Mahnianwala Azadari

Inshallah ♥️
Tamam momineen se shirkat ki istada ha 🙏🏻🤲🏻

یومِ ظہور – 20 جمادی الثانی

“🌸✨
یومِ ظہورِ سیدہ فاطمہ زہراء سلام اللہ علیہا…
آج دل خود بخود اُن فضائل کی طرف جاتا ہے
جو کائنات میں کسی اور کے حصے میں نہ آئے۔
🌺💮

بی بی زہراء سلام اللہ علیہا کا مقام…
وہ مقام ہے جس کی بلندی کو لفظوں میں نہیں گھیر سکتے۔
آپ وہ ہستی ہیں جن کی رضا، رضاے الٰہی ہے،
اور جن کا غضب، غضبِ الٰہی قرار پایا۔
🌷✨

آپ کی عبادت ایسی کہ فرشتے بھی حیرت میں کھڑے رہیں،
آپ کی طہارت ایسی کہ جس کے بارے میں آیتِ تطہیر نازل ہوئی،
آپ کی عظمت ایسی کہ رسولِ خدا ص آپ کو دیکھ کر کھڑے ہو جاتے تھے۔
🌺🌺

سیدہ کے در سے جو نور اٹھتا ہے
وہ صرف روشنی نہیں،
وہ ہدایت بھی ہے،
وہ رحمت بھی ہے،
وہ سکون بھی ہے۔
🌼💖🌼

فضائلِ زہراء میں سب سے بڑا فضیلت شاید یہ ہے
کہ اللہ نے آپ کو “کوثر” کہا…
یعنی خیرِ کثیر۔
آپ وہ سرچشمہ ہیں
جس سے ولایت، عصمت، شجاعت اور ہدایت کا دریا بہتا ہے۔
🌷✨🌷

آپ کے صبر کو زمانہ سلام کرتا ہے،
آپ کی حیا کو جنت کی ہوائیں معطر کرتی ہیں،
آپ کے اخلاق کو نبی کی زبان نے “جزء منی” کہا۔
💐💮

انسان ہر سال 20 جمادی الثانی آتا ہے
اور دل اس ایک حقیقت پر ٹھہر جاتا ہے
کہ فضائلِ زہراء کبھی ختم نہیں ہوتے،
یہ نور ہیں…
اور نور نہ بُجھتا ہے نہ تھکتا ہے۔
🌸✨🌸

یومِ ظہورِ سیدہ فاطمہ زہراء سلام اللہ علیہا
تمام عاشقانِ اہلِ بیت کو مبارک۔
🌺🌼🌺”

"غلام محمد" اصل میں "غلام حسین" تھا
ملتان میں ایک شخص گزرا ہے٬ جس کا نام غلام محمد المعروف گامو شیعہ تھا۔
گامو شیعہ کے نام سے آج بھی ایک گلی منسوب ہے جہاں اس کی رہائش تھی۔
اظہر زیدی صاحب شاہ گردیز میں کئی سال مجالس پڑھتے رہے ہیں۔
ایک سال وہ عشرہ پڑھنے آئے تو انہوں نے بانیان مجلس سے اس شخص کے بارے ذکر کیا اور اس سے ملنے کی خواہش ظاہر کی۔
گردیزی خاندان نے تحقیق کی تو پتا چلا کہ وہ اسی علاقے کا ہے بلکہ قبلہ کی مجالس سننے آتا ہے۔
گردیزی خاندان نے کہا کہ کل جب وہ آئے تو اسے روک لینا کیونکہ زیدی صاحب اس سے ملنا چاہتا ہے۔
اگلے دن گامو شیعہ مجلس سننے آیا تو ملازمین نے کہا کہ مجلس کے بعد یہیں رکنا٬ زیدی صاحب نے تمھیں بلایا ہے۔
اس نے بارہا پوچھا کہ وہ کیوں بلا رہے ہیں مگر کسی کے پاس کوئی جواب نہیں تھا خیر مجلس ختم ہوئی تو اسے زیدی صاحب کے پاس لے جایا گیا۔
اس نے فوراً زیدی صاحب کے پاؤں پکڑ لئے مگر زیدی صاحب نے اسے پاس بیٹھنے کا کہا۔
زیدی صاحب نے نام وغیرہ پوچھا اور کہا کہ میں آپ کے گھر مجلس پڑھنا چاہتا ہوں۔
اس نے کہا قبلہ میرا تو چھوٹا سا گھر ہے٬ آپ کیوں تکلیف کرتے ہیں مگر زیدی صاحب نے کہا کہ کوئی مسئلہ نہیں میں مجلس وہیں پڑھوں گا٬ آپ تیاری کریں میں کچھ دیر تک وہاں آ جاؤں گا۔
زیدی صاحب وہاں پہنچے تو گھر اور اس کے باہر جم غفیر تھا٬ لوگ دیواروں اور چھتوں پر بیٹھے تھے۔
زیدی صاحب نے اس وقت دس روپے دیئے کہ اس کی کوئی نیاز خرید لیں٬ جس کے اس وقت پھلے خریدے گئے جو بوری میں لائے گئے۔
زیدی صاحب نے دوران مجلس کہا کہ آپ سب متجسس ہوں گے کہ میں یہاں بطور خاص یہاں مجلس پڑھنے کیوں آیا ہوں۔
دراصل مجھے حکم ملا تھا٬ میں چند ماہ قبل زیارات پر تھا٬ کربلا میں میں نے خواب دیکھا کہ امام حسین ع تشریف لائے ہیں اور انہوں نے کہا کہ تم جب شاہ گردیز مجلس پڑھنے جانا تو ہمارے گامو شیعہ کے گھر بھی مجلس ضرور پڑھنا لہذا میں یہاں حکم کی تعمیل کرنے آیا ہوں۔
مجلس کے بعد زیدی صاحب نے گامو شیعہ سے پوچھا کہ آپ کیا کام کرتے ہیں۔
اس نے بتایا کہ میں کھیتوں میں محنت مزدوری کرتا ہوں۔
زیدی صاحب نے دوبارہ پوچھا کہ اس کے علاوہ کیا کرتے ہیں۔
اس نے کہا کہ اس کے علاوہ تو کچھ نہیں کرتا۔
زیدی صاحب نے تیسری بار پوچھا کہ غور کرو٬ کچھ تو ایسا کرتے ہو گے مگر اس نے سر نفی میں ہلا دیا۔
اس دوران اس کے ایک پڑوسی نے کہا قبلہ جب محرم الحرام کا آغاز ہوتا ہے تو یہ شام کو گھر میں پڑی میز صحن میں رکھتا ہے٬ اس پر کالی چادر بچھاتا ہے اور اس کے سامنے بیٹھ کر ساری رات روتا رہتا ہے اور یہ تیرہ محرم الحرام تک یہی کرتا ہے۔

تحریر : ساجد خان صاحب

😭😭