MBBS lecture

کچھ خرافات/غلطیاں جن کا خاتمہ ضروری ہے۔ نئی ماؤں اور بچوں کو اس مخمصے سے باہر نکلنے دیں ”'کے ہم نہیں تو بچے ایسے ہی پالے ہیں'“
تمام والدین کو آگاھ کریں۔ صدقہ جاریہ ہے ۔جزاك الله

1- ہر رونے میں پیناڈول دینا کے کوٸ تو تکلیف ہو گی .
2- بمشکل 3 ماہ کے بچے کو سیریلیک، گلوکو بسکٹ، کسٹرڈ وغیرہ دینا۔
3- دانتوں میں بائیو 21 دینا۔ یہ بہت راحت بخش ہے۔ لیکن ایف ڈی اے نے منظوری نہیں دی۔ یہ دانتوں کی اینکیلوسس کا سبب بن سکتا ہے۔
4- شیر خوار بچوں کے جسم کے بالوں کو ختم کرنے کے لیے آٹے کا گولا قسم کی چیز رگڑنا۔
5- بچے کا سر بنانے کے عمل کے لیے پلیٹ کو سر کے نیچے رکھنا۔ فلیٹ ہیڈ سنڈروم کا سبب بن سکتا ہے۔
6- ایک سال کی عمر سے پہلے شہد دینا بچے میں بوٹولزم کروا سکتا ہےجس میں جسم کے پٹھے کام کرنا چھوڑ دیتے ہیں۔
7- ایک سال سے پہلے گائے کا دودھ دینا۔ گائے کے دودھ کی ساخت اور اس کا بچے کے گردے پر اثر ہے۔ اور اس کی وجہ سے بچے میں آئرن کی کمی ہوتی کیونکہ گاۓ کے دودھ میں آئرن کم ہوتا ہے اور جو ہوتا ہے وہ جزب نہیں ہو پاتا۔
8- ایک سال سے پہلے ضرورت سے زیادہ چینی اور نمک بچے کو دینا ۔
9- چھ ماہ سے پہلے پانی دینا۔ جیسا کہ مدر فیڈ کے معاملے میں اس کی بالکل ضرورت نہیں ہے۔
10- کاجل/سورما لگانا۔ آنکھوں میں انفیکشن، آنسو کی نالی میں رکاوٹ اور آنکھوں کے دیگر مسائل کا سبب بن سکتا ہے۔
11- فینرگن یا دیگر سکون آور ادویات دینا تاکہ بچہ سویا رہے,چار سال سے پہلے یہ سیرپ بچے کا سانس بھی بندکروسکتا ہے ۔
13- ماں کا یہ تصور کبھی بھی بچے کی خوراک کافی نہیں ہے۔ 'پیٹ نہیں بھرتا' اور پھر کھلا دودھ شروع کروا دینا
14- ایک سال کی عمر کے بعد ضرورت سے زیادہ دودھ دینا ۔
15- چھوٹے بچے کو ہونٹوں/گال پر بوسہ دینا بچے میں انفیکشن کا باعث بن سکتا ہے خاص کر جب آپکا گلا خراب یا فلو ذکام ہو۔
16- بچے کی نشوونما کا دوسرے بچوں سے موازنہ کرنا۔
17- واکر کا استعمال۔ آپ اس کے نتائج پر تحقیق کر سکتے ہیں۔
18- اوور لیئرنگ یا زیادہ کپڑے پہنا دینا۔جو بچے کو زیادہ گرم کرنے اور پانی کی کمی کا باعث بن سکتی ہے۔
19- وٹامن ڈی سپلیمنٹ کو خاطرناک سمجھنا۔ خصوصی دودھ پلانے والے بچے میں اس کی اہمیت کے بارے میں تحقیق کریں۔
20-پیداٸیش پر وٹامن کے کا انجیکشن نہ لگوانا کہ بچے کودرد ہوگا ۔ وٹامن کے کی کمی سے بچے میں خون پتلا ہوجاتا ہے اور دماغ میں بھی خون بہ سکتا ہے
21-بچے کی ناف پر تیل اور ایسی چیزیں لگانا ۔ناف کے انفیکشن اوردیر سے گرنے کا سبب بنتی ہیں
22-بچے کو ٹھنڈا گرم کے چکر میں اھم غزاٶں جیسے انڈہ ,دہی ,چاول اور سٹرس فروٹس سے محروم رکھنا
23- بچے کو خاص طور پردوسال سے پہلے موباٸل یا ٹی وی کارٹون دکھانا ۔۔یہ بچے میں آٹزم جیسے مساٸل پیدا کر سکتا ہے
24-بچے کی گروتھ کے لیے عرق ,گٹھی جیسی چیزیں دینا ۔انکی ساٸنسی افادیت ثابت نہیں ہو سکی
25-کوالیفاٸیڈ ڈاکٹر کے کہنے کے باوجود نارمل ڈلیوری پر اصرار کرنا۔ اگر اس دوران بچے کو دماغی آکسیجن کی کمی ہو جاۓ تو بچہ سی پی چاٸلڈ بن سکتاہے۔
26-بچے کی ویکسینیشن نہ کروانا یا ویکسینشن میں تاخیر کرنا۔ ویکسینشن مفت ہے اور بچے کو بارہ خطرناک جان لیوا بیماریوں سے بچاتی ہے
27- میڈیکل سٹور پر جاکر سیلز مین سے بچے کا مسلہ بتا کر دواٸ لینا خاص کر اینٹی باٸیوٹیکس اور ایک بچے کی دواٸ دوسرے بچے پر آزمانا

تمام والدین کو آگاھ کریں۔ صدقہ جاریہ ہے ۔جزاك الله

بچوں کی صحت سے متعلق مزید معلومات اور آگاہی کے لیے ھماری پوسٹس روزانہ کی بنیاد پر دیکھتے رہیں
ڈاکٹرارشد محمود (MBBS,FCPS)
کنسلٹنٹ چاٸلڈ اسپیشلیسٹ

Finally we are Back after Long Break

A 16 Years Old Girl, Class 10th School, Student, Inserted Multiple Safety Pin in Her Ear Lobe as Earrings...
What's Your Opinion?
Is this Psychological or Abnormal Act?
Your Comments Please

بچے اور صحت...
Child Health...
تیزبخارمیں جھٹکے...
A Febrile Seizure Or Febrile convulsion Or Fit....

اگربخارتیز ہوتوبچوں میں دورہ پڑنے کا باعث بن سکتا ہے۔ یہ مسئلہ تقریباً چھ ماہ سےچھ سال تک کے بچوں کوہوتا ہےجس کے بعد اس کے امکانات کم ہوجاتے ہیں۔ ایسی صورت میں بچےکا چہرہ لال ہوسکتا ہے، پسینے آتے ہیں اورچھونے پروہ گرم محسوس ہوتا ہے۔ بلانے پرکوئی ردعمل ظاہرنہ کرنا، دونوں مٹھیاں بندھ کرلینا، جسم اکڑجانا اورکانپنا بھی اس کی علامات ہیں۔..

کیا کریں، کیا نہیں....
اکثروالدین اس صورت حال میں فوراً خوفزدہ ہوکرڈاکٹر کی طرف دوڑ پڑتے ہیں جبکہ کچھ گھریلوٹوٹکے آزماتے رہتے ہیں۔ اس وقت فوری مسئلہ جسم کے بڑھے ہوئے درجہ حرارت کو کم کرنا ہوتا ہےجس کے بعد بچہ خود ہی نارمل حالت میں واپس آجاتا ہے۔ اس لئے بچے کو کروٹ کے بل لٹا ئیں۔ اس کے قریب سے وہ تمام چیزیں ہٹا دیں جو اسے زخمی کرسکتی ہوں۔

٭سر کومحفوظ رکھنے کے لئے تکیے، کمبل یا کسی نرم چیزکا استعمال کریں۔

٭کمرہ گرم ہوتو دروازے اورکھڑکیاں کھول دیں۔

٭بچےکے کپڑے ہلکے کریں یا اتار دیں۔ پھرنارمل پانی سے تولیہ یا کپڑا گیلا کرکے اس کے گرد لپیٹ دیں۔ ماتھے اورپورے جسم پرگیلی پٹیاں بھی رکھی جاسکتی ہیں۔

٭اس کی حرکات کو زبردستی روکنے کی کوشش نہ کریں۔

٭اس دوران پانی یا کوئی دوا ہرگزنہ دیں کیونکہ وہ سانس کی نالی میں جاکرمزید مسائل پیدا کرے گی۔

٭دورہ ختم ہونے کے بعد ازخود کوئی دوا (مثلاً دورہ روکنے کی ) ہرگزنہ دیں۔

ڈاکٹرسے کب رابطہ کریں...
When to Consult A Doctor...
دورہ نارمل ہو تو پورا جسم ایک ساتھ کانپنا شروع ہوجاتا ہے۔ اس کا دورانیہ کچھ سیکنڈ سے لے کر15 منٹ تک ہوسکتا ہے اوریہ ایک دن میں صرف ایک ہی مرتبہ ہوتا ہے۔ تاہم اگرذیل میں بیان کردہ علامات ظاہرہوں تو ڈاکٹرسے رجو ع کریں

٭یہ دورہ جسم کےکسی ایک حصے سے شروع ہواوربتدریج بڑھتا جائے۔

٭ایک دن میں ایک سے زائد مرتبہ ہو۔

٭15 منٹ سے زیادہ دیر تک رہے۔

بچاؤ کی تدابیر...
بخارعموماً انفیکشن کی وجہ سے ہوتا ہے۔اس سے بچاؤ کے لئے

٭بچے کی صفائی ستھرائی کا خیال رکھیں۔

٭اسے وقتاً فوقتاً نہلاتے رہیں۔

٭گندی چیزیں منہ میں نہ ڈالنے دیں۔

٭صحت بخش غذا کھلائیں تاکہ اس کی قوت مدافعت مضبوط ہوسکے۔

٭کھلی ہوئی دوا کی بوتل کو ایک ماہ سے زائد استعمال نہ کریں۔

٭بخارچیک کرنے کے لئے گھر میں تھرما میٹر رکھیں۔

اگر پھر بھی بخار ہوجائےاوربچے کو بخارکے سیرپ سے الرجی نہ ہوتویہ ہر چھ گھنٹے بعد دیا جاسکتا ہے۔ اس کے علاوہ بچہ منہ سے دوا نہ لے سکتا ہو توڈاکٹر کی تجویزکردہ پاخانے کی جگہ رکھنے والی گولیاں استعمال کریں۔

Febrile seizures, initial aid for febrile seizures, prevention...

اپنے بچوں کا خاص خیال رکھیں
والسلام
ڈاکٹر شاہد عرفان