خوێندنگەی ئایندە::Ainda school

بِسْمِ اللهِ الرَّحْمَنِ الرَّحِيمِ

💐بانگەواز و مزگێنی بۆ دایکان و باوکانی بەڕێز🌟
�** کردنەوەی دەرگای خۆتۆمارکردن لە خوێندنگەی ئایندە**

السلام عليكم ورحمة الله وبركاته
خۆشحاڵین کە مزگێنی کردنەوەی خوێندنگەی "ئایندە"تان پێ ڕابگەیەنین بۆ ساڵی نوێی خوێندن. 🏫خوێندنگەکەمان بەم زووانە دەست دەکاتەوە بە دەوامی فەرمی خۆی ان شاءالله لەناو بینای نوێی خوێندنگە.

ئامانجی خوێندنگەی ئایندە بنیاتنانی نەوەیەکی پەروەردەکراوە لەسەر بنەماکانی ئیسلامی ڕەسەن، لەگەڵ فێربوونی قورئانی پیرۆز و ڕەوشتی بەرز و بەهای باڵا لە ژینگەیەکی سەلامەت و هاندەردا🕌.

بۆیە، داوا لەو دایک و باوکە بەڕێزانە دەکەین کە خوازیارن جگەرگۆشەکانیان ببنە بەشێک لەم پڕۆژە پەروەردەییە پیرۆزە و داهاتوویەکی گەش بۆ خۆیان دابین بکەن،

بەڕێزەوە فۆڕمی تۆمارکردنی سەرەتایی لە ڕێگەی ئەم لینکەی خوارەوە پڕ بکەنەوە.

🔻⬇️🔻⬇️🔻⬇️🔻

‏[ https://forms.gle/Pj58wBKkt2vDNQKe6 ]

🔺⬆️🔺⬆️🔺⬆️🔺

تێبینی:
زانیاری زیاتر دەربارەی کاتی دەستپێکردن و وردەکارییەکانی تر لە داهاتوویەکی نزیکدا بڵاودەکەینەوە.

لەگەڵ ڕێزی بەڕێوەبەرایەتی خوێندنگەی ئایندە🙋.

فۆڕمی تۆمارکردنی قوتابیان لە خوێندنگەی ئایندە مەرج و ڕێساکانی خوێندنگەی ئایندە ١- ڕێزگرتنی یاسا و دەستورەکانی خوێندنگە. ٢- پەیوەستبوون بە ڕەوشتە بەرزەکانەوە و ڕێزگرتنی مامۆستا و خوێندکار و بەڕێوەبەرایەتی خوێند...

🚨 کاتێک منداڵەکەت باڵغ دەبێت، دای بنیشێنە و سێ شتی زۆر گرنگ بدە بە گوێیدا..

🔹تەفسیری سوورەتی یووسفی بۆ بکە و چیرۆکەکانی بۆ باس بکە، تاکوو گەورەیی بە گەورە دانانی خودای بۆ دەربکەوێت و گرنگی شەرم و داوێن پاکی بزانێت.

🔸باسی ئەو فەرموودەیەی بۆ بکە کە باس لەو حەوت کەسە دەکات کە دەچنە ژێر سێبەری عەرشی خوداوە، یەکێک لەوانەش ئەو کەسەی کە گەنجی و ژیانی لە مزگەوت و خوداپەرستیدا بەسەربردووە.

🔹فێری ئەو دوعایەی بکە کە دەفەرموێت: خودایە بە حەڵاڵی خۆت تێرم بکە و بێ نیازم بکە لە حەرامت تا مەجبووری نەبم و بە فەزڵی خۆت دەوڵەمەند و بێ نیازم بکە لە غەیری خۆت.

👈 ئێمە ناتوانین 24 کاتژمێر چاودێری منداڵەکانمان بکەین، بەڵام دەتوانین وایان لێ بکەین کە 24 کاتژمێر بە ئاگا بن لە چاودێری خودا.🌹❤

لەم کاتانەدا بە توندی بە منداڵەکەت بڵێ نەخێر!

🔸نەخێر بۆ (هێلکەی دەرچوون) و هاوشێوەکانی

👈 زۆر کڕینی هێڵکەی دەرچوون هۆکارە بۆ دروستبوونی هەستی نیگرانی لە بارەی خۆشبەختی یان بەدبەختییەوە لە منداڵەکەتدا، چەندەها جار بیستراوە منداڵ وتوویەتی بەختی من خراپە بۆیە لەناو دەرچووندا شتی باشـم بۆ دەرناچێت.

🔹نەخێر بۆ مەیکئەپ کردن

👈 مەیکئەپ بۆ سەلامەتی جەستەیی و دەروونی منداڵان باش نییە، تا دەتوانن لە دوور دەستی منداڵەوە دایبنێن، بەکارهێنانی لە منداڵدا هەستی متمانە بەخۆبوون و ڕازیبوون لە خود کەم دەکاتەوە.

🔸نەخێر بۆ هەبوونی مۆبایل

👈 تکایە پێش 12 ساڵی مۆبایلی سەربەخۆ بۆ منداڵەکانتان مەکڕن، چونکە کرینی مۆبایل بۆ منداڵ واتای ئەوەیە ئەوە ئامرازی تایبەتی تۆیە و هەرچیت دەوێت پێی بکە، ئەگەر پێویست بوو دەتوانیت بەپێی پێویست مۆبایلەکەی خۆتی بدەیتێ!

دایکێکی پەرۆش دەپرسێت؟

چی پێویستە فێری منداڵەکەم بکەم لە بارەی پەروەردەی ئیسلامی و باوەڕەوە لە کاتێکدا هێشتا زۆر بچووکە؟ 😕

👈سێ ئەرکی بنچینەیی:
1- خووی باش
2- باوەڕی دروست
3- ڕەوشت بەرزی

🔹خووی باش

خووە باشەکان لە تەمەنێکی کەمەوە بنیات دەنرێن وەکوو:
- بسم اللە کردن بۆ هەموو کارێک
- سوپاس کردن بۆ هەر خزمەتکردنێک
- داوای لێبوردن کردن لە کاتی ئەنجامدانی هەڵە
- زیکرەکان
- مۆڵەت وەرگرتن

🔸ڕەوشت بەرزی

فێری خۆشویستنی کەسانی تر و لێبوردەیی و وشەی جوان و زەردەخەنە و بەخشین و دوورکەوتنەوە لە لووتبەرزی و گاڵتە پێکردن و دووزمانی و قسە هێنان و بردن و ئیرەیی بکە


🔹باوەڕی دروست

لە بارەی خودای گەورە و خۆشویستنی و سیفەتەکانییەوە بدوێ و چیرۆکی پێغەمبەران و هاوەڵان و چیرۆکە قورئانییەکانی بۆ بگێڕەرەوە و واتای بنچینەکانی باوەڕ و ئیسلام و گرنگی قورئانی بۆ ڕوون بکەرەوە!

🚨 ئەگەر منداڵێکی دەروون دروستت دەوێت ئەوا:

🔸 بەردەوام بە شێوەیەکی جوان و بەڕێزەوە بانگی بکە: کاکە محەممەد، دادە هانا، گوڵ ئارام، نێرگزەکەم، گیانەکەم.

🔹 هێندەی میوانێک، بگرە زیاتریش ڕێز لە منداڵەکەت بگرە و کەسایەتی بپارێزە و وەک مرۆڤێکی کامڵ ڕەفتاری لەگەڵ بکە.

🔸 ڕۆژانە لانی کەم یەک جار پێی بڵێ: ئازیزی دڵم، شانازیت پێوە دەکەم.

🔹 پشت بە منداڵەکەت ببەستە و لە هەڵبژاردن و ئەنجامدانی کارەکان ڕاوێژی پێ بکە و ڕێز لە بۆچوونی بگرە.

🔸 لە بابەتە پەروەردەیییەکاندا دوور لە چاوی منداڵ لەگەڵ هاوسەرەکەت کێشە و ڕاجیاییەکان چارەسەر بکەن و لەبەرچاوی منداڵەکەت با پەیوەندیت لەگەڵ هاوسەرەکەت گەرم و گوڕ بێت.

🔹 لە هەڵەکانی منداڵەکەت خۆش ببە و هەلی تری بدەرێ و نهێنییەکانی بپارێزە.

🔸 ڕۆژانێک تایبەت بکەن بە پیاسە و چوونە دەرەوە لەگەڵ منداڵەکەت.

🔹 لەگەڵ منداڵە تەمەن خوار ٧ ساڵەکەت زیاتر بدوێ و زیاتر لێیەوە نزیک بە.

🔸 بە منداڵە سێ ساڵەکەت وردە وردە ئەرکی پێ بسپێرە و کاری بدەرێ تا ئەنجامی بدات.

🔹 ببەرە نموونەیەکی باش بۆ منداڵەکەت لە ڕاستگۆیی و دەستپاکی و کۆنترۆڵکردنی تووڕەیی و وەفا و بەڵێن.