Global Kids 港講廣

13/09/2026

今日兩場曼城市集Sale 同埋 Stockport Merseyway，希望見到大家！

📚【一本你屋企已經唔再睇嘅書，可以成為另一個小朋友嘅中文世界】

喺英國長大嘅小朋友，一日大部分時間都浸喺英文環境。
學校、朋友、電視、圖書館，甚至日常生活，英文幾乎無處不在。對唔少香港家庭嚟講，中文閱讀反而要刻意「留返一個位置」。
但我哋一直相信——
*中文唔應該只係一堂課，而係可以由故事、閱讀、文化同生活慢慢累積。* 📖

正如我哋之前分享過，閱讀唔單止係學識更多中文字，更可以幫小朋友接觸故事、理解文化、培養思考，同時建立同自己家庭背景之間嘅連結。
尤其對海外成長嘅小朋友，一本中文童書，可能就係佢哋少數可以自然接觸中文嘅機會。
所以值呢個機會，我哋想做一件好簡單、但我哋覺得好有意義嘅事：

🌱 *徵集二手繁體中文兒童書及繪本！*
如果你屋企有：
📚 小朋友已經睇完、而家放喺書架積緊塵嘅繁體中文童書
📖 適合兒童閱讀嘅中文故事書／繪本
🏮 可以介紹香港、廣東話或中華文化嘅兒童讀物

我哋會將合適嘅書整理後，用於：
✨ Global Kids 中文班學生免費閱讀
✨ 日後香港文化推廣活動
✨ 親子活動及文化教育用途

希望令一本本已經完成使命嘅童書，可以再次「出發」，去到另一個小朋友手上。

# # # 📍 徵書地點
大家可以於以下 Global Kids 中秋活動地點直接交收：
🌕 *5 Sep｜Urban Garden Mid-Autumn Festival*
Goldsmiths, University of London, 8 Lewisham Way, London SE14 6NW

🌕 *12–13 Sep｜Merseyway Shopping Centre*
Merseyway Shopping Centre, Stockport SK1 1PD

🌕 *13 Sep｜Sale「中秋好香港」市集*
Stanley Square & School Road, Sale, M33 7ZZ

🌕 *18–20 Sep｜Leeds Corn Exchange*
Call Lane, Leeds LS1 7BR

🌕 *25–26 Sep｜Sheffield Workshop*
16 Suffolk Road, Sheffield S2 4AG

🌕 *26 Sep｜Sutton Library*
Sutton Central Library, SM1 1EA

🌕 *27 Sep｜Media City*
Kargo MKT, Quayside Media City, Salford M50 3AG

📚 *如果你手上有適合小朋友閱讀、而自己已經唔再需要嘅中文書，歡迎帶過嚟俾我哋。*

一本書，可能只係你書架上其中一本；
但對另一個喺英國長大、努力認識中文同香港文化嘅小朋友嚟講，可能就係一個新故事嘅開始。❤️

12/09/2026

【中文教育眼｜字都唔識寫，真係考到GCSE 中文？】

有啲家長一開始已經諗住：唔考喇，因為小朋友中文太弱。

平時喺屋企，佢已經會同爸爸媽媽講幾句英文；認同寫中文字就更加無。尤其係住喺英國，小朋友日常主要用英文讀書、同朋友溝通，中文可能只係喺屋企先接觸到少少。家長自然會擔心，與其花時間準備一科信心不足嘅語言科，不如將時間留返畀其他較有把握嘅 GCSE 科目。

對呢類家長嚟講，佢哋未必會進一步諗：「如果報 Higher，會唔會太進取？」因為喺佢哋眼中，小朋友連基本中文都未掌握好，Higher 根本係一個離自己好遠嘅選項。

有啲小朋友雖然再唔係喺香港讀書，或者根本就在英國出世，但因為爸爸媽媽來自香港，屋企仍然有一定嘅廣東話環境。小朋友平時會同父母講嘢、聽親戚講廣東話，又或者透過網上同公公婆婆視像而接觸中文。不過，能夠聽明白或者講幾句廣東話，並唔代表已經可以掌握漢字、閱讀文章，或者寫出完整嘅中文句子同段落。

呢個就係好多英國香港家庭面對嘅語言困局：

．屋企用廣東話，但學校主要用英文；
．聽已經少，講就更少，讀與寫全無；
．有中文語言環境，但接觸時間有限，而且未必有系統咁學習；
．認識一部分日常詞語，但未必熟習書面語；
．小朋友對中文興趣不大，或者有興趣但無心機讀。

其實中文能力較弱，唔代表小朋友就一定唔適合向 GCSE 中文進發。家長可以考慮先安排小朋友由 Foundation Tier 程度嘅課程開始，慢慢建立認字、詞語及口語表達能力，閱讀同寫作可以下一步。即使小朋友年紀仲細，例如 8-10 歲左右，即英格蘭學制嘅 Year 4-6，都可以先以 Foundation 程度作為學習起點，唔需要一開始就以 Higher 作為目標，更加唔代表要喺呢個年紀應考 GCSE。

之後，家長可以按照小朋友嘅進度，定期觀察佢嘅中文水平，例如認字量、閱讀理解、作句、口語表達及應付陌生問題嘅能力。同時，亦可以參考我哋老師喺課堂及評估中對小朋友嘅觀察和建議，再決定日後應該繼續 Foundation，定係逐步轉上 Higher Tier。換句話說，Foundation 可以係一個起點，而唔係終點；小朋友先打好基礎、建立信心，日後有能力時再挑戰 Higher，通常會比一開始勉強追趕 Higher 更穩妥。

其實 Foundation 同 Higher Tier 有咩具體分別？

作為深耕 Pearson Edexcel GCSE 中文科多年的教育組織，我哋 Global Kids 港講廣準備了一份家長指南，除了介紹 Foundation 同 Higher Tier 分別，亦附加讓家長自行判斷之十項自我評估準則，以供免費索取。如果你關心GCSE中文、希望了解兩者之間深入對比及語言上要求，我們將於日後文章內以一一以實例講解，敬請留意。歡迎閱讀我哋喺過往一年撰寫多篇如何用繁體(正體)及廣東話備考 GCSE 中文文章，閱後請予以寶貴意見，教學相長。

免費索取家長指南方法：Global Kids 港講廣 facebook 或 Instagram 專頁 「字都唔識寫，真係考到GCSE 中文？」一文留言關鍵字「GCSE Foundation」。

本文內容僅供參考，個別課程安排及應考建議會因應小朋友嘅實際情況而不同。本文已參考 Pearson Edexcel 考試局現時考評細節、口語評核接受語言詳情、各 tier 具體要求撰寫，如有差異，請以該考試局最新公布嘅課程綱要作準。

作者：Global Kids 港講廣

我哋嘅團隊由全球包括香港、英國、加拿大同澳洲教育界人士組成，致力用廣東話教授2歲以上嘅海外細蚊仔 / 細佬哥以及成年人士學中文，傳揚香港精神、中華文化與當地文化知識與對照。課程包括廣東話中文班、GCSE中文班及Cantonese for Beginners班。

#中文學習 #中文教育眼 #在英港人 #學中文 #廣東話 #海外港人 #社群園地

12/09/2026

【中文教育眼｜分享比家裏小朋友6個中秋節 fun facts（上篇）——連免費工作紙】

海外香港人屋企過中秋，最大難題唔係買唔到月餅，而係「小朋友無興趣、外國同學冇聽過」。呢篇文章用 6 個趣味冷知識，按小朋友年齡由細到大排列，由 3 歲柚子皮小手作到 16 歲月餅口味演化史，等爸爸媽媽唔使再為「今年中秋講咩好」而傷腦筋。

1 ｜豬籠餅：被關入監獄嘅小小麵包豬（適合 2–5 歲）

香港舊式餅店有一款豬籠餅 ，又稱豬仔餅 ——做月餅剩低嘅麵團焗成細餅，造型係肥嘟嘟嘅小豬，仲畀關咗入五顏六色嘅塑膠細籠入面。小朋友一望到或者會嗌：「小豬畀人捉咗入籠！好慘呀！」

2 ｜大坑火龍降妖記（適合 3–7 歲）

140 年前大坑村爆發瘟疫，村民用稻草紮出條巨龍、插滿香火、敲鑼打鼓嚇走妖怪——小朋友聽到會即刻接嘴：「嗰隻怪獸叫咩名？我可唔可以養佢？」

3 ｜Häagen-Dazs 雪糕月餅：月餅界嘅偽裝大師（適合 5–10 歲）

外表刻住靚靚月餅花紋，切開入面係雪糕。對部分抗拒鹹蛋黃嘅小朋友，係另類月餅。連雪糕都識扮月餅，香港係一個要食物又應節又好食嘅城市。

4 ｜柚皮小燈籠升級版：食完柚子再手作（適合 5–10 歲）

喺柚皮頂部挖一個小窿，插入 LED 茶蠟就變成天然柚子燈籠。觸覺（柚皮紋路）、嗅覺（清香）、視覺（光影投射牆）三合一感官遊戲，同時教「物盡其用」嘅環保概念。

5 ｜越韓日鄰居都過中秋（適合 5–10 歲，世界地理 + 文化入門）

越南 Tết Trung Thu 係「兒童嘅節日」，小朋友提住星星燈籠遊街；
韓國 Chuseok 全家一齊捏半月形宋粿（Songpyeon），形狀似「縮小版月餅」；
日本 Tsukimi 食月見糰子（tsukimi dango），飯糰上面壓一個蛋黃模擬月亮。 等小朋友攞張世界地圖塗鴉、標記各國「兒童版中秋」。

6 ｜月餅口味演化史 = 半部時代史（適合 12–16 歲）

等青少年打開話匣子嘅最佳切入點：

爸爸媽媽細個：得五仁同蓮蓉月，傳統月餅先焗後烤；
1989 年大班餅店首創冰皮月餅；
2000 年代之後：Häagen-Dazs 雪糕月餅、卡通造型月餅登場；
2020 年代：燕窩、榴槤、原味低糖版本月餅席捲市場。 攞張家庭口味時序圖，等青少年明白「一塊月餅就係 30 年社會變遷」。

6 個冷知識由 3 歲到 16 歲、由淺入深。希望小朋友記得月餅嘅口味之餘，仲會記得中秋有好多fun facts。

作為提倡繁體中文（正體中文）的教育組織，我哋 Global Kids 港講廣準備了三份免費「中秋親子活動包」，除了按 2–5 歲、3–7 歲、5–10 歲 分層設有三套中英對照工作紙之外，亦附加中秋遊戲、寫字/詞文練習、粵話拼音、家長小貼士同埋標準答案，仲有豬籠餅（2–5 歲之工作紙）、大坑火龍（3–7 歲之工作紙）、越韓日鄰居的中秋（5–10 歲之工作紙）介紹。爸爸媽媽可自行下載、列印、直接同小朋友一齊玩。

免費索取中秋親子活動包方法：Global Kids 港講廣 Facebook 或 Instagram 專頁「分享比家裏小朋友6個中秋節 fun facts（上篇）」一文留言關鍵字「中秋工作紙」。

註：下篇為分享比英國朋友6個中秋節 fun facts

作者：Global Kids 港講廣

我哋嘅團隊由全球包括香港、英國、加拿大同澳洲教育界人士組成，致力用廣東話教授2歲以上嘅海外細蚊仔 / 細佬哥以及成年人士學中文，傳揚香港精神、中華文化與當地文化知識與對照。課程包括廣東話中文班、GCSE中文班及Cantonese for Beginners班。

#中文教育眼 #社群園地 #中秋節 #冷知識 #海外港人 #在英港人

12/09/2026

大大小小的同學仔，只要肯學，我哋都會支援！
今次輪到小朋友仔！留言「中秋工作紙」，俾你下載 2-5歲、3-7歲、5-10歲「中秋親子活動包」，包括中英對照工作紙、遊戲、粵語拼音及特色節慶介紹

11/09/2026

今個周末，我哋會喺 Moon Festival, 同小朋友一齊親手製作小月亮！ Shopping Centre見！

This weekend, we'll be at the Moon Festival crafting mini-moons with the kids. Come join us at Merseyway Shopping Centre.

07/09/2026

新一學年的時間表，不如放埋「學好母語」入去？
Colindale 實體班，正式開課！

新生免費試堂！名額有限：

📍 Colindale 實體廣東話中文班
• 上課地點：Colindale Library
• 上課時間：逢星期六 (Saturdays)
• 班別：
• K班（適合 3-7 歲）：14:45 - 15:30
• JP班（適合 5-10 歲）：15:30 - 16:30

———————
我哋提供由2歲一步步到A-Level嘅廣東話中文班，堅持用廣東話教授「正體中文字」，循序漸進學習聽說讀寫：

👶 幼兒及小學階段
• T 幼幼班 (2-5歲)：聽指令、兒歌手工及學習獨體字
• K 幼兒班 (3-7歲)：學習短句合體字、節日文化初探
• JP 初小班 (5-10歲)：詞語句式運用、部首拆解及主題閱讀
• SP 高小班 (6-13歲)：閱讀文章及提升寫作能力

📚 中學及考試準備階段
• GCSE-FF 啟蒙班 (Foundation Tier)：初階中文輕鬆起步，建立學習自信
• GCSE-BB 啟蒙班 (8-13歲)：學習高頻字詞、建立說話信心
• GCSE-B 預備班 (11-17歲)：總結重點、演說技巧及段落翻譯
• GCSE-A 精讀班 (11-17歲)：文章寫作、邏輯論述及應試衝刺
• A-LEVEL班 (14歲-成年)：探討文學電影、高階聽說讀寫及翻譯

📲 whatsapp 了解更多 / 或直接登入網上平台報名

05/09/2026

最近接觸家長，唔係問「最早可以幾時考？」，而係問「我個仔真係仲考到？」
我哋特別準備一份《GCSE 中文考試全攻略》，內容包括：

· Foundation 同 Higher Tier 有咩分別
· Edexcel 同 AQA 嘅安排點樣唔同
· 十項自我評估準則，幫你判斷小朋友適合邊個層級

留言「GCSE Foundation」，即刻俾你！

31/08/2026

🌟 廣東話親子 Playgroup , 嚟到西北倫敦喇（TK5) 🌟
（適合2-5歲）

【專業導師帶領】
🧸NHS 註冊言語治療師親自主持： 由擁有多年英國 NHS 經驗的兒童言語治療師、來自香港既 Miss Katy 設計及帶領。
🧸 語言黃金期全面支援： 從專業兒童語言發展角度，協助家長及早建立孩子的溝通自信，並按需要提供英國本地治療及教育服務意見。

【小組核心特色】
🧸 100% 全廣東話沉浸式環境： 專為在英港人及英國本地出生華裔/港裔家庭設計，讓小朋友在全廣東話的輕鬆氛圍下建立母語語感，認識日常詞彙。
🧸家長增值「每節小貼士」： 每節特設家長互動環節，由 Miss Katy 分享「和我玩」、「和我讀」等兼具實用性與科學根據的育兒溝通技巧。
🧸建立在地互助社群： 每節長達2小時，讓小朋友玩耍之餘，家長亦能互相交流，在西北倫敦家庭建立溫暖的育兒同行圈子。

📅逢星期日 13:15-14:45 | 9月27 開課

🏫Luther Blissett Community Hub WD24 4BD

【老師介紹】 Miss Katy
👩英國註冊言語治療師暨幼兒教育工作者，在香港出生和長大，自2009年在英國居住。在港曾任暑期班小班導師，亦有管理課外活動班經驗。從2018年起任NHS言語治療師，在幼兒教育和兒童發展擁有豐富的經驗。特別熱衷於協助家長促進孩子的溝通和早期發展。工作以外，喜歡閱讀、普拉提、鉤針刺繡、旅遊和陪伴家人、朋友。

30/08/2026

Reclaiming your family’s language? Wanting to chat effortlessly with your partner? Or planning your next big career move to Hong Kong? Whatever your "why," we’ve got your "how."

What Makes Our Classes Different

• Practical Themes: Master real-life skills focused on "Family and Relationships", "Daily Conversation", and "Work Cantonese".

• Language Essentials: We cover grammar, pronunciation, identifying tones, and the right way to use slangs and final particles.

Start Your Cantonese Journey

Whether you want to order food at a Dim Sum restaurant, learn common office phrases, or speak with your partner's family, our small group classes have you covered.

Stop putting it off and start speaking!
👉 Register for a FREE trial lesson today!

📲 WhatsApp us at 07547 240121 for more info!