20/08/2026
🌟تمام معزز ایڈہاک اساتذہ کرام کے لیے اہم اطلاع🌟
سول سیکرٹریٹ پشاور سے تصدیق کے بعد یہ اطلاع دی جاتی ہے کہ محکمہ قانون خیبر پختونخوا کی جانب سے Teachers Regularization Act, 2026 میں مجوزہ ترمیمی بل آئندہ کارروائی کے لیے خیبر پختونخوا اسمبلی میں پیش کیا جائے گا۔
مجوزہ ترمیمی بل کے اہم نکات درج ذیل ہیں:
1. موجودہ قانون میں درج الفاظ “Till the Commencement of this Act (20th September, 2022)” کو تبدیل کرکے “27 فروری 2026” کیا جائے گا۔
2. اس ترمیمی قانون، 2026 کے تحت مستقل کیے جانے والے تمام اساتذہ کو ان کی ابتدائی تاریخِ تقرری سے مستقلی (Regularization) اور Pay Protection کا حق حاصل ہوگا۔
3. تمام اساتذہ کی سینیارٹی خیبر پختونخوا Appointments, Promotions and Transfer Rules, 1989 کے Rule-17 کے مطابق ان کی ابتدائی تاریخِ تقرری کی بنیاد پر مقرر کی جائے گی۔
4. Removal from Service Act, 2025 کے تحت متعلقہ قانونی تحفظ اور دفعات ان اساتذہ پر بھی لاگو ہوں گی جو اس ترمیمی قانون کے تحت مستقل کیے جائیں گے۔
اہم انتظامی پیش رفت:
محکمہ ابتدائی و ثانوی تعلیم خیبر پختونخوا (E&S Education Department) کی جانب سے تمام 14,001 ایڈہاک اساتذہ کے تقرری احکامات سے متعلق ضروری کاغذی کارروائی مکمل کرلی گئی ہے۔
سیکشن آفیسر (Cabinet Division) کی جانب سے کابینہ اجلاس کے سرکاری Minutes تیار کرکے منظوری کے لیے ارسال کیے جا چکے ہیں۔ اس وقت محکمہ قانون، کابینہ اجلاس کے منظور شدہ سرکاری Minutes کا منتظر ہے۔ سرکاری منظوری موصول ہونے کے بعد محکمہ قانون ترمیمی بل کو حتمی شکل دے کر خیبر پختونخوا اسمبلی میں پیش کرنے کی کارروائی مکمل کرے گا۔
موجودہ صورتحال کے مطابق توقع ہے کہ محکمہ قانون آئندہ 7 سے 10 ورکنگ دنوں کے اندر ترمیمی بل خیبر پختونخوا اسمبلی کو ارسال کر دے گا۔
خیبر پختونخوا اسمبلی کا اجلاس 21 اگست 2026 سے شروع ہونے کی توقع ہے اور ابتدائی طور پر یہ اجلاس تقریباً 5 سے 7 دن جاری رہ سکتا ہے۔ اس کے بعد ستمبر کے دوسرے ہفتے میں بھی اسمبلی کا مزید 5 سے 7 روزہ اجلاس متوقع ہے۔
تمام معزز ایڈہاک اساتذہ سے گزارش ہے کہ اطمینان اور حوصلے کے ساتھ رہیں۔ ایڈہاک ٹیچرز موومنٹ خیبر پختونخوا کی قیادت متعلقہ حکام اور اداروں کے ساتھ مسلسل رابطے میں ہے اور ہماری بھرپور کوشش ہے کہ 14,001 ایڈہاک اساتذہ کی مستقلی کا ترمیمی بل جلد از جلد خیبر پختونخوا اسمبلی سے منظور ہوکر گورنر خیبر پختونخوا کے پاس منظوری کے لیے ارسال کیا جائے۔
ان شاء اللہ، آئندہ ہفتے محترم وزیرِ قانون خیبر پختونخوا جناب آفتاب عالم صاحب اور گورنر خیبر پختونخوا کے ساتھ ایڈہاک ٹیچرز موومنٹ خیبر پختونخوا کی ملاقاتیں بھی متوقع ہیں، جن میں اساتذہ کی مستقلی کے معاملے پر مزید پیش رفت کے لیے بات چیت کی جائے گی۔
ان شاء اللہ، ہماری جدوجہد جاری رہے گی اور ہم 14,001 ایڈہاک اساتذہ کے مستقل اور باعزت مستقبل کے لیے ہر ممکن آئینی و قانونی کوشش جاری رکھیں گے۔
Ali Infoz
Regards:
فیصل ممتاز برکی
صوبائی صدر، ایڈہاک ٹیچرز موومنٹ خیبر پختونخوا
For More Latest News Updates Follow Our
WhatsApp Channel 👇 https://whatsapp.com/channel/0029VaDe1pY7oQhfBFQZ0Y1l
