Un còp èra ua escòla qui s'aperava Calandreta...Dab en cap l'idea e la volontat d'ensenhar aus mainatges en lenga occitana (qui daubuns que pensan quasi desbrombada), Calandreta qu'espelí a Pau en 1979. A l'obertura de l'escòla qu'èran sonque un punhat de calandrons, que son adara pròche de 3000 a practicar la lenga tot dia. Au cap de 20 ans d'existir qu'èra deu noste dever de perlongar en segonda
ri aquera educacion, qu'agin los escolans la possibilitat de causir e perseguir l'ensenhament immersiu segon los principis pedagogics de Calandreta. Atau, en 1997, lo purmèr collègi Calandreta Leon Còrdas qu'obrí a Montpelhièr, seguit en 2005 peu collègi Calandreta de Gasconha." Ua pedagogia en coerencia dab la deu primariQuitament si la diferéncia d'estructura e d'organizacion deus cors hèn que la continuitat pedagogica enter primari e segondari ne va pas de lis, los adolescents que son encoratjats autant com possible a préner la paraula (vitas de classa, tribalhs en grops, proposicions e seguida de projèctes dab ajudas exterioras...). De mei, los professors qu'ensajan de favorizar autant com possible los aprentissatges transversaus. L'equipa pedagogica que tribalha en collaboracion dab lo collègi Calandreta de Montpelhièr per perpausar los utis apropriats. Un collègi a dimension umanaL'efectiu petit (30 collegians en seteme 2009, un maximum de 80 a tèrmi) permet un aprentissatge seguit, personalizat e ua mesa en practica de las nocions estudiadas. L'occitan, lenga d'ensenhament e d'escambiLos cors que son balhats en occitan, manca los cors d'anglés, de castelhan e de francés. Los documents que son autant com possible en occitan e l'equipa pedagogica qu'ei particularament atentiva a la practica de la lenga dens la vita de tot dia deu Collègi. Intervencions pedagogicas
Intervienents exteriors que pòden assegurar talhèrs dens l'encastre deu collègi, com los collegians participar au dehòra a intervencions de professionaus. Los cors d'espòrt e de dança
Los cors d'espòrt e los de dança que son dispensats dens las installacions esportivas deu collègi Jean Monnet. Los cors de matèrias generaus
Cada nivèu qu'a la soa sala dedicada, çò qui permet un encadenament seguit deus cors. L'ensenhament de la fisica quimia qu'ei dispensat dens ua sala especializada equipada. Ua pèça mei qu'ei reservada a la tecnologia e a las activitats multimèdia. La cantinaLos collegians que minjan dens ua partida de la cantina de Jean Monnet qui'us ei reservada
