Andy Sir 數學教室

16/07/2025

《魷魚遊戲體驗⏺️🔼⏹️》

話說上星期終於睇埋魷魚遊戲3🦑，結局都有少少估唔到🤯，咁岩上網見過有個Squid Game Experience，於是就決定同太太去玩吓👫，睇吓有冇機會贏到456億💰💰從此退隱江湖😌

分享一下個體驗先，佢入面都要每個參加者著返件有號碼嘅衫（我係1️⃣9️⃣0️⃣），之後都會玩返幾個經典遊戲，如果有睇過魷魚遊戲嘅朋友對嗰啲遊戲應該唔陌生😁。由於係室內緣故，部分遊戲場景比我想像中細嘅，亦當然冇可能容納456人啦。

紀念品方面就唔太吸引😕，所以都冇買到。整紀念品方面日本🇯🇵商家真係冇得頂，以前去日本旅行，件件紀念品都想買，一定大出血🩸

如果各位有興趣去，我見到星期一嘅門票係比較平嘅，可以考慮一下，都係可以俾小朋友放電嘅一個好去處👍

https://squidgameexperienceuk.com

03/07/2025

《忙裡偷閒睇套戲🎞️》

眨吓眼2025就過咗一半📆，學生又考完GCSE及A Level，終於有時間抖下輕鬆下😉

太太話想睇Jurassic World🦖🦕，今日就去咗戲院睇，呢間Everyman都幾正，有couple seat，喺個位嘟QR Code就可以叫嘢食，真係好享受☺️

套戲內容就唔劇透啦🙊，不過竟然係冇字幕版本🤯，真係Listening大考驗🎧，不過睇呢類片有冇字幕分別都唔大啦，都係睇畫面聽音效啫😆

睇完戲返屋企要繼續努力備課啦，聽日好多堂👨🏼‍🏫

31/10/2024

🎃🎃 Happy Halloween 🎃🎃
今晚大家有冇去Trick or Treat😆

圖一：舊同事send俾我，教Venn Diagram幾好用👍
圖二：Labubu陪我同太太過Halloween 🎃年紀大，唔出去玩啦😆

16/09/2024

《荷蘭🇳🇱遊記》

自從黎左英國🇬🇧之後，好似好耐未去過旅行，印象中對上一次去旅行係2019年嘅大阪🇯🇵…眨吓眼👀就5年幾…

終於喺9月頭同太太去咗荷蘭🇳🇱探朋友同埋四圍玩，我哋坐Eurostar🚝去，4個鐘頭就去到Amsterdam，都真係幾方便👍。又由於我哋太耐冇去旅行，但估計好多地方都應該開始用e-payment，於是整咗張外幣debit card💳，又真係好方便喎，結果全程冇用過現金💶。

頭兩日太太朋友個老公車我哋四圍食好嘢🥗🥘🍝，又去咗動物園，又去Amsterdam市中心博物館，感覺到我呢個數學人突然都增添左一啲文藝氣息🎭。之後兩日同太太報咗啲local tour，去咗風車村，去食海鮮，遊船河🛥️等等，非常充實🤣最後去咗一間啲嘢好好食嘅日本餐廳🍱，真係日本人主理，好食過London嗰啲好多。

由於食食食嘅關係，返到London要努力減返少少磅先…

22/08/2024

《GCSE又双叒叕放榜》

今年Andy Sir嘅學生同舊年一樣，都考到自己覺得滿意嘅成績💯，喺度先恭喜晒咁多位同學仔👏，可以揀到自己嘅心水學科或學校🏫，亦都恭喜咁多位家長，又陪伴你哋嘅小朋友，向前行咗一大步🏃🏼‍♀️‍➡️🏃🏼‍➡️，陪伴小朋友成長確實係唔容易🫡。

其中有三位學生拎到grade 9️⃣，更有一位學生於FSMQ Additional maths （一科比GCSE更深入嘅數學）拎到grade 🅰️。我諗嗰幾位家長們應該好滿意👍

就算拎唔到grade 9嘅學生，我同樣欣賞佢哋對考試嘅認真同埋付出👍👍，只要學生努力過，能夠喺考試入面發揮到自己嘅能力，都應該無悔了😃。幾年後望返轉頭，其實GCSE只係漫長人生裡面嘅一小點。

呢屆考完，下屆又黎緊，希望2️⃣0️⃣2️⃣5️⃣考生都可以用盡全力拼搏，仲有10個月，大家一齊加油💪🏻💪🏻

The Education Hub is a site for parents, pupils, education professionals and the media that captures all you need to know about the education system. You’ll find accessible, straightforward information on popular topics, Q&As, interviews, case studies, and more.

01/08/2024

《新學年新器材》

眨吓眼又到8️⃣月，我嘅暑假又差唔多放左一半😆（所謂暑假其實都係要上堂👨‍🏫，不過大概只係平時嘅七成左右）。係準備下學年嘅時候，我部電腦就收到message話呢樣唔support嗰樣唔support🤯，搵返張單睇吓，原來部機用左超過12年，係12年啊！翻查資料，原來2012年係用緊iPhone 5📱…

其實我真係覺得部機係用得嘅，我同太太都好鍾意呢部機👍，17.3吋mon💻夠晒大，好可惜嘅係部機係用windows 7, 所以Dropbox 10月開始會用唔到，chrome 亦停止支援😢，嗰日試吓開個vpn, 點知都話唔支援。我有諗過買個新windows延續部機嘅壽命，點知原來cpu太舊，用唔到windows 11…

就係咁嘅情況下，唯有買咗部新機✨，舊機就唯有係咁嘅情況下退休了…

利申：唔係廣告，小弟何德何能Samsung 會搵我出廣告丫🤣純個人喜好同考慮功能及價錢💰
其實手機方面我係iPhone躉，我亦有MacBook air, 但工作方面，對我黎講始終係windows機比較得心應手🙂‍↕️

28/06/2024

《新作出版》

經過左兩個月，日日上課補課👨‍🏫嘅考試旺季（無錯，GCSE加埋校內試），終於可以抖下叉叉電🔋，每日感受一下陽光嘅美好☀️

早兩日收到香港出版社寄過嚟嘅實體書📗📘，小弟嘅新著作終於面世啦👏，由於只有時間寫中二及中三，所以中一就唔係我寫嘅，希望遲吓有機會寫齊一套💪🏻。

正所謂一套岩岩完，另一套又開始啦，今次會係senior form嘅練習👽。都係趁呢個暑假少啲堂快啲趕晒啲稿先📝，9月開學又會開始忙了。

23/05/2024

太太生日奇遇記🤣

今日太太👩🏼生日（18歲？），由於夜晚仍然要開工補習🧑🏻‍🏫，所以趁開工前去接太太收工順便買一紮花🌹，有趣嘅事就係當我同太太喺M & S 揀完花諗住俾錢💰嘅時候，就出現咗圖二嘅畫面📺，係免費啊🆓！冇諗過突然買嘢唔駛俾錢，應該係太太生日嘅幸運吧🍀！希望太太生日願望成真啦🥰

10/04/2024

《復活節動物園🐅🦓🦒🦩🦝🐧遊記》

上個星期，難得有一日假期，所以同太太去動物園睇吓動物。講真以前只去過海洋公園睇熊貓🐼，海豚🐬，企鵝🐧，同埋記得細細個嘅時候去荔園餵大象🐘，今次去到Whipsnade Zoo簡直大開眼界👁️👁️

圖一：動物園正門，點都要打個卡📸
圖二：Lemur🦝，我太太好鍾意嘅動物之一
圖三：揀飲擇食嘅動物，拎起舊紅椒之後掉落地🤣
圖四：Rockhopper penguin，好可愛😍
圖五：突然見到怪樹一棵…
圖六：樹版及真人版吶喊🖼️
圖七：長頸鹿🦒，啲毛勁似毛毛公仔啲毛
圖八：近距離老虎乸🐅一隻，真心大隻
圖九：Flamingo🦩，好高貴咁樣，唔多理人
圖十：班馬🦓一大隻，但個樣有啲悶悶不樂
圖十一：Meerkat，我同太太都笑meerkat時時刻刻都企得好直，個樣又傻瓜🤣
圖十二：竟然影到彩虹🌈
圖十三：太太最想睇嘅red panda，但見唔到本尊，唯有去睇毛公仔🌞

總括黎講，我哋呢個trip係開心嘅🎉
下次去Safari Park!

15/02/2024

作為一個數學老師👨‍🏫，我都會成日上網睇吓有咩有趣數學題，今日竟然見到一條咁嘅題目，題解都係網上嘅一啲人自己做嘅，咁嗰位人兄嘅做法當然毫無問題啦，計到原有糖果數目係200粒，我只係覺得條題目本身出得唔多make sense(雖然我都覺得好多考試題目都係唔實在嘅，旨在考下某類計數技巧）🤣

首先，如果原有糖果🍬數目係200粒，第一日竟然要妹妹吃100粒糖果😱，都唔緊要啦，唔想糖尿病，唯有大方啲，當分俾朋友食啦🤣第二日又出事啦，剩下100粒，要吃1/3，即係食33.333333…粒🍬🔨？好高難度啊！越後嘅日子就越難處理，第99日仲要食剩返嗰幾粒裡面嘅1/100，妹妹辛苦了🙏🏻

不如將題目換成一壺水🫖，第一分鐘飲全壼的1/2，第二分鐘飲剩下的1/3，如此類推。分水總比分糖果容易（雖然都係好難🤯），另外，飲水總比吃糖果健康呢！

好啦，我都係去飲返杯水先🥤😃

題目來源:
https://www.facebook.com/share/3QhH1SH7Wjve9XWP/?mibextid=WC7FNe