Mademoiselle May

Coucou 🫧🇫🇷
သတင်းကောင်း Vs. သတင်းဆိုး

ဒီရက်ပိုင်းမှာ တော်တော်များများတော့ သိပြီးကြပြီး ဖြစ်လောက််မယ့်သတင်းကောင်းလေးကတော့ လာမယ့် မေလ ၄ရက်နေ့ကနေစပြီး CROUS resto တွေမှာ နေ့လည်စာ/ ညစာကို ပြင်သစ်က ကျောင်းသားတိုင်း (၁)ယူရို နဲ့ စားလို့ရပြီဆိုတဲ့ အကြောင်း လေး ပဲ ဖြစ်ပါတယ်။

အရင်ကဆို scholarship ကျောင်းသားတွေတို့၊ ထောက်ပံ့ကြေးလျှောက်ထားသူတွေတို့ကိုပဲ 1€ နဲ့ ရောင်းပေးရာကနေ အခုဆို ပြင်သစ်က ကျောင်းသားတိုင်း 1€ per meal ဖြစ်သွားတာပါ။

သတင်းဆိုးအနေနဲ့ကတော့ ပြင်သစ်မှာ international students တွေပါ လျှောက်လို့ရတဲ့ CAF ကနေ ပေးတဲ့ APL အိမ်လခထောက်ပံ့ကြေးတွေကို self-funded non-European students အနေနဲ့ June လကုန်ထိပဲ ရတော့မှာဖြစ်ပါတယ်။ ကိုယ်က scholarship ရထားတဲ့ ကျောင်းသားဆိုရင်တော့ ဘယ်နိုင်ငံသားပဲ ဖြစ်ဖြစ် APL ဆက် ရ နေဦးမှာပဲ ဖြစ်ပါတယ်။

Personally ကတော့ CROUS မှာ 1 euroနဲ့ စားလို့ ရသွားတာ ကောင်းတယ်ဆိုပေမဲ့ ကိုယ်ကြိုက်တာ ကိုယ်တိုင် ချက်စားတတ်တဲ့သူအဖို့တော့ အရမ်းကြီး စိတ်လှုပ်ရှားရလောက်တဲ့ ပျော်ရွှင်မှုမျိုးတော့ ဟုတ်မနေပါဘူး။ ကျောင်း cafeteria က အစားအစာဆိုတော့ နေ့တိုင်းလည်း မစားနိုင်တာလည်း ပါတာပေါ့နော် (သူတို့ချက်ထားတာအများစုက စားကောင်းချင်တဲ့အချိန်ကောင်း၊ အချို့အချိန်တွေမှာ စားလို့ လုံးဝမကောင်း 🫠)။ အဲ့တော့ 1euroပဲ ပေးရပေမဲ့ အမြဲ သွားစားဖြစ်မှာ မဟုတ်တော့ က်ုယ့်အတွက်တော့ ထူးပြီး ငွေကုန် သက်သာတာမျိုး မရှိသလောက်ပါပဲ။

APL မရတော့တဲ့ ကိစ္စကတော့ တော်တော်လေးထိပါတယ်။ အိမ်ခန်းကနေ မဖြစ်မနေငှါးရတဲ့ကိစ္စလည်းဖြစ်တယ် flat sharing ဆို တစ်လကို €100-€150 ပြန်ရနေကျကနေ မရတော့မှာ ဆိုတော့ wallet ကို အနည်းနဲ့အများ တော့ လာထိခိုက်ပါတယ်။

နောက်စာသင်နှစ်ကနေစပြီး ပြင်သစ်နိုင်ငံပညာရေးမှာ အပြောင်းအလဲတွေ အများကြီး ရှိလာဖို့ရှိပါတယ်။ ပုံမှန် public universities တွေမှာလည်း Licence အတွက် 170€ နဲ့ Master အတွက် 243€ သာ ပေးရရုံကနေ နောက်နှစ်ကစပြီး non-European students တွေက Licence ကို 2895€ နဲ့ Master ကို 3941€ အသီးသီး ပေးရတော့မယ်ဆိုတဲ့ သတင်းတွေလည်း ရှိနေပါတယ်။

ဒါကြောင့်မို့ ပြင်သစ်မှာ ကျောင်းတက်ဖို့ ပြင်ဆင်နေတဲ့ သူများ အနေနဲ့ ငွေကြေးပိုင်းကို အရင်ကထက် ပိုအလေးပေးပြီး ပြင်ဆင်ထားဖို့ လိုကြောင်း အကြံပြုလို ပါတယ်ရှင့်

အားလုံးရော ဘယ်လို သဘောထား အမြင်လေးတွေ ရှိလည်း ဝေမျှပေးသွားကြပါဦးရှင်

✨Bisous May💋🇫🇷

Coucou 😇 Université Rennes 2 မှာ လာမယ့် September မှာ စမယ့် french language diploma အတွက် registration တွေ စဖွင့်နေပါပြီနော်

Deadline က June လ (၁) ရက် နေ့အထိပါ🥳

Required documents:

✅One ID

✅Certified diplomas translated by a sworn translator attesting that you meet the conditions required to enter university in your home country (the equivalent of the French baccalauréat and for countries like Japan, the certificate of admission to university), accompanied by the original

✅A french level certificate (TCF, DELF/DALF, DU, TEF). If you do not have a french level certificate, you will receive, at the beginning of the registration process, the informations to pass an online language test so we can determine the class level that is best suited for you.

အသေးစိတ်ကို CIREFE website မှာ သွားရောက် ကြည့်ရှုနိုင်ပါတယ်

#မြန်မာ

ချဉ်ပေါင်ကြော်👩‍🍳🍽️

🇫🇷 ပြင်သစ်မှာ မြန်မာပြည်က ချဉ်ပေါင်ကြော် လွမ်းနေရင် "Oseille" ရှိတယ်နော်

ချဉ်ပေါင်ကြော်ကို 5kg-10kg လောက် မြန်မာပြည်က မှာစားတဲ့ သူငယ်ချင်းအကြောင်းကြားပြီး ကျမသွေးတက်လို့ Europe မှာပဲ ချဉ်ပေါင်ကြော်စားလို့ ရကြောင်းလေး ပြောပြချင်လို့ပါ😋😋

ပြင်သစ်ကိုရောက်နေတဲ့ မြန်မာတွေအဖို့ အလွမ်းဆုံးဟင်းတွေထဲမှာ "ချဉ်ပေါင်ကြော်" ကလည်း ထိပ်ဆုံးမှာ ပါနေမှာ သေချာပါတယ်။ မြန်မာပြည်ကနေ အခြောက်တွေ၊ အထုပ်တွေ တကူးတကာ မှာနေစရာမလိုဘဲ ပြင်သစ်မှာတင် အလွယ်တကူဝယ်လို့ရတဲ့ Oseille အကြောင်းလေး ပြောပြချင်ပါတယ်။

ပြင်သစ်မှာ အနေကြာတဲ့ မြန်မာအန်တီတွေက Oseilleလေးလက်ဆောင်ပေးလို့ Mayလည်း သိလာတာပါ။

🌿 Oseille ဆိုတာ ဘာလဲ?
အင်္ဂလိပ်လို Sorrel လို့ခေါ်ပြီး ပြင်သစ်လို Oseille (အိုဇေးလ်) လို့ ခေါ်တဲ့ ဒီအရွက်ဟာမြန်မာပြည်က ချဉ်ပေါင်ရွက် (Roselle leaves) နဲ့ အရသာ ချွတ်စွပ်တူပါတယ်။

အရွက်ကတော့ ချဉ်ပေါင်ရွက်လို ပုံစံ မဟုတ်ဘဲ ဟင်းနုနွယ်ရွက်နဲ့ ခပ်ဆင်ဆင်တူပါတယ်။ ဒါပေမဲ့ ချက်လိုက်ရင်တော့ ချဉ်ပေါင်ရွက်အတိုင်း ပျော့ဖတ်သွားပြီး အရသာကလည်း ခွဲမရအောင် တူပါတယ်။ သူက ချဉ်ပေါင်ရွက်ထက် ပိုပြီး နူးညံ့ပါတယ်။

🛒 ဘယ်မှာဝယ်လို့ရလဲ?

ပြင်သစ်က Supermarket တွေ marché တွေမှာ နွေဦးကာလ အခုလို ဧပြီကနေ နိုဝင်ဘာလလောက်ထိ ဝယ်လို့ ရတတ်ပါတယ်။ အရွက်လတ်လတ်ဆက်ဆက် ဝယ်မရရင်လည်း frozen Oseille အထုပ်တွေ Picard မှာရှိပါတယ်။ fresh နဲ့ frozen အရသာက အရမ်းမကွာပါဘူးရှင်။

ကျမသူငယ်ချင်းလိုပဲ တခြားသူတွေလည်း အပင်ပန်းခံမှာမနေရအောင်လို့ ပြင်သစ်မှာပဲ "Oseille" ရှာဝယ်ကြည့်ဖို့ တိုက်တွန်းပါရစေနော်။

စျေးလည်းသက်သာသလို အချိန်လည်း စောင့်စရာမလိုတာပေါ့။
နောက်တစ်ခါ မြန်မာပြည်က ပါဆယ်မှာရင် ချဉ်ပေါင်ရွက်အစား ဒီမှာရှာမရတဲ့ တခြားအရာလေးတွေပဲ ပြောင်းမှာကြတော့နော် 😇🌿✨

✨Bisous May💋🇫🇷

#မြန်မာ #ချဉ်ပေါင်

Coucou ✨ 🇫🇷
Longtemps sans nouvelles👉👈

ပြင်သစ်မှာ Language ကျောင်းတက်ရင်း အလုပ်သင် (Internship) ဆင်းလို့ရလား? 🇫🇷✨

May တစ်ယောက် Pageမှာ active မဖြစ်တာ အရမ်းကြာသွားတဲ့ အကြောင်းရင်းကတော့ ကျောင်းရယ်၊ အလုပ်ရယ်အပြင် internship ပါ လုပ်နေလို့ပါ။

French language diploma (DUEF) က ပုံမှန် bachelor’s/ master’s ကျောင်းသားတွေနဲ့ အလုပ်လုပ်ခွင့်တွေ visa status တွေ အတူတူပဲလို့ ပြောခဲ့တာ မှတ်မိကြမယ် ထင်ပါတယ်နော်။ part-timeဆိုရင်လည်း နာရီ ၂၀ လုပ်ခွင့်ရှိသလို internship (stage)လည်း ကိုယ်ရှာရရင် ရသလို လုပ်လို့ရပါတယ်။

လူအများစုက Language တက်ရင် ဗီဇာရရုံပဲ၊ ကျောင်းတက်ရရုံပဲလို့ ထင်ကြတာ။ တကယ်တော့ မဟုတ်ပါဘူး! ❌
DUEF ကျောင်းသားဟာ Bachelor/Master ကျောင်းသားတွေနဲ့ Rights & Status အတူတူပဲ ရပါတယ်။
✅ ဘာတွေလုပ်လို့ရလဲ?
1. Part-time Work: တစ်ပတ် နာရီ ၂၀ တရားဝင် အလုပ်လုပ်လို့ရတယ်။
2. Internship (Stage): ဒါက လူသိနည်းတဲ့အချက်ပါ။ ကိုယ့်ဘာသာရှာနိုင်ရင် Internship ပါ ဆင်းလို့ရပါတယ်။

Mayလည်း အရင်က DUEFတက်နေရင်း internship လုပ်လို့ရမှန်းမသိခဲ့ဘူးရယ်။ ကျောင်းကလည်း အဲ့အကြောင်းတွေသေချာမပြောပြထားဘူး။ ကိုယ်တိုင်ပဲ internship လျှောက်ကြည့်ရင်းနဲ့ offer ရတော့ internship organisation က Université Rennes 2 အနေနဲ့ convention de stage (internship contract) ထုတ်ပေးမှပဲ တရားဝင် intern ခန့်လို့ရတာပါဆိုမှပဲ ကျောင်းမှာအသည်းအသန်လ်ိုက်မေးမှ DUEF တွေလည်း အခြားကျောင်းသားတွေလိုပဲ internship လုပ်လို့ရကြောင်း သိလာတာပါ။

ပြင်သစ်မှာက ကိုယ့်ကို hireလုပ်မယ့် internship organisation တွေက convention de stage (internship contract) တောင်းကြပါတယ်။ ကိုယ့်အနေနဲ့ ကိုယ့်ရဲ့ကျောင်းကနေ convention de stage တောင်းလို့ရလား ၊ eligible ဖြစ်လားအရင်ကြည့်ပြီး အားလုံးအဆင်ပြေတယ်ဆိုမှ internship အတွက် approved ဖြစ်တာပါ။ ကျမအခုလက်ရှိတက်နေတဲ့ Rennes 2မှာတော့ language diploma ပဲနေနေ၊ bachelor’s/master’s တို့လို full cycle programsတွေပဲဖြစ်ဖြစ် ကျောင်းသားတွေက အခွင့်အရေးတန်းတူပါ။ DUEF ကျောင်းသားတွေကိုလည်း Université Rennes 2 ကနေ convention de stage အတွက် တရားဝင်ခွင့်ပြုပေးပါတယ်။ အခြား public universities တွေလည်း အလားတူပဲ ဖြစ်မယ်လို့ ယူဆပါတယ်။

ကျမကတော့ လက်ရှိ Private International Primary School တစ်ခုမှာ English teacher အနေနဲ့ internship လုပ်နေတာပါ။ part-time/ full-time working hours ဘာညာကတော့ သက်ဆိုင်ရာ internship organisation နဲ့ အရင်ညှိပြီး ကျောင်းဘက်ကိုလည်း တင်ပြပြီး ခွင့်ပြုချက်ယူရပါတယ်။

အတိုချုပ်အနေနဲ့ကတော့ French languageတက်နေရင်းလည်း လုပ်လို့ရတာတွေအများကြီးရှိပါတယ်၊ visaရရုံသီးသန့် မဟုတ်ပါဘူး။ ကျောင်းတွေကတော့ internship အဆင်သင့်ရှာပေးတာမျိုး မရှိပါဘူး။ ကိုယ့်ဘာကိုပဲ ရှာရတာပါ။ ကိုယ်က french language တက်ပြီးလို့ master’s တက်ချင်တာပဲဖြစ်ဖြစ်၊ full-time အလုပ်ရှာချင်တာပဲဖြစ်ဖြစ် language တက်နေတဲ့အချိန်အတွင်းမှာ internship လုပ်ထားတာက ပြင်သစ် job market ထဲလှမ်းဖို့ အစပြုနေတဲ့အချိန်မျိုးမှာ သူများတွေထက် ခြေတစ်လှမ်းသာစေမယ့် moveတစ်ခုပါလို့ ပြောချင်ပါတယ်ရှင်

✨Bisous May💋🇫🇷

အခုလက်ရှိဖွင့်နေပြီဖြစ်တဲ့ Semester 2 အတွက် ကျောင်းလျှောက်ကြတဲ့သူတွေ (၄)ယောက်မှာ တစ်ယောက်ပဲ visa ရခဲ့ပါတယ်။ မြန်မာက (၂)ယောက်၊ ဘန်ကောက်က (၁)ယောက်နဲ့ ကူဝိတ်က (၁)ယောက် အသီးသီးလျှောက်ကြတဲ့ထဲမှာ ဘန်ကောက်က တစ်ယောက်ပဲ visaရခဲ့ပါတယ်။
ဆိုတော့ တစ်ယောက်ချင်းစီရဲ့ ပညာရေးနောက်ခံ၊ ငွေကြေးနဲ့ အသက်အရွယ်လေးတွေအရ နှိုင်းယှဉ် ကြည့်ကြရအောင်ရှင်

အခုရေးထားတဲ့အကြောင်းအရာက ကျမရဲ့ တစ်ဦးတည်း အမြင်အရ ရေးထားတာပါ။ visa expert မဟုတ်သလို၊ visa လည်း လျှောက်မပေးပါဘူးရှင့်။ စာလေးတော့ အနည်းငယ်ရှည်ပါမယ်နော်။ ဒါမှလည်း အခြေအနေလေးတွေ သေချာ နားလည်ပြီး အထောက်အကူ တစ်ခုခု ရသွားစေချင်လို့ပါ။

ကျောင်းသူတွေကို အောက်ပါအတိုင်း သူတို့ဗီဇာလျှောက်ခဲ့တဲ့ နေရာ အလိုက် နာမည် ပေးထားပါမယ်နော်
၁။ မြန်မ (၁)
၂။ မြန်မာ(၂)
၃။ ဘန်ကောက်
၄။ ကူဝိတ်

မြန်မာ(၁)၊ မြန်မာ(၂) နဲ့ ကူဝိတ် တို့က အသက်အရွယ်အားဖြင့် (၂၂) ကနေ (၂၅)နှစ်ကြား ရှိကြပါတယ်။ ပညာနောက်ခံအနေနဲ့က bachelor’s မပြီးသေးတဲ့ အနေအထားတွေပါ။ မြန်မာ (၁) နဲ့ ကူဝိတ် တို့က B1 level နဲ့ French language diploma လျှောက်ခဲ့ကြတာပါ။ မြန်မာ (၂)ကတော့ B2 level နဲ့လျှောက်ခဲ့တာပါ။

ဘန်ကောက် ကတော့ အသက်အရွယ် အားဖြင့် (၃၂) ရှိနေပြီး ပညာရေးကတော့ bachelor’s တစ်ခုရထားပြီး master’s တစ်ခုလည်း ပြီးခါနီး အခြေအနေရှိပါတယ်။ ဘန်ကောက် က လည်း B1 level နဲ့ပဲ French language diploma ကို လျှောက်ခဲ့တာပါ။

Visa denial reason မှာ weak financial situation ကြောင့်ဆိုတာ ကူဝိတ် တစ်ယောက်မှာပဲ ပါလာပါတယ်။ ကူဝိတ်က အသက် (၂၅)ဝန်းကျင်၊ အလုပ်လုပ်နေတာ ဖြစ်ပါတယ်။ သူက financial proof အနေနဲ့ ယူရို (၁၁၀၀၀) ဝန်းကျင် ပြခဲ့ပါတယ်။ အခြား (၃)ယောက်ဖြစ်တဲ့ မြန်မာ(၁)၊ မြန်မာ(၂) နဲ့ ဘန်ကောက်တို့လည်း ပမာဏ မတိမ်းမယိမ်း ပြခဲ့ကြပါတယ်။

သို့သော် မြန်မာ(၁)၊ မြန်မာ(၂) နဲ့ ဘန်ကောက် တို့က သူတို့နေထိုင်ရာ နိုင်ငံတွေမှာ အခွန်တရားဝင်ဆောင်ပြီး အလုပ်လုပ် နေတာမျိုး မရှိပါဘူး။ (၃)ယောက်လုံးက students တွေပဲ ဖြစ်ပါတယ်။ သူတို့ (၃)ယောက် အနေနဲ့ bank total balance, bank statements with transactions (3)လ စာ ပြရုံနဲ့ လုံလောက်ခဲ့ပါတယ်။ ကူဝိတ် ကတော့ အလုပ်လုပ်နေတဲ့ status ဖြစ်တဲ့အတွက် bank statement တွေအပြင် salary pay slips တွေပါတင်ရပါတယ်။ အဲ့အခါမှာတော့ ကူဝိတ် ရဲ့ လစာက လစဉ် €450 လောက် ရပါတယ်။ ဆိုတော့ ကူဝိတ် အနေနဲ့ လစာ pay slips + bank total balance (~€11000) တင်ခဲ့တာပါ။

ဘန်ကာက်ကတော့ အားလုံး အဆင်ပြေပြီး visa ရခဲ့ပါတယ်။ မြန်မာ(၁)၊ မြန်မာ(၂) နဲ့ ကူဝိတ် တို့ကတော့ visa rejectionပါ။ Visa refusal ဖြစ်တဲ့ (၃) ယောက်လုံးမှာ purpose & condition of intended stay in France အတွက် information တွေက incomplete/ unreliable ဆိုတဲ့ reason နဲ့ အငြင်းခံရပါတယ် (Les informations communiquées pour justifier l’objet et les conditions du séjour envie sont incomplètes et/ou ne sont pas fiables.)

ကူဝိတ် ကို တော့ အပေါ်က reason အပြင် financial condition မလုံလောက်ဘူး၊ လုံလောက်အောင်ပြထားပေမယ့်လည်း အဲ့ resources တွေကို legally acquired ဖြစ်နိုင်တယ် လို့ မယူဆဘူးဆိုတာကြောင့် reject လုပ်ပါတယ်။ (Vous n'avez pas fourni la preuve que vous disposez de ressources suffisantes pour couvrir vos frais de toute nature durant le séjour en France, ou vous n'êtes pas measure d’acquérir légalement ces moyens. )

(၄)ယောက်လုံးက bank statement ဘာညာအတွက် service ယူတာတို့၊ ငှါးပြတာ ဘာညာ မလုပ်ခဲ့ကြပါဘူး။ အမှန်အကန်ပဲပြခဲ့တာပါ။ မြန်မာ(၁)၊ မြန်မာ(၂)၊ ကူဝိတ် တို့ အနေနဲ့ bachelor’s မပြီးသေးတဲ့ အနေအထားမို့လို့ study plan မှာလည်း French language (၁)နှစ်တက်ပြီးရင် ပြင်သစ်မှာ bachelor’s ဆက်တက်မယ့် အကြောင်းပဲသေချာရးခဲ့တာပါ။ ကူဝိတ် ကတော့ financial situation ကြောင့် အဓိက rejectလုပ်တယ်လို့ ယူဆ လို့ ရပါတယ်။

ရန်ကုန်(၁)နဲ့ ရန်ကုန်(၂)ကို တော့ language diploma တက်မှာမို့ပဲ reject တယ်လို့ ယူဆ ပါတယ်။

တကယ်တော့ Campus Franceကနေ မနှစ်က French language A1 level နဲ့ လျှောက်တဲ့ ကျောင်းသူ တစ်ယာက်ကို language diploma လိုမျိုး တက်ချင်တယ်ဆိုရင် minimum B1 level နဲ့လျှောက်ပြီး B2 ပြီးရင် ပြင်သစ်မှာ ပြင်သစ်လို သင်တဲ့ သက်ဆိုင်ရာ ဘာသာရပ် တစ်ခုခုကို ဆက်တက်ရမယ် ဆိုတာမျိုးပြောဖူးပါတယ်။ ဒါပေမဲ့လည်း မြန်မာ(၁) နဲ့ မြန်မာ(၂) ကတော့ သူတို့ ပြောတဲ့ အချက်နဲ့အညီ ပြင်ဆင်ထားပေမဲ့ visa မရခဲ့ပါဘူး။ ဆိုတော့ ဒီ ညီမလေးတွေလို ဆင်တူတဲ့ အခြေအနေမျိုး ရှိတယ်ဆိုရင် language သီးသန့်နဲ့ မြန်မာကလျှောက်တာ riskများနေပါတယ်။ Campus France အနေနဲ့ language language သွားတက်ဖို့ အတွက် visa လျှောက်တာကို လုံးဝ ပိတ်ထားတာမျိုးလည်းမရှိသလို၊ တကယ်လျှောက်ရင်လည်း သံရုံးအနေနဲ့ မပေးသလောက် ရှားနေပါတယ်။

အခြားနိုင်ငံတွေရဲ့ Campus France interview တွေကတော့ မြန်မာလောက် မတင်းကြပ်ဘူး လို့ ခံစားရပါတယ်။ မြန်မာကနေလျှောက်မယ် ဆိုရင်တော့ bachelor’s/ Master’s/ PhD စသဖြင့် လျှောက်တာ က visa အတွက် chance ပိုများ ပါတယ်။ များသောအားဖြင့် Campus France interview တွေမှာ ပြင်သစ်စာ ကို လက်ရှိနိုင်ငံမှာ သင်လို့ ရနေရဲ့နဲ့ ဘာလို့ ပြင်သစ်မှာ သွားသင်ချင်တာလဲ၊ သွားသင်ဖို့လိုတာလဲ ဆိုတဲ့ အချက်တွေ အဓိက မေးပါတယ်။ သေချာလေး study plan, post-study plan ပြင်ပြီး ဖြေရပါတယ်။ အဲ့လိုသေချာပြင်ပြီး ဖြေရင်တောင်မှ နိုငိငံအလိုက် visa ရနိုင်ခြေ နဲ့ စိစစ်တဲ့ အခြေအနေတွေအရ result တွေ ကွာသွားပါတယ်ရှင့်။

ဆိုတော့ ဒီ (၄)ယောက်ရဲ့ visa လျှောက်ခဲ့ပုံလေးတွေကို ဖတ်ကြည့်ရင်း ကိုယ်တိုင်အတွက် ဆုံးဖြတ်ချက် ချ တဲ့အခါမှာ အထောက်အကူပြု စေချင်တဲ့ ရည်ရွယ်ချက်နဲ့ ဝေမျှပေးလိုက်ပါတယ်ရှင်🍀

Photo မှာ တင်ပေးထားတဲ့စာလေးကတော့ မနှစ်က A1 level နဲ့ လျှောက်ခဲ့ဖူးတဲ့ ညီမလေး တစ်ယောက်ကို Campus France ကနေ reply emailလေး ပြန်ပို့လာတာလေးပါ။ reference အနေဲ့ တင်ပေးလိုက်ပါတယ်။ သူက အခုလျှောက်တဲ့ (၄)ယောက်နဲ့ မဆိုင်ပါဘူးနော် (သီးသန့် မနှစ်က အချိန်အရမ်းကပ်နေတဲ့အပြင် A1 level နဲ့ မရနိုင်မှန်းသိပေမဲ့ ကျောင်းအပ်ပြီးသား ဖြစ်နေလို့ သူ့သူ လျှောက်ခဲ့တာပါ)

✨Bisous May💋🇫🇷



#မြန်မာ

🇫🇷CIREFE ရဲ့Full-time French language course လေးက တစ်ပတ်ကို အတန်းဘယ်နှစ်နာရီတက်ရလဲမေးကြသူများအတွက် တစ်ပတ်တာ အချိန်စာရင်းလေးပြပေးထားပါတယ်

Elective (6)ခုထဲက တစ်ခုပဲယူရင်ရပါပြီ
အခြား oral group တွေကတော့ professor ခွဲပေးထားတဲ့အတိုင်း ကိုယ့် group အချိန်တက်ရုံပါပဲ
စုစုပေါင်း (၁)ပတ်မှာ (၁၈)နာရီ အတန်းတက်ရပါတယ်

ကိုယ့်အတန်းချိန်က အလုပ်ချိန်နဲ့တိုက်နေတာမျိုးရှိတယ်ဆိုရင် အလုပ်ရဲ့စာချုပ်တို့၊ အချိန်ဇယားတို့ပြပြီး အတန်းချိန်ပြောင်းတာတို့၊ အဆင်ပြေတဲ့ groupထဲ ပြောင်းတာတို့ လုပ်လို့ရတော့ အလုပ်လုပ်နေတဲ့သူတွေအတွက်လည်း အဆင်ပြေပါတယ်နော် ✅😇

✨Bisous May💋🇫🇷

#မြန်မာ