貓仔教車師傅 Little Cat Driving Glasgow

👉淺色車加上招牌顏色轆軨👈
好大機會你見到我哋其中一架車🚗
👀之前有冇見過我哋？留言話我知👍

#貓仔教車師傅 #英國學車 #格拉斯哥

👉我最常被問嘅問題：👈

「師傅，我幾耐先考到牌呀❓」

通常問得呢句嘅人，
都係啱啱一分鐘之前死完第三次火。🔥

最誠實答案係：

如果我識算命，🙏
我就唔使坐你隔離踩副迫力啦。

真係冇人可以準確答到你要幾多堂。
因為學車呢樣嘢，
同你個人天份、膽量、反應，
甚至對生命嘅尊重程度都有關。

有人第一堂已經好順。
有人學到第十堂，
轉彎仲係會不自覺閉氣。😬

影響進度主要有幾樣：

• 有冇經驗
以前揸過車嘅人通常快啲。
完全零經驗嗰啲，
有時連水撥同指揮燈都分唔清，
🏜️冇落雨都會開後面水撥向後面打招呼。

• 上堂密唔密
一星期學一兩次最好。
隔幾個星期先學一次嘅人，
每次上車都似重新下載駕駛技能。

• 師傅教成點
✅好師傅會教你點樣安全揸車。
❌差嘅師傅就會教你：
考到牌先算啦，之後慢慢害人。」

• 個人節奏
有人學得快。
有人一見迴旋處，
個腦即刻：
「Loading….........」

• 額外練習
有人有屋企人陪練。
前提係你老豆唔係一路教一路講：
「以前我哋邊有咁多鏡睇㗎。」🪞

平均嚟講，
大部分人要大概50個鐘先去到考試水平。

但都係嗰句：

有人16個鐘pass。✅
有人80個鐘仲未接受到：⚠️
停車前原來真係要踩極力子。

🚗而學車通常會經歷以下階段：

第一階段：
部車死火多過你電話冇電。📱

第二階段：
開始識睇鏡，
發現原來後面真係有車。

第三階段：
學路口、迴旋處，
正式體驗英國道路版《魷魚遊戲》。

第四階段：
開始學預判其他司機做乜。
即係心理學＋防災演習。

最後階段：
mock test、穩定性，
同埋每日祈求考官今日心情正常。

不過講到底，

👉學車唔係淨係為咗pass。👈

因為你考牌只係40幾分鐘，
但你啲爛習慣可以跟你40幾年。

所以慢慢學，
穩穩陣陣，
唔好急住做「秋名山車神」。🚀

尤其你而家連泊位都仲係泊到似案發現場。🔪

其實呢啲位真係要有人慢慢教＋拆step先會順
如果你都係卡喺泊車 / 迴旋處 / 路口 到懷疑人生
我可以陪你練多幾次～唔使自己亂撞😂
#學車日常 #泊車地獄 #新手司機 #懷疑人生 #自動波都唔簡單