Rayyan Online Quran Academy

03/08/2026

⚠️ صرف پڑھنے والے سنجیدہ طلبہ ہی رابطہ کریں۔
غیر سنجیدہ لوگ رابطہ نہ کریں۔

ریان آن لائن قرآن اکیڈمی میں ہم آپ کو خوش آمدید کہتے ہیں۔

الحمدللہ!
ہم نورانی قاعدہ، مدنی قاعدہ، ناظرہ قرآن، حفظِ قرآن، تجوید اور تفسیر پوری محنت، ذمہ داری اور توجہ کے ساتھ پڑھاتے ہیں۔

ہماری کلاسز دو قسم کی ہیں:
📘 لائیو کلاسز
📗 ریکارڈڈ کلاسز

مزید سہولت کے لیے:
🎁 تین دن کی فری ٹرائل کلاسز دی جاتی ہیں۔

15/05/2026

20/02/2026

*کسی نے بڑی خوبصورت بات لکھی تھی کہ اگر اعلان ہو جائے کہ توبہ کا دروازہ اگلے ہفتے بند ہو رہا ہے تو ہم پاکستانی سب سے پہلے جائے نمازوں کی قیمتیں بڑھا دیں گے۔*

ہماری بدقسمتی یہ ہے کہ ہمیں گناہ سے زیادہ نقصان کا ڈر ہوتا ہے۔

ہمیں عبادت سے نہیں، فائدے سے محبت ہے۔
آپ ایک سادہ سا تجربہ کریں۔ کسی بڑے میگا اسٹور یا سپر اسٹور سے ایک کلو گوشت خرید لیں۔ پھر وہی مقدار کسی عام محلے کی دکان سے لے لیں۔ گھر آ کر دونوں کو الگ الگ پکا کر دیکھیں۔
فرق خود بولے گا۔
ایک جگہ وزن واقعی ایک کلو ہوگا، دوسری جگہ ترازو کی سوئی شاید پوری ہو مگر برکت آدھی رہ جائے۔ پکاتے وقت پانی الگ کہانی سنائے گا۔ آخر میں دیگچی میں جو بچے گا وہ آپ کو بتا دے گا کہ ناپ تول صرف اعداد کا کھیل نہیں، نیت کا بھی معاملہ ہے۔
پھر ہم بڑے اصولی بن جاتے ہیں۔
سوشل میڈیا پر کسی برانڈ کا بائیکاٹ ٹرینڈ ہو جائے تو ہم سب مجاہد بن جاتے ہیں۔ مگر روزانہ کی خرید و فروخت میں جو چھوٹا سا دھوکہ ہم دیتے یا سہتے ہیں، اس پر کبھی آواز نہیں اٹھاتے۔
مسئلہ یہ نہیں کہ مارکیٹ میں کیا بک رہا ہے۔
مسئلہ یہ ہے کہ ہمارے ضمیر میں کیا مر رہا ہے۔
مرغی صاف کرتے کرتے تولنے سے پہلے چند ٹکڑے الگ رکھ دینا…
پھلوں کے نیچے خراب مال چھپا دینا…
دودھ میں تھوڑا سا پانی ملا دینا…
یہ سب “چالاکی” نہیں، امانت میں خیانت ہے۔
ہم حلال کا شور بہت مچاتے ہیں،
مگر حلال صرف ذبیحہ کا نام نہیں،
حلال کمائی، حلال ناپ تول اور حلال نیت بھی ہوتی ہے۔
قرآن نے بہت واضح فرمایا:
“تباہی ہے ان لوگوں کے لیے جو ناپ تول میں کمی کرتے ہیں”
(سورۃ المطففین)
اور رسولِ کریم ﷺ نے فرمایا:
“جس نے دھوکہ دیا وہ ہم میں سے نہیں۔”
ہم دعا کرتے ہیں کہ کاروبار میں برکت ہو۔
گھروں میں سکون ہو۔
اولاد محفوظ رہے۔
مگر برکت صرف منافع بڑھانے سے نہیں آتی،
دیانت بڑھانے سے آتی ہے۔
جب تک ہم روزمرہ کے معمولی سمجھنے والے دھوکوں کو گناہ نہیں سمجھیں گے،
تب تک بڑے مسائل پر رونا محض رسم ہی رہے گا۔
اصلاح بازار سے نہیں،
اپنے ترازو سے شروع ہوتی ہے۔

ہم ہر خرابی کا الزام حکومت، سسٹم اور حالات پر ڈال دیتے ہیں۔ مگر سچ یہ ہے کہ مگرمچھ شاید نظر نہیں آتے، مگر ظلم ہم سب کے اندر کہیں نہ کہیں موجود ہے۔
پھر ہم شکوہ کرتے ہیں کہ برکت کیوں نہیں؟
بیماریاں کیوں بڑھ رہی ہیں؟
ڈاکٹروں کے چکر کیوں لگتے ہیں؟
ناگہانی اموات کیوں زیادہ ہو رہی ہیں؟
اللہ کی ناراضی صرف بڑی بڑی سازشوں سے نہیں آتی،
وہ روزمرہ کے چھوٹے چھوٹے دھوکوں سے بھی آتی ہے۔
اصلاح ہمیشہ اوپر سے نہیں، اندر سے شروع ہوتی ہے۔

19/02/2026

*🌙 روزہ کن چیزوں سے ٹوٹتا ہے؟ — حیا کے دائرے میں ضروری رہنمائی 🌙*

الحمدللہ، روزہ اسلام کی عظیم عبادت ہے۔ لیکن بہت سے نوجوان شرم کی وجہ سے مسائل پوچھ نہیں پاتے۔ اس لیے آسان اور باحیا انداز میں جان لیں:

❌ روزہ ان حالتوں میں ٹوٹ جاتا ہے:

1️⃣ جان بوجھ کر کچھ کھانا یا پینا

اللہ تعالیٰ فرماتے ہیں:

«"کھاؤ اور پیو یہاں تک کہ فجر کی سفیدی ظاہر ہو جائے، پھر رات تک روزہ پورا کرو"
(قرآن مجید 2:187)»

---

2️⃣ ازدواجی تعلق قائم کرنا

یہ روزہ توڑ دیتا ہے اور اس پر قضا اور کفارہ دونوں لازم ہوتے ہیں۔

---

3️⃣ جان بوجھ کر شہوت پوری کرنا (مثلاً ہاتھ سے)

اس سے روزہ ٹوٹ جاتا ہے اور قضا لازم ہوتی ہے۔

---

4️⃣ جان بوجھ کر قے کرنا

نبی ﷺ نے فرمایا:

«"جس نے جان بوجھ کر قے کی اس پر قضا ہے"
(صحیح بخاری)»

---

✅ لیکن ان چیزوں سے روزہ نہیں ٹوٹتا:

✔ صرف شہوت کا خیال آنا
✔ نفس کا خود بخود بیدار ہونا
✔ اح**ام ہو جانا
✔ غیر ارادی طور پر کچھ نکل جانا

کیونکہ یہ انسان کے اختیار میں نہیں

---

🌟 اہم نصیحت

روزہ صرف بھوک پیاس کا نام نہیں، بلکہ:

✔ آنکھوں کا روزہ
✔ زبان کا روزہ
✔ دل کا روزہ

بھی ضروری ہے۔

نبی ﷺ نے فرمایا:

"جو جھوٹ اور برے عمل نہ چھوڑے، اللہ کو اس کے بھوکا پیاسا رہنے کی ضرورت نہیں"

---

🤲 اللہ ہمیں صحیح سمجھ اور کامل روزہ رکھنے کی توفیق دے

✍️ قاری عبد الصمد