劍橋等等......驟眼睇會覺得間學校教得好好教師水平好高校風好掂，但其實呢d可以可以係表面野，實質就係所有資源比曬班考試成績最叻嘅學生而忽略曬其他學生。

舉個例子我地係訪問其中一間Grammar School嘅時候學校特別proud of班學生嘅學術水平同埋A-Level考試成績，係咁講自己班學生入左邊間邊間top top大學。但當我地問到如果有學生學習進度同成績跟唔上，學校會唔有支援嘅時候，admission嘅老師竟然直接窒左係度，似乎無預計過我地會問呢類問題，過左一陣先簡單講話呢d學生可以係自習時間或者lunch break去請教老師問題，老師會好樂意解答咁樣。但從呢個我地已經可以判斷到間學校對於成績跟唔到嘅學生係無任何額外支援同幫助。

另外當我地問到學校會點樣處理校園暴力同欺凌問題嘅時候，學校就只係簡單講話佢地無呢d事件發生過，有嘅話會慎重處理，但就無講佢地對呢d校園暴力嘅態度同處理辦法。後尾同到其中一個阿哥已經間學校入面讀緊書嘅家長傾過，佢話呢間學校只會想留班讀書叻嘅學生，對於成績好差嘅學生學校嘅態度係……諗盡辦法勸退，以此維持公開考試嘅top排名，而且明顯老師會好偏袒果d成績好嘅學生，話如果小朋友如果承受唔到巨大壓力嘅真係千奇唔好入讀呢間學校……🥲🥲

7. 對於一條龍直升上去嘅學校（尤其係單性別學校），留意會唔會有小圈子嘅情況出現

好多私立學校會有齊Nursery小學中學sixth form，學生完全可以由1/2歲直接讀到18歲，呢d學校同時係11+招生嘅時候亦都會預留一半嘅學位比附屬小學部嘅學生升讀，因此好多學生因爲已經識左好多年就會自然而然形成自己固定嘅交友圈，所以如果小朋友係海外過嚟讀書或者報11+升讀呢d一條龍學校嘅話，訪校嘅時候就一定要留意會唔會可以比較容易同到本校學生玩。

例如我地訪問其中一間學校，帶住我地嘅係一個本地英國男仔同一個亞洲男仔，英國男仔係路上見到其他學生的時候會好熱情咁打招呼甚至互相打下對方傾幾句計，但果位亞洲男仔就只係同每個人簡單say個hi就無，後來同佢地傾計先知個英國男仔係由細到大都係同一間學校讀書。

題外話，如果自己個小朋友係女仔又諗住讀女校嘅話就一定要更加留意，因爲相對嚟講女仔更加容易會有自己小圈子。👧

講左咁多呢d小tips，其實歸根結底都係呢個，參觀學校唔係簡單行一round睇下學校生咩樣聽下校長講野就算，一定要做好research有齊對呢間學校有咩問題要問同埋行緊嘅時候留意清楚間學校係咪真係適合自己小朋友💪。

希望每個小朋友都可以入到間最心儀最適合嘅學校啦！🥳🥳

--------------------------------------------------------------------------
【卡文英國留學教育】是英國領先的教育諮詢服務機構，受英國文化協會British Council認證，提供學術評估，揀校，訪校，準備筆試面試，提交申請，辦理入學手續等服務，幫助大家斬獲英國私立名校offer

Whatsapp: +44 7466 056902
Website: https://www.kwedu.co.uk/
Facebook: https://www.facebook.com/kwedu.uk
Email: [email protected]

文章未經允許，禁止轉載。如需轉載請聯繫我們，並寫明文章出處。

#英國教育 #英國留學 #英國低齡留學 #英國公立學校 #英國私立學校 #英國留學生活 #英國寄宿 #海外留學 #英國中小學 #申請英國學校 #申請英國中學 #申請英國小學 #英國大學 #英國學校開放日

15/03/2023

呢個真係大喜訊，無諗到會extend到有9個月BB嘅家庭就可以申請呢個每個禮拜30個鐘嘅free childcare！🥳🥳

11/03/2023

【A-Level唔小心失手仲可以重考博高分！💪💪】
【咪住先！有d英國大學唔比你咁做㗎！😮😵】

相信有唔少人係以前考公開考試嘅時候都曾經經歷過重考，咁可以理解到啦，因爲大部分考生都希望重考之後攞到個更加好嘅成績從而申請一個更加好嘅大學或者係專業🤗。

呢個諗法其實係幾正確嘅，因爲有d時候並唔係一定自己唔識答問題導致出嚟嘅分數唔符合期望，而係有可能考場上面過於緊張結果失手又或者比d外來野干擾左你考試導致無辦法專心應試。

而係英國呢度，好多考生亦都係試過重考A-Level令到自己高分入自己中意嘅Major，不過唔好咁開心住先🤨，宜家如果你嘅小朋友都仲有呢個諗法覺得既然都有重考咁不如第一次“試下考啦！”嘅心態嘅話，你就一定要儘快阻止佢叫佢快d比心機溫書😮🤨

點解？因爲英國好多比較勁嘅大學入面嘅Major甚至大學本身已經宣佈左唔會接受重考成績或者將重考生放到好後面先會考慮😱。換個講法，姐係就算你瘋狂重考到科科A*，你隨時一樣會入唔到你中意嘅大學，而且仲有可能影響埋其他學校考慮比offer嘅機會😵😵

講到咁嚴重，又有邊d大學會咁做？（大學詳細要求下面會用圖片形式po出嚟）

1. University College London （倫敦大學學院）

以前UCL係會接受重考成績，但宜家有幾個學院包括法學院，數學院，醫學院等等已經講明唔會接受重考成績，其中法學院同醫學院更加講明除非你有非常充足嘅理由否則連重讀Year 12之後考出嚟A-Level嘅成績都唔會考慮🥲😫

2. London School of Economics and Political Science （倫敦政治經濟學院）

LSE就無UCL部分學院咁直接reject重考成績，佢係網站就係咁樣講嘅，“Given the competition for places and the nature of assessment at LSE, we prefer students who have achieved high grades in their first attempt (and in one sitting) at relevant examinations. “

咩意思呢？簡單嚟講就係因爲LSE競爭非常激烈，所以佢地比較希望招收班學生係第一次考試就已經獲得高分嘅。
（咁其實咪就係用英式措辭講佢地會reject重考成績😵）

Imperial College London（倫敦帝國理工學院）

IC大部分Major都會接受重考成績（當然都一樣要提供合理理由），但有個學院例外，就係醫學院，白字黑字直接講明唔會介紹重考成績，除非係遞交重考成績嘅同時提供埋非常合理充足嘅要求先會考慮。

University of Oxford（牛津大學）

牛津大學部分專業係會考慮重考成績，但官方網站特別提到如果考生係為左達到入學要求而不斷重考，就算重考成績理想都一樣會降低申請成功機會率🙁。醫學專業更加係有要求講明想要重考提高成績達到入學要求嘅話需要全部3科A-Level重考，唔可以只考其中一，兩科。

University of Cambridge（劍橋大學）

相比起上面提到嘅大學，劍橋就人性化好多，官方網站就提到佢地理解學生有可能會係公開考試失手導致成績未如理想，所以佢地係願意接受因爲失手而要重考嘅A-Level成績。但都同上面牛津一樣，如果你不斷重讀重考先勉強達到入學成績要求嘅話，劍橋大學一樣都會好concern你係咪真係可以跟得上佢地課程節奏，因此果d重考過幾次嘅學生一樣需求提交證明文件證明重考係必要嘅。

King’s College London（倫敦國王學院）

KCL無明確講明會唔會接受重考成績，但就講到佢地每個專業都有入學要求，所有重考生一定要仔細睇清楚先好報讀。至於部分好熱門嘅Major，官方網站有講佢地係比較優先考慮第一次考試就達到取錄要求嘅學生。

The University of Edinburgh（愛丁堡大學）

除左醫學同獸醫學專業講明只會考慮第一次A-Level考試成績之外，其他Major都接受重考成績，但重考生入學要求會比普通學生入學要高。

另外愛丁堡大學亦有明文講佢地接受學生提前一年考A-Level用果個成績申請入學，但一樣啦醫學同獸醫學專業一定要係同時3科一次過考曬，唔可以分開兩年考。

所以可以見到，同亞洲d大學好唔一樣，英國d大學唔希望d學生為左成功讀到自己中意嘅大學就係咁重讀，佢地會希望考生可以凴自己真本事第一次就搞掂。所以一定要提醒小朋友，千奇唔好覺得仲有重考就萬事大吉，有d大學嘅入學要求就隨時令到佢重考之後遞交申請結果得個吉。

仲有兩個月就要考A-Level，相信咁多位A-Level考生都好努力日日溫書備戰希望可以入到自己心儀嘅大學，家長記得多d同自己仔女打氣！

「加油！相信自己！大學見！！」😄💪😎

--------------------------------------------------------------------------
【卡文英國留學教育】是英國領先的教育諮詢服務機構，受英國文化協會British Council認證，提供學術評估，揀校，訪校，準備筆試面試，提交申請，辦理入學手續等服務，幫助大家斬獲英國私立名校offer

Whatsapp: +44 7466 056902
Website: https://www.kwedu.co.uk/
Facebook: https://www.facebook.com/kwedu.uk
Email: [email protected]

文章未經允許，禁止轉載。如需轉載請聯繫我們，並寫明文章出處。

#英國教育 #英國留學 #英國低齡留學 #英國公立學校 #英國私立學校 #英國留學生活 #英國寄宿 #海外留學 #英國中小學 #申請英國學校 #申請英國中學 #申請英國小學 #英國大學 #英國學校開放日

08/03/2023

【卡文訪校睇真d之（二）—— King’s Ely】

上次我地就講倫敦學校啦，今次我地就去遠d，去到劍橋附近嘅一個歷史城鎮 – Ely，睇睇果度一間非常出名嘅學校，King’s Ely啦！🏫

King‘s Ely所身處嘅Ely係一個非常古老但又充滿特色嘅城鎮，佢嘅歷史甚至比劍橋仲要長，Town 入面嘅Ely Cathedral 起係672年，基本上係英格蘭地區數一數二最古老嘅教堂之一。⛪

而正正就係因爲歷史非常悠久，所以Ely入面有d學校已經有成千年以上，King‘s Ely就係其中一分子啦！

King’s Ely 成立係970年，校園占地面積70英畝，佢同好多學校最唔同嘅地方係佢係係正Ely市中心位置但又可以有一個非常大嘅校園比學生讀書生活（好多倫敦市中心學校面積好細），因此生活係非常之方便，超市行10幾分鐘就到，好多boarding 學生都會一齊去買零食或者牛奶返去宿舍享受。

設施嚟講，學校基本有齊所有大型運動設施（足球場，曲棍球場，室内健身房，游泳池，網球場，欖球場等等），最正係學校有個划艇學會⛵，個訓練會特登坐校車去隔離條河做訓練，比起好多海邊學校更加勤力，亦令到佢成日都係公開比賽攞獎。唯一要講就係佢d運動設施係分到一南一北，兩邊走單程就要10分鐘，而且因爲校園係開放式設計，所以中間仲會需要過馬路之類，對於低年級學生就要好好留意。

校園環境嚟講就真係可以講係古色古香🤗，因爲始建於970年所以成個校園感覺好似係參觀緊歷史古跡咁樣，亦都feel到間學校有幾宏偉，而且呢幾年學校擴建左好多新building，但果堆建築物有特登設計過，所以非常融入係校園入面。另外雖然棟超大嘅Ely Cathedral係正隔離但你完全感覺到間學校唔失禮，不過同樣都係因爲好耐之前起🥲，有部分建築物樓底高度唔高（真正好高果d除左出名嘅歷史建築物其他大部分都係18，19世紀開始先起咁樣），因此行經過都要彎低個頭先行到。

帶住我果個Sixth Form女仔就同我講話學校入面嘅老師特別鼓勵佢地Critical Thinking🥳， 特別鼓勵佢地有疑問要即刻問。尤其是上堂嘅時候唔會只係單方面老師講同學聽，而係班上面嘅同學一齊討論，來回同老師問答，令到班同學真係融會貫通真正學到d知識而唔係純粹學完for考試only。佢甚至話有老師係會鼓勵學生如果覺得邊到教學内容唔啱就可以提出質疑，從中大家一齊討論從而真正獲得答案。

題外話：個女仔自己都好有諗法，佢自己決定考完A-Level之後去加拿大Gap Year教小朋友一年然後再返去英國讀醫科。😎

圖書館就係“哈利波特化”，學校有特登design過個圖書館比學生親身feel下自己係哈利波特環境入面係點樣，而且都擺放左好多哈利波特嘅故事書。Theatre 同音樂學院就有人係到練習緊管弦樂，水平確實幾好，關鍵係連音樂學院個校長都親自彈鋼琴，睇得出同學生關係唔錯。

特別要講係服裝藝術設計嘅教學樓見到好多GCSE同Sixth Form嘅學生design嘅衣服係到，講真佢地d design係真係比出面買到嘅衫高好多，唔明點解d服裝公司唔考慮學生d設計。🙁

宿舍感覺總體都係舒服有生氣，公共空間有齊娛樂設施（例如桌球台，Play Station，乒乓球台等等），亦都有曬梳化同Board Games，值得一提係宿舍有個大嘅公共自修空間，低年級學生係要固定時間一齊做功課，宿舍有幾個負責管理宿舍嘅老師24/7係度睇住學生，唯一比較大問題係有d宿舍入面樓底比較矮，亦都有d房間比較細，主要原因應該係因爲棟building係歷史古跡外面唔可以擴建所以只能夠係入面改建。

學校最特別係Sixth Form學生有專門嘅大樓，有個大房間係叫做Silent Room，正對住Ely Cathedral，好多Sixth Form如果想係非常寧靜嘅環境入面溫書一定會揀果度，帶住我果個sixth form 學生就話佢最enjoy就係係果度讀書同埋聽歌閉目養神。😆

招生方向嚟講，同一般小學唔同，Kings Ely Junior係7歲開始直到13歲，senior就會係13歲到18歲。學校會考慮both學術成績同埋體育/藝術能力，基本上申請者英語能夠正常運用就可以，Interview嘅時候亦都會留意學生自己嘅分析能力同解決問題嘅能力，學校亦會提供英語course比唔係母語係英語嘅學生就讀。

學校亦會要求Year 7 -9學生either就讀textile或者畫畫，用意係培養佢地對藝術嘅興趣，唔好剩係得返讀書。

King's Ely 訪校video Link: https://www.youtube.com/watch?v=MGiyFjFa9YA

—— 學校簡介：
1. 學生年齡：7-13 (Prep school） 13-18 (Senior School)
2. 學生性別：男女混合
3. 宗教背景：聖公會/英格蘭教會（學校不會強制要求學生加入）
4. 有否寄宿：有
5. 成立年份：970年
6. 學校位置：Ely市中心
7. 招生比例：（Senior School）75% 附屬小學直升，25% 外校生或是國際學生
8. 特別課程：沒有，但學校會考慮不是受教於英式教育制度但適齡學童就讀Sixth Form
9. A-Level成績：Top 16%
10. 科目數目：GCSE 26門，A-Level 32門

--------------------------------------------------------------------------
【卡文英國留學教育】是英國領先的教育諮詢服務機構，受英國文化協會British Council認證，提供學術評估，揀校，訪校，準備筆試面試，提交申請，辦理入學手續等服務，幫助大家斬獲英國私立名校offer

Whatsapp: +44 7466 056902
Website: https://www.kwedu.co.uk/
Facebook: https://www.facebook.com/kwedu.uk
Email: [email protected]

文章未經允許，禁止轉載。如需轉載請聯繫我們，並寫明文章出處。

#英國教育 #英國留學 #英國低齡留學 #英國公立學校 #英國私立學校 #英國留學生活 #英國寄宿 #海外留學 #英國中小學 #申請英國學校 #申請英國中學 #申請英國小學 #英國大學 #英國學校開放日 #開放日 #學校開放日 #私立學校開放日 #英國學生 #國王伊利學校 #伊利

06/03/2023

【英國又再殖民美國啦】
【Peppa Pig效應令美國小朋友講英式英語】

今日睇到有段新聞覺得特別正🤣（雖然差唔多兩年前），講嘅係因爲之前Covid lockdown緣故，好多美國小朋友lockdown係屋企嘅時候特別中意睇電視動畫節目Peppa Pig，呢個節目仲躍升為全美國最受歡迎兒童節目之一，幾乎所有美國小朋友都有睇。

咁小朋友中意睇電視睇動畫好正常啦，點解會有新聞特別講Peppa Pig 對美國小朋友嘅影響？因爲Peppa Pig正正就係英國節目講英式英文😎😃

有加州家長話佢有日準備出門去睇視光師，個女就用標準英式英文問佢：“Mummy, are you going to the optician?” (美國用Mommy唔用Mummy，用Eye Doctor唔用Optician）。當刻佢同佢老公直接O嘴咁樣話”你講緊咩？“
亦都有羅德島嘅家長話自己個女堅持講聖誕老人做"Father Christmas"而唔係"Santa Claus”，而且佢就係聖誕節整英式傳統食物Mince Pie，甚至佢仲會講telly（電視機），water closet（浴室）呢d英式詞匯，搞到個爹哋媽咪要重新學英文單詞咁樣先聽明個女講咩😂

之前一直都係美國文化影響住英國（例如Disney），宜家睇嚟，Peppa Pig呢個節目係美國幾乎都會持續一段長時間，美國人重新講返d正統英式英語唔再係夢境啦🥳🤗

新聞link：https://www.theguardian.com/tv-and-radio/2021/jul/19/peppa-pig-american-kids-british-accents
https://www.wsj.com/articles/peppa-pig-a-pandemic-favorite-has-american-children-acting-british-11626627266

--------------------------------------------------------------------------
【卡文英國留學教育】是英國領先的教育諮詢服務機構，受英國文化協會British Council認證，提供學術評估，揀校，訪校，準備筆試面試，提交申請，辦理入學手續等服務，幫助大家斬獲英國私立名校offer

Whatsapp: +44 7466 056902
Website: https://www.kwedu.co.uk/
Facebook: https://www.facebook.com/kwedu.uk
Email: [email protected]

文章未經允許，禁止轉載。如需轉載請聯繫我們，並寫明文章出處。

#英國教育 #英國留學 #英國低齡留學 #英國公立學校 #英國私立學校 #英國留學生活 #英國寄宿 #海外留學 #英國中小學 #英國大學

After binge-watching the British cartoon about a preschooler pig during lockdowns, children across the U.S. are surprising their parents with their unusual vocabularies and distinct accents. ‘Can we turn the telly on?’

05/03/2023

【卡文訪校睇真D之（一）—— Mill Hill School】

英國嘅教育制度係全世界嚟講都係數一數二嘅優秀，尤其是一堆歷史悠久嘅私立學校更加係叻到全世界都識，甚至隨時可以勁到全部畢業生都係去Russells Group（英國24間top大學聯盟，劍橋同牛津都係入面）學校繼續讀書😮🤓

但問題就嚟啦，全英國有成幾千間嘅私立學校，究竟要揀邊間學校入去讀書🤔🧐？有d學校可能唔係太出名，或者唔係係一個大城市入面又值唔值得去揀佢？不如就睇睇我地今次呢個【卡文訪校睇真D】系列，望下我地介紹嘅學校有無邊一間適合你個小朋友啦！🤗😆

今次要講嘅就係Mill Hill School🏫

一聽到Mill Hill呢個名，大家可能都會比較陌生，但如果講佢所在嘅城市倫敦，相信無任何一個人會未曾聽過呢個國際大都會嘅名啦。而Mill Hill School校如其名，位處係Mill Hill，現時係大倫敦地區Zone 4範圍入面。

不過實際上（或者某種程度上啦！），當年嘅Mill Hill School其實並唔想同倫敦有過多嘅lin😱😮。而呢一切，就要從佢創校之前講起......

話説係1807年，有一班唔接受傳統英格蘭教會規矩，願意接受新式資訊嘅英國商人係倫敦做緊生意，望到倫敦市中心淪爲一個大但非常擠迫又貪污成性嘅城市，不斷蠶食緊後生仔嘅身體同心靈健康
"dangers both physical and moral awaiting youth while passing through the streets of a large, crowded and corrupt city"

因此佢地開學校嘅時候選擇係當時候仲係近郊地區，屬於倫敦接壤嘅郡Middlesex入面嘅Mill Hill山上購買一個植物學家嘅大宅作爲校舍，希望可以遠離煩囂令到學生可以係唔受打擾嘅情況下專心讀書🏞️。

而多得佢地嘅遠見，就真係令到Mill Hill School成爲左一個數一數二環境優美而且學術氣氛特別濃厚嘅大倫敦地區學校。學校範圍占地120英畝，擁有好多之前植物學家留落嚟嘅稀有花草品種（which is 一路都繼續種植落去）🌞🌻🌼🌺🌹。

設施嚟講，學校基本有齊所有大型運動設施（例如足球場，健身房，游泳池等等）比學生使用，另外學校會同隔離嘅Mill Hill Golf Course合作，比學生參加高爾夫球班甚至公開比賽（極少數學校會有呢個運動選擇）🤗。

當日訪校嚟講基本上室内運動設施都有人使用，但室外就比較少，大部分學生都係直接走去教學樓或是藝術大樓上堂。另外要留意嘅係好多運動設施都有時間限制，學生唔可以直接想課後用就去用，操場後面大草坪亦都比較多雜草需要清理🥲。

圖書館就可以用人山人海嚟形容，幾乎所有檯面都有學生用緊嚟自習讀書或者做Group Project（參觀果日個時間仲要係朝早上堂時間）🥸。藝術學院入面基本都係好多學生係到自己彈樂器唱歌練習跳舞等等（仲要水平有返咁上下），而係教學樓入面就見到萬國旗掛係到表示學校係好多元文化，上堂嚟講基本都係小班教學，一個班唔會超過20人，基本見到學生同老師之間都係有互動而且會積極問問題😎，但都有一兩個課堂係老師上面講但學生係下面恰眼訓😪。

係木工同埋藝術設計嘅教學樓基本見到學校將好多學生優秀作品展覽出嚟，亦都見到好多學生prepare緊公開比賽d作品，老師亦都好積極幫助學生完成作品，唯一可能要講係木工設施要update多d。

宿舍感覺總體都係乾淨明亮，公共區域亦都係收拾得比較乾淨，宿舍有24/7嘅職員睇住，負責人亦都好熟悉每一位住係入邊嘅學生。房間基本上都係整潔，學生亦都會主動執屋，唯獨是有d公共沐浴間需要多d清潔。

另外呢間學校會有特定嘅大樓成棟做醫務所，一樣都係24/7開放，方便學生有傷風感冒或者身體受傷可以直接求醫，而且如果寄宿生半夜好唔舒服病情嚴重，宿舍負責人會直接送佢地到附近醫院就醫。🏥

學校招生方向會比較著重學生嘅學術成績，基本上會有要求申請者有比較高嘅英語水平，亦會需要通過OPT，CAT4考試以及online 面試，對於運動或者才藝特長，學校一般只會考慮作爲加分項，如果國際學生英語水平需要先提高嘅話，學校會有language course比學生讀然後入學。學生如果想讀Sixth Form但又未曾考過GCSE，學校會提供一年boarding GCSE 課程比學生concentrate 學5科GCSE，如果表現優異嘅可以提前secure學校sixth form學位。😎🥰

功課同Project嚟講基本都算係比較多，但因爲學校鼓勵思考所以好多Group project作業學生都可以用自己所長完成，另外低年級寄宿學生一定要係傍晚固定時段自習做功課，會有老師協助解答問題。係宿舍入面隨機訪問左一個學生，佢都話班上同學基本都會自動自覺做好功課，而且好多都會好認真做research交group projects。🥰😃

Mill Hill School 訪校video Link: https://youtu.be/M1xerYydVZU

—— 學校簡介：

1. 學生年齡：3-13（Pre- prep and Prep school） 13-18 (Senior School)
2. 學生性別：男女混合
3. 宗教背景：基督教（學校不會強制要求學生加入）
4. 有否寄宿：有（Senior School and International School）
5. 成立年份：1807
6. 學校位置：北倫敦的Mill Hill
7. 招生比例：（Senior School）50-60% 附屬小學直升，40-50% 外校生或是國際學生
8. 特別課程：有，可選擇在旁邊的International School就讀一年的GCSE課程，表現及成績良好的可以直升Sixth Form
9. A-Level成績：Top 18%
10. 科目數目：GCSE 31門，A-Level 28門

--------------------------------------------------------------------------
【卡文英國留學教育】是英國領先的教育諮詢服務機構，受英國文化協會British Council認證，提供學術評估，揀校，訪校，準備筆試面試，提交申請，辦理入學手續等服務，幫助大家斬獲英國私立名校offer

Whatsapp: +44 7466 056902
Website: https://www.kwedu.co.uk/
Facebook: https://www.facebook.com/kwedu.uk
Email: [email protected]

文章未經允許，禁止轉載。如需轉載請聯繫我們，並寫明文章出處。

#英國教育 #英國留學 #英國低齡留學 #英國公立學校 #英國私立學校 #英國留學生活 #英國寄宿 #海外留學 #英國中小學 #英國大學 #英國學校開放日 #開放日 #學校開放日 #私立學校開放日 #英國學生 #米爾希爾學校 #倫敦

這次介紹的倫敦名校Mill Hill School米爾希爾學校，是少有環境數一數二優美又寧靜而且學術氣氛特別濃厚的大倫敦地區私立學校，而且學校的設施非常齊全（例如足球場，健身房，游泳池等等），甚至還設有倫敦唯一一所私立學.....

04/03/2023

【申請英國私立中學都有哪些11+考試🧐❓】英國不同私立學校的考試科目不同，考試中心不同。這裏為大家總結主要的私立學校11+考試類型。很多私立學校的考試設在11月左右，大家開始準備了嗎？（PS:可以聯繫我們免費獲得各大學校past paper哦🤫）

英國私立學校可以自行決定11+入學考試的科目和考試形式。總體來說，考試大綱，題目類型都大同小異，主要涵蓋以下四個科目： 英語 English 數學 Math 文字推理 Verbal Reasoning 非文字推理 Non-verbal Reasoning 有些學校會自己編寫考試....

04/03/2023

很多父母在為小朋友選學校的時候，心中都有這幾個疑問：
❓哪個學校最能滿足我孩子的需求？
❓學校在課堂上和課堂外分別能提供什麽？
❓學校如何為孩子的升學和未來工作生活做好準備？
❓就讀私立學校的費用是多少？
這篇文章同大家share究竟怎樣才可以為小朋友選到最適合d額私立中學呢🧐

很多父母在為孩子選校的時候，心中都有這麽幾個疑問：哪個學校最能滿足我孩子的需求？學校在課堂上和課堂外分別能提供什麽？學校如何為孩子的升學和未來工作生活做好準備？就讀私立學校的費用是多少？ 就讓我們從幾.....

25/02/2023

【看著名氣選校就放心了？🤔】
【等一等！別這麽着急下決定！😮😮】

春天即將降臨英國了🌞⭐，意味著新學期的選校又準備開始了，很多家長在選擇給自己孩子報讀私立學校的時候，都會非常看重學校公佈的考試成績，學校的名氣，有沒有著名校友，學校的位置等等，只要是看到亞洲地區普遍認爲的 “名校” ，就會立馬填表申請幫自己兒女爭取學位。🤗

但先停一停！！在要決定選擇哪所學校之前，不如看看以下的情況有沒有耳聞過甚至發生在身邊人身上：

— 學校宣傳片把學校拍得完全可以媲美白金漢宮，但實際進去發現到處都是殘敗不堪。。。。。。🤯

— 學校宣傳自己有很多科目可以選擇，但實際就只有4，5門可以選擇，不修讀就要退學。。。。。。😵‍💫

— 學校宣傳自己成功吸引很多學生就讀，但進去後發現天天都有學生退學。。。。。。😥

— 學校宣稱自己注重孩子身心發展，但孩子有天突然打電話哭著說自己給別人欺凌了，但不止老師不聞不問學校還故意隱瞞不報。。。。。。😡

— 學校宣稱學費包括一切但實際入學後發現時不時巧立名目要家長給錢甚至捐錢。。。。。。😵

— 學校宣傳自己是一所非常注重紀律和學生安全的學校，但竟然爆出老師性侵學生的醜聞。。。。。。🤬🤮👺

看完以上之後，有些家長可能會說，「欸等一等，這種情況怎麽可能發生在英國學校呢？」遺憾的是，在英國，還真的有部分私立學校會有這種情況出現。。。。。。😥😥

因此如果想避免自己和孩子不幸掉入陷阱，造成一輩子的遺憾的話，那就要在決定申請哪一所學校，實地親身或是自己appoint的專業Agent訪校。

{爲什麽訪校很重要？}

上面提到過，有些學校會很著重拍攝宣傳片或者委任公關團隊幫助學校增加名氣，在這種情況下如果沒有訪校，家長就只能靠著這些宣傳片和網站知道學校環境是怎樣還有怎樣教育孩子，無法得知學校裏面真實狀況😵。再加之大部分訪校的日子都是學生上課的時候，如果沒有訪校這步驟家長就很難得知學生在裏面是不是真的自發認真學習，是不是真的享受校園生活。

那如果真的要選擇訪校或是委托Agent 幫忙訪校，可以做什麽盡量讓自己得知學校最真實的情況？🤔🤔

1. 可以向在讀學生提問

沒有什麽比在讀學生的體驗反饋更真實。家長可以通過訪校觀察學生上學和放學的精神面貌是否積極開心，言談舉止是否得體。家長也可以直接問學生在這所學校的體驗，例如：

• 你在校期間最大的成就是什麽？
• 如果你可以改變學校的某一個方面，你會改變什麽？
• 你最喜歡和最不喜歡學校的什麽？

2. 可以有機會看到學校沒有展示出來的設施

學校總是在宣傳冊，宣傳視頻上展示剛剛翻新的圖書館，新建的教學樓，智能教室，豪華宿舍等，不可否認這些是評價一個學校很重要的部分，但並不是學校的全部。家長可以通過訪校看到學校其他沒有被展示出來的部分，比如可以看看學校的廁所是否整潔乾淨，有時候最不起眼的廁所反而更能反應學校管理的價值觀。

3. 可以讓孩子親自體驗是否喜歡這所學校😄

家長們可以通過閲讀學校評估報告，教學内容，學校運營報告以及家長評論對學校進行詳盡的調查，但歸根到底我們是要為孩子選擇一所最適合他們的學校，孩子的體驗是最重要的。可以問問孩子這所學校是否給你親切，積極，快樂的氛圍體驗，整個學校是否像個融洽的大家庭，這些遠比冷冰冰的報告或排名重要很多。

4. 可以近距離接觸招生負責人和校長👩‍💼👨‍💼

學校一般會安排家長與招生負責人或校長見面，家長們可以利用這個機會提問自己準備申請過程中的所有問題，例如：

• 學校如何評估候選人（學術方面和非學術方面）
• 每年從哪些學校招收最多學生
• 如何準備筆試面試
• 在公立學校，私立學校和海外招生分別有什麽考慮
• 獎學金/助學金申請
• 對於學習能力超前以及成績跟不上的學生，你們會具體如何培養？

家長們可以聽聽校長的演講内容主要强調哪些方面，是學校的學術成就，還是學生的個人全能發展，是精英制教育還是快樂式教育，是全人教育還是應試教育等等。校長演講的内容與學校官網宣傳的使命價值是否吻合，與學校在社交平臺發佈的官方文案是否一致，與你今日在學校的所見所聞是否對應。同時也可以觀察校長的性格特點，領導力特點是否符合你的期望。

5. 為孩子的申請加分✅

有些學校的訪校會同時設立taster day，讓孩子在學校中體驗一日學習生活，老師們通過觀察孩子的表現打分，成爲招生綜合評估的一部分。就算是在純訪校的安排下，家長或孩子們也可以通過這個機會向學校介紹自己，留下一個好的印象分，有利於在接下來的面試中脫穎而出。

6. 不要怕問刁難的問題💭💬

很多家長可能會擔心如果問題太過刁難，會讓老師和校長對孩子印象扣分。其實不然！好的私立學校校長老師和招生人員都非常歡迎家長們問很多深入學校情況的問題，既能讓他們好好宣傳自己學校對比其他學校的優勢，又能讓家長們對學校印象加分，因此家長們絕對要抓住機會，多問一些關於學校和學生發展的深入問題，例如：

• 如何處理學生的反社會行爲，例如暴力，毒品，欺凌，排擠等。
• 家長是否有機會直接與校長約談？
• 對於學習能力超前以及成績跟不上的學生，你們會具體如何培養
• 你認爲學校哪些方面有待提升，目前正在做哪些工作去提升？
學生的畢業去向，多少學生獲得第一志願的錄取？

7. 選個平日放學時間再去一次學校👀👁️

始終開放日學校一定會準備充足，亦有可能特別training學生要在那天守規矩，因此在體驗完精心排練的開放日之後，家長們可以自己做一下福爾摩斯偵探工作，選一個平日放學的時間再到校門口觀察一下，看看學生們結束一天學習之後走出校門的狀態，學生的言談舉止，校服著裝是否仍舊整齊，如果學校附近有快餐店，看看學生們的就餐狀態。同時也可以留意學校職工或老師在校門口如何與學生，家長交談，對於低年級學生是否注意學生的安全等，細節決定成敗，細節體現學校的文化價值。

所以記得，千萬不要“聽説“這家私立學校很好就立刻報名，也不要被學校精美的宣傳冊或是網站牽著鼻子走，一定要做足功課做好research，最重要就是，訪校‼️

如果你因爲時間和距離的原因錯過學校的開放日，不用擔心，卡文教育和英國200多所私立學校有著密切聯係，可以在短時間内聯繫學校有關部門安排私人訪校。我們的訪校清單長達【70項】，涵蓋學校及周邊環境，設施，招生要求，學生，作業，紀律，校園生活，教牧關懷，學校-家庭關係，教學，教職工校長，費用，課外活動，科技配套等15個方面，全方位瞭解學校的真實面貌，幫助你做出最正確的選擇。

--------------------------------------------------------------------------
【卡文教育】是英國領先的教育諮詢服務機構。我們對英國教育系統有深入的瞭解，與英國大各地各大學校的招生辦公室、校長和教育行業有影響力的人物有著密切的聯繫。每年，我們為來自英國和世界各地家庭提供升學建議，支援他們在英國教育系統中的實現進一步的發展和抱負。

Whatsapp: +44 7466 056902
Website: https://www.kwedu.co.uk/
Facebook: https://www.facebook.com/kwedu.uk

文章未經允許，禁止轉載。如需轉載請聯繫我們，並寫明文章出處。

#英國教育 #英國留學 #英國低齡留學 #英國公立學校 #英國私立學校 #英國留學生活 #英國寄宿 #海外留學 #英國中小學 #英國大學 #英國學校開放日 #開放日 #學校開放日 #私立學校開放日 #英國學生