貓仔教車師傅 Little Cat Driving Glasgow

貓仔教車師傅 Little Cat Driving Glasgow 🚗 Driving Instructor Glasgow 🚗 廣東話 + 英文教車 🚗學車補鐘 🚗 雪藏牌補鐘 🚗 練習路線 🚗 汽車保養
⭕ ADI 教車師傅 ⭕ 英國拖頭牌照 ⭕ 20+ 年駕駛經驗

12/08/2026

🚗 點解有啲司機(貨車/巴士司機)揸幾個鐘都仲坐得好舒服？
其實，未必因為張櫈特別舒服。
好多時，只係因為坐姿啱。
最常見嘅問題有：
❌ 坐得太前
雙腳同雙手太屈，操作容易緊張，長時間揸車好快攰。
❌ 坐得太低
視線受影響，睇路冇咁清楚，對周圍環境嘅觀察都會差啲。
❌ 坐得太遠
踩腳掣同轉軚都要伸長手腳，控制冇咁自然，反應亦可能會慢。

#貓仔教車師傅

10/08/2026

🛑 點解成日要急 brake？
好多人第一時間會覺得：
「我反應慢。」

但好多時，真正原因唔係反應。
而係你望得太近。

如果你只係望住前面嗰架車，等佢煞車你先反應，自然好多時都要急踩 brake。
但如果你開始望遠啲，留意前面幾架車、交通燈、路口同整體路況，你會早啲知道將會發生咩事。
咁你就可以早少少收油、慢慢減速，而唔係最後一刻先急煞車。

#貓仔教車師傅

05/08/2026

😴 點解有啲人揸幾個鐘車，落車都仲好輕鬆？
好多人成日以為：
「因為佢經驗多。」
經驗當然有幫助，但真正嘅原因係……
佢一直都喺預判。

當你一路留意前面嘅路況、其他車輛同交通變化，你就有
更多時間作出反應。
唔使等到最後一刻先急煞車。
唔使不停加速、減速。
亦唔使一路精神繃緊。
揸車自然會順好多，亦冇咁容易攰。




#貓仔教車師傅

03/08/2026

試下想像自己有個雷達。
一路掃描：
🟢 近距離
前面架車做緊乜？
🟡 中距離
前面幾架車開始慢緊？有冇人準備轉線？
🔴 遠距離
前面交通燈轉色未？迴旋處有冇車？路況有冇變化？
當你開始好似雷達咁一路掃描，而唔係等危險出現先反應，你就會有更多時間去預判。

#貓仔教車師傅

01/08/2026

🚗 你真係識揸你部車？
有時，分別唔一定係架車。
而係司機。
好多人揸車，只係識踩油、踩 brake。
但有冇留意過：
✅ 你架車喺咩速度最舒服？
✅ 幾時引擎最安靜？
✅ 幾時開始要好辛苦先保持到速度？
如果成日急加速、急減速，又或者長時間用一個唔適合架車嘅速度行，引擎自然要做多啲嘢。
唔係叫大家揸到龜速咁慢去慳油。
而係想大家開始留意：
你真係了解自己部車嗎？

#貓仔教車師傅

27/07/2026

🚛 點解有時大貨車好似越嚟越近？
好多人第一個反應都係：
「架貨車係咪想推我？」

以前我揸三十幾四十噸拖頭，所以想分享貨車司機嘅角度。
貨車同私家車最大分別，就係重量同加速能力。
一架滿載拖頭，每次減速之後，要重新加速，需要更多時間同距離。如果前面車輛速度時快時慢，或者路況令貨車冇安全機會超車，就會令人感覺架貨車一路追近。

不過，貼得太近並唔係正確做法。 無論貨車定私家車，都應該保持安全跟車距離。

了解貨車司機點解會有某啲駕駛行為，唔係認同危險駕駛，而係希望大家都可以作出更安全嘅判斷。

#貓仔教車師傅 #英國學車 #格拉斯哥

22/07/2026

你以為考完牌就完？錯!

好多香港人以為：
只要喺英國考到牌，就代表已經識揸車。
但現實係真正挑戰開始，係你第一次自己揸出街嗰一刻。

我見過兩種好典型嘅學生：
一種係喺英國本地考牌嘅學生，
佢哋由第一日開始已經習慣英國道路規則，慢慢建立信心。

另一種係持有香港牌但未有實際英國駕駛經驗嘅學生。
佢哋好多都會發現一件事：
就算有牌，一上英國路面，仍然會覺得「全部重新開始」。

因為唔係技術問題，
而係環境完全唔同路口設計、迴旋處、速度感、甚至其他司機習慣，都同香港好唔一樣。

所以好多人會有一個共同感覺：
「我明明已經考到牌，點解仲係覺得自己係新手？」

學車唔係終點!
而係你第一次獨自面對真實道路嘅開始。
有牌，只係代表你可以開始學識「點樣喺現實入面生存」。

我教過唔少學生由「有香港牌但唔敢揸」，
到一步一步重新建立信心。

其實唔係你唔識揸，
只係你未適應呢個新環境。

#貓仔教車師傅

20/07/2026

🚛 拖頭盲點唔係固定！

你以為離開咗盲點？
其實可能啱啱入返去。

有冇其他關於拖頭或者英國駕駛嘅問題？留言話我知!

17/07/2026

其實，好多學生 fail 都唔係因為技術差。
今次想分享其中一個我最常見到嘅三大原因
1. 觀察唔夠 (望鏡唔夠)
2. 安全嘅時候太慢 (大直路可以安全行 50mph 但只係行個 40mph)
3. STOP🛑冇停定 (停定拉手掣一定唔會死)

#貓仔教車師傅 #英國學車 #格拉斯哥

Address

Glasgow

Website

,

Alerts

Be the first to know and let us send you an email when 貓仔教車師傅 Little Cat Driving Glasgow posts news and promotions. Your email address will not be used for any other purpose, and you can unsubscribe at any time.

Shortcuts

Share