IB Academy

Read More Books Than Netflix ♥️📚

#كتب #ثقافة #كاتب #تنميةبشرية #اقرأ #نجاح

dream,read books and watch videos..But your life will Change only when You start doing ✅⬆️

#تحفيز #تنمية #تنمية بشرية #العمل #كتب #أقوال speaker

Get Out of Your negative Circle,even if The price is to be alone ✅🚶‍♂️

أخرج من محيطك السلبي،حتى لو كان الثمن أستمرارك وحيدا ♥️🏆

هل تفكر في البدئ في مشروعك الخاص ؟🤔✅

الكل يرغب في البدأ في مجال ما،و لكن لا يقومون بذلك أبدا إما بسبب الخوف من آراء الناس أو الخوف من الفشل،لكنهم "لن يدركو أبدا ما كان ليحدث لو بدأو فعلا" ثم يعيشون في ندم طيلة حياتهم .
إبدأ الآن ! فشعور الندم أقسى بأضعاف من الفشل "المؤقت".
#تحفيز #متحدث #كتب #أكتب #لاتستسلم

موضوع رقم 3 : الامتنان
موضوع اليوم غايكون طويل مي ملي غاتكملو غاتعرف بلي يستاحق ! و ملي تكمل ماتنساش طاكي صاحبك و بارطاجي البوسط 💕😊
باغي تعرف شنو هي أقوى قوة فهاد العالم كامل و سر سعادة الانسان و سبب فزوال أي هم و التخلص من التفكير السلبي !؟ بكل بساطة هو "تقدير ما تملكه"،الGratitude او الامتنان هي من أقوى المشاعر لي ممكن تخليك تحس براحة و سعادة بشكل شبه فوري،كلنا عارفين أن الانسان هو كائن يحب التملك و عزيز عليه أنه يشوف حوايج ديالو و فهاد الحياة كاملة كاع كنسعاو أننا "نحصلو" على اشياء و نقدرو نشريو و "نمتلكو" اشياء خرين،دونك الانسان بصفة "إذا كان وادٍ من ذهب طلب الثاني" و هاد الحكمة هي سلاح ذو حدين حيت النصف ديالها ممكن يحقق ليك سعادة كبيرة و النصف ديالو غايخليك مقوقع فعالم من السلبية،النصف الاول كيما قلنها هو الانسان يحب التملك و هادشي كايجعلو فرحان،ولكن الاغلبية منا كايكونو عندهوم حوايج بزاف ديالهم مي ماكايشوفوهومش و ماحاسينش بيهم ! و ممكن هاد الاشياء يكونو فقط أمنية عند اشخاص خرين (الوالدين،الابناء،البصر،منزل،ملابس،الحصول على تعليم ...) مي الحاجة لي خاصاك باش تحس بقيمتهم هي "تشوف الغياب ديالهم" اي يا إما تجرب تعيش بلا بيهم ! رجع لدوك الحوايج لي ذكرت و حوايج خرين و تصور كي غاتكون حياتك بلا بيهم، او ببساطة اخويا ولا ختي سير كلس معا شي حد و سولو على شي حاجة من هادوك نتا عندك و هو لا،و شوف الطريقة باش غادي يدوي ليك عليها و كيفاش غايوصفها 💔 ! ديك الساعة غاتعرف قيمة ديك الحاجة لي عندك و فلحضة غاتحس براسك فرحان و محظوظ بديك الحاجة و لكن ماكنتيش عاطيها قيمتها.النصف الاخر من المعادلة هو "طلب الثاني"،الانسان طماع للاحسن و هادي حاجة فطرية،هي حاجة زوينة انك تطمح ديما للافضل،و لكن لا خليتي ديك الرغبة فحوايج ماعندكش تغطي على الحوايج لي عندك ! فراك هنا غادي تعيش و نتا كاتقول "كون غي كانت عندي X غانولي فرحان...نهار تولي عندي Y غادي تقاد حياتي.." و لكن للأسف كتبقى عايش فدوامة و حتى ملي غادي تحصل على دوك الحوايج غادي تنساهم حيت غاتلقى راسك كاطلب وحدين خرين و هكذا ! و السبب ديال هادشي كامل هو المجتم ديال السوشل ميديا الكاذبة لي عايشين فيه،كولشي كايلوح حياة ماعايشهاش و الباقي متبع اشخاص خرين و عايش حياتهوم و كايتمناها و ماسي ديالو !! و كايدوز عمرو هكا و فاللخر كايندم ندم كبير بزااف !
الامتنان حاجة زوينة بزااف و ممكن تبدل بزااف د الحوايج فحياتك و منظورك للحياة،كاينة حاجة بسيطة ممكن طبقها فحياتك و غاتلاحظ الفرق ! جرب فقط كل صباح كي تنوض حاول قبل ماتحل تيليفونك و ماتشوف تاحاجة..فكر ف 4 ولا 5 د الحوايج لي عندك و فرحان بيهم فحياتك و حمد الله عليهم،الاغلبية ماعارفش بلي أكثر حاجة يحمد عليها الله فديك اللحضة هي أنه "فااق" 💓 هادشي غايعطيك قوة ايجابية تبدا بيها نهارك و نتا فرحان،و مع المدة غايعطيك واحد الهدوئ فعقلك و غاتلاحظ بلي مابقيتيش كاتنفاعل و كاتعصب بزاف على اي حاجة،و الاهم ان الحمدلله من أعظم العبادات و الله سبحانه لا شافك مقدر النعم ديالو راه غايزيدك منهم ♥️
حاول طبق هادشي فحياتك و كنواعدك غاتشوف الفرق،باراكة من ماتبقى مخدوع بالتصاور فالانستاغرام و الحياة لي الاغلبية غي متصنعهاو كاتبقى تكره فحياتك حيت نتا ماعايشهاش،عطي اهمية للحوايج لي عندك و انا متأكد كي غاتقلب عليهم غاتلقاهم بزااف و حاول تعيش و نتا مستمتع بيهومو الباقي غايجي بوحدو،و لا ماكنتيش فرحان و راضي بالحوايج لي عندك مهما كانو صغار...ماعمرك غاتكون راضي مهما خذيتي ووصلتي ديما غاتكره حيت ديما غايكون لي فايتك فهاد العالم و بهاد الطريقة غاتموت و نتا عايش حياة ديال ناس خرين،و فدراسة قامت بيها طبيبة استرالية حددات اكثر انواع الندم عند الاشخاص لي قربو يموتو..كان أكبر ندم عندهوم هو أنهم ماعاشوش الحياة كيما بغاو و بقا متبعين الحياة تاع وحدين خرين كايقلدو فيهوم !! ماطيحش فالفخ و تكون تانتا بحالهم حيت الشعور بالندم على لي فات و الضعف حيت مابقاش عندك وقت و حياة وحدة لي كانت عندك فاتت...شعور مابغيتكش تعيشو 💔
محمد إبورك ✍🏻

‎الموضوع رقم 2 : الممارسة و التكرار

‎الصورة كتقول "تمارس باستمرار و تصبح أفضل"،و هادي جملة كاتشكل سر التميز ديال أي شخص كايبان ليك ناجح و فأي مجال كان،و اي واحد كاتشوفو كايدير شي حاجة حسن من الباقي تاع الناس عرف بأنه حتا هو كان واحد النهار مبتدئ كيما راك نتا فالمجال لي بغيتي تبدا فيه،ولكن بهاد السر هذا لي هو التكرار و المعاودة تاع ديك الحاجة سمحات ليه انه يولي من بين أفضل الناس لي كايديرو ديك الحاجة،و هادشي كايشمل جميع المجالات سوا فكورة،الرسم،الموسيقى،الرقص،المبيعات...الخ
‎السبب لي كايمنع الاغلبية من انه يبدا فالمجال لي بغا هو انه كايشوف راسو ماقادش يديرها بمهارة و كايقارن راسو من ناس لي واصلين و هادشي كايأدي للتحطيم ديال العزيمة ديالو،ولكن بدل ماتقارن راسك بهذاك الشخص لي دوز سنوات فداك المجال و عاود آلاف المرات باش يوصل،لا قلبتي على البدايات ديالو غاتلقاه كان غي بحالك و ممكن موفرة ليك ظروف و امكانيات حسن منو ديك الوقت،و من هاد المنطلق غاتقول بلي لا هو دارها و وصل دونك حتى انا نقد و غايعطيك قوة باش تخدم،و من هادشي غاتعرف بلي أنك يا تحطم راسك بأشخاص ناجحين ولا تآنسبيرا منهوم هو "اختيار ديالك نتا"،الاغلبية د الناس مكاتبداش حيت خايفة تبان بداك المستوى الضعيف فاللول و كولشي باغي يبدا السلم من وسطو ! الوحيد لي كايوصل للوسط و الفوق هو لي كانت الارادة ديالو قوية و داز من الدرجات اللولين تاع السلم و تحمل السخرية و الانتقاد تاع الناس،شحال من يوتوبر ضحكو عليه اول مرة هز الكاميرة و من بعد وصل،شحال من مغني طلعوها عليه و من بعد كايتسناو اغاني ديالو...الطريقة باش تولي واعر فأي حاجة كاتجي بالمعاودة يوميا يوميا و ديما خلي معاك ثلاثة د الحوايج فعقلك : اولا عمرك تقارن راسك بناس خرين ولكن قارن راسك براسك البارح واش تطورتي،ثانيا تعلم من كل خطأ درتيه حيت المعاودة كاتوريك اخطاء و منها كاتطور،ثالثا ديما فاللخر تاع كل نهار سول راسك هاد السؤال :كيفاش ممكن ندير هاد الحاجة حسن ؟! و حاول ديما طور من مهاراتك و استغل الابداع ديالك. و ديما هلي فبالك بلي "مهما بديتي صغير،بدا شي حاجة لي عندها قيمة و غاتعطي اضافة ايجابية لهاد العالم"،اللول ديما هو الصعيب و ضروري تحس براسك غادي للتحت بدل من الفوق،ولكن لا استاطعتي انك تجاوز الجزء الاول من السلم فالباقي كايكون أسهل غي صبر و كمل و آمن براسك لأن كون كل واحد فينا شاف شنو ممكن يحقق،كون ندم على كل لحضة شكك فيها براسو.
‎و ماتنساش طاكي صاحبك عندو موهبة و خصو غي يبدا ♥️💪🏼
‎🖋:محمد إبورك

هي نبتة فقط تستطيع تمزيقها دون جهد يذكر،لكنها اخترقت ما لا تستطيع أنت اختراقه !
ليس بسبب قوتها،بل بسبب "استمرار ها في النمو كل يوم"
لا يهم مدى ضعفك ما دام اصرارك على النجاح قويا 💪🏼♥️

‎قرا لي لتحت غايعجبك بزاف ! و ماتنساش تبارطاجي ♥️🙏🏻
‎الموضوع 1 : السفر 🌍
‎بروكسيل بلجيكا 🇧🇪
‎هذا أول سفر ديالي خارج فرنسا،ولكن ماغاندويش عليه بالظبط حيت مكانش من النوع د السفر لي عزيز عليا و لي كانخرج على قبلو،ولكن غاندوي على السفر عامة و شنو فائدتو و علاش بالضبط كاينصح بيه في مرحلة مبكرة من حياتك.بطبيعة الحال كل واحد فينا عندو داك الحلم ديال أنه يدور العالم و يسافر لشي بلايص و دول زوينين و لكن للأسف هادشي كايبقى بالنسبة ليه حلم فقط ! و لكن ملي كتسول على السبب ديال هاد الرغبة تاواحد ماكايعطي الجواب الصحيح و غالبا كتكون هاد الرغبة نتاج عن كره للبلاصة لي فيها ولا بسباب الظغط د المدرسة و الخدمة،او فقط كايشوف الناس فأنسطا مسافرين و كايتخيل راسو تاهوا تما. و لكن السفر و الهدف الجوهري منو ماعندو علاقة لا بالبلاصة و لا الدولة و الجمال ديال ديك البلاصة،قدمyyا متعلق بالناس لي كتلاقى و القصص لي كتسمع و ديك الانسبيراسيون لي كاتجيب معاك،و الاهم من هادشي كامل هو دوك اللحضات تاع الوحدة (من الافضل تسافر بوحدك)،دوك اللحضات لي كتبقى فيهوم مع راسك غادي ولا كالس فبلاصة مكاتعرف فيها تا حد و ماعارفش اش غايطرى،هنا كتكون خرجتي من أكبر فخ و أكبر عدو ضد النجاح ديالك و هي منطقة الراحة لي ولفتي تعيش فيها فراحة او بالاحرى كتوهمك انك فراحة بحيث أنك كتبقى بلاصتك و ماكادير حتى شي حاجة لي تزيد بيك للقدام،و ملي كتخرج من هاد الفخ عقلك كايولي قادر انه يسول أسئلة بزاف على حياتك و شنو كادير و على احلامك و مستقبالك و بزاف د الحوايج و هاد الاسئلك مايمكنش يجيوك و نتي ملهي فمنطقة الراحة ديالك لي هي الدرب ديالكم و الصحاب و القراية...و بهكذا كتبدا فعلا تقلب على اجوبة و كاتبدى تعرف على راسك كثر و الشخص الحقيقي لي مخبي وسط منك و الاهم هو تلقا الهدف علاش انك جيتي لهاد الدنيا،حيت فالحياة كنآمن بلي الانسان عندو يوماين هوما أهم النهارات فحياتو،هوما “النهار فاش كايتزاد و النهار فاش كايعرف علاش تزاد” و بوجود هدف فالحياة كتكون لحياتك معنى كتعيش على قبلو و بغيابو كتكون حياتك بدون معنى و كتبدا دخل فالاكتئاب و كايوصل الحد للإنتحار بعض المرات،مكانقولش بلي السفر بوحدو ولا السفر مرة وحدة ممكن يبدل حياتك،ولكن السفر لأي بلاصة كانت ماحدك كتعيش فيها هاد التجارب كيكون خطوة مهمة فمسار البحث ديالك على الحياة لي نتا باغي تعيشها و تخرج ديك الهوية الحقيقية ديالك !
‎دونك بلا ماتبدا تدير اعذار بالبلاصة و او لفلوس و بدا تقلب على تجارب لي غايخليوك تعيش حياتك بنظرة جديدة لراسك و للدنيا 🌍
‎بقلمي 📝